Сипаттама
Дәрілік затты медициналық қолдану жөніндегі нұсқаулық
Седипрокт
Саудалық атауы
Седипрокт
Халықаралық патенттелмеген атауы
Жоқ
Дәрілік түрі
Ректальдісуппозиторийлер
Құрамы
Бір суппозиторийдің құрамында
белсенді заттар: 5 мг цинкокаин гидрохлориді, 5 мг гидрокортизон,
10 мг фрамицетин сульфаты, 10 мг эскулозид;
қосымша заттар: Витепсол Н15, Витепсол Е75, Витепсол S 58, сорбитан моноолеаты
Сипаттамасы
Пішіні торпеда тәрізді, тегіс, біртекті, ақ немесе ақ дерлік түстісуппозиторийлер
Фармакотерапиялық тобы
Ангиопротекторлар. Геморрой және анальді сызаттарды емдеу үшін жергілікті қолдануға арналған дәрілер. Геморрой және анальді сызаттарды емдеу үшін жергілікті қолдануға арналған басқа да дәрілер. Басқа да препараттар және олардың біріктірілімдері.
АТХ коды C05AX03
Фармакологиялық қасиеттері
Фармакокинетикасы
Ректальді енгізгенде гидрокортизон жуан ішектен жақсы сіңеді. 90% астамы қан плазмасы ақуыздарымен байланысады. Таралу көлемі 0,3 л/кг құрайды. Метаболизмі тетрагидрокортизон және тетрагидрокортизолға дейін бауырда, бүйректе және организмнің басқа да тіндерінде жүреді. Сіңірілген дозаның 90%-ға жуығы 24 сағат ішінде шығарылады. Көп бөлігі бүйрекпен, әрі 1%-дан аздауы өзгермеген түрінде шығарылады.
Цинкокаин гидрохлорид ішектің шырышты қабығы арқылы сіңіріледі. Мардымсыз дәрежеде плазма ақуыздарымен байланысып, бауырда метаболизденеді. Бүйрек арқылы метаболиттер түрінде шығарылады. Ауыртпайтын әсеріне 15 мин соң жетеді және 2-4 сағатқа созылады.
Фрамицетин ішектің шырышты қабығы арқылы аз ғанасіңіріледі. Негізінен жергілікті әсер береді. Өзгермеген түрде нәжіспен шығарылады. Фрамицетиннің жүйелі фармакокинетикасы туралы ақпараттар жоқ. Эскулозид - кумарин тобының гликозиді, Aesculus hippocastanum L атбас талшынынан сығып шығару арқылы алынады. Оны жергілікті қолдану микроциркуляция мен қан айналымын жақсартады.
Фармакодинамикасы
Препараттың әсер ету механизмі оның құрамына кіретін компоненттерге негізделген. Гидрокортизон макрофаг және лейкоциттер функциясын бәсеңдетіп, лейкоциттердің қабыну ошағына миграциясын шектейтін кортикостероидты гормон болып табылады. Лизосомальді жарғақшалардың тұрақтануына ықпал етіп, сонысымен қабыну ошағындағы протеолитикалық ферменттер концентрациясын төмендетеді, гистамин әсеріне негізделген капиллярлар өткізгіштігін азайтады. Қабынуға қарсы, аллергияға қарсы, экссудатқа қарсы әсер етеді. Цинкокаин гидрохлориді жергілікті анестетик болып табылады және сезімтал жүйке ұштарының қозғыштығын төмендетеді. Фрамицетин - аминогликозидтер тобының антибиотигі. Грамоң және грамтеріс бактерияларға бактерицидті әсер етеді. Эскулозид Р дәруменіне жақын, капиллярлар өткізгіштігі мен үзілгіштігін азайтып, бос радикалдарды байланыстырады және вазобелсенді венатонустық әсерге ие.
Қолданылуы
- геморройда (ішкі, сыртқы, қабыну жағдайында, операцияға дейін және кейін)
- босанудан кейінгі геморройда
- анустық сызатта, анустық қышынуда
- проктиттерде, проктологиялық операциялардан кейінгі жараларды емдеуде.
Қолдану тәсілі және дозалары
Таңертең және түнге қарай ішекті босатудан кейін бір свечадан тереңдете тік ішекке енгізеді. Емдеу курсы – 10 күн, көрсетілімдері мен науқастың жағдайына байланысты.
Дозаларыорташажоғары
Бір реттік1 свеча1 свеча
Тәуліктік1 свеча2 свеча
Жағымсыз әсерлері
- неғұрлым кеңірек ауқымды бөліктердегі жергілікті тітіркену немесе қышыну
- бассүйекішілік қысымның жоғарылауы мүмкін
- гипоталамус-гипофизарлы-адреналды жүйені бәсеңдету (ұзақ емдеген кезде)
Қолдануға болмайтын жағдайлар
- препарат компоненттеріне жоғары сезімталдық
- жүктілік және лактация кезеңі
- құрамында гидрокортизон бар препарат ретінде туберкулез, зеңдік және вирустық инфекциялар кезінде қолдануға болмайды
Дәрілермен өзара әрекеттесуі
Анықталмаған
Айрықша нұсқаулар
Жоғары сезімталдық белгілері пайда бола бастаса, препаратты қолдануды тоқтату керек.
Гидрокортизонды тек тиісті проктологиялық тексеру жүргізілгеннен және диагнозы қойылғаннан кейін ғана қолданады.
Қажет болғанда Седипрокт препаратымен қатар инфекцияны емдеуге арналған басқа да дәрілер қолданылады.
Препаратты ұзақ қолданған кезде жүйелі кортикостероидты әсерінің сирек болса да дамуы мүмкін екендігін есте шығармау қажет.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: жағымсыз әсерлерінің күшеюі.
Емі: симптоматикалық.
Шығарылу түрі және қаптамасы
6 суппозиторийден алюминий фольгадан жасалған пішінді ұяшықсыз қаптамаға салынады.
1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
2-80С температурада сақтау керек.
Балалардың қолы жетпейтін жерде сақтау керек.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші ұйымның атауы және елі
Медикал Юнион Фармасьютикалс, Египет
Тіркеу куәлігі ұстаушысының атауы және елі
Медикал Юнион Фармасьютикалс, Египет
Қаптаушы ұйымның атауы және елі
Медикал Юнион Фармасьютикалс, Египет
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«Медикал Юнион Фармасьютикалс» компаниясының ҚР өкілдігі.
Қазақстан Республикасы, Алматы қ.,Марков к-сі 61/1, 3 блок, 2 қабат.
Тел.: 8 (727) 224 27 14, 8 (727) 224 27 19;
e-mail: mupkz.al@gmail.com
