Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Сум
Саудалық атауы
Сумамокс
Халықаралық патенттелмеген атауы
Азитромицин
Дәрілік түрі
Қабықпен қапталған 500 мг т
Құрамы
Бір таблетканың құрамында
белсенді зат – азитромицин дигидраты 524.0 (азитромицин негізіне баламалы) 500.00 мг,
қосымша заттар: крахмал,паста түріндегі крахмал, кальций фосфаты, тальк, магний стеараты, натрий крахмалы гликоляты, натрий кроскармеллозасы, поливинилпирролидон К-30,
қабықтың құрамы: ақ табкоат, гидроксипропилметилцеллюлоза, полиэтиленгликоль, тальк, титанның қостотығы (Е171).
Сипаттамасы
Капсула пішінді (каплеттер), екі жағында сындыру сызығы бар ақ немесе ақ дерлік түсті қабықпен қапталғант
Фармакотерапиялық тобы
Жүйелі қолдануға арналған бактерияға қарсы препараттар.
Макролидтер, линкозамидтер және стрептограминдер. Макролидтер. Азитромицин.
АТХ коды J01FA10
Фармакологиялық қасиеттері
Фармакокинетикасы
Сіңуі
Ішу арқылы қабылдағаннан кейін азитромициннің биожетімділігі шамамен 37% құрайды. Қан плазмасындағы шектік деңгейлеріне 2-3 сағаттан соң жетеді. Бір реттік 500 мг дозасын қабылдағаннан кейін байқалатын орташа ең жоғарғы концентрациясы (Сmax) шамамен 0,4 µг/мл құрайды.
Таралуы
Ішу арқылы қабылданған азитромицин бүкіл организмге жақсы таралады. Фармакокинетикалық зерттеулер азитромициннің тіндердегі концентрацияларының едәуір жоғары екенін көрсетті (50 есеге дейін, ең жоғарғы концентрациясы плазмада байқалды). Бұл аталған заттың тіндерде елеулі дәрежеде байланысатындығын көрсетеді (тұрақты таралу көлемі 31 л/кг жуық). Ұсынылған дозасында қан сарысуында/плазмада жинақталмайды. Жинақталуы, қан сарысуындағыға/плазмадағыға қарағанда деңгейлері анағұрлым жоғары жерлерде орын алады. Өкпе, бадамша бездер және простата сияқты нысана тіндердегі концентрациялары ықтимал патогендер үшін бір реттік 500 мг дозасын қолданғаннан кейін MIC90 асады.
Метаболизмі және организмнен шығарылуы
Препараттың плазмадан жартылай шығарылуының ең жоғары кезеңі препарат тіннен жартылай шығарылғаннан кейін 2-4 күннен соң жүреді. Вена ішіне енгізілген дозасының шамамен 12%-ы несеппен өзгеріссіз күйде 3 күн ішінде; негізгі бөлігі - алғашқы 24 сағат ішінде шығарылады.
Фармакодинамикасы
Әсер ету механизмі
Азитромицин антибиотик макролид болып табылады, азалаидтар тобына жатады.
Азитромициннің әсер ету механизмі ақуыздың бактериялық синтезін, 50 S-суббірлікпен байланыстыру және сол арқылы пептидтердің транслокациясын тежей отырып бәсеңдетуге негізделеді.
Резистенттілік механизмі
Негізінен, бактериялардың алуан түрлерінің макролидтерге резистенттілігі жағдайлары туралы хабарламалар келіп түсті,олар үш механизмнің көмегімен жүрген: антибиотиктің әсер ету нысанасының өзгеруі, антибиотиктің модификациялануы немесе антибиотиктің микроб жасушасынан белсенді шығарылуы (эффлюкс). Стрептококтардағы эффлюкс mef гендерінің есебінен жүзеге асады және макролидтерге (M фенотипі) резистенттілікке алып келеді. Антибиотиктің әсер ететін нысанасының өзгеруін erm генімен кодталатын метилаза бақылап отырады.
Эритромицин, азитромицин, басқа макролидтер мен линкозамидтердің арасында Streptococcus pneumonia, А тобының бета-гемолиздік стрептококк, Enterococcus spp. және Staphylococcus aureus, соның ішінде метициллинге резистентті алтын түстес стафилококқа (МРАС) қатысты толық айқаспалы резистенттілік бар.
Азитромицинге, пенициллинге резистентті S.pneumoniae штамдарына қарағанда, пенициллинге сезімтал S.pneumoniae сезімтал болуы ықтимал. Метициллинге сезімтал алтын түстес стафилококқа (МСАС) қарағанда, метициллинге резистентті алтын түстес стафилококтың (МРАС), азитромицинге сезімталдығы азырақ болуы мүмкін.
Шектік мәндері:
Типтік бактериялық патогендердің азитромицинге сезімталдығының шектік мәндері:
EUCAST (Микробқа қарсы препараттарға сезімталдықты тестілеу жөніндегі Еуропалық комитет, 3.1 нұсқасы, 11-02-2013) бойынша
| MIC шектік мәндері (мг/л) | ||
| Патогендер | Сезімталдық (мг/л) | Резистенттілік (мг/л) |
| Staphylococcus spp. | ≤ 1 | > 2 |
| Streptococcus spp. (A, B, C,G топтары) | ≤0.25 | > 0.5 |
| Streptococcus pneumoniae | ≤ 0.25 | > 0.5 |
| Haemophilus influenzae | ≤ 0.12 | > 4 |
| Moraxella catarrhalis | ≤ 0.25 | > 0.5 |
| Neisseria gonorrhoeae | ≤ 0.25 | > 0.5 |
Резистенттілік
Жүре пайда болған резистенттіліктің таралуы географиялық тұрғыдан ауытқып тұруы, сондай-ақ түрлердің іріктелу уақытына байланысты болуы мүмкін, сонымен қатар, әсіресе ауыр инфекцияларды емдеуде резистенттілік туралы жергілікті ақпараттың болғаны дұрыс.
1 кесте: Азитромициннің бактерияға қарсы ауқымдылығы
| Түрлері | |
| Әдеттегі сезімтал түрлері | |
| Аэробты грамоң | |
| Corynebacterium diphteriae | |
| Streptococcus pneumoniae Эритромицинге сезімтал Пенициллинге сезімтал | |
| Streptococcus pyogenes Эритромицинге сезімтал | |
| Аэробты грамтеріс | |
| Bordetella pertussis | |
| Escherichiacoli-ETEC | |
| Escherichiacoli-EAEC | |
| Haemophilus influenzae Haemophilus ducreyi | |
| Legionella spp. | |
| Moraxella catarrhalis Эритромицинге сезімтал Эритромицин-аралық қосылыс | |
| Pasteurella multocida | |
| Анаэробты | |
| Fusobacterium nucleatum Fusobacterium necrophorum | |
| Prevotella spp. | |
| Porphyromonas spp. | |
| Propionibacterium spp. | |
| Басқа микроорганизмдер | |
| Chlamydia pneumoniae | |
| Chlamydia trachomatis | |
| Listeria spp. | |
| Mycobacterium avium кешені | |
| Mycoplasma pneumoniae | |
| Жүре пайда болған төзімділік қиындық тудыруы мүмкін түрлері | |
| Аэробты грамоң | |
| Staphylococcus aureus Метициллинсезімтал | |
| Коагулаза-теріс стафилококк Метициллинге сезімтал+ | |
| Streptococcus pneumoniae Пенициллин-аралық қосылыс Пенициллинге төзімді Эритромицин-аралық қосылыс | |
| Streptococcus pyogenes Эритромицин-аралық қосылыс | |
| Streptococci viridans group Пенициллин-аралық қосылыс | |
| Аэробты грамтеріс | |
| Moraxella catarrhalis Эритромицинге төзімді | |
| Анаэробты | |
| Peptostreptococcus spp. | |
| Айтарлықтай төзімді организмдер | |
| Аэробты грамоң | |
| Corynebacterium spp. | |
| Enterococcus spp. | |
| Staphylococci MRSA, MRSE
| |
| Streptococcus pneumoniae Эритромицинге төзімді Пенициллин-эритромицин-төзімді | |
| Streptococcus pyogenes Эритромицин-төзімді | |
| Streptococci viridans group Пенициллинге төзімді Эритромицинге төзімді | |
| Аэробты грам негативті | |
| Pseudomonas aeruginosa | |
| Анаэробты | |
| Bacteroidesfragilis тобы |
+ Резистенттілігі 50%-дан артық
Қолданылуы
Препаратқа сезімтал қоздырғыштардан туындаған инфекциялық аурулар:
- тыныс жолдарының жоғарғы бөліктерінің инфекциялары: синусит, тонзиллит, ортаңғы отит
- тыныс жолдарының төменгі бөліктерінің инфекциялары: ауруханадан тыс пневмония, бронхит
- тері мен жұмсақ тіндердің инфекциялары
- хламидиялардан және/немесе гонококктардан туындаған несеп-жыныс жолдарының асқынбаған инфекциялары
Қолдану тәсілі және дозалары
Сумамоксты күніне бір рет қабылдау керек.
Таблеткаларды тамақтан бір сағат бұрын немесе тамақтан кейін 2 сағаттансоң қабылдау керек.
Ересектер
Жыныстық жолмен берілетін, Clamydia trachomatis-тен, немесе препаратқа сезімтал Neisseria gonorrhoeae-ден туындаған ауруларды емдеуде, дозасы 1000 мг құрайды, оны бір реттік доза түрінде қабылдайды. Жоғарыда аталған барлық ауруларды емдеуде, 1500 мг жалпы дозасын бөлшектеп, күніне 500 мг-ден 3 күн бойы қабылдау қажет.
Егде адамдар
Егде адамдарғаересек пациенттердегідей доза тағайындалады.Егде адамдар аритмияларға бейім болуы мүмкін, сондықтан жүрек аритмиясының және «пируэт» типті қарыншалық тахикардияның даму қаупіне байланысты ерекше сақтық танытқан жөн («Айрықшанұсқаулар» бөлімін қараңыз).
Бүйрек жеткіліксіздігі барпациенттерде
Бүйректің жеңіл және орташа (креатинин клиренсі > 40 мл/мин) жеткіліксіздігі бар пациенттерде дозасын түзету қажет емес. Бүйректің ауыр жеткіліксіздігі бар науқастарға сумамоксты сақтықпен тағайындау керек(«Айрықша нұсқаулар» бөлімін қараңыз)
Бауыр функциясының бұзылуы барпациенттерде
Азитромицин бауырда метаболизденіп, өтпен шығарылатындықтан препаратты ауыр бауыр ауруларымен зардап шегетін пациенттерге тағайындамаған жөн.
Балалар
Сумамокс таблеткаларындене салмағы 45 кг-ден асатын балаларға ғана, ересектерге арналған дозасында беру керек («Айрықша нұсқаулар» бөлімін қараңыз).
Жағымсыз әсерлері
Сумамокс жағымсыз реакцияларды сирек туғызады.
Кестеде жағымсыз әсерлері аурулар мен пайда болу жиіліктеріне қарай көрсетілген. Жағымсыз әсерлері жиілігі бойынша келесі жолмен жіктелген: өте жиі(≥ 1/10); жиі(≥1/100 - <1/10 дейін); жиі емес (≥1/1 000 - <1/100 дейін); сирек (≥1/10 000 - <1/1 000 дейін); өте сирек (<1/10 000), белгісіз (қолда бар деректердің негізінде бағалау мүмкін емес).
| Бұзылулар мен аурулар | Жағымсыз әсерлері | Жиілігі |
| Инфекциялық және паразиттік аурулар | Кандидоз, оральді кандидоз, қынап инфекциясы Жалғанжарғақшалы колит | Жиі емес
Белгісіз |
| Қан және лимфа жүйесі тарапынан болатын бұзылулар | Лейкопения, нейтропения Тромбоцитопения, гемолиздік анемия | Жиі емес Белгісіз |
| Иммундық жүйе тарапынан бұзылулар | Квинке ісінуі, аса жоғары сезімталдық Анафилаксиялық реакциялар
| Жиі емес
Белгісіз |
| Психика бұзылулары | Невроз Мазасыздық Озбырлық, үрейлену | Жиі емес Сирек Белгісіз |
| Жүйке жүйесі тарапынан бұзылулар | Бас айналуы, бас ауыруы, парестезия, дисгевзия Гипестезия, ұйқышылдық, ұйқысыздық Синкопе, құрысулар, психомоторлықаса жоғары белсенділік,аносмия,агевзия, паросмия, миастения | Жиі
Жиі емес
Белгісіз |
| Көру мүшелері тарапынан бұзылулар | Көрудің бұзылуы | Жиі |
| Есту мүшесі мен лабиринттік бұзылулар | Кереңдік Естудің бұзылуы, құлақтағы шуыл Бас айналуы | Жиі Жиі емес Сирек |
| Жүрек тарапынан бұзылулар | Жүрек қағуы Torsade de pointes (пируэттік тахикардия), аритмия, соның ішінде қарыншалық тахикардия | Жиі емес Белгісіз |
| Тамырлар тарапынан бұзылулар | Артериялық гипотония | Белгісіз |
| Асқазан-ішек жолы тарапынан бұзылулар | Диарея, іштің ауыруы, жүрек айнуы, метеоризм Құсу, диспепсия, анорексия Гастрит, іш қату Панкреатит, тілдің түссізденуі | Өте жиі
Жиі Жиі емес Белгісіз |
| Бауыр және өт шығару жолдары тарапынан бұзылулар | Гепатит Бауыр функциясының бұзылулары Бауыр жеткіліксіздігі, бауыр некрозы, холестаздық сарғаю | Жиі емес Сирек Белгісіз |
| Тері мен теріасты тіндері тарапынан бұзылулар | Бөртпе, қышыну Стивенс-Джонсон синдромы, фотосезімталдық, есекжем Уытты эпидермалық некролиз, мультиформалы эритема | Жиі Жиі емес
Белгісіз |
| Қаңқа-бұлшықет және дәнекер тіндер тарапынанбұзылулар | Артралгия | Жиі |
| Бүйрек және несеп шығару жолдары тарапынан бұзылулар | Жедел бүйрек жеткіліксіздігі, интерстициальді нефрит | Белгісіз |
| Жалпы бұзылыстар және енгізген жердегі бұзылулар | Шаршау Кеуденің ауыруы, ісіну, әлсіздік, астения | Жиі Жиі емес |
| Зертханалық және құралдармен тексеру деректері | Лимфоцитопения, эозинофилия, қан сарысуындағыбикарбонаттар мөлшерінің азаюы; Аспартатаминотрансфераза, аланинаминострансфераза деңгейінің жоғарылауы, қан сарысуындағы билирубин мөлшерінің жоғарылауы; қан сарысуындағы креатинин, мочевина деңгейінің артуы, қан сарысуындағы калий мөлшерінің өзгеруі. ЭКГ-де QT аралығының ұзаруы | Жиі
Жиі емес
Белгісіз |
Қолдануға болмайтын жағдайлар
- азитромицинге және препараттың басқа компоненттеріне жоғары сезімталдық
- эритромицинге, кетолидтерге және басқа макролидтерге жоғары сезімталдық
- бауырдың ауыр жеткіліксіздігі: Чайлд-Пью шкаласы бойынша 9 балдан астам
- анамнездегі азитромицинді қабылдау кезіндегі холестаздық сарғаю /бауыр функциясының бұзылулары
- бүйректің ауыр жеткіліксіздігі: креатинин клиренсі (КК) 40 мл/минуттан аз
- жүктілік және лактация кезеңі
- 12 жасқа дейінгі балалар мен жасөспірімдер (дене салмағы 45 кг дейінгі балалар)
- жүктілік және лактация кезеңі
- эрготаминді және дигидроэрготаминді бір мезгілде қабылдау
Сақтықпен
- бауыр функциясының орташа бұзылуында (Чайлд-Пью шкаласы бойынша 7-9 балл)
- созылмалы бүйрек жеткіліксіздігі (КК 40 мл/минуттан асатын)
- аритмиялар немесе аритмия мен Q-T аралығының ұзаруына бейімділік;
- терфенадинді, варфаринді, дигоксинді бір мезгілде қабылдау
-миастения
Дәрілермен өзара әрекеттесуі
Тамақ ішу азитромициннің сіңуін төмендетеді.
Антацидтер: антацидтер азитромициннің сіңірілуін баяулатады. Препарат пен антацидтерді қабылдау арасындағы ұсынылатын аралық екі сағаттан кем емес.
Цетиризин: азитромицин мен 20 мг дозадағы цетиризинді 5 күн бойы бір мезгілде қабылдау фармакокинетикасының өзгеруіне немесе QT аралығының елеулі өзгеруіне әкелмеген.
Диданозин: бір күндік 1200 мг дозадағы азитромицинді диданозинді бір мезгілде қолдану диданозиннің фармакокинетикасына әсер еткен жоқ.
Дигоксин: дигоксин мен азитромицинді бірге қабылдаған кезде дигоксиннің қандағы концентрациясын бақылау қажет, өйткені көптеген макролидтер дигоксиннің ішектегі сіңуін арттырады.
Зидовудин: азитромицинді және зидовудинді бір мезгілде қабылдағанда, азитромицин зидовудиннің қан плазмасындағы фармакокинетикалық параметрлеріне немесе оның және метаболиті глюкуронидтің бүйрекпен шығарылуына ықпал етпейді, бірақ белсенді метаболиті – фосфорланған зидовудиннің шеткері қанның моноядролық жасушаларындағы концентрациясы ұлғаяды. Бұл фактінің клиникалық маңызы анықталмаған.
Эрготамин туындылары: эрготизмнің білінуі теориялық тұрғыда мүмкін болғандықтан, азитромицинді эрготамин туындыларымен бірге қолдануға болмайды.
Аторвастатин: аторвастатин (тәулігіне 10 мг) мен азитромицинді (тәулігіне 500 мг) бір мезгілде қолданғанда азитромицин аторвастатиннің плазмадағы концентрациясына әсер еткен жоқ.
Карбамазепин: азитромицин карбамазепиннің немесе оның белсенді метаболитінің плазмадағы деңгейіне елеулі әсер етпейді.
Циметидин: циметидинді азитромицинді қабылдағанға дейін екі сағат бұрын қабылдаған кезде азитромицин фармакокинетикасында өзгерістер байқалған жоқ.
Кумариннің пероральді антикоагулянттары: Азитромицин мен кумарин антикоагулянттарын бір мезгілде қорлданған кезде антикоагулянттық әсері күшейді. Себеп-салдарлық байланысы анықталмаса да, азитромицинді кумарин антикоагулянттарын қабылдап жүрген пациенттер қабылдаған кезде протромбиндік уақытты тексерудің жиілігін ескеру керек.
Циклоспорин: кейбір макролидтік антибиотиктер циклоспориннің метаболизміне әсер етеді. Азитромицин мен циклоспоринді бір мезгілде қабылдаған кезде циклоспориннің концентрациясын бақылау қажет.
Эфавиренц: 600 мг азитромициннің бір дозасы мен тәулігіне 400 мг эфавиренцті 7 күн бойы бірге қабылдау клиникалық тұрғыдан елеулі фармакокинетикалық өзара әрекеттесуге әкелген жоқ.
Флуконазол: азитромициннің 1200 мг бір дозасын бір мезгілде қолдану флуконазолдың бір реттік 800 мг дозасының фармакокинетикасын өзгертпейді. Флуконазолды бір мезгілде қолданғанда азитромициннің жалпы концентрациясы мен жартылай шығарылу кезеңі өзгерген жоқ. Дегенмен, азитромициннің Сmax клиникалық тұрғыдан елеулі төмендегені (18 %) білінді.
Индинавир: азитромициннің 1200 мг бір дозасын бір мезгілде қолдану, 5 күн бойы тәулігіне үш рет 800 мг дозада қабылдағандағы индинавирдің фармакокинетикасына айтарлықтай әсер етпейді.
Метилпреднизолон: азитромицин метилпреднизолон фармакокинети-касына елеулі ықпал етпейді.
Мидазолам: 3 тәулік бойы күн сайын 500 мг азитромицинді бір мезгілде қабылдау, бір рет 15 мг қабылданған кезде мидазоламның фармакокинетикасы мен фармакодинамикасының клиникалық тұрғыдан елеулі өзгерістерін туғызбайды.
Нелфинавир: нелфинавирмен бір мезгілде қолданған кезде азитромициннің жағымсыз реакциялар жиілігінің артуы мүмкін (естудің нашарлауы, «бауыр» трансаминазалары белсенділігінің жоғарылауы).
Рифабутин: азитромицин мен рифабутинді бір мезгілде қолдану екі препараттың кез келгенінің қан сарысуындағы концентрациясына әсер еткен жоқ. Азитромицин мен рифабутинді бір мезгілде қолданғанда пациенттерде нейтропения байқалды. Нейтропения рифабутинді қоданумен байланысты, азитромицинмен бірге қабылдаған кездегі себептік байланысы анықталған жоқ.
Силденафил: азитромициннің (3 күн бойы күн сайын 500 мг қабылдағанда) қандағы силденафил немесе оның негізгі метаболиттерінің AUC және Сmах мәндеріне әсерінің ешқандай дәлелдері анықталған жоқ.
Терфенадин: терфенадин мен азитромициннің өзара әрекеттесулері анықталған жоқ. Кей жағдайларда ондай өзара әрекеттесулерді толығымен жоққа шығаруға болмайды. Әйтсе де, ондай реакцияға дәлелдер жоқ. Басқа макролидтерді қолданғандағы сияқты, азитромицин мен терфенадинді бір мезгілде сақтықпен қолдану керек.
Теофилин: теофилин мен басқа макролидтік антибиотиктерді бір мезгілде қолдану қан сарысуындағы теофилин концентрациясының жоғарылауына әкеледі.
Триазолам: азитромицинді бір мезгілде қолдану триазоламның фармакокинетикалық параметрлеріне елеулі әсерін тигізген жоқ.
Триметоприм/сулъфаметоксазол: триметопримді/ сульфаметоксазол DS (160 мг/800 мг) 7 күн бойы және 1200 мг азитромицинді 7-ші күні бір мезгілде қабылдау триметоприм мен сульфаметоксазолдың шыңдық концентрацияларына, жалпы әсеріне немесе шығарылуына елеулі әсер етпейді.
Қазіргі кезде біріктірілген ішуге арналған оральді контрацептивтердің тиімділігіне азитромициннің әсер етпейтініне алдын ала дәлелдер бар (дәлелділіктің аралық деңгейі). Бұл деректер Дүниежүзілік денсаулық сақтау ұйымы жүргізген арнайы зерттеулерге негізделген.
Айрықша нұсқаулар
Аллергиялық реакциялар: сирек жағдайларда ауыр аллергиялық реакциялар, анафилаксиялық ісіну мен анафилаксия тіркелген. Ол реакциялардың кейбіреулері қайталанып отыратын симптомдармен қатар жүреді және ұзағырақ қадағалау мен емдеуді қажет етеді.
Бауыр функциясының бұзылулары: Азитромицинді бауырдың ауыр аурулары бар науқастарда сақтықпен пайдалану керек. Сарғаюмен байланысты астенияның жылдам дамуы, несептің күңгірттенуі, қан кетулерге немесе бауыр энцефалопатиясына бейімділік сияқты дисфункция симптомдары пайда болса, бауыр функциясына тексеру жүргізу қажет.
Эрготамин: қастауыш алколоидтарының туындыларын кейбір макролидтермен параллель қабылдап жүрген пациенттерде эргоуыттылықтың дамыған жағдайлары байқалған. Азитромицин қастауыш алколоидтарының туындыларымен бірге қабылдаған кезде эргоуыттылық туғызатыны дәлелденген жоқ, дегенмен,бұл дәрілік заттарды бірге тағайындамаған дұрыс.
Салдарлы инфекция: басқа антибиотиктер жағдайындағы сияқты, зеңдерді қоса, сезімтал емес организмдерден туындайтын салдарлы инфекциялардың белгілеріне мониторинг жүргізу ұсынылады.
Clostridium Difficile-мен астасқан диарея: Clostridium difficile организмдерімен байланысты диарея азитромицинді қоса, бактерияға қарсы препараттардың барлығын дерлік қабылдаған кезде байқалды. Ауырлық дәрежесі жеңіл диареядан жедел колитке дейін ауытқып тұруы мүмкін. Бактерияға қарсы ем ішектің қалыпты микрофлорасын өзгертеді және С difficile организмінің шамадан тыс көбеюіне алып келеді.
Бүйрек функциясының бұзылуы: бүйректің ауыр жеткіліксіздігі бар (ШСЖ <10 мл/мин) науқастарда азитромициинің жүйелі әсері 33%-ға артады.
Жүрек аритмиясы мен пируэттік тахикардияның даму қаупіне соқтыратын миокард реполяризациясы мен QT аралығының ұзаруы, басқа макролидтермен емдеу кезінде тіркелген. Азитромицинді миокард реполяризациясы ұзаруының қаупі жоғары топтағы пациенттерде қолдану кезіндегі осыған ұқсас әсерін толығымен жоққа шығаруға болмайды, сондықтан мынадай пациенттерді емдеу кезінде ерекше сақтық таныту керек:
Азитромицинмен ем қабылдап жүрген пациенттерде миастения симптомдарының немесе жаңа миастениялық синдромның өршігені туралы хабарланды.
Стрептококктық инфекциялар: пенициллин, әдетте, Streptococcus pyogenes-тен туындаған фарингитті/тонзиллитті емдеу кезінде және жеделревматизмдік қызбаның профилактикасы ретінде таңдау препараты болып табылады. Азитромицин, әдетте, жедел фарингитті емдеуде тиімді, бірақ жедел ревматизмдік қызбаның профилактикасы кезіндегі тиімділігі туралы деректер жоқ.
Дәрілік заттың автокөлікті басқару және механикалық құрылғылармен жұмыс істеу қабілетіне ықпал етуі
Препараттың автокөлікті басқару және механикалық құрылғылармен жұмыс істеу қабілетіне ықпал етуі туралы деректер жоқ.
Артық дозалануы
Азитромициннің артық дозалануы туралы деректер жоқ.
Микролидтік антибиотиктермен артық дозалану уақытша естімей қалумен, қатты жүрек айнуымен, құсумен және диареямен қатар жүреді. Артық дозалануына күдіктенген жағдайда құстыру және дереу дәрігердің көмегіне жүгіну керек.
