Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Эмерон
Саудалық атауы
Эмерон
Халықаралық патенттелмеген атауы
Нимесулид
Дәрілік түрі
100 мг таблеткалар
Құрамы
Бір таблетканың құрамында
белсенді зат – 100 мг микрондалған нимесулид,
қосымша заттар: натрий диоктилсукцинаты, гидрокси-пропилцеллюлоза, лактоза моногидраты, микрокристалды целлюлоза, повидон, гидрогенделген майсана майы, магний стеараты, натрий крахмалгликоляты
Сипаттамасы
Дөңгелек пішінді, беті тегіс, бір жағында ойығы мен бөлу сызығы бар ақшыл сары түсті бірдей таблеткалар
Фармакотерапиялық тобы
Қабынуға қарсы және ревматизмге қарсы препараттар. Қабынуға қарсы стероидты емес препараттар. Қабынуға қарсы стероидты емес басқа да препараттар. Нимесулид.
Код АТХ коды М01АХ17
Фармакологиялық әсері
Фармакокинетикасы
Пероральді қабылдаудан кейін нимесулид жақсы сіңеді. 100 мг нимесулидті ерікті ересектер бір қабылдағаннан кейін қан плазмасында шыңдық деңгейіне 2-3 сағаттан соң жетеді,AUC 20-35 мг с/л құрайды. Нимесулидті 100 мг-ден күніне екі рет 7 күн бойы қолданудан кейін статистикалық мәнді айырмашылықтары байқалмайды. Плазма ақуыздарымен байланысуы 97,5% жетеді. Нимесулид бауырда бірнеше жолмен, оның ішінде Р450 цитохром изоферменттері (CYP 2C9) арқылы белсенді метаболизденеді, сондықтан CYP 2C9 метаболизденетін препараттарды бір мезгілде қабылдағанда дәрілік өзара әрекеттесуге мүмкіндік болады. Негізгі метаболит парагидрокси-туындысы, ол да фармакологиялық белсенді болып табылады. Бұл метаболиттің пайда болу уақыты шамамен 0,8 сағатты құрайды, метаболит константасы мұнда жоғары емес, нимесулидтің сіңірілу константасына қарағанда айтарлықтай төмен. Гидроксинимесулид -жалғыз метаболит, плазмада толық дерлік конъюгацияланған түрінде болады. Т1/2 3,2 бастап 6 сағатқа дейінді құрайды. Нимесулид көбіне несеппен шығарылады (енгізілген дозаның шамамен 50%). Тек 1-3% организмнен өзгеріссіз шығарылады. Гидроксинимесулид, негізгі метаболит глюкуронат түрінде қанда анықталады. Дозаның 29% жуығы нәжіспен шығарылады. Нимесулидтің фармакокинетикалық бейіні егде жастағы адамдарда бір ғана және қайталанған дозалардан кейін өзгермейді. Жеңіл және орташа бүйрек жеткіліксіздігі бар (креатинин клиренсі 30-80 мл/мин) пациенттерге жүргізілген іс-тәжірибеде дені сау еріктілермен салыстырғанда плазмада нимесулидтің және оның метаболитінің негізгі шыңдық деңгейі дені сау еріктілермен салыстарғанда жоғары болмаған. AUC және T1/2 50%-ға жоғары, бірақ дені сау еріктілерде байқалған кинетикалық мәні шегінде. Ннимесулидті қайталап қолдану препараттың жинақталуына әкеледі. Нимесулидті бауыр жеткіліксіздігі бар пациенттерге қолдануға болмайды.
Фармакодинамикасы
Нимесулид қабынуға қарсы стероидты емес дәрі болып табылады, анальгетикалық, қабынуға қарсы әсері бар. Простагландиндер өндіруді селективті тежейді, асқазанға қорғаныш функциясын көрсететін простагландиндерге аз әсер етеді. Нимесулид белсендірілген нейтрофилдерден тотықтырғыштар босап шығуын бәсеңдетеді, жуан жасушалардан гистаминнің босап шығуын бәсеңдетеді және базофилдер тарапынан тромбоциттерді белсендіру факторы өндірісін төмендетеді. Оның емдік әсері ауыруымен, қабыну және қызбамен сипатталатын әртүрлі патологиялық жағдайлар кезіндегі іс-тәжірибелік және бақыланатын клиникалық зерттеулерде анықталған оң фармакодинамикалық қасиеттерге негізделген. Нимесулидтің қабынуға қарсы белсенділігі қабынудың, жергілікті де, жүйелік те деңгейінде биохимиялық көрсеткіштерін қалпына келтірумен байқалады. Оның қабынуға қарсы әсері елеулі анальгетикалық белсенділігімен қатар жүреді. Қызба жағдайларында нимесулидтің ыстықты төмендететін тиімді әсері бар.
Қолданылуы
Эмеронды екінші қатардағы препарат ретінде ғана тағайындау керек.
Нимесулидпен емдеу туралы шешім нақты бір пациент үшін барлық қатерлерді бағалау негізінде қабылдануы тиіс.
Қолдану тәсілі және дозалары
Ересектерге: ішке 1 таблеткадан (100 мг) тәулігіне 2 рет. Ересектерге арналған ең жоғары тәуліктік доза - 200 мг. Емдеу курсының ұзақтығы 5 күннен аспауы керек. Таблеткаларды тамақтан кейін жеткілікті мөлшердегі сумен қабылдаған дұрыс.
Бауыр функциясының бұзылуы
Эмерон препаратын бауыр патологиясы бар пациенттерге ұсынуға болмайды, ал бауыр жеткіліксіздігі бар пациенттерге қолдану қарсы көрсетілімде.
Бүйрек функциясының бұзылуы
Әлсіз немесе орташа бүйрек жеткіліксіздігі бар пациенттерге (креатинин клиренсі 30-80 мл/мин) дозаны түзету талап етілмейді, бүйректің ауыр жеткіліксіздігі бар пациенттерге (креатинин клиренсі < 30 мл/мин) нимесулидтің жартылай шығарылу кезеңі ұзаруына байланысты препаратты қолдануға болмайды.
Жасы үлкен пациенттер
Әдетте дозаны түзету қажет етілмейді, бірақ жүрек, бауыр мен бүйрек функциясының жиі бұзылуы бар екендігін ескере отырып, препаратты қолдану кезеңінде клиникалық мониторинг жүргізу ұсынылады.
Жағымсыз әсерлері
Жағдайлар жиілігі мынадай түрде жіктеледі: өте жиі (≥ l/10); жиі (≥ l/100, < l/10), кейде (≥ l/l,000, < l/100); сирек (≥ l/10,000, < l/l,000); өте сирек (< l/10,000), жекелеген жағдайларды қоса.
Жиі (≥ l/100, < l/10):
Кейде (≥ l/l,000, < l/100):
Сирек (≥ l/10,000, < l/l,000):
Өте сирек (< l/10,000):
Клиникалық зерттеулер мен фармакологиялық-эпидемиологиялық деректер кейбір қабынуға қарсы стероидты емес препараттар (әсіресе, жоғары дозаларда және ұзақ қолданғанда) артериялық тромбоздық оқиғалар (мысалы, миокард инфарктісі немесе инсульт) дамуының елеусіз қаупіне әкелуі ықтимал деген қорытынды жасауға мүмкіндік береді. Қабынуға қарсы стероидты емес препараттармен (ҚҚСП) емдеуге реакция ретінде ісінулер, артериялық гипертензия және жүрек жеткіліксіздігінің дамуы туралы хабарланды.
Күлдіреуік түзілуімен қатар жүретін ҚҚСП-ға күрделі тері реакцияларының өте сирек жағдайлары, оның ішінде, Стивенс–Джонсон синдромы және уытты эпидермалық некролиз туралы деректер бар.
ҚҚСП емдегенде қолайсыз жағымсыз әсерлері асқазан-ішек жолы тарапынан жиі байқалған. Пептикалық ойық жаралар, кейде өмірге қауіп төндіретін, әсіресе егде жастағы адамдарда асқазан-ішек жолы тарапынан тесілу немесе қан кетудің дамуы мүмкін. Препарат қолданудан кейін мынадай жағымсыз құбылыстар туралы хабарланған: жүрек айну, құсу, диарея, іштің кебуі, іш қату, диспепсия, іштің ауыруы, қара май тәрізді нәжіс, қан аралас құсу, ойық жаралы стоматит, колит және Крон ауруының өршуі. Гастриттер аздау байқалған.
Аталған жағымсыз әсерлер бақыланатын клиникалық зерттеулерден* алынған деректерге (шамамен 7800 пациент) және маркетингтен кейінгі зерттеулер мен бақылау деректеріне негізделген.
Қолдануға болмайтын жағдайлар
– асқазан немесе он екі елі ішек ойық жарасының өршу сатысында, анамнезде асқазан-ішек жолы ойық жаралары, тесілуі немесе қан кетуі болғанда
Дәрілермен өзара әрекеттесуі
Құрамында нимесулид бар препараттарды кортикостероидтармен, антитромбоцитарлық препараттармен және серотонинді кері қармаудың селективті тежегіштерімен (SSRIs) бір мезгілде қабылдау асқазан-ішек ойық жарасы немесе қан кетудің туындау қаупін жоғарылатады.
Варфарин немесе оған ұқсас антикоагулянттарды, сондай-ақ ацетилсалицил қышқылын қабылдайтын пациенттерде нимесулидпен бір мезгілде қабылдағанда қан кетудің туындау қаупі жоғары болады, сондықтан мұндай біріктірілім ұсынылмайды, ал қан ұйығыштығы бұзылуының ауыр түрлерінде оны қолдану қарсы көрсетілген. Егер мұндай біріктірілім қажет болғанда, қанның ұю жүйесінің жағдайын ұдайы бақылап отыру қажет.
Нимесулид диуретиктер және гипертензияға қарсы препараттардың әсерін төмендетуі мүмкін. Бүйрек функциясының бұзылуы бар кейбір пациенттерде Нимесулид пен АӨФ тежегіштерін, ангиотензин II антагонистері немесе циклооксигеназа жүйесін басатын заттарды бірге тағайындаған кезде, бүйрек функциясының нашарлауы және әдетте қайтымды болатын жедел бүйрек жеткіліксіздігі дамуы мүмкін. Бұл препараттарды бірге қабылдауды, әсіресе егде пациенттерге сақтықпен тағайындаған жөн. Пациенттер сұйықтықты жеткілікті мөлшерде қабылдауы тиіс, ал біріктірілген емді бастағаннан кейін бүйрек функциясын мұқият бақылап отырған жөн.
Нимесулид дені сау еріктілерде фуросемидтің диурездік әсерін және натрийдің, әрі аз дәрежеде – калийдің шығарылуын уақытша төмендетуі мүмкін, сондықтан нимесулид пен фуросемидті бір мезгілде қолданғанда бүйрек және жүрек функциясының бұзылуы бар пациенттер аса сақ болғандары жөн. Нимесулид пен фуросемидті бірге қабылдау "концентрация/уақыт" қисығы астындағы ауданның (AUC) азаюына (шамамен 20%-ға) және фуросемидтің бүйректік клиренсін өзгертпей фуросемидтің жинақталып сыртқа шығуын төмендетуге алып келеді.
Нимесулид литий клиренсін төмендетуі мүмкін, бұл қан плазмасындағы литий деңгейінің және оның уыттылығының жоғарылуына алып келеді. Литий препараттарымен ем алып жүрген пациенттерге құрамында нимесулид бар препараттар тағайындаған кезде плазмадағы литий деңгейін жиі бақылап отыру керек.
Глибенкламидпен, теофиллинмен, варфаринмен, дигоксинмен, циметидин және антацидті препараттармен бір мезгілде қолданғанда клиникалық мәнді өзара әрекеттесулері байқалмаған.
Нимесулид CYP2C9 ферментінің белсенділігін басады. Нимесулидпен бір мезгілде осы ферменттің субстраты болып табылатын дәрілерді қолданғанда, бұл препараттардың плазмадағы концентрациясы жоғарылауы мүмкін.
Метотрексатты қабылдардан кем дегенде 24 сағат бұрын немесе одан кейін кем дегенде 24 сағаттан соң нимесулидті тағайындағанда сақ болу талап етіледі, өйткені мұндай жағдайларда плазмада метотрексаттың деңгейі жоғарылауы, сондықтан оның уыттылық әсерлері дамуы мүмкін.
Циклоспоринмен бір мезгілде қолданғанда соңғысының нефроуыттылығы артуы мүмкін.
Нимесулидтің толбутамидпен, салицил қышқылы және вальпрой қышқылымен байланысу орнынан ығыстырып шығарылатындығын in vitro зерттеулері көрсеткен. Бұл өзара әрекеттесу деректерінің шығарылатындығын in vitro айқындалғандығына қарамастан, көрсетілген әсерлер препаратты клиникалық қолданғанда байқалмаған.
Нимесулидпен емдеу уақытында гепатоуытты әсерге ие препараттарды бір мезгілде қолданудан, сондай-ақ алкогольді асыра пайдаланудан аулақ болған жөн, өйткені бұл заттар бауыр тарапынан жағымсыз реакциялардың даму қаупінарттыруы мүмкін.
Кортикостероидтармен бір мезгілде қолданғанда асқазан-ішек жолынан қан кету/ойық жаралар дамуының жоғары қаупі байқалған.
Айрықша нұсқаулар
Препаратты ыстықты түсіретін дәрі ретінде қолдану ұсынылмайды. Эмерон қабылдайтын пациенттерде дене температурасы көтерілгенде және тұмауға ұқсас симптомдар пайда болғанда, олар препарат қабылдауды тоқтатуы керек.
Жағымсыз әсерлердің даму қаупін төмендету үшін препаратты емдеу курсының ең аз ұзақтығымен ең төменгі тиімді дозасында қолдану қажет. Егер науқастың жағдайы жақсармаса, емдеуді тоқтатып, емдеуші дәрігерге қаралу қажет.
Егде жастағы пациенттерде жүрек, бауыр және бүйрек функциясының бұзылуы жиі байқалады, пациенттердің осы санатында қабынуға қарсы стероидты емес препараттарға жағымсыз реакциялар даму жиілігі де жоғары (әсіресе, асқазан-ішектен қан кету және ойық жаралардың тесілуі), бұл кейбір жағдайларда өлім қатерлі қаупі болуы мүмкін, мұндай пациенттерге сәйкес клиникалық мониторинг ұсынылады.
Жүрек-қантамыр жүйесінің патологиясы
Артериялық гипертензиямен, әлсіз/орташа жедел жүрек жеткіліксіздігімен, организмде сұйықтықтың іркілу көріністерімен және ісінулермен пациенттерде (анамнезде ҚҚСП қолдануға реакция сияқты) жай-күйін тиісінше бақылау және дәрігердің кеңесі қажет етіледі.
Клиникалық зерттеулер және эпидемиологиялық деректер қабынуға қарсы стероидты емес препараттар, әсіресе жоғары дозаларда және ұзақ қолданған кезде артериялық тромбоздық оқиғалардың (мысалы, миокард инфарктісі немесе инсульт) елеусіз қаупіне әкелуі мүмкін деп қорытынды жасауға мүмкіндік береді. Ннимесулид қолданғанда мұндай жайттардың даму қаупін жоққа шығару үшін әлі де қолда бар деректер жеткіліксіз. Бақыланбайтын артериялық гипертензиясы, ишемиялық жүрек ауруымен анықталған жедел жүрек жеткіліксіздігі, шеткері артериялар ауруы және/немесе цереброваскулярлық ауруы бар пациенттерге нимесулидті жай-күйін мұқият бағалаудан кейін ғана тағайындаған жөн. Әрі осы ұсынымдарды жүрек-қантамыр аурулары даму қаупі факторлары бар пациенттер (мысалы, артериялық гипертония, гиперлипидемия, қант диабеті кезінде, темекі шегетіндер) ұзақ емдеудің алдында орындаулары қажет.
Нимесулид тромбоциттер функциясына әсер етуі мүмкін болғандықтан, геморрагиялық диатезі бар пациенттерге оны сақтықпен тағайындау керек. Жүрек-қантамыр аурулары профилактикасы үшін эмерон ацетилсалицил қышқылын алмастырмауы тиіс.
Асқазан-ішек жолы патологиясының болуы
Асқазан-ішектен қан кету, ойық жаралануы/тесілуі алдын ала көрінетін симптомдар пайда болуымен немесе онсыз емдеу кезінде кез келген уақытта дамуы мүмкін. Анамнезде асқазан-ішек жолы тарапынан ұқсас көріністердің болуына байланыстылық жоқ, мұндай жағдайларда препаратпен емдеуді жедел тоқтатып, емдеуші дәрігерге қаралу қажет.
Анамнезде пептикалық ойық жара, асқазан-ішектен қан кету, ойық жаралы колит немесе Крон ауруы болуын қоса, асқазан-ішек бұзылыстары бар пациенттерде Эмерон қолданбаған жөн.
Асқазан-ішектен қан кету, ойық жаралар немесе ойық жаралар тесілуінің туындау қаупі анамнезде ойық жаралар болғанда (әсіресе, қан құйылумен немесе тесілумен асқынған),сондай-ақ егде жастағы адамдарда қабынуға қарсы стероидты емес препарат дозасын арттырғанда жоғарылайды. Осы пациенттерде, сондай-ақ аспирин немесе асқазан-ішек ауруларының даму қаупін арттыратын басқа препараттардың қатар жүретін төмен дозаларын қабылдайтын пациенттерде емдеуді ең аз тиімді дозадан бастаған және қажет болғанда қорғаныш қаситтері бар дәрілік препараттар (мысалы, мизопростол, протонды помпа тежегіштерін) қолданумен біріктірілген ем тағайындау мүмкіндігін қарастырған жөн.
Асқазан-ішек жолының уытты зақымдануы бар, әсіресе егде жастағы пациенттер асқазан-ішек жолы аймағында туындайтын кез келген әдеттен тыс симптомдар (әсіресе, асқазан-ішектен қан кету жайында) туралы хабарлаулары тиіс. Мұның емдеудің бастапқы сатысында маңызы зор. Асқазан-ішектен қан кету, ойық жаралардың немесе тесілудің пайда болуы алдын ала білінетін симптомдар немесе анамнезде АІЖ тарапынан патология болуына байланыссыз емдеудің әртүрлі кезеңінде байқалған. Егер асқазан-ішектен қан кету немесе асқазан-ішек жолының тесілуі бар болса, Эмеронмен емдеуді дереу тоқтату керек. Ойық жара немесе қан кетудің даму қаупін арттыруы мүмкін қатар жүретін препараттарды, мысалы пероральді кортикостероидтар, варфарин, серотонинді қайтадан сіңіретін селективті тежегіштер сияқты антикоагулянттарды немесе аспирин сияқты антитромбоцитарлық дәрілерді қабылдайтын пациенттер препарат қабылдағанда сақ болу қажеттілігі жайында хабарлар болулары тиіс.
Бауыр функциясы бұзылған науқастарда қолдану
Бауыр функциясының айқын бұзылуы бар пациенттерде Эмерон препараты метаболизмінің бұзылуы, клиренсі төмендеуі және қанда нимесулид концентрациясының жоғарылауы мүмкін, бұл препарат жинақталуына әкелуі ықтимал. Сонымен қатар құрамында нимесулид бар препараттарды қабылдау аясында орташа айқындықтан ауырға дейінгі, оның ішінде өліммен аяқталатын бауыр функциясы бұзылуларының дамуы туралы хабарлар бар. Осылайша, Эмеронды бауыр патологиясы бар пациенттерге қолдану ұсынылмайды.
Эмерон қабылдайтын пациенттерде бауыр зақымдануын көрсететін симптомдар (мысалы, анорексия, жүрек айну, құсу, іштің ауыруы, қатты қажу, несептің күңгірттенуі) немесе бауырдың функционалдық сынамаларының аномальді нәтижелері пайда болғанда препаратты (нимесулид препараттары одан әрі де бұл пациенттерге ұсынылмайды) тоқтату керек.
Эмерон препаратымен емдеу кезінде гепатоуытты препараттарды, басқа анальгетиктерді, басқа да ҚҚСП (оның ішінде циклооксигеназа-2 селективті тежегіштерін) бір мезгілде қолдану мен алкоголь тұтынудан аулақ болу ұсынылады.
Бүйрек функциясы бұзылған науқастарға қолдану
Әлсіз немесе орташа бүйрек жеткіліксіздігі бар пациенттерге (креатинин клиренсі 30-80 мл/мин) дозаны түзету қажет етілмейді, бүйректің ауыр жеткіліксіздігі бар пациенттерге (креатинин клиренсі < 30 мл/мин) препаратты нимесулидтің жартылай шығарылу кезеңінің ұзаруымен байланысты қолдануға болмайды.
Аллергиялық тері реакциялары
Қабынуға қарсы стероидты емес препараттарға күрделі тері реакцияларының өте сирек жағдайлары туралы деректер бар, олардың кейбіреуі (эксфолиативті дерматит, Стивенс – Джонсон синдромы, уытты эпидермалық некролиз сияқты) өлімге әкелуі мүмкін. Эмеронды тері бөртпесінің алғашқы белгілері, шырышты қабықтың зақымдануы және аллергиялық реакциялардың басқа белгілері кезінде тоқтату керек.
Қосымша заттар
Эмерон препаратының құрамында лактоза бар, сондықтан оны сирек тұқым қуалайтын галактоза жақпаущылығы, Lapp-лактоза тапшылығы немесе глюкоза-галактоза мальабсорбциясы бар пациенттерге тағайындамау керек.
Егде жастағы пациенттер
Егде жастағы пациенттер ҚҚСП жағымсыз әсерлеріне, оның ішінде асқазан-ішектен қан кету мен тесілулерге, бүйрек функциясының бұзылуына, жүрек және бауыр функциясының бұзылуына ерекше бейім, сондықтан олар белсенді клиникалық мониторингті қажет етеді.
Әйелдер фертильдігіне әсері
Үй қояндарына жүргізілген зерттеулер әдеттегідей емес тұқым өрбіту уыттылығы болуын айқындаған. Нимесулидті қолдану әйелдердің фертильдік функциясын нашарлатуы мүмкін, сондықтан препаратты жүктілікті жоспарлап жүрген, ұрықтануда қиындықтары бар немесе бедеулік жағынан тексеруден өтіп жүрген әйелдерге тағайындау ұсынылмайды.
Жүктілік
Нимесулидтің простагландин синтезін бәсеңдету қабілеті жүктілікке және/немесе шарананың дамуына жағымсыз әсер етуі мүмкін. Эпидемиологиялық зерттеулер кезінде алынған деректер простагландин синтезін бәсеңдететін препараттарды жүктіліктің ерте мерзімінде қолдану өздігінен түсік тастау, шаранада жүрек ақауы немесе гастрошизис дамуы қаупін арттыруы мүмкін деген қорытынды жасауға жағдай тудырады. Жүрек-қантамыр жүйесі патологиясы дамуының абсолютті қаупі жоғары (кем дегенде 1% бастап 1,5% дейін). Препарат дозасы мен қолдану ұзақтығының артуымен қауіп жоғарылайды деп саналады.
Нимесулидті жүктіліктің бүкіл кезеңі уақытында қабылдамаған жөн.
Жүктіліктің үшінші триместрінде простагландин синтезінің барлық тежегіштері шаранада пневмокардиальді уытты зақымдануды (артериялық түтіктің мезгілінен ерте жабылуымен және өкпе артериясы жүйесіндегі гипертензиямен) туындатуы мүмкін; қағанақ суының аздығы дамуы бар бүйрек жеткіліксіздігіне дейін үдеуі мүмкін бүйрек дисфункциясы дамуы ықтимал. Жүктіліктің соңында ана мен шаранада қан кету уақытының ұзаруы, препараттың өте төмен дозаларын қолданғанда да дамуы ықтимал агрегацияға қарсы әсерінің дамуы; босану кезеңінің іркілуі немесе ұзаруымен жатыр әрекетінің бәсеңдеуі мүмкін.
Лактация кезеңі
Нимесулидтің емшек сүтімен шығарылатыны немесе шығарылмайтыны белгісіз, сондықтан Эмерон препаратын лактация кезеңінде қолдану ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Қызметі жоғары зейін қоюды және психомоторлық реакциялар жылдамдығын талап ететін пациенттерге ұйқышылдық немесе бас айналудың даму мүмкіндігі туралы алдын ала ескертілуі тиіс.
Артық дозалануы
Жедел дозалану симптомдары:апатия, ұйқышылдық, жүрек айну, құсу, эпигастрий аймағының ауыруы. Демеуші ем жүргізгенде бұл симптомдар әдетте қайтымды. Асқазан-ішектен қан кету дамуы мүмкін, сирек жағдайларда артериялық қысымның көтерілуі, жедел бүйрек жеткіліксіздігі, тыныс алудың бәсеңдеуі және кома. ҚҚСП емдік дозаларын қабылдағанда және олардың артық дозалануы кезінде анафилаксиялық реакциялар туралы хабарламалар бар.
Емі: асқазанды шаю, белсендірілген көмір қабылдау, осмостық іш жүргізгіштер, қажет болғанда симптоматикалық ем тағайындалады. Бауыр және бүйрек функциясын бақылап отырған жөн. Спецификалық антидоты жоқ. Қан ақуыздарымен айқын байланысатындықтан (97,5% дейін), диализ тиімсіз. Мәжбүрлі диурез, несептің сілтіленуі, гемодиализ немесе гемоперфузия препараттың қан ақуыздарымен байланысу деңгейі жоғары болуына байланысты тиімсіз болуы мүмкін.
Шығарылу түрі және қаптамасы
10 таблеткадан поливинилдихлорид/поливинилхлоридті фольгадан және алюминий термолакталған фольгадан жасалған пішінді ұяшықты қаптамаға салынған.
2 қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші/Қаптаушы
REPLEK FARM Ltd. Skopje, Скопье, Македония Республикасы
Тіркеу куәлігінің иесі
VEGAPHARM LLP., Лондон, Ұлыбритания
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
«Cepheus Medical» (Цефей Медикал) ЖШС: 050000, Қазақстан Республикасы,Алматы қ., Панфилова к-сі 98, «OLD SQUARE» БО, 807 кеңсе, телефон: +7 (727) 300 69 71
эл. пошта: cepheusmedical@gmail.com
