Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Релиф®
Саудалық атауы
Релиф®
Халықаралық патенттелмеген атауы
Фенилэфрин
Дәрілік түрі
Ректальді жақпамай 28.4 г
Құрамы
1 грамм жақпамайдың құрамында
белсенді зат - 2.5 мг фенилэфрин гидрохлориді,
қосымша заттар: минералды май, ақ петролатум (вазелин),метилпарагидроксибензоат, пропилпарагидроксибензоат, сусыз ланолин, бензой қышқылы, жүгері майы, глицерин,ланолин спирті, қатты парафин, тазартылған су, жебіршөп майы, альфа-токоферол (Е дәрумен), ақ балауыз.
Сипаттамасы
Өзіне тән әлсіз иісі бар, бөгде бөлшектері жоқ сары жақпамай.
Фармакотерапиялық тобы
Жүрек-қантамыр жүйесі. Вазопротекторлар. Геморрой және анальді сызаттарды емдеу үшін жергілікті қолдануға арналған дәрілер. Геморрой және анальді сызаттарды емдеу үшін жергілікті қолдануға арналған басқа дәрілер.
АТХ коды C05АХ
Фармакологиялық қасиеттері
Фармакокинетикасы
Жергілікті әсер ететін препараттың жалпы резорбциялық әсері жоқ.
Фармакодинамикасы
Фенилэфрин гидрохлориді альфа-адреномиметик болып табылады, жергілікті қан тамырларын тарылтатын әсері бар, бұл геморрой мен перианальді аумақтың басқа ауруларында тіндер экссудациясы мен ісінуін, қан кетулер мен веналарға қан толуын, қышынуды, серозды бөлінулерді азайтуға ықпал етеді.
Вазелин және минералды май – жақпамайдың қауіпсіз негізі, жұмсартатын және бүркемелегіш әсері бар.
Релиф препараты қышынуда, күйдіруде, геморройға қатысты жайсыздықтарда тыныштандыратын әсер береді.
Қолданылуы
Қолдану тәсілі және дозалары
Препаратты гигиеналық шаралар жасағаннан кейін қолдану керек. Жақпамайды қолданар алдында зақымдалған орынды ылғал сүрткімен сүртіп, құрғату қажет. Жақпамайды тік ішекке енгізу үшін, аппликатордың қорғаныш қалпақшасын шешіп алу керек, аппликаторды сықпаға бекітеді, жақпамайды сықпадан абайлап сығып шығарады. Аппликаторды жақсылап майлап, оны сақтықпен тік ішекке енгізеді. Жақпамай сондай-ақ артқы өтіс аумағының терісіне жағылады.
Аппликаторды әр қолданудан кейін мұқият дезинфекциялап, қорғағыш қалпақшасына салып қояды.
Препаратты күніне 4 ретке дейін қолданады(таңертең, түнге қарай және әрбір үлкен дәреттен кейін). Емдеу курсының ұзақтығы – симптомдар жоғалғанға дейін.
Жағымсыз әсерлері
Қолданған жердегі тітіркену (жанаспалы дерматит), аллергиялық дерматит; сирек жағдайларда аритмия, артериялық қысымның жоғарылауы, гипертиреоз симптомдарының өршуі, тремор, ұйқысыздық, күйгелектік туындауы мүмкін.
Қолдануға болмайтын жағдайлар
Дәрілермен өзара әрекеттесуі
Фенилэфрин кейбір жағдайларда ауыр гипертензияға (альфа-адренорецепторлар стимуляциясы есебінен) әкелуі мүмкін. Бұл препаратты гипотензиялық дәрілермен бір мезгілде пайдалану ұсынылмайды.
Препаратты МАО тежегіштерімен, трициклді антидепрессанттармен бір мезгілде тағайындамау керек. Фенилэфриннің фармакологиялық әсері МАО тежегіштерін бір мезгілде қолданғанда күшеюі мүмкін, өйткені фенилэфриннің метаболизмі өзгереді.
Айрықша нұсқаулар
Жүрек-қантамыр және цереброваскулярлық аурулары, қалқанша без аурулары (гипертиреоз) бар пациенттерге, жабық бұрышты глаукома кезінде сақтықпен қолданған дұрыс. Мұндай пациенттерде фенилэфрин жүрек қағуын, тахикардияны, артериялық қысымның артуын, күйгелектікті, мазасыздықты туындатуы мүмкін.
Қант диабеті бар пациенттерде сақтықпен қолданған жөн, фенилэфрин қанда глюкоза концентрациясын жоғарылатуы мүмкін. Бұл құбылыстар әдетте өтпелі және елеусіз болады, сондықтан ұсынылатын тәуліктік дозасын асырып қабылдауға болмайды.
Гипертрофияға немесе қуық асты безі ісіктеріне байланысты несеп шығаруға қиындықтары бар адамдарда сақтықпен қолдану керек: фенилэфрин альфа-1-адренорецепторларын тітіркендіру арқылы қуық мойны тегіс бұлшықеттерінің жиырылуы есебінен қуық асты безі ұлғайған науқастарда несеп шығарудың қиындауын туындатуы мүмкін.
Фенилэфринді жергілікті қолдану кейбір адамдарда альфа-1-адренорецепторлар стимуляциясы арқылы артериялық гипертензияға әкелуі мүмкін, мұны осы препаратты гипотензиялық дәрілермен бір мезгілде қолданғанда ескеру керек.
Препаратты МАО тежегіштерімен бір мезгілде тағайындамау керек, бұл артериялық қысымның жоғарылауына әкелуі мүмкін.
Жүйелік жағымсыз әсерлерінің аз болуы үшін, егер оны дәрігер жазып бермесе, ұсынылатын тәуліктік дозаны арттырмау керек.
Препаратты 7 күн бойы қабылдаған соң жағдайы нашарласа немесе жақсаруы байқалмаса, пациенттер дәрігерге қаралулары тиіс.
Анустан қан кету туындаса, пациент дер кезінде дәрігерге көрінуі керек.
Аппликаторды, егер оны тік ішекке енгізу ауыртатын болса, пайдаланбаған жөн. Препараттың құрамында аллергиялық реакциялар (баяу болуы мүмкін) туындататын пропилпарагидроксибензоат және метилпарагидроксибензоат бар.
Бензой қышқылы артқы өтіс шырышты қабығының тіттіркенуін туындатуы мүмкін.
Ланолин жергілікті терілік реакциялар (жанаспалы дерматит) туғызуы мүмкін.
Жүктілік және лактация кезеңі
Препаратты жүкті және бала емізетін әйелдерде қолдану қауіпсіздігі анықталмағандықтан, бұл өнім жүктілік кезінде, егер ықтимал пайдасы шаранаға төнетін ықтимал қаупін ақтайтын болса ғана қолданылуы тиіс.
Препаратты жүктілік және бала емізу кезінде қатаң түрде тек дәрігердің тағайындауымен қолдану керек.
Көлікті немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: ұсынылатын дозалардан шамадан тыс арттырған жағдайда мазасыздық, күйгелектік байқалуы мүмкін.
Емі: симптоматикалық.
Шығарылу түрі және қаптамасы
28, 4 г препараттан пластик қақпағы бар ламинацияланған сықпаға салынған.
1 сықпадан аппликаторымен және медициналық қолдану жөніндегі мемлекеттік және орыс тілдеріндегі нұсқаулықпен картон қорапқа салынады.
Сақтау шарттары
25 0С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
2 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші фирманың атауы, өндірушінің елі, мекенжайы
Фамар А.В.Е., 49 кмҰлттық жоларнаАфины-Ламия, 19011, Авлона Аттики, Греция
Тел.: +30 210 989 8500
Web site: www.famar.gr
Қаптаушы ұйымның атауы және елі
Фамар А.В.Е., 49 км Ұлттық жоларна Афины-Ламия, 19011, Авлона Аттики, Греция
Тел.: +30 210 989 8500
Web site: www.famar.gr
Тіркеу куәлігі ұстаушысының атауы және елі
Байер Консьюмер Кэр АГ, Базель қ., Петер-Мериан Штрассе 84, Швейцария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail: kz.claims@bayer.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел: +7 701 715 78 46 (тәулік бойы)
тел:+7 727 258 80 40, ішкі 106(жұмыс уақытында)
факс: +7 727 2588 039
e-mail: pv.centralasia@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
