Тауарлардың көрінісі фотосуретте көрсетілгеннен өзгеше болуы мүмкін

Микролакс 5 мл № 4 флак

Қолжетімділігі
Тауар қолда жоқ
Үлгі
3574661218311
Елі
Франция
Өндіруші
Фамар Орлеан,Франция
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

Микролакс®

Халықаралық патенттелмеген атауы

Жоқ

Дәрілік түрі, дозасы

Ректальді қолдануға арналған ерітінді, 5 мл

Фармакотерапиялық тобы

Ас қорыту жолы және зат алмасу. Іш қатуды емдеуге арналған препараттар. Клизмалардағы іш жүргізетін препараттар. Лаурилсульфоацетат натрий, оның ішінде басқа препараттармен біріктірілімде.

ATХ коды А06АG11

Қолданылуы

Іш қатуда, соның ішінде энкопрезбен, асқазан-ішек жолын эндоскопиялық (ректоскопия) және рентгенологиялық зерттеулерге дайындауда.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді заттарға немесе кез келген қосымша заттарға аса жоғары сезімталдық

- шығу тегі белгісіз іштің ауыруы

- ішек бітелуі

Қолдану кезінде қажетті сақтық шаралары

- Үш жасқа дейінгі балаларға қолданғанда ұштықты жартылай ұзындықта енгізу керек.

- Енгізуді жеңілдету үшін ұштықты түбектің ішіндегісімен азғана мөлшерде майлап алу ұсынылады.

Басқа дәрілік препараттармен өзара әрекеттесуі

Натрий полистиролсульфонатын және препараттың құрамына кіретін сорбитолды бір мезгілде пероральді/ректальді қолданғанда жуан ішек некрозының даму қаупі бар.

Арнайы ескертулер

Симптомдар сақталғанда препаратты ұзақ қолданбау үшін дәрігерге қаралу керек. Микроклизманы ұзақ қолдану анальді өтістің тітіркенуіне әкелуі мүмкін.

Жуан ішектің қабынуы немесе ойық жаралануы бар (геморрой, анальді жарылулар, ойық жаралы колит және басқалар) пациенттерге препаратты қолдану ұсынылмайды.

Пациентте асқазан-ішек ауруларының асқынуы болса, препаратты сақтықпен қолдану керек.

Іштің қатуын дәрі-дәрмекпен емдеу өмір салтына және диетамен емдеуге (ақуыздық диета, суды жеткілікті қолдану, дене белсенділігі) қосымша болып табылады.

Егер дәрілік зат жарамсыз болып қалса немесе жарамдылық мерзімі өтіп кетсе - оны ағынды суларға ағызбаңыз және көшеге лақтырмаңыз! Дәрілік затты пакетке салып, қоқыс салатын контейнерге тастаңыз. Бұл шаралар қоршаған ортаны қорғауы мүмкін!

Педиатрияда қолдану

Балаларда жаңа туған кезінен бастап қолданылады

Жүктілік немесе лактация кезінде

Жүкті әйелдердің қатысуымен адекватты және қатаң бақыланатын зерттеулер жүргізілмеген. Бұл препарат елеусіз дәрежеде жүйелік қан ағымына сіңірілуі мүмкін болғандықтан, жүктілік немесе лактация кезеңінде ұсынымдарға сәйкес оны қолданғанда шарана немесе емшек еметін сәби үшін жағымсыз әсерлердің дамуы күтілмейді.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Микролакс көлік құралдарын және механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектер мен 3 жастан асқан балалар: ұштықты ұзына бойы сала отырып, бір микроклизманың ішіндегісін (5 мл) ректальді енгізу керек.

Жаңа туған нәрестелер мен 3 жасқа дейінгі балалар: ұштықты жартылай ұзындықта (ұштықтағы белгіні қараңыз) сала отырып, бір микроклизманың ішіндегісін ректальді енгізу керек.

Егер шағымдар ұзақ уақыт бойы жалғаса, дәрігерге қаралу қажет.

Енгізу әдісі және жолы

Ректальді.

Түбектің ұштығындағы пломбаны сындырыңыз.

Препараттың тамшысы клизманың ұшын майлайтындай етіп түбекке сәл басыңыз - бұл енгізу үдерісін жеңілдетеді.

3 жасқа дейінгі балаларға 5 мл-ден микроклизманы қолданған кезде клизманың ұштығын тік ішекке жартылай ұзындықта енгізіңіз, 3 жастан асқан балаларға клизманың ұштығын тік ішекке толық енгізіңіз.

Түбекті қысып тұрып, оның ішіндегісін толық шығарыңыз. Бұрынғыдай түбекке сәл басып тұрып, ұштықты шығарып алыңыз.

Артық дозаланған жағдайда қолданылуы қажет шаралар

Артық дозалану жағдайлары туралы хабарланбаған. Алайда, ұзақ пайдалану анальді аймақта ашытып күйдіру сезімінің пайда болуына және өте сирек іркілісті проктитке әкелуі мүмкін.

Дәрілік препараттың бір немесе бірнеше дозасын өткізіп алған кездегі қажетті шаралар

Сипатталмаған

Тоқтату симптомдары қаупінің барын көрсету

Сипатталмаған

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Егер сізде препаратты қолдану тәсілі бойынша қосымша сұрақтар туындаса, емдеуші дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстар туралы өздігінен түскен хабарлар негізінде

Өте сирек: іш тұсының ауыруы (абдоминальді жайсыздықты, іш тұсының, сондай-ақ іштің жоғарғы бөлігінің ауыруын қоса); аноректальді аумақтағы жайсыздық, сұйық нәжіс, аса жоғары сезімталдық реакциялары (мысалы, есекжем).

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

1 мл ерітіндінің құрамында:

белсенді заттар: натрий цитраты – 90.0 мг, натрий лаурилсульфоацетаты 70% – 12.9 мг (9 мг натрий лаурилсульфоацетатына баламалы), сұйық сорбитол (кристалданған) – 893.0 мг (625.0 мг сорбитолға баламалы)

қосымша заттар: сорбин қышқылы, глицерин, тазартылған су.

Сыртқы түрінің, иісінің, дәмінің сипаттамасы

Құрамында аздаған ауа көпіршіктері бар түссіз, тұтқыр ерітінді.

Шығарылу түрі және қаптамасы

Ұштығы мен сындырып алынатын пломбасы бар тығыздығы төмен полиэтиленнен (LDPE) жасалған түбек болып табылатын, бір рет қолдануға арналған микроклизмаларға 5 мл препараттан салынған.

4 немесе 12 микроклизмадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Фамар Орлеан, 5 авеню де Консир, 45071 Орлеан Седекс 2, Франция

Тел.: +30 210 98 98 500

Факс: +30 210 98 88 800

электронды пошта: media@famar.eu

Тіркеу куәлігінің ұстаушысы

«Джонсон &Джонсон» ЖШҚ, Ресей Федерациясы, 121614, Мәскеу,

Крылатская к-сі, 17 үй , 2 құр.,

тел.: (495) 726-55-55

факс.: 8 (495) 580-90-29

электронды пошта: conreception@its.jnj.com

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Джонсон  Джонсон» ЖШҚ филиалы

050040, Қазақстан Республикасы, Алматы қ., Тимирязев к-сі, 42, павильон 23-А тел./факс: +7 (727) 356-88 -11; +7 (727) 356-88-19

электронды пошта: safetyru@its.jnj.com