Цитовир-3 20 г порошок для пригот. сусп.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Цитовир-3 20 г порошок для пригот. сусп.

5239
Қолжетімділігі
Сатылымда бар
Үлгі
4606603000186
Елі
Россия
Өндіруші
Цитомед ЗАО (Россия)
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Цитовир®-3

Халықаралық патенттелмеген атауы

Жоқ

Дәрілік түрі, дозасы

Ішке қабылдау үшін ерітінді дайындауға арналған ұнтақ

Фармакотерапиялық тобы

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03AХ

Қолданылуы

Бір жастан асқан балалардағы тұмау және жедел респираторлық вирусты инфекцияларды кешенді емдеу құрамында және профилактикасы ретінде.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе «Қосымша мәліметтер» бөліміндекөрсетілген қосымша заттардың кез келгеніне аса жоғары сезімталдық

- лактаза тапшылығы, лактоза жақпаушылығы, сахараза/изомальтаза тапшылығы, фруктоза жақпаушылығы, глюкозогалактозды мальабсорбция

- жүктілік

- 1 жасқа дейінгі балаларға

Қажет болған жағдайда препаратты қабылдар алдында дәрігердің кеңесі ұсынылады.

Қолдану кезінде қажетті сақтық шаралары

Егер сізде қант диабеті, кейбір қанттарды көтере алмау немесе артериялық гипотензия болса, препаратты қабылдар алдында дәрігермен кеңесіңіз.

Басқа дәрілік препараттармен өзара әрекеттесуі

Вирусқа қарсы препараттармен және тұмау мен ЖРВИ симптоматикалық емінің дәрілерімен бір мезгілде қолданылуы мүмкін.

Осы дәрілік препаратты басқа дәрілік препараттармен, өсімдік дәрілік препараттарымен, тамақпен, алкогольмен, шылым шегумен және медициналық мақсатта пайдаланылмайтын фармакологиялық белсенді заттармен қолдануға әсер ететін өзара әрекеттесулер анықталған жоқ.

1 кесте

Дәрілік препараттар

Әсері

Альфа-глутамил-триптофан

Анықталмаған

Бендазол гидрохлориді

Селективті емес бета-адреноблокаторлар

Тамырлардың жалпы шеткері кедергісінің артуына кедергі жасайды

Гипотензиялық және диуретикалық препараттар

Гипотензиялық әсерді күшейтеді (артериялық қысымның төмендеуі)

Фентоламин

Бендазолдың гипотензиялық әсерін күшейтеді

Аскорбин қышқылы

Бензилпенициллин мен тетрациклиндер

Қандағы концентрацияны көтермелейді

Темір препараттары

Ішекте сіңірілуін жақсартады (үш валентті темірді екі валентті темірге ауыстырады)

Гепарин және тікелей емес антикоагулянттар

Олардың тиімділігін төмендетеді

Ацетилсалицил қышқылы (АСҚ)

Сіңуі мен сіңірілуін төмендетеді, несеппен аскорбин қышқылының бөлінуі артады және АСҚ бөлінуі төмендейді. АСҚ сіңірілуін шамамен 30%-ға төмендетеді

Пероральді контрацептивтер

Сіңуі мен сіңірілуін төмендетеді

Қысқа әсер ететін салицилаттар мен сульфаниламидтер

Кристаллурияның даму қаупін арттырады, қышқылдардың бүйрек арқылы шығарылуын баяулатады

Сілтілі реакциялары бар препараттар (оның ішінде алкалоидтар)

Шығарылуын арттырады

Изопреналин

Бір мезгілде қолданған кезде хронотропты әсерді азайтады

Барбитураттар мен примидон

Аскорбин қышқылының несеппен шығарылуын арттырады

Психозға қарсы дәрілер (нейролептиктер) – фенотиазин туындылары

Емдік әсерін азайтады

Амфетамин мен трициклді антидепрессанттар

Өзектік қайта сіңірілуді азайтады

Емдеуші дәрігер пациенттің қандай препаратты қабылдайтынын, жақында қабылдағанын немесе қабылдауды бастай алатынын білуі тиіс. Егер пациент кез келген басқа дәрілік заттарды қабылдаса, препаратты қолдану мүмкіндігіне қатысты дәрігердің кеңесін алу міндетті.

Арнайы ескертулер

Препарат құрамында фруктоза бар, 2 аптадан астам қабылдау тістің зақымдануын тудыруы мүмкін.

Қайталанған курстан кейін қандағы глюкоза концентрациясын бақылау ұсынылады. Қант диабетімен ауыратын науқастар үшін ақпарат: 1 мл препарат ерітіндісінде 20 мг лактоза және 366,6 мг фруктоза (препаратта хош иістендіргішсіз) немесе 366,2 мг фруктоза бар (хош иістендіргіші бар препаратта), бұл 0,032 нан бірлігіне (НБ) сәйкес келеді.

Препараттың бір реттік және тәуліктік дозаларында қанттың болуы, НБ:

2 кесте

Дайындалған ерітінді, мл

Бір реттік доза, НБ

Тәуліктік доза, НБ

2

0,06

0,19

4

0,13

0,38

8

0,26

0,7

12

0,38

1,15

Жүктілік немесе лактация кезінде

Препаратты жүктілік кезінде қолдануға болмайды.

Егер анасы үшін күтілетін пайдасы бала үшін ықтималды қауіптен артатын болса, емшек емізу кезеңінде қолданылуы мүмкін.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Зерттелмеген.

Қолдану жөніндегі нұсқаулар

Дозалау режимі

3 кесте

Балалар жасы

1-3 жас

3-6 жас

6-10 жас

10 жастан аса

Емдеу үшін

2 мл

күніне 3 рет

4 мл

күніне 3 рет

8 мл

күніне 3 рет

12 мл

күніне 3 рет

Профилактика үшін

Тұмаумен және басқа да ЖРВИ-мен ауыратын науқастармен тікелей байланыста болған кезде

2 мл

күніне 3 рет

4 мл

күніне 3 рет

8 мл

күніне 3 рет

12 мл

күніне 3 рет

Ерітіндіні дайындау ережесі: құтыдағы ұнтаққа 40 мл (қайнатылған, бөлме температурасына дейін суытылған) су құйып, жақсылап шайқау керек. Ішіндегісі толығымен еруі тиіс. Су қосылғаннан кейінгі ерітінді көлемі – 50 мл.

Енгізу әдісі және жолы

Тамаққадейін 30 минут бұрын ішке қабылдайды.

Емдеу ұзақтығы

Қолдану курсы4 күн.

Профилактикалық курстары қажет болған жағдайда 3 аптадан кейін қайталанады.

Артық дозаланған жағдайда қолданылуы қажет шаралар

Артық дозалану жағдайлары сипатталмаған.

Препараттың алғашқы ашылуын бақылаумен және/немесе балалардан қорғауымен қауіпсіз қаптамасы және артық дозалауды болдырмау үшін қарапайым ыңғайлы дозалаушы құрылғысы бар.

Дәрілік препараттың бір немесе бірнеше дозасын өткізіп алған кездегі қажетті шаралар

Дозаны өткізіп алған кезде дозаны және курсты ұлғайтпай, нұсқаулықта көрсетілген сызба бойынша қабылдауды жалғастыру ұсынылады.

Дозаны жоғарыда ұсынылғаннан арттыру емдік әсердің артуына әкелмейді.

Тоқтату симптомдары қаупінің барын көрсету

Жоқ

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Қажет болған жағдайда, препаратты қабылдар алдында дәрігермен кеңесіңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Препаратты қабылдайтын пациенттерде артериялық гипотензия жағымсыз реакциясы болуы мүмкін.

Жергілікті аллергиялық реакция түрінде өте сирек байқалған жағымсыз реакция, ол алдын ала болжанған ретінде жіктеледі. Бұл жағымсыз реакция пайда болған кезде препаратты тоқтатқаннан кейін қандай да бір салдарсыз толық сауығу басталады.

Теріжәне тері асты шелітарапынан

Өте сирек

- аса жоғары сезімталдық реакциялары

Иммундық жүйелер тарапынан бұзылулар

Өте сирек

- аллергиялық реакциялар

Тамырлар тарапынан бұзылулар

Белгісіз (қолда бар деректер негізінде бағалау мүмкін емес)

- артериялық қысымның қысқа мерзімдік төмендеуі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл дайындалған ерітіндінің құрамында:

белсенді заттар: тимоген® натрий 0,15 мг (Тимоген®-ге шаққанда),

аскорбин қышқылы 12 мг, бендазол гидрохлориді (дибазол) 1,25 мг,

қосымша заттар: лактоза моногидраты, фруктоза.

Сыртқы түрінің, иісінің, дәмінің сипаттамасы

Ақ немесе сарғыш реңкпен ақ түсті ұнтақ.

Шығарылу түрі және қаптамасы

20 г-нан күңгірт шыны құтыларға салынған. Құтыны сақтандыру сақинасы және/немесе алюминий фольгадан жасалған жарғақша түріндегі алғаш ашылуы бақыланатын, балалардың өз бетінше ашуынан қорғайтын пластмасса қақпақпен тығындайды. Құтыларға өзі желімделетінзаттаңбалар немесе көп бетті заттаңбалар жапсырылады.

Бір құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады немесе заттаңбаның ашылатын бөлігінің астына бүктелген парақ түрінде салынған.

Қорапшағадозалағышқұрылғы салынады: өлшеуіш стақан.

Сақтау мерзімі

3 жыл. Дайындалған ерітіндіні сақтау мерзімі 10 тәулік.

Жарамдылық мерзімі өткеннен кейін қолдануға болмайды.

Сақтау шарттары

Құрғақ жерде, 25 оС-ден аспайтын температурада сақтау керек.

Дайындалған ерітіндіні жарықтан қорғалған жерде, 2 оС-ден 8оС-ге дейінгі температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Цитомед» Медициналық-биологиялық ғылыми-өндірістік кешені»

Акционерлік қоғамы

(«Цитомед» МБҒӨК» АҚ), Ресей 194356,

Санкт-Петербург қ., Орлово-Денисовский даңғ., 14 үй, 1 құрылым

Тел./факс: 8 (800)505-03-01, электронды пошта: www.cytomed.ru

Тіркеу куәлігінің ұстаушысы

«Цитомед» Медициналық-биологиялық ғылыми-өндірістік кешені»

Акционерлік қоғам

(«МБҒӨК «Цитомед» АҚ), Ресей 194356,

Санкт-Петербург қ., Орлово-Денисовский даңғ., 14 үй, 1 құрылым

Тел./факс: 8 (800)505-03-01, электронды пошта: www.cytomed.ru

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«PARASAT PHARMA MEDICAL» ЖШС, Қазақстан Республикасы,

050046, Алматы қ., Алатау ауданы, Шаңырақ-1 ықш. ауд.,

Өтемісұлы к-сі, 71Б үй

Тел.: +7 (727) 364-52-05; +7 (702) 490-31-10

E-mail: zhenyagr78@mail.ru

Дәріханалар

Тауар артығымен бар
Тауар аз қалды
Аптека №169, Актобе, (ТЦ Дастан Сити)
г.Актобе, 12 мкр, д 21Д, 1А
круглосуточно
Аптека № 69, Актобе,
ул.Шайкенова д.13А
Круглосуточно