Скин кап 50 гр крем

Сипаттама

Дәрілік затты медициналық қолдану жөніндегі нұсқаулық

СКИН – КАП®

Саудалық атауы

СКИН-КАП^®

Халықаралық патенттелмеген атауы

Пиритион мырышы

Дәрілік түрі

Крем

Құрамы

100 г кремнің құрамында

белсенді зат - пиритион мырыш48% 0.42 г

Сипаттамасы

Өзіне тән иісі бар ақ түсті крем.

Фармакотерапиялық тобы

Тері ауруларын емдеуге арналған басқа да препараттар. Пиритион мырыш

АТХ коды - D11AX12

Фармакологиялық қасиеттері

Скин-кап^®кремінің белсенді заты – микробтарға қарсы және зеңдерге қарсы белсенділігі барбелсендірілген мырыш пиритионаты.Препарат Pytyrosporum ovale және Rytyrosporum orbiculare жөнінде ең жоғары белсенділік танытады және терінің беткейлік қабаттары жасушаларының патологиялық өсуін бәсеңдетеді және осының арқасында псориаздағы, себореядағы, қайызғақтағы шамадан тыс қабыршықтануды кетіреді. Емдік концентрацияларда препарат сау жасушалардың қызметін бәсеңдетпейді.

Мырыш пиритионатының әсер ету механизмі транслокацияныңиндукциялануына және С протеинкиназаның белсенділігіне байланысты болады.

Мырыш пиритионаты сыртқа қолданған кезде эпидермисте және дерманың беткейлік қабаттарына жинақталады. Мырыш пиритионатының жүйелі сіңуібаяу жүреді, білінетін мөлшерлердеқанда анықталады.

Қолданылуы

Ересектер мен 3 жастан асқан балаларға:

- псориазды, атопиялықдерматитті әсіресе жайылған түрлерінде емдеу үшін, қышынуда, тітіркенуде, қабыну реакцияларында және терінің құрғауында (кремнің жоғары ылғалдандыратын қабілеті бар), сондай-ақ атопиялық дерматитте окклюзиялық таңғыштар астында тығыз псориаздық түйіндақтардың және инфильтрацияның қайтуы үшін.

Қолдану тәсілі және дозалары

Зақымданған теріге күніне 2 рет жағу керек. Псориаз кезінде емдеу курсы 1-1,5 ай, атопиялық дерматит кезінде 3-4 апта, қалған ауруларда кремді симптомдары толық жоғалғанға дейін қолданады. Кремді патологиялық үдерістің қалған (гиперемия, құрғау, пигменттену,қабыршықтану) белгілері кезінде1-2 апта бойықолдану керек.

Жағымсыз әсерлері

Препарат әдетте жақсы көтерімді. Аллергиялық реакциялары сирек кездеседі.

Қолдануға болмайтын жағдайлар

Крем компоненттеріне жоғары сезімталдық.

Дәрілермен өзара әрекеттесуі

Скин Кап^®-ты құрамында глюкокортикоидтары бар жақпамаймен және креммен бір мезгілде қолдануға болмайды.

Айрықша нұсқаулар

Кремнің көзге және шырышты қабықтарға тиіп кетуінен сақ болу керек. Препарат кездейсоқ тиіп кеткен жағдайда көздісуық судың мол мөлшерімен жуып-шаю керек. Препарат кездейсоқ АІЖ түскен кезде белсендірілген көмірді пайдалана отырып, асқазанды шаю және тұзды іш жүргізетіндерді тағайындау керек.

Жүктілік және лактация кезеңі

Жүктілік және лактация кезеңінде сыртқа қолдануға арналған крем түріндегі Скин-Кап^® препаратын қолдану қауіпсіздігі туралы мәліметтер жоқ.

Дәрілік заттың көлік құралдарын жүргізуге және қауіпті механизмдерді басқару қабілетіне әсер ету ерекшеліктері

Әсер етпейді.

Артық дозалануы

Скин-кап^® препаратының кездейсоқ артық дозалануы анықталмаған. Препараттың артық дозалану қаупі төмен, өйткені жергілікті қолданғанда мырыш пиритионатының жүйелі сіңуі өте төмен.

Шығарылу түрі және қаптамасы

15 г және 50 г препараттан пластик сықпада. 1 сықпадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшағасалынған.

Сақтау шарттары

4°С-ден 20°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Б.Браун Медикал С.А.», Испания «Хемигруп Франс» Испания үшін

Тіркеу куәлігінің иесі

«Хемигруп Франс», Испания

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ORAI» ЖШС, мемлекеттік лицензия № ОР64602914Р 30.03.2002 ж. Қазақстан Республикасы, 050013, Алматы қ., Керемет ықш. ауд., 7 үй, 1-42 кеңсе,

тел. 8 (727)2 609832, 2609901, e-mail: orai@inbox.ru

Дәріханалар

Қалалар