Вазилип 10 мг, № 28, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Вазилип 10 мг, № 28, табл.

Қолжетімділігі
Тауар қолда жоқ
Үлгі
3838989533083
Елі
Словения
Өндіруші
KRKA d.d.
  • Сипаттама

Сипаттама

Дәрілік затты медициналық қолдану

жөніндегі нұсқаулық

Вазилип®

Саудалық атауы

Вазилип®

Халықаралық патенттелмеген атауы

Симвастатин

Дәрілік түрі

Үлбірлі қабықпен қапталған таблеткалар, 10 мг, 20 мг немесе40 мг.

Құрамы

Бір таблетканың құрамында

белсенді зат - 10 мг, 20 мг немесе 40 мг симвастатин,

қосымша заттар: лактоза моногидраты, желатинделген крахмал,бутилгидроксианизол, сусыз лимон қышқылы, аскорбин қышқылы, жүгері крахмалы, микрокристалды целлюлоза, магний стеараты,

қабықтың құрамы: гипромеллоза, тальк, пропиленгликоль, титанның қостотығы (Е171)

Сипаттамасы

Ақ немесе ақ дерлік түсті үлбірлі қабықпен қапталған, екі жақ беті сәл дөңес дөңгелек пішінді, екі жақ бетінің жиегі кертілген таблеткалар (10 мг және 20 мг дозалары үшін).

Ақ немесе ақ дерлік түсті үлбірлі қабықпен қапталған, екі жақ беті сәл дөңес дөңгелек пішінді, екі жақ бетінің жиегі кертілген және бір жақ бетінде сызығы бар таблеткалар (40 мг доза үшін).

Фармакотерапиялық тобы

Жүрек-қантамыр жүйесі. Липид-модификациялайтын препараттар.HMG-CoA-редуктаза тежегіштері, басқа біріктірілімдер. Симвастатин

АТХ коды С10АА01

Фармакологиялық қасиеттері

Фармакокинетикасы

Симвастатин – белсенді емес лактон, ол тиісінше бета-гидроксиқышқылға, HMG-CoА редуктазаның күшті тежегішіне дейін in vivo гидролизденеді. Негізінен гидролиз бауырда жүреді; адамның қан плазмасындағы гидролиз жылдамдығы өте баяу.

Препараттың фармакокинетикалық қасиеттері ересектерде зерттелген. Балалар мен жасөспірімдерде фармакокинетикасына қатысты деректер жоқ.

Сіңуі. Симвастатин жақсы сіңеді және бауыр арқылы алғаш өткенде экстенсивті метаболизмге ұшырайды. Бауырдағы метаболизмі бауырдағы қан ағынына байланысты. Белсенді түрінің әсер ететін негізгі орны бауыр болып табылады. Симвастатинді пероральді қолданудан кейін жүйелік қан ағынындағы бета-гидроксиқышқылдың мөлшері қабылданған дозаның 5%-дан азын құрайды. Қан плазмасында белсенді тежегіштер ең жоғары концентрациясына симвастатинді қабылдағаннан кейін шамамен 1 – 2 сағаттан соң жетеді. Бір мезгілде тамақ ішу сіңуіне ықпалын тигізбейді.

Симвастатиннің бір реттік және көп реттік дозаларының фармакокинетикасы көп реттік қолданудан кейін препараттың жиналып қалмайтындығын айғақтайды.

Таралуы. Симвастатин және оның белсенді метаболиті қан ақуыздарымен 95%-дан көбірек байланысады.

Шығарылуы. Симвастатин CYP3A4 субстраты болып табылады. Қан плазмасындағы симвастатиннің негізгі метаболиттері – бета-гидроксиқышқыл және тағы белсенді төрт метаболиті. 14C таңбаланған симвастатинді пероральді қолданудан кейін препараттың 13%-ы несеппен және 60%-ы нәжіспен 96 сағат ішінде шығарылады. Препараттың нәжіспен бірге шығарылған мөлшері сіңген және сіңбей өтке шығарылған препараттың баламалы мөлшерін қамтиды. Бета-гидроксиқышқылды вена ішіне енгізгеннен кейін осы метаболиттің жартылай шығарылу кезеңі 1.9 сағатқа жуықты құрайды. Вена ішіне енгізілген дозаның орта есеппен 0.3%-ы ғана несеппен бірге тежегіштер түрінде шығарылады.

Тұрғындардың арнайы топтары

Полиморфизм SLCO1B1

SLCO1B1 c.521T> C ген тасымалдаушыларында OATP1B1 белсенділігі төменірек болады. Генотип (TT) таралуы көбірек пациенттермен салыстырғанда симвастатин қышқылының негізгі белсенді метаболитінің орташа экспозициясы (AUC) C аллелінің гетерозиготты тасымалдаушыларында (CT) 120%-ды және гомозиготты (CC)тасымалдаушыларында 221% құрайды; C аллелінің тасымалдаушылары еуропа тұрғындарының 18% құрайды. Полиморфизмі SLCO1B1 пациенттердесимвастатин қышқылының әсері ұлғаюы қаупі бар, бұлрабдомиолиз қаупі артуына әкелуі мүмкін.

Фармакодинамикасы

Ішке қабылдағаннан кейін белсенді емес лактон болып табылатын симвастатин бауырда гидролизге ұшырап, HMG-CoАредуктазаға (3-гидрокси-3-метилглютарил-коэнзим А редуктаза) қатысты белсенділігін тежеуі жоғары болатын тиісті белсенді бета-гидроксиқышқыл түзеді. Бұл фермент HMG-CoА-ның мевалонатқа айналуын катализдейді – холестерин биосинтезінің бастапқы және бақыланатын сатысы.

Вазилип® тығыздығы төмен липопротеиндер холестеринінің (ТТЛП-Х) қалыпты да, сонымен қатар жоғарылаған концентрациясын да төмендетеді. ТТЛП-Х тығыздығы өте төмен липопротеиннен (ТӨТЛП) түзіледі және көбіне ТТЛП жоғары аффинді рецепторларымен катаболизденеді. ТТЛП деңгейінің Вазилип® препаратымен төмендеуінің механизмі ТӨТЛП холестеринінің (ТӨТЛП-Х) төмендеуін, сонымен қатар ТТЛП рецепторларының индукциясын да қамтуы мүмкін, ол ТТЛП-Х өндірілуінің төмендеуіне және катаболизмінің жоғарылауына әкеледі. В аполипопротеин деңгейі де Вазилип® препаратымен емдеу барысында айқын төмендейді. Бұдан басқа, Вазилип® ТТЛП-Х деңгейін орташа арттырады және қан плазмасындағы триглицеридтер деңгейін төмендетеді. Осындай өзгерулердің нәтижесінде жалпы холестериннің ТТЛП-Х-ге арақатынасы және ТТЛП-Х-нің ТЖЛП-Х-ге арақатынасы төмендейді.

Қолданылуы

  • алғашқы гиперхолестеринемияда немесе аралас дислипидемияда (диета немесе дәрі-дәрмектік емес басқа емдеу әдістері тиімсіз болғанда)
  • гомозиготалы отбасылық гиперхолестеринемияда (гомоСГ) диетаға және липидтердің деңгейін төмендетуге бағытталған басқа емдеу әдістеріне қосымша ретінде, немесе басқа әдістер тиімді болмағанда
  • жүрек-қантамырлар ауруының профилактикасында (айқын атеросклероздық жүрек-қантамыр аурулары немесе қант диабеті бар пациенттерде жүрек-қантамырдан өлім немесе аурушаңдық көрсеткіштерін төмендетуде, сондай-ақ холестерин деңгейлері қалыпты немесе жоғары болғанда – басқа қауіп факторларын төмендетуде, немесе басқа кардиопротекторлы препараттарды қолданған кезде қосымша ретінде)

Қолдану тәсілі және дозалары

Препараттың ұсынылатын дозалары – тәулігіне 5-тен 80 мг дейін, пероральді түрде, бір реттік доза түрінде кешке. Дозаны түзетуді, егер қажет болса, кем дегенде 4 апта аралықпен, тәулігіне бір рет, кешке қабылданатын ең жоғары тәуліктік 80 мг дозаға жеткенге дейін жасаған жөн. 80 мг доза ауыр гиперхолестеринемиясы бар және жүрек-қантамыр жүйесі тарапынан асқынулардың даму қаупі жоғары пациенттерге аз дозаларда қолданған кезде қажетті нәтижелерге қол жетпейтін, сондай-ақ күтілетін артықшылықтары потенциалды қаупінен асып кететін жағдайда ғана ұсынылады.

Гиперхолестеринемия

Пациентке стандартты холестеринді төмендететін диета тағайындаған жөн, ол Вазилип® препаратымен емдеудің бүкіл курсы ішінде сақталуы тиіс. Әдеттегі бастапқы доза – тәулігіне бір рет, кешке 10 – 20 мг. ТТЛП холестерині деңгейінедәуір (45 %-дан көбірекке) төмендету қажет болатын пациенттер үшін бастапқы доза тәулігіне бір рет кешке қабылданатын 20 – 40 мг құрауы мүмкін. Қажет болған жағдайда дозаны түзетуді жоғарыда көрсетілгендей етіп жүргізген жөн.

Гомозиготалы отбасылық холестеринемия (гомоОГ)

Вазилип® препаратының ұсынылатын дозасы тәулігіне кешке қабылданатын 40 мг құрайды. 80 мг доза осындай дозадағы препаратты қолданудан күтілетін артықшылықтар оның жоғары қаупінен басым болған жағдайларда ғана ұсынылады. Мұндай пациенттерде Вазилип® препаратын липидтердің деңгейлерін төмендету үшін басқа емдеу әдістеріне (мысалы, ТТЛП аферезі) қосымша ретінде немесе егер осындай емдеу әдістері қолжетімді болмаса, қолданған жөн. Ломитапидті және Вазилип® препаратын бір мезгілде қабылдап жүрген пациенттерде Вазилиптің тәуліктік дозасы 40 мг-ден аспауы тиіс.

Жүрек-қантамыр ауруларының алдын алу

Жүректің ишемиялық ауруының (гиперлипидемиялы/онсыз ЖИА) даму қаупі жоғары болатын пациенттер үшін Вазилип® препаратының әдеттегі дозасы (кешкіге) бір реттік доза түрінде тәулігіне 20-дан 40 мг-ге дейінді құрайды. Препаратпен емдеу диетамен және дене жаттығуларымен бір мезгілде басталуы мүмкін. Дозаны түзетуді, егер қажет болса, жоғарыда көрсетілгендей етіп жүргізеді.

Қатар жүргізілетін ем

Вазилип® препараты монотерапия ретінде, сондай-ақ өт қышқылдарының секвестранттарымен біріктірілімінде тиімді. Препаратты өт қышқылдарының секвестранттарын қабылдаудан бұрын 2 сағаттан кешіктірмей немесе қабылдағаннан кейін кем дегенде 4 сағаттан соң қолдану керек.

Фибраттарды (гемфиброзилді қоспағанда) немесе фенофибратты Вазилип® препаратымен бір мезгілде қолданып жүрген пациенттерде Вазилип® препаратының дозасы тәулігіне 10 мг-ден аспауы тиіс. Амиодаронды, амлодипин, верапамил, дилтиазем немесе құрамында элбасвир немесе гразопревир бар өнімдерді Вазилип® препаратымен бір мезгілде қолданып жүрген пациенттерде Вазилип® препаратының дозасы тәулігіне 20 мг-ден аспауы тиіс. Амлодипинді Вазилип® препаратымен бір мезгілде қабылдап жүрген пациенттерде Вазилип® препаратының дозасы тәулігіне 20 мг-ден аспауы тиіс.

Бүйрек функциясы бұзылған кездегі дозасы

Бүйрек функциясының ауырлығы орташа бұзылуы бар пациенттерде дозаны түзету қажеттілігі жоқ.

Бүйрек функциясының ауыр бұзылулары бар (креатинин клиренсі минутына < 30 мл) пациенттерде препаратты тәулігіне 10 мг-ден аспайтын дозада қолдану жөніндегі мәселені мұқият қарастырған жөн және, егер мұндай доза қажет деп есептелсе, сақтықпен қолдану керек.

Егде жастағы пациенттерде қолдану

Дозаны түзету қажеттілігі жоқ.

Балалар мен жасөспірімдерде (10-17 жастағы) қолдану

Гетерозиготалы отбасылық гиперхолестеринемиясы бар балалар мен жасөспірімдер үшін (Таннер шкаласы бойынша ер балаларда ІІ саты және одан жоғары, және етеккір оралымы ең кемінде 1 жыл бұрын басталған, 10-17 жастағы қыз балаларда) ұсынылатын әдеттегі старттық доза тәулігіне 1 рет кешке қабылданатын 10 мг құрайды. Балалар мен жасөспірімдер симвастатинмен емдеуді бастар алдында холестеринді төмендететін стандартты диетаны ұстануы тиіс; диетаны симвастатинмен емдеу курсы бойы ұстанғаны жөн.

Ұсынылатын дозалау ауқымы – тәулігіне 10-нан 40 мг-ге дейін; ұсынылатын ең жоғары доза – тәулігіне 40 мг. Доза балаларды емдеу жөніндегі нұсқауларда көрсетілген емдеудің ұсынылған мақсатына байланысты, жекелей таңдап алынуы тиіс. Дозаны түзетуді 4 апта немесе одан көбірек аралықпен жүргізген жөн.

Вазилип® препаратын препубертатты жастағы балаларға қолдану тәжірибесі шектеулі.

Жағымсыз әсерлері

Пайда болу жиілігі былайша белгіленген: өте жиі ≥1/10; жиі ≥1/100, <1/10; жиі емес ≥1/1,000, <1/100; сирек ≥1/10,000, <1/1,000; өте сирек <1/10,000; белгісіз қолда бар деректермен анықтау мүмкін емес.

Қан және лимфа жүйесі тарапынан бұзылулар

сирек: анемия

Психикалық бұзылыстар

  • өте сирек: ұйқысыздық
  • препараттың кез келген компонентіне жоғары сезімталдық
  • белсенді фазадағы бауыр ауруы немесе қан сарысуында трансаминазаның этиологиясы анық емес тұрақты жоғарылауы
  • жүктілік және лактация кезеңі
  • CYP3A4 күшті тежегіштерін (итраконазол, кетоконазол, позаконазол, вориконазол, АИТВ-протеаза тежегіштері (мысалы, нелфинавир), боцепревир, телапревир, эритромицин, кларитромицин, телитромицин, нефазодон және құрамында кобистат бар препараттар сияқты) бір мезгілде қолдану
  • гемфиброзилды, циклоспоринді немесе даназолды бір мезгілде қолдану
  • тұқым қуалайтын галактоза жақпаушылығы, Лапп лактазатапшылығы немесе глюкоза-галактоза мальабсорбциясы
  • HoFH бар пациенттерде дозасы > 40 мг симвастатин болатын ломитапидпен бір мезгілде қолдану
  • тұқым қуалайтын фруктоза жақпаушылығы, Lapp-лактаза ферментінің тапшылығы немесе глюкоза-галактоза мальабсорбциясы бар адамдар
    • егде жас (≥ 65 жас)
    • әйелдер
    • бүйрек функциясының бұзылуы
    • бақыланбайтын гипотиреоз
    • жеке немесе отбасылық анамнезде туа біткен бұлшықет патологиясы
    • анамнезде – статиндерді немесе фибраттарды қолданған кезде бұлшықет уыттылығының болуы
    • алкогольді шамадан тыс пайдалану

белгісіз: депрессия

Жүйке жүйесі тарапынан бұзылулар

сирек: бас ауруы, парестезия, бас айналуы, шеткері нейропатия

өте сирек: естре сақтаудың бұзылуы

Тыныс алу, кеуде қуысы және көкірек ортасы тарапынан бұзылулар

белгісіз: өкпенің интерстициальді ауруы («Айрықша нұсқаулар» бөлімін қараңыз)

Асқазан-ішек жолы тарапынан бұзылулар

сирек: іш қатуы, іштің ауыруы, метеоризм, диспепсия, диарея, жүрек айнуы, құсу, панкреатит

Гепатобилиарлық бұзылыстар

сирек: гепатит/сарғаю

өте сирек: фатальді және фатальді емес бауыр жеткіліксіздігі

Тері мен теріасты шелі бұзылулары

сирек: бөртпе, қышыну, алопеция

Қаңқа-бұлшықет және дәнекер тіндер тарапынан бұзылулар

сирек: миопатия* (миозитті қоса), жедел бүйрек жеткіліксіздігі бар немесе онсыз рабдомиолиз («Айрықша нұсқаулар» бөлімін қараңыз), миалгия, бұлшықет құрысулары

белгісіз: тендинопатия, кейде жыртылумен асқынған; иммунитетке байланысты болатын некроздаушы миопатия (IMNM)**

*Клиникалық зерттеулерде миопатия әдетте күніне 20 мг симвастатин алған пациенттермен салыстырғанда тәулігіне 80 мг дозада симвастатин алған пациенттерде бақыланды.

**Кейбір статиндермен ем кезінде немесе емнен кейін иммунитетке байланысты болатын некроздаушы миопатия (IMNM), аутоиммундық миопатия туралы өте сирек мәлімдемелер болды.

IMNM клиникалық сипаттамасы: статиндермен ем тоқтатылуына қарамастан сақтала беретін тұрақты проксимальді бұлшықет әлсіздігі мен сарысудағы креатинкиназа құрамы жоғарылауы; елеулі қабынусыз некроздаушы миопатияны көрсететін бұлшықет биопсиясы; иммунодепрессанттар көмегімен жақсару («Айрықша нұсқаулар» бөлімін қараңыз).

Ұрпақ өрбіту жүйесі және сүт бездері тарапынан бұзылулар

белгісіз: эректильді дисфункция

Жалпы бұзылулар және енгізген жердегі бұзылулар

сирек: астения

Аса жоғары сезімталдықтың айқын синдромы туралы хабарланған, оған келесі ерекшеліктердің кейбірі жатады: ангиодистрофия, жегіге ұқсас синдром, полимиалгия, ревматизмдік, дерматомиозит, васкулит, тромбоцитопения, эозинофилия, ЭПР, артрит және артралгия, есекжем, жарыққа сезімталдық, қызба, шаю, ентігу және дімкәстік.

Зерттеулер

сирек: сарысулық трансаминаза (аланинаминотрансфераза, аспартатаминотрансфераза, γ-глутамилтранспептидаза) артуы, сілтілік фосфатаза жоғарылауы; сарысудағы креатинкиназа деңгейінің ұлғаюы.

Симвастатинді қоса, ашқарында статиндерді қабылдағанда қан сарысуындағы глюкозаның және HbA1c деңгейінің артқаны туралы хабарланды.

Статиндерді, оның ішінде симвастатин қолдануға байланысты (мысалы, жадының жойылуы, ұмытшақтық, амнезия, есте сақтау бұзылуы, шатасу) когнитивтік бұзылулар туралы сирек постмаркетингтік хабарламалар бар.

Статиндерді тоқтатқанда, симптом білінген сәттен бастап (1 күннен жылға дейін) және симптомдары болып өтуі (орташа 3 апта) әртүрлі уақытішінде әдетте хабарламалар қатер шегінде емес және қайтымды.

Кейбір статиндермен болатын келесі жағымсыз құбылыстар туралы хабарланды:

• ұйқының бұзылуы, түнгі қорқыныштарды қоса

• сексуальдік дисфункция

• қант диабеті: жиілігі қауіп факторларының болуына немесе болмауына тәуелді (ашқарында қандағы глюкоза деңгейі ≥ 5,6 ммоль/л, ИМТ> 30 кг/м2, триглицеридтердің жоғары болуы, анамнезде гипертония).

Педиатриялық тұрғындар

Дене тұрқы қалпының, интеллектуалдық жағынан және жыныстық жетілуіне ұзақ мерзімді әсері белгісіз. Қазіргі уақытта бір жыл емнен кейінгі қолжетімді жеткілікті деректері жоқ.

Болжамды жағымсыз реакциялары туралы есептер

Дәрілік зат тіркелгеннен кейінгі жағымсыз реакциялары туралы хабарламалар маңызды. Ол дәрілік заттың пайда/қаупінің теңгеріміне мониторингты жалғастыруға мүмкіндік береді.

Денсаулық сақтау саласының мамандарына болжанған кез келген жағымсыз реакциялары туралы сары карта немесе нұсқаулық соңында көрсетілген байланыс деректері бойынша хабарлауұсынылады.

Постмаркетингтік зерттеулер

Статинді пайдаланумен байланысты когнитивті үдерістің постмаркетингтік жағдайлары (мысалы, жадының жоғалуы, ұмытшақтық, амнезия, жадының бұзылуы, сананың шатасуы) тіркелді. Осы когнитивтік бұзылулар барлық статиндерде білінді. Жалпы, алынған деректер күрделі сипатта болған жоқ және статиндерді қабылдауды тоқтатқаннан кейін, симптомдар көрініс берген (1 күннен жылға дейін) және симптомдар өткен (орта есеппен 3 апта) сәттен бастап, әртүрлі уақыт ішінде қайтымды болды.

Зертханалық зерттеулер

Қан сарысуында трансаминаза, сілтілік фосфатаза, гаммаглютамилтранспептидаза және креатинкиназа деңгейлерінің жоғарылағаны жөнінде мәлімделді. Бауыр функциясының бұзылулары жеңіл және өткінші болды. Вазилип® препаратын қоса, статиндерді қабылдаған кезде HbA1c және қан сарысуындағы глюкоза деңгейлерінің жоғарылағаны жөнінде мәлімделді.

Қолдануға болмайтын жағдайлар

- 10 жасқа дейінгі балалар

Дәрілермен өзара әрекеттесуі

Өзара әрекеттесулерін білуге зерттеулер ересек пациенттердің қатысуымен ғана жүргізілді.

Фармакодинамикалық өзара әрекеттесулері.

Липидтердің деңгейін төмендететін, жекелей қолданғанда миопатияның пайда болуына әкелуі мүмкін препараттармен өзара әрекеттесулері.

Фибраттармен бір мезгілде қолданған кезде, рабдомиолизді қоса, миопатияның пайда болу қаупі жоғарылайды. Бұдан басқа, гемфиброзилмен фармакокинетикалық өзара әрекеттесу болады, ол қан плазмасында симвастатин деңгейінің жоғарылауына әкеледі.

Басқа фибраттарға қатысты деректер жоқ. Миопатияның/рабдомиолиздің сирек жағдайлары липид-модификациялайтын дозаларда (тәулігіне ≥ 1 г) симвастатинді және ниацинді бір мезгілде қолданумен байланысты.

Басқа препараттардың симвастатинге ықпалы

CYP3A4 тежегіштеріне қатысты өзара әрекеттесулер.

Симвастатин P450 3A4 цитохромының субстраты болып табылады. P450 3A4 цитохромының күшті тежегіштері симвастатинмен емдеу кезінде қан плазмасында HMG-CoАредуктазаның белсенділігін тежейтін концентрацияларды арттыру арқылы миопатияның және рабдомиолиздің пайда болу қаупін ұлғайтады. Мұндай тежегіштерге итраконазол, кетоконазол, позаконазол, вориконазол, эритромицин, кларитромицин, телитромицин, АИТВ-протеаза тежегіштері (мысалы, нелфинавир) және нефазодон жатады. Итраконазолды бір мезгілде қолдану симвастатин қышқылының (бета-гидроксиқышқылының белсенді метаболиті) экспозициясының 10 еседен астамға жоғарылауына әкеледі. Телитромицин симвастатин қышқылы экспозициясының 11 есе жоғарылауына әкеледі.

Итраконазолмен, вориконазолмен, кетоконазолмен, позаконазолмен, АИТВ-протеаза тежегіштерімен (мысалы, нелфинавир), боцепревирмен, телапревирмен, эритромицинмен, кларитромицинмен, телитромицинмен, нефазодонмен, құрамында кобицистат бар препараттармен, сондай-ақ гемфиброзилмен, циклоспоринмен және даназолмен біріктіріп қолдануға болмайды. Егер жоғарыда аталған препараттарды қолдану қажет болып табылса, емдеу курсы ішінде симвастатинді қолдануды тоқтатқан жөн. Симвастатиннің (әсіресе жоғары дозаларда) CYP3A4 басқа азырақ күшті тежегіштерімен: флуконазолмен, верапамилмен, дилтиаземмен біріктірілімін абайлап тағайындау керек.

Флуконазол

Симвастатинді және флуконазолды бір мезгілде қолданумен байланысты рабдомиолиздің сирек жағдайлары жөнінде мәлімделді.

Циклоспорин

Миопатияның және рабдомиолиздің даму қаупімен байланысты симвастатинді және циклоспоринді бірге қолдануға болмайды. Циклоспоринмен өзара әрекеттесу механизмі аяғына дейін зерттелген жоқ, алайда циклоспориннің HMG-CoАредуктазаның AUC мәнінің артуына әкелетіні белгілі.

Даназол

Даназолды симвастатинмен бір мезгілде қолданғанда миопатия және рабдомиолиз қаупі жоғарылайды, сондықтан даназолмен бірге қолдануға болмайды.

Гемфиброзил

Гемфиброзил симвастатиннің AUC мәнін 1.9 есеге арттырады, бұл глюкуронизацияның тежелуімен байланысты болуы мүмкін. Вазилип® препаратын гемфиброзилмен бір мезгілде қолдануға болмайды.

Фузидий қышқылы

Рабдомиолизді қоса, миопатияның қаупі жүйелік әсері бар фузидий қышқылын статиндермен бір мезгілде қолданғанда жоғарылауы мүмкін. Бұл өзара әрекеттесудің механизмі (фармакодинамикасы және сондай-ақ фармакокинетикасы, немесе ол да және басқасы да) әзірге белгісіз. Бұл біріктірілімді қабылдаған пациенттерде рабдомиолиз туралы (оның ішінде кейбір өліммен аяқталған жағдайлар туралы) хабарланған. Бұл біріктірілімді бір мезгілде қолданғанда екі заттың да плазмадағы концентрациясының артуына әкелуі мүмкін. Егер фузидий қышқылымен ем керек болса фузидий қышқылы емінің барлық кезеңі бойына симвастатинмен емді тоқтату керек.

Амиодарон

Амиодаронды симвастатинмен бір мезгілде қолданғанда миопатияның және рабдомиолиздің даму қаупі жоғарылайды. Симвастатинді 80 мг дозада және амиодарон қабылдап жүрген пациенттердің 6%-да миопатия жөнінде мәлімделді. Сондықтан амиодаронды бір мезгілде қабылдап жүрген пациенттерде симвастатиннің дозасы тәулігіне 20 мг-ден аспауы тиіс.

Кальций өзекшелерінің блокаторлары

Верапамил: верапамилді 40 мг немесе 80 мг доза симвастатинмен бір мезгілде қолданғанда миопатия және рабдомиолиздің пайда болу қаупі жоғарылайды. Фармакокинетикалық зерттеулерде верапамилді бір мезгілде қолданғанда, шамамен CYP3A4 тежелуі себебінен, симвастатин қышқылы экспозициясының 2.3 есеге жоғарылағаны байқалды. Сондықтан симвастатиннің дозасы верапамилді бір мезгілде қабылдап жүрген пациенттерде тәулігіне 20 мг-ден аспауы тиіс.

Дилтиазем: дилтиаземді 80 мг доза симвастатинмен бір мезгілде қолданғанда миопатияның және рабдомиолиздің пайда болу қаупі жоғарылайды. Сондықтан симвастатиннің дозасы дилтиаземді бір мезгілде қабылдап жүрген пациенттерде тәулігіне 20 мг-ден аспауы тиіс.

Амлодипин: амлодипинмен ем алып жүрген және симвастатинді бір мезгілде қабылдап жүрген пациенттерде миопатияның жоғары қаупі болады. Фармакокинетикалық зерттеулерде амлодипинді бір мезгілде енгізу симвастатин қышқылыәсерінің 1,6 есеге жоғарылауына әкелді. Сондықтан амлодипинмен қатарлас қабылдап жүрген пациенттерде симвастатиннің дозасы күніне 20 мг аспауы тиіс.

Ломитапид: симвастатиннің дозасы тұқым қуалайтын гомозиготалы гиперхолестеринемиясы (гомоСГ) бар пациенттерде ломитадпен бірге қолданғанда 40 мг-ден аспауы тиіс.

CYP3A4 орташа тежегіштері: симвастатинмен бір мезгілде CYP3A4 орташа тежегіш әсері бар басқа дәрілер қабылдап жүрген пациенттерде миопатияның жоғары қаупі болуы мүмкін (әсіресе симвастатиннің өте жоғары дозаларын қабылдағанда).

OATP1B1 тасымалдаушы ақуыздың тежегіштері: симвастатин қышқылы тасымалдаушы ақуыздың субстраты OATP1B1 болып табылады. Тасымалдаушы ақуыздың OATP1B1 тежегіштері болып табылатын дәрілік препараттарды қатарлас қабылдау плазмада симвастатин қышқылының концентрациясы артуына және миопатия қаупі ұлғаюына әкелуі мүмкін.

Сүт безі обырына төзімділіктің тежегіштері (BCRP): құрамында элбасвир немесе гразопревир болатын өнімдерді қоса, BCRP тежегіштері болып табылатын дәрілік препараттарды қатарлас қабылдау плазмада симвастатин концентрациясының артуына және миопатия қаупі ұлғаюына әкелуі мүмкін.

Ниацин (никотин қышқылы):

Миопатияның/рабдомиолиздің сирек жағдайлары симвастатинді және ниацинді (никотин қышқылы) липид-модификациялайтын дозаларда (тәулігіне ≥ 1 г) бір мезгілде қолданумен байланысты болды. Фармакокинетикалық зерттеулерде никотин қышқылының бір реттік дозасын босап шығуы ұзаққа созылатын қышқылмен (2 г дозада) және симвастатинді 20 мг дозада бір мезгілде қолданғанда симвастатиннің және симвастатин қышқылының AUC мәнінің, сондай-ақ қан плазмасында симвастатин қышқылының Сmax көрсеткіштерінің орташа жоғарылауы байқалды.

Зерттеулер барысында қытай ұлтының адамында симвастатинді 40 мг дозада және никотин қышқылын/ларопипрантты 2 000 мг/40 мг дозада қолданғанда миопатияның пайда болу жиілігі, жалпы популяцияға қарағанда, жоғары болатындығы анықталды.

Грейпфрут шырыны

Грейпфрут шырының құрамында CYP3A4-ті тежейтін компоненттер бар, бұл метаболизміне CYP3A4 қатысатын дәрілік заттардың қан плазмасындағы деңгейінің жоғарылауына әкелуі мүмкін. Әдеттегідей қолданғанда (күніне 250 мл бір стакан) ықпалы өте аз (HMG-CoА редуктазаның тежегіш белсенділігі 13%-ға жоғарылайды) және клиникалық маңызы болмайды. Алайда үлкен көлемде болуы HMG-CoА редуктазаның тежегіш белсенділігін едәуір арттыратын болғандықтан, грейпфрут шырынын симвастатинмен емдеу кезінде рационнан алып тастау қажет.

Колхицин

Бүйрек функциясы бұзылған пациенттерде колхицинді және симвастатинді бір мезгілде қолданғанда миопатия және рабдомиолиз жағдайлары жөнінде мәлімделді. Мұндай пациенттерде біріктірілімді қолданған кезде клиникалық мониторингті жиі жүргізу ұсынылады.

Рифампицин

Рифампицин CYP3A4 күшті индукторы болып табылатындықтан, рифампицинді ұзақ уақыт қабылдап жүрген пациенттерде (мысалы, туберкулезді емдеу үшін), симвастатин тиімді болмауы мүмкін. Дені сау еріктілердің қатысуымен жүргізілген фармакокинетикалық зерттеулерде рифампицинді бір мезгілде қолданғанда симвастатин қышқылының «концентрация-уақыт» қисығы астындағы аудан (AUC) көрсеткіші 93%-ға төмендеді.

Симвастатиннің басқа препараттардың фармакокинетикасына ықпалы

Симвастатин P450 3A4 цитохромына тежегіш әсер бермейді. Сондықтан симвастатин қан плазмасында P450 3A4 цитохромы арқылы метаболизденетін препараттардың концентрацияларына ықпалын тигізеді деп күтілмейді.

Пероральді түрде қолдануға арналған антикоагулянттар: дені сау тұлғаларда және гиперхолестеринемиясы бар пациенттердің қатысуымен жүргізілген екі клиникалық зерттеуде симвастатин тәулігіне 20-40 мг дозаларда кумаринді антикоагулянттардың әсерін орташа күшейтті: халықаралық қалыптасқан қатынаста (ХҚҚ) білінген протромбин уақыты, бастапқы көрсеткіштермен салыстырғанда, дені сау тұлғаларда 1,7-1,8 есеге және гиперхолестеринемиясы бар пациенттерде 2,6-3,4 есеге артты. Кумаринді антикоагулянттарды қабылдап жүрген пациенттерде протромбин уақытын симвастатинмен емдеуді бастар алдында және, протромбин уақытына елеулі ықпалының жоқтығына көз жеткізу үшін, емдеудің бас кезінде мұны жиі анықтаған жөн. Егер протромбин уақыты өзгермесе, онда әрі қарай осы көрсеткішті әдетте кумаринді антикоагулянттарды қабылдап жүрген пациенттер үшін ұсынылған аралықпен тексереді. Егер симвастатиннің дозасын өзгертсе немесе препаратты қолдануды тоқтатса, протромбин индексін қайта талдаған жөн. Симвастатинді қолдану анткогулянттарды қабылдамаған пациенттерде қан кетудің пайда болуымен немесе протромбин уақытының өзгерулерімен астаспайды.

Басқа дәрілік заттармен өзара әрекеттесуі және өзара әрекеттесудің басқа түрлері

CYP3A4 орташа тежегіштері: CYP3A4-ке орташа тежегіш әсері бар басқа дәрілерді симвастатинмен, әсіресе жоғары дозаларда, қабылдап жүрген пациенттерде миопатияның даму қаупі жоғары болуы мүмкін.

OATP1B1 тасымалдайтын ақуыз тежегіштері: симвастатин қышқылы OATP1B1 тасымалдайтын ақуыздың субстраты болып табылады. OATP1B1 тасымалдайтын ақуыз тежегіштері болып табылатын дәрілік заттарды бір мезгілде қолдану қан плазмасында симвастатин қышқылы концентрациясының жоғарылауына және миопатияның даму қаупінің ұлғаюына әкеп соғуы мүмкін.