Сипаттама
Дәрілік затты медициналық қолдану
жөніндегі нұсқаулық
Натрий хлориді
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инъекцияға арналған 0.9% ерітінді, 5 мл
Құрамы
5 мл ерітіндінің құрамында
белсенді зат – 45.0 мг натрий хлориді,
қосымша зат: инъекцияға арналған су 5,0 мл дейін.
Сипаттамасы
Мөлдір, тұзды дәмі бар түссіз сұйықтық
Фармакотерапиялық тобы
Басқа да препараттар. Басқа да емдік емес заттар. Еріткіштер.
АТХ коды V07AB
Фармакологиялық қасиеттері
Фармакокинетикасы
Плазма алмастырғыш зат. Натрий және хлор иондары қан плазмасында және жасушадан тыс сұйықтықта тиісінше осмостық қысымды демейтінжасушадан тыс сұйықтықтың маңызды органикалық емес компоненттері болып табылады. Препарат аз уақыт тамыр арнасында тұрақтайды және интерстициальді секторға және жасуша ішіне өте тез өтеді. Натрий хлориді енгізгеннен кейін бүкіл организмге тез таралады, елеусіз метаболизденеді. Жартылай шығарылу кезеңі 1 сағатқа жуықты құрайды. Несеппен өзгермеген түрде шығарылады.
Фармакодинамикасы
Натрий хлориді – дегидратацияда изотониялық ерітінді организмдегі сұйықтық тапшылығының орнын толтырады,плазма алмастыратын, дезинтоксикациялық және гидратациялайтын әсер көрсетеді, қышқыл-сілтілік теңгерімді қалпына келтіреді.
Қолданылуы
- дәрілік препараттарды еріту және сұйылту үшін
Қолдану тәсілі және дозалары
Дәрілік заттарды еріткеннен немесе сұйылтқаннан кейін тері астына, бұлшықет ішіне, вена ішіне. Инъекция үшін натрий хлоридін пайдаланумен дәрілік заттар ерітіндісін дайындаустерильді жағдайларда жүзеге асырылады (ампуланы ашу, шприцті және дәрілік заттары бар ыдысты толтыру). Нақты заттың ерітіндісін дайындау мақсатындағы инъекцияға арналған натрий хлоридінің мөлшерін соңғысын қолдану бойынша нұсқаулыққа немесе жағдайға байланысты дәрігер анықтайды.
Жағымсыз әсерлері
Еріткіш ретінде төмен дозаларды енгізуде жағымсыз әсерлер анықталмаған. Аса жоғары сезімталдығы болуы мүмкін.
Қолдануға болмайтын жағдайлар
Инъекцияға арналған натрий хлориді ерітіндісі, егер олардың кейбірі үшін міндетті түрде басқа еріткіш көрсетілсе, дәрілік заттардың еріткіші ретінде қолданылмайды.
Дәрілермен өзара әрекеттесуі
Натрий хлоридінің 0,9% ерітіндісі әртүрлі дәрілік заттарды еріту үшін кеңінен пайдаланылады. Кортикостероидтармен қолданылғанда гипернатриемия күшейтіледі.
Натрий хлоридінің ерітіндісін басқа гидрофильді дәрілік препараттармен араластыруға болады.
Айрықша нұсқаулар
Зақымданбаған ампулаларды ғана пайдалану керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Препарат көлік құралдарын және қауіптілігі зор механизмдерді басқару қабілетіне әсер етпейді.
Артық дозалануы
Нұсқаулықтағыеріткішпен пайдаланылатын дәрілік затқа берілген нұсқаулармен сәйкес.
Шығарылу түрі және қаптамасы
5 мл сындыру нүктесі немесе сақинасы бар шприцпен толтырылатын бейтарап шыны ампулаға құйылады.
Әрбір ампулаға заттаңба жапсырылады.
5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.
Пішінді ұяшықты қаптама медициналық қолдану жөніндегі мемлекеттік және орыс тіліндегі бекітілген нұсқаулықтармен бірге картон қораптарға салынады.
Медициналық қолдану жөніндегі мемлекеттік және орыс тіліндегі бекітілген нұсқаулықтар қаптама санына қарай топтамалық қаптамаға салынған.
Сақтау шарттары
300С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші/қаптаушы ұйымның атауы және елі
«Химфарм» АҚ, Қазақстан Республикасы, Шымкент қ., Рашидов к-сі, 81
Тіркеу куәлігі иесінің атауы және елі
«Химфарм» АҚ, Қазақстан Республикасы
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«Химфарм» АҚ, Шымкент қ., Қазақстан Республикасы, Рашидов к-сі, 81 Телефон нөмірі+7 7252 (610151)
Электрондық пошта complaints@santo.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі+7 7252 (610150)
Электрондық пошта phv@santo.kz; infomed@santo.kz
