Тамекраз глазная мазь 3 мг/г 5 г.

Сипаттама

Дәрілік затты медициналық қолдану

жөніндегі нұсқаулық

Тамекраз

Саудалық атауы

Тамекраз

Халықаралық патенттелмеген атауы

Жоқ

Дәрілік түрі

Көзге арналған жақпамай 3 мг/г+1 мг/г, 5 г

Құрамы

1 г жақпамайдың құрамында

белсенді заттар -тобрамицин сульфаты (тобрамицинге баламалы) 3,0 мг,дексаметазон 1,0 мг

қосымша заттар: метилпарагидроксибензоат, пропилпарагидроксибензоат, сұйық парафин, ақ жұмсақ парафин

Сипаттамасы

Ақтан ашық-сары түске дейінгі қоюлығы біртекті жақпамай.

Фармакотерапиялық тобы

Микробқа қарсы препараттармен біріктірілген қабынуға қарсы препараттар. Микробқа қарсы препараттармен біріктірілгенглюкокортикостероидтер. Микробқа қарсы препараттармен біріктірілген дексаметазон.

АТХ коды S01СА01

Фармакологиялық қасиеттері

Фармакокинетикасы

Дексаметазон

Тамекраз препаратын жергілікті қолданғаннан кейін дексаметазонның жүйелі әсері төмен. Мөлдір қабықтағы және витреальді сұйықтықтағы ең жоғары концентрациясына 1 – 2 сағаттың ішінде жетеді. Тамекраз препаратын 2 күн бойы әр көзге күніне 4 рет жергілікті қолданғаннан кейінплазмадағы ең жоғары концентрациясы 220-888 пг/мл диапазонында (орташа мәні 555±217 пг/мл) болады.

Дексаметазон негізінен метаболиттер түрінде шығарылады. Дозаның шамамен 60%-ы несепте 6-β-гидроксидексаметазон түрінде анықталады. Өзгермеген дексаметазон несепте болмайды. Плазмадан жартылай шығарылу кезеңі 3-4 сағатты құрайды. Плазма ақуыздарымен аздаған дәрежеде байланысады (77-84%). Плазмалық клиренсі 0,111-ден 0,225 л/с/кг дейін өзгереді және таралу көлемі 0,576-дан 1,15 л/кг дейін.

Тобрамицин

Тамекраз офтальмологиялық жақпамайын жергілікті қолданғаннан кейін тобрамициннің жүйелі әсері мардымсыз. 2 тәулік жергілікті қолданғаннан кейін (көздің айналасына) тобрамициннің плазмалық концентрациясы көптеген пациентте мөлшерлік анықталу шегінде немесе одан төмен (≤0,25 мкг/мл).

Тобрамицин шумақтық сүзілу арқылы несеппен негізінен өзгермеген түрде жылдам және толық шығарылады. Бүйрек функциясы қалыпты пациенттерде жүйелі қолданғаннан кейін 0,04 в/с/кг клиренспен және 0,26 л/кг таралу көлемімен плазмадан жартылай шығарылу кезеңі шамамен 2 сағат. Протеиндердің қан плазмасы тобрамицинімен байланысуы 10%-дан кем. Ішу арқылы қабылдағаннан кейін тобрамициннің биожетімділігі төмен (<1%).

Фармакодинамикасы

Тамекраз көзге арналған жақпамайы - әсер ету ауқымы кең аминогликозидті антибиотик тобрамицин және синтетикалық кортикостероидтан дексаметазоннан тұратын біріктірілген дәрілік зат болып табылады.

Дексаметазон

Кортикостероидтар тамырлы эндотелийлік жасушалардың молекулалары, I және II циклооксигеназасы адгезиясын және цитокиндер лықсытуын бәсеңдету арқылы қабынуға қарсы әсер етеді. Бұл әсер қабынуға қарсы медиаторлар шығарылуын төмендетумен және тамырлы эндотелийге циркуляцияланатын айналыста болатын лейкоциттер адгезиясын бәсеңдетумен аяқталады, осылайша көздің қабынған тіндері адгезиясына жол бермейді. Дексаметазон кейбір басқа стероидтармен салыстырғанда минералокортикоидтар белсенділігі төменқабынуға қарсы белсенділігі айқын және қабынуға қарсы белсенді дәрі болып табылады.

Тобрамицин

Әсер ету механизмі

Тобрамицин грамоң, сондай-ақ грамтеріс микроорганизмдерге қатысты белсенді аминогликозидтер тобының әсер ету ауқымы кең антибиотик. Ол полипептидті қосылыстарды және рибосомдар синтезін тежеу арқылы бактериялық жасушаға алғаш әсер етеді.

Тұрақтылық механизмі

Тобрамицинге төзімділік бактериялық жасуша ішіндегі рибосомалардың суббірліктерін өзгеруі, жасуша ішіндегі тобрамицин тасымалдануының интерференциясы және модификацияланған ферменттер – аденилат, фосфорилат және ацетилаттың белгілі класымен тобрамициннің белсенділігін жоюын қоса, бірнеше механизм арқылы дамиды. Белсенділігі жойылған ферменттердің өнімі туралы генетикалық ақпаратты бактериялық хромосомалар немесе плазмидтер тасымалдауы мүмкін. Басқа аминогликозидтерге айқаспалы төзімділік болуы мүмкін.

Сезімталдық спектрі

Төменде келтірілген шекті мәндер және in vitro спектр жүйелі қолдануға негізделеді. Бұл шекті мәндер көзге жергілікті қолданғанда жарамсыз болуы мүмкін, өйткені бұдан жоғары концентрациялары жергілікті алынған және жергілікті физикалық/химиялық жағдайлар қолданған жерде препараттың белсенділігіне әсер етуі мүмкін.

Бактерияға қарсы дәрілерге сезімталдықты зерттеу бойынша еуропалық комиссия (ЕUCAST) тобрамицин үшін мынадай шекті мәндерді белгілеген:

• Enterobacteriaceae S ≤ 2 мг/л, R > 4 мг/л
• Pseudomonas spp. S ≤ 4 мг/л, R > 4 мг/л
• Acinetobacter spp. S ≤ 4 мг/л, R > 4 мг/л
• Staphylococcus spp. S ≤ 1 мг/л, R > 1 мг/л
• Not species-related S ≤ 2 мг/л, R > 4 мг/л

Төменде ұсынылған ақпарат микроорганизмдердің көзге арналған жақпамай түріндегі тобрамицинге сезімталболуының жуық ықтималдығын көрсетеді. Мұнда конъюнктивиттегі секілді көздің сыртқы инфекцияларында идентификацияланған бактериялық штамдар берілген.

Жүре пайда болған төзімділіктің таралуы кейбір түрлер үшін географиялық және уақыт бойынша өзгеруі мүмкін, жергілікті төзімділік туралы, атап айтқанда ауыринфекцияларды емдеу жөнінде ақпарат болғаны жөн. Егер инфекцияның кейбір түрлерінде тобрамицинді қолдану күмәнді болса, сарапшыға хабарласуға болады.

Әдетте сезімтал штамдар

Аэробты грамоң микроорганизмдер: Bacillus megaterium, Bacillus pumilus, Corynebacterium accolens, Corynebacterium bovis, Corynebacterium macginleyi, Corynebacterium pseudodiphtheriticum, Kocuria kristinae, Staphylococcus aureus (methicillin susceptible – MSSA), Staphylococcus haemolyticus (methicillin susceptible - MSSH).

Аэробты грамтеріс микроорганизмдер: Acinetobacter junii, Acinetobacter ursingii, Citrobacter koseri, Escherichia coli, Klebsiella oxytoca, Klebsiella pneumoniae, Moraxella catarrhalis, Moraxella osloensis, Morganella morganii, Neisseria perflava, Proteus mirabilis, Pseudomonas aeruginosa, Serratia liquifaciens.

Жүре пайда болған төзімділік үшін проблема болатын штамдар: Acinetobacter baumanii, Bacillus cereus, Bacillus thuringiensis, Kocuria rhizophila, Staphylococcus epidermidis, Staphylococcus haemolyticus (methicillin resistant –MRSH), Staphylococcus, other coagulase-negative spp., Serratia marcescens.

Туа біткен төзімділігі бар организмдер

Аэробты грамоң микроорганизмдер: Enterococcus faecalis, Staphylococcus aureus (methicillin resistant – MRSA), Streptococcus mitis, Streptococcus pneumoniae, Streptococcus pyogenes, Streptococcus sanguis..

Аэробты грамтеріс микроорганизмдер: Chryseobacterium indologenes, Haemophilus influenza, Stenotrophomonas maltophilia.

Анаэробты бактериялар: Propionibacterium acnes.

Қолданылуы

Көз беткейіндегі бактериялық инфекциясымен немесе көздің бактериялық инфекциялары туындауы қаупімен қатар жүретін көздің қабыну жағдайлары, ол кезде кортикостероидтармен емдеу көрсетілген:

• көздің алдыңғы бөлігінің қабыну жағдайларында
• көздің алдыңғы бөлігінің созылмалы увеиттерінде
• мөлдір қабықтың химиялық заттармен, радиациямен немесе термиялық күюлерден, сондай-ақ бөгде денелердің түсуінің нәтижесінде зақымдануында

Қолдану тәсілі және дозалары

Офтальмологиялық жақпамайлар немесе көзге тамызатын дәрі түріндегі кортикостероидтарды көзді тексеріп көргеннен кейін тағайындау керек.

Жақпамайдың шамамен 1,0-1,5 см жолағын зақымданған көздің конъюнктивальді қалтасына күніне 3-4 рет қолданады. Жақпамайлар немесе көзге тамызатын дәріні бірге қолдануға болады: жақпамайды – ұйықтар алдында, көзге тамызатын дәріні – күні бойы.

Көзге арналған жақпамайды қолдану:

• шалқайыңыз
• көз астының терісіне саусағыңызды қойып, тері мен көздің арасында V-тәрізді шұңқыр пайда болғанға дейін теріні төмен қарай созыңыз
• Тамекраз жақпамайының аздаған мөлшерін (ұзындығы 1-1,5 см жолағын) пайда болған V-тәрізді қалтаға салыңыз. Сықпаның ұшын көзге тигізбеңіз
• Көзді жұмбай тұрып бірнеше секунд бойы төмен қараңыз.

Емдеуді уақытынан бұрын тоқтатуға болмайды.

Сықпаның ішіндегісі ластанбауы үшін оның ұшын көзге немесе кез келген басқа беткейге тигізуге болмайды.

Препаратты қолданғаннан кейін мұрынжас өзегін қысу немесе қабақты басу ұсынылады. Бұл көз тіндері арқылы қолданылатынын дәрілік препараттың жүйелі сіңірілуін және жағымсыз әсерлерін төмендетеді. Емдеу курсы дәрігердің тағайындауы бойынша.

Көзге жергілікті қолдануға арналған басқа дәрілік препараттарменбіріктірілген емдеуді жүргізгенде қолданудыңарасында кем дегенде 5-минуттық аралық үзіліс болуы қажет. Көзге арналған жақпамайды ең соңында қолдану керек.

Жағымсыз әсерлер

Ең жиі хабарланған жағымсыз реакциялар — көздің ауыруы, көзішілік қысымның артуы, көздің тітіркенуі және қышынуы, пациенттердің 1%-нан кемінде байқалады.

Жағымсыз реакцияларды жіктеу үшін олардың пайда болуы жиілігінің негізінде мынадай кезеңділік пайдаланылған: өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10 000 <1/1000 дейін), өте сирек (<1/10000), жиілігі белгісіз (қолда бар деректер бойынша жиілігі анықталмаған.)

Жергілікті

Жиі емес (≥1/1000 <1/100 дейін)

• көзішілік қысымның артуы
• көздің ауыруы
• көздің тітіркенуі
• көздің қышынуы
• көздің жайсыздығы
• көзден қатты жас ағуы
• қабақтың ісінуі
• қабақтың қышынуы
• нүктелік кератит.
• кератит
• көздің бұлдырлауы
• көздің құрғауы
• көз гиперемиясы
• дисгевзия
• көзден бөгде затты сезіну.
• мөлдір қабықтың тесілуі.
• аса жоғары сезімталдық
• глаукома
• катаракта
• көру өткірлігінің төмендеуі
• мидриаз
• көз қарығу
• көру аймағының тарылуы.
• ларингоспазм
• ринорея
• бас ауыруы.
• дәм сезудің бұзылуы (жағымсыз немесе ащы дәм).
• бүйрекүсті безі функциясының бұзылуы
• бас айналуы
• жүрек айнуы, құсу
• іш тұсының жайсыздығы
• бөртпе
• беттің ісінуі
• қышыну, мультиформды эритема.
• тобрамицинге, дексаметазонға немесе қандай да бір қосымша затқааса жоғары сезімталдықта
• Herpes simplex герпес қоздырғышы туғызған кератит
• мөлдір қабық пен конъюнктиваның шешек, желшешекке екпе жасағаннан кейінгі және басқа вирустық ауруларында
• көздің зеңді ауруларында
• Mycobacterium tuberculosis, Mycobacterium leprae, or Mycobacterium avium шектеусіз туындатқан көздің микобактериялық инфекцияларында
• көздің жедел іріңді ауруларында
• балалар және 18 жасқа дейінгі жасөспірімдер
• жүктілік және лактация

Сирек (≥1/10 000<1/1000 дейін)

Өте сирек (<1/10000)

Жиілігі белгісіз

Жүйелі

Жиі емес (≥1/1000 <1/100 дейін)

Сирек (≥1/10 000<1/1000 дейін)

Өте сирек (<1/10000).

Белгісіз жиілікпен

Жекелеген жағымсыз әсерлердің сипаттамасы

Мөлдір қабықты немесе склераның жұқаруын туғызатын ауруларда стероидты компонент болғандықтан, әсіресе ұзақ емдеуден кейін тесілу қаупі жоғары болады. ("Айрықша нұсқаулар" бөлімін қараңыз).

Жергілікті әсер ететін офтальмологиялық стероидтарды ұзақ пайдалану көру жүйкесін бұзумен, сондай-ақ артқы субкапсулярлы катаракта және жараның баяу жазылуы дамуымен көру өткірлігінің төмендеуімен және көру аймағының бұзылуымен көзішілік қысымның артуына әкеп соғады("Айрықша нұсқаулар" бөлімін қараңыз).

Қайталама инфекция дамуы стероидтар және бактерияға қарсы дәрілер біріктірілімін пайдаланғаннан кейін байқалған. Мөлдір қабықтың зеңді инфекциялары әсіресе стероидтарды ұзақ мерзім қолданғаннан кейін жиі дамыған. Зеңді инфекция даму мүмкіндігін стероидты емдеу кезінде мөлдір қабықтың кез келген тұрақты жаралары болғанда қарастыру қажет. Сонымен қатар, реципиент реакциясын бәсеңдеткеннен кейін көздің қайталама инфекциясы дамиды.

Нейроуыттылық, отоуыттылық және нефроуыттылықты қоса, күрделі жағымсыз реакциялар тобрамицинмен жүйеліемді қабылдаған науқастарда орын алған ("Айрықша нұсқаулар" бөлімін қараңыз).

Кейбір пациенттерде жергілікті қолданғанда аминогликозидтерге сезімталдық дамуы мүмкін ("Айрықша нұсқаулар" бөлімін қараңыз).

Қолдануға болмайтынжағдай

Тамекраз көзге арналған жақпамайы мөлдір қабықтан бөгде затты зақымдамай алғаннан кейін және кез келген инфекцияларда немесе мөлдір қабық эпителий беткейінің зақымдануында қолдануға болмайды.

Дәрілермен өзара әрекеттестігі

Тамекраз препаратымен дәрілік өзара әрекеттесуіне арнайы зерттеулер жүргізілген жоқ. Тобрамицин және дексаметазонның жергілікті қолданғанда жүйелі сіңірілуі азғана, осыған орай дәрілермен өзара әрекеттесуі даму қаупі өте аз.

Аминогликозидті (тобрамицин) біріктіріп және/немесе бірізді қолданғанда және басқа жүйелі, нейроуыттылық, отоуыттылық және нефроуыттылықты қоса, күрделі жағымсыз әсерлері бар препаратты ішу арқылы немесе жергілікті қолданғаннан кейін қосымша уыттылыққа әкеп соғуы мүмкін және мүмкіндігінше алып тасталуы керек.

Жергілікті стероидтарды және жергілікті ҚҚСП бір мезгілде қолдану мөлдір қабықтың жазылуы проблемасын күшейті мүмкін.

Бірнеше офтальмологиялық препараттарды жергілікті қолданғаннан кейін, препараттарды қолданудың арасында 5 минуттық аралық болуы керек. Жақпамайды ең соңынан қолдану керек.

Ритонавирді қабылдап жүрген пациенттердің қан плазмасындағыдексаметазонның концентрациясы артуы мүмкін ("Айрықша нұсқаулар" бөлімін қараңыз).

Айрықша нұсқаулар

Аминогликозидтерге сезімталдық

Тек көзді емдеуге арналған. Инъекция немесе ішке қабылдауға арналмаған. Кейбір пациенттерде жергілікті қолдануға арналған аминогликозидтерге сезімтал. Аса жоғары сезімталдық реакцияларының ауырлық дәрежесі эритема, қышыну, есекжем, тері бөртпесі, анафилаксия, анафилактоидты реакциялар немесе буллезді реакциялар сияқты жергілікті әсерденжайылған реакцияларға дейін өзгеруі мүмкін. Офтальмологиялықстероидтарды шамадан тыс және ұзақ уақыт қолдану көз асқынуларының даму қаупін арттырады және жүйелі жағымсыз әсерлер себебіне айналуы мүмкін. Тиісті мерзімде өтпейтін қабыну үдерістерінде емдеудің баламалы әдістерін қолдану мүмкіндігін қарастыру қажет.

Кортикостероидтар

Кортикостероидтарды жергілікті қолдану кортизол сөлінісі, сондай-ақ плазмадаға кортизолдың концентрациясы азаюымен қатар жүруі мүмкін. Кортикостероидтар адрено-гипоталамус-гипофизарлы жүйенің бәсеңдеуімен, Кушинг синдромы, сондай-ақ балалардың бойы өсуі баяулауымен астасады, әсіресеұзақ емдегенде немесе жоғары дозаларды қолданғанда. Офтальмологиялық дексаметазонның жүйелі сіңірілуімен байланысты Кушинг синдромы және бүйрекүсті бездерінің функциясы төмендеуі ритонавирмен емдеуді қабылдап жүрген балалар және пациенттерді қоса,осындай реакцияларға бейім пациенттерде қарқынды немесе ұзақ үздіксіз емдеуден кейін дамуы мүмкін. Мұндай жағдайларда емдеу күрт тоқтатылмай, біртіндеп қысқартылуы керек.

Ұзақ қолданғанда гипертензия және/немесе глаукома, көру жүйкесінің зақымдануы, көру өткірлігінің төмендеуі, көру аймағының тарылуы, содан кейін артқы субкапсулярлы катаракта пайда болуы дамуы мүмкін. Жеке немесе отбасылық анамнезде глаукомасы бар пациенттерде кортикостероидтардан болған көзішілік қысым даму қаупі жоғары. Ұзақ офтальмологиялық кортикостероидтарды қабылдайтын пациенттерде КІҚ тұрақты және жиі тексерілуі қажет.

Бұл әсіресе педиатриялық практикада маңызды, өйткені индукцияланған кортикостероидтармен көз гипертензиясы даму қаупі ересектерге қарағанда балаларда даму қаупі жоғары және ерте орын алуы мүмкін.Тамекраз препараты балаларға қолдану үшін бекітілмеген. Емдеудің жиілігі және ұзақтығы мұқият ойластырылуы керек, ал КІҚ емдеудің басында, балаларда индукцияланған стероидтармен КІҚ ерте және бұдан күшті артуы қаупін мойындай отырып бақылау керек.

Глаукомасы бар пациенттердеапта сайын бақылау жүргізілуі керек.

Индукцияланған кортикостероидтер даму қаупі, КІҚ және/немесе катаракта пайда болуы, осындай артуларға бейім пациенттерде артады (мысалы, қант диабеті). Қабылдағыш пациенттерде КІҚ артуы, әдеттегі дозаларынан кейін де дамуы мүмкін.

Инфекция даму мүмкіндігі

Кортикостероидтар бактериялық, вирустық немесе зеңді немесе паразиттік инфекцияларға қарсыласуын төмендетіп, олардың дамуына ықпал етуі және инфекциялардың клиникалық белгілерін жасыруы мүмкін. Тамекраз офтальмологиялық жақпамайын көздің жедел ірің инфекцияларында, біріктірілген препаратпен емдеу медициналық негіздемесі болғанда ғана пайдалану қажет. Ұзақ қолдану пациент организмінің иммунды реакциясын бәсеңдетуі мүмкін, осылайша, көздің қайталама инфекциялары қаупін арттыруы мүмкін. Стероидты ұзақ қолданғаннан кейін мөлдір қабықтың тұрақты зеңді инфекциясы дамуы мүмкіндігін ескеруі мүмкін. Суперинфекция дамығанда тиісті емдеуді бастау керек.

Мөлдір қабықтың тұрақты ойық жарасы бар пациенттерде зеңді инфекциялар болуы мүмкін. Зеңді инфекция пайда болған жағдайда кортикостероидтармен емдеу тоқтатылуы керек. Мөлдір қабықтың немесе склерасының жұқаруын туғызатын ауруларда кортикостероидтарды қолдану тесілуге әкеп соғуы мүмкін.

Жергілікті қолданғаннан кейін офтальмологиялық кортикостероидтар, сондай-ақ көз жақпамайлары мөлдір қабық жарасының жазылуын баяулатуы мүмкін. Сонымен қатар, жергілікті ҚҚСД жазылуды іркілтеді немесе баяулатады. Жергілікті ҚҚСП және жергілікті стероидтарды бірге қолдану жазылумен байланысты проблемалар туындауы мүмкіндігін арттыруы мүмкін. ("Дәрілермен өзара әрекеттесігі" бөлімін қараңыз).

Тамекраз препаратының құрамында метилпарагидроксибензоат және пропилпарагидроксибензоат бар, олар аллергиялық реакцияларды туғызуы мүмкін (бәлкім баяу түрдегі).

Жанаспалы линзалар

Көздің қабынуы немесе инфекциясында жанаспалы линзаларды тақпаған жөн.

Тамекраз көзге арналған жақпамаймен емдеу кезінде жанаспалы линзаларды тақпаған жөн, не жақпамайды жағу кезінде алып тастау керек. Линзаларды препаратты қолдану арасындағы үзілістерде тағуға болады және қолданғаннан кейін 15 минуттан ертетағуға болмайды. Тамекраз көзге арналған жақпамайын жанаспалы линзаның үстіне қолдануға болмайды.

Педиатрия

Балаларда қолданудың қауіпсіздігі және тиімділігі зерттелмеген.

Фертильділік

Тамекраз көзге арналған жақпамайын жергілікті қолданғанда еркектер мен әйелдердің фертильділігіне әсерін бағалауға арналған зерттеулер жүргізілмеген.

Жүктілік және лактация кезеңі

Тобрамицин немесе дексаметазонды жүкті әйелдерде қолдану бойынша деректершектеулі не жоқ.

Жүйелі енгізілетін кортикостероидтар бала емізу кезінде оған әсер етуі мүмкін мөлшерде ана сүтінде пайда болады. Дегенмен, жергілікті енгізгенде жүйелі әсер етуі төмен. Бала емізуді тоқтату немесе Тамекраздықолдануды тоқтату/тоқтата тұру туралы шешімдібала емізудің пайдасын және әйелге емнің пайдасын ескере отырып қабылданады.

Дәрілік заттың автокөлікті немесе қауіптілігі зор механизмдерді басқару қабілетіне ықпал ету ерекшеліктері

Тамекраз көлік құралдарын және машиналарды басқару қабілетіне әсер етпейді немесе аздап әсер етеді. Жақпамайды қолданғаннан кейін уақытша көрудің бұлдырлауы немесе көрудің басқа мазасыздығы, ол автомобиль немесе қауіптілігі зор басқа механизмдерді басқару қабілетіне теріс әсер етуі мүмкін. Бұл жағдайда көру қалпына келгенге дейін біршама уақыткүту керек.

Артық дозалануы

Симптомдары: жағымсыз реакцияларға ұқсас болуы мүмкін(нүктелік кератит, эритема, көзден жастың мол ағуы, қабақтың ісінуі және қышыну)

Емі: жергілікті артық дозалануында көзді жылы судың үлкен мөлшерімен шаю керек. Кездейсоқ ішу арқылы қабылдаған жағдайда симптоматикалық және демеуші емдеу жүргізілуі керек.

Шығарылу түрі және қаптамасы

5 г препараттан бұрандалы пластик қалпақшамен тығындалған канюлясы бар лакталған алюминий сықпаға салынған.

1сықпа мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салынған.

Сақтау шарттары

25 °C-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

3 жыл.

Сықпаны алғаш ашқаннан кейінқолдану кезеңі 25 °C-ден аспайтын температурада 28 күн.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші / Қаптаушы

Balkanpharma-Razgrad AD,

Бульвар Апрельское Восстание, 68

7200 Разград, Болгария

Тіркеу куәлігінің ұстаушысы

Belinda Laboratories LLP.,

Астра Хаус, Арклоу Роуд,

Лондон, SE14 6EB, Великобритания

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Cepheus Medical» (Цефей Медикал) ЖШС: 050000, Қазақстан Республикасы, Алматы қ.,Панфилов көш. 98, «OLD SQUARE» БО, телефон: +7 (727) 300 69 71, +7 777 175 00 99 (тәулік бойы),

электронды почта: cepheusmedical@gmail.com

Дәріханалар