Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Успокой
Халықаралық патенттелмеген атауы
Жоқ
Дәрілік түрі, дозалануы
Гомеопатиялық таблеткалар.
Фармакотерапиялық тобы
Басқа да препараттар. Басқа емдік препараттар, барлығы.
АТХ коды: V03A.
Қолданылуы
Препарат жүйке қозығыштығы жоғарылағанда, ашушаңдықта, жүрек-қантамыр бұзылуының неврозында қолданылады.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Қатысты емес.
Басқа дәрілік препараттармен өзара әрекеттесуі
Осы уақытқа дейін басқа дәрілік заттармен үйлесімсіздік жағдайлары тіркелмеген. Гомеопатиялық препараттарды қолдану басқа дәрілік заттармен емдеуді жоққа шығармайды.
Арнайы ескертулер
Айрықша нұсқаулар
Гомеопатиялық дәрілік заттарды қабылдаған кезде бұрыннан бар симптомдар (алғашқы нашарлау) уақытша өршуі мүмкін. Бұл жағдайда препаратты қабылдауды тоқтату және емдеуші дәрігерге қаралу керек.
Педиатрияда қолдану
Успокой препараты балаларға арналмаған.
Жүктілік немесе лактация кезеңінде
Успокой препараты жүктілік және бала емізу кезінде әйелдерде қолдануға болмайды, өйткені оның тиімділігі мен қауіпсіздігі осы кезеңде зерттелмеген.
Препараттың көлік құралдарын немесе қауіпті деп саналатын механизмдерді басқару қабілетіне ықпал ету ерекшеліктері
Успокой препаратымен емдеу кезеңінде аса назар аударуды және психомоторлық реакциялардың жылдамдығын талап ететін (көлік құралдарын басқару, қозғалатын механизмдермен жұмыс істеу, диспетчер, оператор жұмысы) потенциалды қауіпті қызмет түрлерін орындау кезінде сақ болу керек.
Қолдану жөніндегі нұсқаулар
Дозалау режимі
Препаратты күнделікті таңертең кем дегенде тамақтануға дейін 15 минут бұрын 1 таблеткадан қабылдау керек. Таблетканы тіл астында, шайнамай және жұтпай, толық ерігенге дейін ұстау керек.
Жүйке-психикалық жүктемелер (стрестер) жоғарылағанда препаратты күніне 2-3 рет қабылдауға болады.
Емдеу курсы 1-2 айды құрайды. Қажет кезде емдеу курсын екі-үш аптадан кейін қайталауға болады.
Артық дозалану жағдайында қабылдануы қажеті шаралар
Артық дозаланғанда препараттың құрамына кіретін қосымша заттардан болған диспепсиялық құбылыстар (жүрек айнуы, құсу, диарея) болуы мүмкін. Емдеу препаратты тоқтату және симптоматикалық ем тағайындау, мысалы, пероральді регидратациямен (суды молынан ішу) көрініс табады.
Дәрілік препараттың бір немесе бірнеше дозасын жіберіп алғанда қажетті шаралар
Препараттың дозасын жіберіп алған жағдайда жіберіп алған дозаны барынша ертерек қабылдау және препаратты қабылдау курсын басталған сызба бойынша жалғастыру қажет. Ұмытып кеткен дозаны алмастыру үшін оны екі еселеуге болмайды.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Препаратты қолданар алдында дәрігермен кеңесіңіз.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз реакцияларды туындау жиілігі бойынша жіктеу үшін мынадай шарттар қолданылды: өте жиі (≥1/10), жиі (≥1/100, <1/10), кейде (≥1/1000, <1/100), сирек (≥1/10000, <1/1000, өте сирек (<1/10000), белгісіз (жиілігі қолда бар деректер негізінде есептелуі мүмкін емес).
Клиникалық зерттеулер, тіркеуден кейінгі тәуелсіз зерттеулер және өздігінен түскен хабарламалар мониторингі аясында препаратты қабылдаумен белгілі бір байланысы бар жағымсыз реакциялардың даму жағдайлары тіркелмеген.
Аллергиялық реакциялар болуы мүмкін.
Жағымсыз реакцияларды туындау жиілігі постмаркетингтік қадағалау негізінде есептелуі мүмкін емес.
Егер препаратты қабылдағанда жағымсыз реакциялар туындаса қабылдауды тоқтатып, дәрігерге қаралу қажет.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Қосымша мәліметтер
Бір таблетканың құрамы:
белсенді зат: (1:1:1 арақатынастағы гомеопатиялық тритурация түрінде) – 0,0024 г, Zincum isovalerianicum (Zincum valerianicum) С200, Cimicifuga racemosa (Cimicifuga) С200, Strychnos ignatii (Ignatia) С200;
қосымша заттар: лактоза моногидраты – 0,2112 г, микрокристалды целлюлоза – 0,0240 г, магний стеараты – 0,0024 г.
Сыртқы түрінің, иісінің, дәмінің сипаттамасы
Жалпақ цилиндр пішінді, ойығы, ақ немесе ақ дерлік түсті таблеткалар.
Шығарылу түрі және қаптамасы
20 таблеткадан поливинилхлоридті үлдірден және алюминий фольгадан жасалған пішінді ұяшықты қаптамада.
1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Срок хранения
3 жыл.
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25ºС-денаспайтын температурада сақтау қажет.
Балалардың қолы жетпейтінжерде сақтау керек.
Дәріханалардан босатылу шарттары
Рецептісіз.
Өндіруші туралы мәлімет
«МАТЕРИА МЕДИКА ХОЛДИНГ» ҒӨФ» ЖШҚ;
Ресей, 127473, Мәскеу қ-сы, 3-ші Самотечный қысқа көшесі, 9 үй.
Тел./факс: +7 (495) 684-43-33.
Дәрілік препарат өндірілген орынның мекенжайы
Ресей, 454139, Челябинск қ., Бугурусланская к-сі, 54 үй.
Тіркеу куәлігінің ұстаушысы
«МАТЕРИА МЕДИКА ХОЛДИНГ» ҒӨФ» ЖШҚ, Ресей.
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«МАТЕРИА МЕДИКА ХОЛДИНГ» ҒӨФ» ЖШҚ ҚР-дағы өкілдігі
Алматы қ-сы, Сейфуллин к-сі 498.
Тел./факс: 2734713.
E-mail: kz@dep.materiamedica.ru
