Біздің компаниямыз жайлы жалпы ақпарат.
Медициналық бұйымды медицинада қолдану жөніндегі нұсқаулық
Медициналық бұйымның атауы
Емшектегі балаларға арналған Синомарин® Нео мұрын тамшысы 6 немесе 18 бір реттікстерильді тамшылатқыш-құтылар, 5 мл-ден
Медициналық бұйымның құрамы мен сипаттамасы
Құрамы: Гипертониялық стерилизацияланған табиғи теңіз суы. Құрамы NaCl - 23 г/л.- 2,3% теңіз суының ерітіндісі. Құрамында тамыртарылтқыш компоненттер мен консерванттар жоқ.
Сипаттамасы:
Сәл кермек дәмі бар, түссіз иіссіз, мөлдір сұйықтық.
Синомарин® клиникалық тұрғыда тексерілген, ісінуге қарсы 100% табиғи дәрі болып табылады.
Синомарин® құрамында теңіз суының (2,3% NaCl) гипертониялық ерітіндісі болуы есебінен ол осмостың табиғи механизмінің арқасында мұрынның бітелуін ашады және оның қойнауларындағы қысымды түсіреді. Бұдан бөлек ол мұрын қуысын шаяды және тазалайды, мөлшері артық шырышты жібітіп, вирустармен, бактериялармен, өсімдік тозаңымен және мұрын жолдарын бітейтін басқа да ластанулармен бірге шығарады, мұрынмен тыныс алуды жеңілдетеді.
Теңіз суының құрамында болатын бүкіл микроэлементтер спектрінің арқасында мұрынжұтқыншақ шырышына жағымды әсер етеді.
Синомарин® Нео-ны өкпенің қабынбалы аурулары кезінде тыныс алуды жеңілдету үшін небулайзердің көмегімен пайдалануға болады. Жедел бронхиолиті бар емшектегі балаларға Синомарин® Нео-менингаляция жасау ісінуді басуға және бронхтағы шырышты сұйылтуға көмектеседі, осылайша тыныс алу жолдарының бітелуін басады.
Теңіз суы гипертониялық ерітіндісінің әсері:
- табиғи деконгестант бола отырып, мұрынның ісінуі мен бітелуін азайтады
- мұрын қуысы шырышының қабынуын жояды
- шырышты сұйылтады және шығарады
- вирустарды, бактерияларды және тозаң аллергендерін шығарады
- мұрын шырышты қабығының табиғи қызметінің қалпына келуіне көмектеседі
-мұрынның бітелуіне байланыстысимптоматиканы (қышуды, түшкіруді, жөтелді, құлақтағы қысым сезімін, ұйқы бұзылуын) жоюға көмектеседі
- небулайзердің көмегімен бүріккен кезде тыныс алу жолдарының шырышты қабықтарының ісінуін басады және бронхтағы шырышты сұйылтады, осылайша, тыныс алу жолдарының обструкциясын азайтады. Бұл тыныс алу қызметін ұлғайтуға көмектеседі және төменгі тыныс алу жолдары инфекциялары дамуының алдын алады.
Синомарин® Нео
Мұрын тамшысы өмірінің бірінші күніндегі және одан үлкенбалаларға қолданылады.
Шығару түрі:
Мұрын тамшысы бар бір реттік стерильді тамшылатқыш-құтылар5 мл-ден. Қазақ және орыс тіліндегі нұсқаулығымен бірге 6 немесе 18 құты картон қорапшаға салынады.
Өндірушінің техникалық спецификациясына сәйкес өндірілген.
Тұтынушылар үшін медициналық бұйымды қолдану саласы мен тағайындалуы
Синомарин® Нео балалардың мұрын қуысының, мұрын қосалқы қойнауларының және мұрынжұтқыншақтың жедел және созылмалы қабыну ауруларының профилактикасы және кешенді емдеу үшін қолданылады.
Қолданылуы:
- Мұрынның бітуімен қатар жүретін мұрын қуысы мен мұрын қосалқы қойнауларының жедел және созылмалы ауруларында кешенді ем құрамында өмірінің бірінші күніндегі және одан үлкенбалаларға:
риниттерде (инфекциялық немесе аллергиялық);
ЖРВЖ жәнетұмауда;
синуситтерде.
- Екіншілік ЛОР-инфекциялардың және асқынулардың, мысалы отиттің профилактикасы үшін.
- Эндоназальді операциялардан кейін, сауығуды жеделдету үшін.
- Тыныс алуқызметібұзылған кезде немесе жедел бронхиолит кезінде(ингаляция небулайзердің көмегімен).
Қолдану тәсілі және дозалары:
Әр мұрын жолына күніне 2-3 рет (немесе дәрігердің ұсынысы бойынша) бірнеше тамшыдан. Қажет болғанда шаю дүркіндігі арттырылуы мүмкін. Қолдану ұзақтығы шектелмеген.
Небулайзердің көмегімен бүріккен кезде,дәріге арналған ыдысқа 5 мл-ге дейін Синомарин® Нео қосымша құйылады. Ингаляцияны күніне3 рет немеседәрігердің тағайындауына сәйкес жасайды.
Синомарин® Нео-ны нарықта қол жетімді небулайзердің кез келген типімен пайдалануға болады.
Қолдану жөніндегі нұсқаулық
1.Бір құтыны алыңыз.
2.Құтыны ашу үшін қақпақша-ұштықты бұраңыз.
3.Баланы шалқасынан жатқызыңыз және басын оңға бұрыңыз.
4. Ұштықты баланың сол жақ танауына абайлап салыңыз және құтының қабырғаларын жұмсақ баса отырып препараттың қажетті мөлшерін енгізіңіз.
4. Баланың басын қарама-қарсы жаққа бұрыңыз және емшараны басқа танауына қайталаңыз.
5. Баланың басын басқа жағына бұрыңыз және әрекеттерді қайталаңыз.
6. Қажет болғанда емшараны қайталаңыз.
7. Мұрын аппликаторынтанауынан алып тастаңыз, баланы отырғызыңыз, оны желкесінен сүйеп ұстап тұрып, препарат әсер ете бастағанша бірнеше секунд күтіңіз, одан кейін мұрнын тазалаңыз немесе шырышты алып тастауға арналған арнайы сорғызғышты пайдаланыңыз.
Небулайзердің көмегімен Синомарин® Нео-ны пайдаланған кезде, осы типтегі небулайзерді өндірушінің медицинада қолдану жөніндегі нұсқаулығына сәйкес ұсынымдарды орындаңыз.
Медициналық бұйымды пайдалану кезінде сақтық (қауіпсіздік) шаралары және шектеулер бойынша ақпарат
Тек интраназальді қолдануға және тыныс алу ингаляциясына (небулайзердің көмегімен) арналған.
Әрбір құты тек бір рет пайдаланылуы тиіс.
Жағымсыз әсерлері туралы ақпарат жоқ.
Қолдануға болмайтын жағдайлар
Жоқ
Медициналық бұйымды сақтау мерзімі мен шарттары туралы ақпарат
Сақтау шарттары
25°C-ден аспайтын температурада, күн сәулесінен қорғалған жерде сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды
Өндіруші
Gerolymatos Intermational S.A., Греция
13, Askilipiou str., 145 68 Kryoneri, Attiki, Greece. Тел +30 2103500800
Seltfar LTD., Ұлыбритания компаниясының тапсырысы бойынша дайындалды.(Berkeley Square house office 132, London, England, W1J 6BD).
Тел./факс +44 (0)207 969 1421/1424, info@seltfar.co.uk
Өндірушінің Қазақстан Республикасының аумағындағы уәкілетті өкілі және тұтынушылардан медициналық бұйымның сапасы жөніндегі шағымдарды (ұсыныстарды) қабылдайтын және тіркеуден кейінгі медициналық мақсаттағы бұйымның Қазақстан Республикасының аумағындағы қауіпсіздігін қадағалауға жауапты ұйым:
«Сэлтфар ЛТД»өкілдігі. Алматы қ., Әл-Фараби д-лы 5, Нұрлы Тау 1А,301 кеңсе, Тел\факс +7 (727) 311 16 28, info@seltfarrep.kz
Медициналық қолдану жөніндегі нұсқаулықты шығару: 29.10.2015
Таңбалау кезінде пайдаланылған символдар мен белгілеулердің түсіндірмесі
| Өндіруші | |
| Ең жоғары сақтау температурасы | |
| Қолдану жөніндегі нұсқаулықты оқыңыз | |
| Серия нөмірі | |
| Дейін жарамды | |
| 0653 | Еуропалық Одақтың директивалары мен үйлестірілген стандарттарының негізгі талаптарына бұйымның сәйкестік белгісі, цифрлар белгіні берген уәкілетті органының сәйкестендіруші нөмірін білдіреді. |