Сипаттама
Дәрілік затты медициналық қолдану
жөніндегі нұсқаулық
Натрий хлориді
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инъекцияға арналған 0,9 % ерітінді, 10 мл
Құрамы
1 мл препараттың құрамында
белсенді зат – натрий хлориді – 9.0 мг,
қосымша зат: инъекцияға арналған су.
Сипаттамасы
Түссіз мөлдір сұйықтық.
Фармакотерапиялық тобы
Басқа емдік емес заттар. Еріткіштер.
АТХ коды V07AB.
Фармакологиялық қасиеттері
Фармакокинетикасы
Плазмадағы натрий иондарының концентрациясы – 142 ммоль/л, интерстициальді сұйықтықта – 145 ммоль/л, интерстициальді сұйықтықтағы хлорид концентрациясы – 101 ммоль/л.
Препарат организмнен бүйрек арқылы шығарылады.
Фармакодинамикасы
Натрий мен хлор иондары қан плазмасында және жасуша сыртындағы сұйықтықта қажеттіосмостық қысымды демеп тұратын жасуша сыртындағы сұйықтықтың маңызды органикалық емескомпоненті болып табылады.
Натрий хлоридінің 0,9% ерітіндісі адамның қан плазмасына изотониялы болады.
Инъекциялық ерітінділерді дайындау үшін қажет.
Қолданылуы
- стерильді инъекциялық ерітіндіні олардың ұнтақтары, лиофилизаттары және концентраттарын одан кейін инъекциялық енгізу үшін дайындауға арналған сұйылтатын ерітінді ретінде
- стерильді ерітінділер дайындау үшін (соның ішінде тері астына, бұлшықет ішіне және вена ішіне енгізуге)
Қолдану тәсілі және дозалары
Дәрілік заттарды еріткеннен немесе сұйылтқаннан кейін тері астына, бұлшықет ішіне, вена ішіне.
Енгізу жолы және тәсілі ерітілетін немесе сұйылтылатын дәрілік препаратпен анықталады.
Дәрілік препараттар ерітіндісін натрий хлоридінің стерильді ерітіндісін пайдалана отырып дайындау (ампуланы ашу, шприцті және ыдысты дәрілік препаратпен толтыру) асептикалық жағдайларда жүзеге асырылады Дәрілік препаратты дайындау мақсатындағы натрий хлоридінің мөлшері медициналық қолдану жөніндегі нұсқаулық бойынша немесе емдеуші дәрігердің көмегімен белгіленеді.
Жағымсыз әсерлері:
Натрий хлориді 0,9 % ерітіндісін дәрілік заттардың еріткіші ретінде қолданғанда, жағымсыз әсерлер симптомдары негізгі дәрілік препаратқа байланысты болады.
Қолдануға болмайтын жағдайлар
- дәрілік препараттарды еріту және сұйылту үшін қолданылмайды (егер еріткіш ретінде басқа препарат көрсетілсе).
Дәрілермен өзара әрекеттесуі
Препарат коллоидты гемодинамикалық қанның орнын басатындармен үйлеседі. Басқа дәрілік препараттармен араластырған кезде үйлесетіндігін көзбен бақылау қажет (дегенмен, көзге көрінбейтін және емдік үйлесімсіздік болуы мүмкін).
Айрықша нұсқаулар
Қышқыл-негіздік жағдайды және электролиттерді бақылау қажет.
Препаратты инъекцияға арналған майлы ерітінділермен араластыруға болмайды.
Дәрілік затты натрий хлоридінің изотониялық ерітіндісінде араластырудың алдында дәрілік затты қолдану жөніндегі нұсқаулықпен мұқият танысу керек. Дәрілік заттың дайындалған ерітіндісін дереу пайдалану керек, сақтауға болмайды. Пайдаланылмаған ерітіндінің қалғанын жою қажет.
Сақтықпен:
мынадай жағдайларда қолдану керек: гипернатриемия, гиперхлоремия, гипокалиемия, хлоридті ацидоз, ми және өкпе ісінулерінің пайда болу қаупі, бүйректің бөліп шығару функциясының бұзылуы, декомпенсацияланған жүрек жеткіліксіздігі, артериялық гипертензияда, жүкті әйелдердегі токсикоз (изотониялық ерітіндіні көп көлемде енгізгенде), глюкокортикостероидтардың көп дозасын бірге тағайындағанда.
Жүктілік және бала емізу кезеңінде қолдану
Натрий хлоридінің изотониялық ерітіндісі жүктілікте және бала емізу кезеңінде көрсетілімдері бойынша пайдаланылуы мүмкін.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препараттың көлік құралдарын басқару және зейін қою мен психомоторлы реакциялардың шапшаңдығын қажет ететін қауіптілігі зор қызмет түрлерімен айналысу қабілетіне әсерін бағалауға зерттеулер жүргізілмеген.
Бұл бөлім жөніндегі ақпарат еритін немесе сұйылтылатын дәрілік препаратқа арналған медициналық қолдану жөніндегі нұсқаулықта баяндалған.
Артық дозалануы
Натрий хлориді 0,9 % ерітіндісін дәрілік заттардың еріткіші ретінде қолданғанда, жағымсыз әсерлер симптомдары негізгі дәрілік препаратқа байланысты болады.
Шығарылу түрі және қаптамасы
10 мл бейтарап шыны ампулада.
10 ампуладан картон қорапта. Әрбір қорапқа медициналық қолдану жөніндегі мемлекеттік және орыс тіліндегі нұсқаулық және ампуланы ашуға арналған пышақ немесе ампулалық скарификатор салынған.
Сындыратын сақинасы немесе нүктесі бар ампуланы қаптағанда ампуланы ашуға арналған пышақ немесе ампулалық скарификатор салынбайды.
Сақтау шарттары
150С-ден 250С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Новосибхимфарм» ААҚ
630028, Ресей, Новосібір қ., Декабристер к-сі, 275
тел. (383) 363-32-44,
факс (383) 363-32-55.
Тіркеу куәлігінің ұстаушысы
«Новосибхимфарм» ААҚ, Ресей
630028, Ресей, Новосібір қ., Декабристер к-сі, 275
тел. (383) 363-32-44,
факс (383) 363-32-55.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Валента Азия» ЖШС, Алматы қ., Абай даңғ., Радостовец көш. бұрышы, 151/115, «Алатау» бизнес орталығы № 1102 кеңсе
Тел./факс 8727 334-15-52, Е-mail: asia@valentapharm.com
