Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Прадакса 110 мг, №60, капс.

26389
Қолжетімділігі
Сатылымда бар
Үлгі
9006968006260
Елі
Германия
Өндіруші
Берингер Ингельхайм Фарма
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

ПрадаксаP®

Халықаралық патенттелмеген атауы

Дабигатран этексилаты

Дәрілік түрі, дозасы

Капсулалар, 110 мг

Фармакотерапиялық тобы

Қан және қан түзу ағзалары. Тромбозға қарсы препараттар. Тромбиннің тікелей (тура) тежегіштері. Дабигатран этексилаты.

АТХ коды В01АЕ07

Қолданылуы

  • ұршық немесе тізе буындарын тұтас эндопротездеу үшін жасалған жоспарлы операциялардан кейінгі науқастарда вена тромбоэмболияларының бастапқы профилактикасы.
  • бүйрек функциясының ауыр бұзылулары (креатинин клиренсі (КК) < 30 мл/мин) бар пациенттер
  • келесі қауіп факторларының біреуі немесе бірнешеуі бар жүрекшелердің клапандық емес фибрилляциялары (ЖКЕФ) бар науқастарда инсульттің және жүйелі тромбоэмболияның алдын алу: инсульт алу, транзиторлы ишемиялық шабуыл, ≥ 75 жастағы кезең, жүрек-қантамыр жеткіліксіздігі (Нью-Йорк кардиологиялық қауымдастығының (NYHA) жіктеуіне сәйкес ≥ II класс), қант диабеті, гипертония.
  • терең веналар тромбозын (ТВТ) және өкпе артериясының тромбоэмболиясын (ӨАТЭ) емдеу, сонымен қатар қайталамалы терең веналар тромбозының (ТВТ) және өкпе артериясы тромбоэмболиясының профилактикасы.

Қолданудың басталуына дейін қажетті мәліметтер тізбесі

Қолдануға болмайтын жағдайлар

әсер етуші затқа немесе қосымша заттардыңкез келгеніне аса жоғары сезімталдық

– клиникалық мәнді қатты қан кету

– ауқымды қан кетудің елеулі қаупімен байланысты зақымдану немесе жай-күй: бұрыннан бар немесе таяу уақытта өткерілген асқазан-ішек жолы ойық жарасының болуы, қан кету қаупі жоғары қатерлі жаңа түзілімдердің болуы, таяуда өткерілген ми немесе омыртқа жарақаты, миға немесе жұлынға таяуда жасалған хирургиялық операция немесе офтальмологиялық операция, таяуда болған бассүйек ішіне қан құйылу, белгілі немесе күмән тудыратын өңеш веналарының варикозды кеңеюі, артерия-веналық мальформациялар, тамыр аневризмалары немесе ірі омыртқаішілік немесе миішілік тамыр аномалиялары

  • кез келген басқа антикоагулянттарды, оның ішінде, фракцияланбаған гепаринді, төмен молекулалық гепариндерді (ТМГ) (эноксапарин, дальтепарин және т.б.), гепарин туындыларын (фондапаринукс және т.б.), пероральді антикоагулянттарды (варфарин, ривароксабан, апиксабан және т.б.) бір мезгілде тағайындау, айрықша жағдайларды, атап айтқанда, орталық веналық немесе артериялық катетерді ұстап тұруға қажетті дозаларда фракцияланбаған гепарин тағайындалатын антикоагулянттық ем ауысуын қоспағанда немесе жүрекшелер фибрилляциясында катетерлік абляция үдерісінде фракцияланбаған гепарин қолдану жағдайларында
  • бауыр жеткіліксіздігі немесе тіршілік қабілетіне әсер етуі мүмкін бауыр аурулары
  • күшті P-gp тежегіштерін: жүйелі қолдануға арналған кетоконазол, циклоспорин, итраконазол, дронедаронды және глекапревир/пибрентасвир біріктірілген бекітілген дозасын бір мезгілде қолдану
  • антикоагулянтты ем қажет болатын жүректің протезделген клапанының болуы

Қолдану кезіндегі қажетті сақтандыру шаралары

UҚан кетудің даму қаупі

ПрадаксаP®P препараты жоғары қан кету қаупімен сипатталатын жай-күйлерде, сондай-ақ тромбоциттер агрегациясын тежеу арқылы гемостазға әсерін көрсететін дәрілік препараттар бір мезгілде қолданылатын жағдайларда сақтықпен қолданылуы тиіс.

ПрадаксаP®P препаратымен ем кезінде әртүрлі жерден қан кету дамуы мүмкін. Гемоглобин және/немесе гематокрит деңгейі түсініксіз түсіп кеткенде немесе артериялық қысым төмендегенде қан кету көзін іздестіру қажет.

Өмірге қатер төндіретін қан кетулер, немесе бақыланбайтын қан кету жағдайларында, ПрадаксаP®P препаратыныңантикоагулянттық әсерін тез бейтараптандыратын әсер қажет болған жағдайларда кері әсер етуші спецификалық агент - ПРАКСБАЙНД (идаруцизумаб) препараты бар. Зерттеулерде ПрадаксаP®P препаратын қолдану асқазан-ішектен ауқымдықан кетулер жиілігінің жоғарылауымен байланыстырылды. Осындай қан кетулердің жоғары қаупі күніне екі рет 150 мг қабылдаған егде жастағыларда (≥ 75 жас) білінді. Басқа қауіп факторлары (1 кестені де қараңыз) клопидогрел және ацетилсалицил қышқылы (АСҚ) немесе қабынуға қарсы стероидты емес препараттар (ҚҚСП) сияқты тромбоциттер агрегациясының тежегіштерін қолдануды, сондай-ақ эзофагит, гастрит немесе гастроэзофагеальді рефлюкс болуын қамтыды.

Қауіп факторлары

1 кестеде қан кету қаупінің артуына ықпал етуі мүмкін факторлар жинақталған түрде берілді.

1 кесте. Қан кету қаупінің артуына ықпал ететін факторлар.

Фармакодинамикалық және кинетикалық факторлар

≥ 75жастағы кезең

Қан плазмасында дабигатран мөлшерінің артуына ықпал ететін факторлар

UНегізгілері:

  • Бүйрек функциясының орташа бұзылуы (KK 30‑50 мл/мин)
  • P‑gp қуатты тежегіштері («Қолдануға болмайтын жағдайлар» және «Басқа дәрілік препараттармен өзара әрекеттесуі» бөлімдерін қараңыз)
  • Дене салмағының төмен болуы (< 50 кг)
  • АСҚ және тромбоциттер агрегациясының басқа тежегіштері, мысалы, клопидогрел
  • ҚҚСП
  • СКҚСТ немесе СНКҚСТ
  • Гемостазға әсер ететін басқа дәрілік препараттар

P‑gp әлсіз және орташа тежегіштерімен бір мезгілде қолдану (амиодарон, верапамил, хинидин және тикагрелор; «Басқа дәрілік препараттармен өзара әрекеттесуі» бөлімін қараңыз)

UҚосалқылары:

Фармакодинамикалық өзара әрекеттесуі

Қан кетуге қатысты ерекше қауіп төндіретін аурулар/ емшаралар

  • Қан ұюының туа біткен немесе жүре пайда болған бұзылулары
  • Тромбоцитопения немесе тромбоциттердің функционалдық ақаулары
  • Таяуда жасалған биопсия, күрделі жарақат
  • Бактериялық эндокардит
  • Эзофагит, гастрит немесе гастроэзофагеальді рефлюкс

Дене салмағы <50 кг пациенттер үшін деректер көлемі жеткіліксіз.

Сақтандыру шаралары және қан кету қаупін жою

Қан кету түріндегі асқынуларды қалай жоюға болады («Артық дозалану жағдайында қабылдау қажет болатын шаралар» бөлімін қараңыз).

Пайда және қауіпті бағалау

Ауқымды қан кету қаупін едәуір арттыратын зақымдануларда немесе жай-күйлерде, сондай-ақ осы қауіпті арттыратын емшаралар жасалғанда және/немесе дәрі-дәрмектік ем жүргізілгенде (мысалы, ҚҚСП, антиагреганттармен, СКҚСТ немесе СНКҚСТ емі) пайдасы мен қаупін мұқият бағалау қажет болады. ПрадаксаP®P препаратын оны қолданудың пайдасы қан кету қаупінен басым жағдайларда ғана қолдану керек.

Мұқият клиникалық қадағалау

Емдеу кезеңі бойына, әсіресе, бірнеше қауіп факторлары бір мезгілде болғанда қан кету немесе анемия белгілерін анықтау үшін мұқият қадағалау ұсынылады. ПрадаксаP®P препаратын верапамил, амиодарон, хинидин немесе кларитромицинмен (P-gp тежегіштері) бір мезгілде қолданғанда, әсіресе, қан кету туындаған жағдайларда, атап айтқанда, ауырлығы жеңіл және орташа дәрежедегі бүйрек функциясының бұзылулары бар пациенттерде сақтық таныту қажет («Басқа дәрілік препараттармен өзара әрекеттесуі» бөлімін қараңыз).

Препаратты ҚҚСП-мен бір мезгілде қолданғанда болуы мүмкін қан кету белгілерін анықтау үшін пациентті мұқият қадағалауға кеңес беріледі («Басқа дәрілік препараттармен өзара әрекеттесуі» бөлімін қараңыз).

ПрадаксаP®P препаратымен емдеуді тоқтату

Бүйректің жедел жеткіліксіздігі дамыған жағдайда пациенттер ПрадаксаP®P препаратын қабылдауды тоқтатуы тиіс («Қолдануға болмайтын жағдайлар» бөлімін қараңыз).

Ауыр қан кету дамыған жағдайда емдеуді тоқтатып, қан кету себебін анықтау және кері әсер ететін спецификалық агент - ПРАКСБАЙНД (идаруцизумаб) препаратын қолдану мүмкіндігін қарастыру қажет.

Дозаны азайту

Дозаны азайту «Дозалау режимі» бөліміне сәйкес орындалады.

Протон помпасының тежегіштерін қолдану

Асқазан-ішектік қан кетуді болдырмау үшін протон помпасының тежегіштерін қолдануды қарау керек.

Коагуляцияның зертханалық параметрлері

ПрадаксаP®P препаратымен емдеу антикоагулянттық мониторинг өткізуді талап етпейді. Алайда, дабигатран қолдану себебінен болған антикоагуляция деңгейін өлшеу қосымша қауіп факторлары аясында дабигатранның организмге қарқынды әсерінен сақтануға көмектесуі мүмкін.

Тромбин уақытының тестін (бТУ), экариндік ұю уақытын (ЭҰУ) және ішінара белсендірілген тромбопластин уақытын (ІБТУ) анықтау кезінде пайдалы ақпарат алуға болады, алайда, талдау рәсімдерінің нәтижелерін параметрлер арасындағы өзгергіштікке орай абайлап түсіндіру керек. ХҚҚ талдауы ПрадаксаP®P препаратын қабылдаған пациенттерде сенімсіз нәтижелер береді; оны жүргізу кезінде жалған оң нәтижелер алынды (жоғары көрсеткіштер бекітілді). Осыған орай, ХҚҚ анықтамасын жүргізуге болмайды.

2 кестеде жоғары қан кету қаупімен салыстырылуы мүмкін препараттың ең төмен концентрациясы деңгейінде қан ұюына жасалған талдау нәтижелері үшін шектік мәндер беріледі.

2 кесте. Жоғары қан кету қаупімен салыстырылуы мүмкін препараттың ең төмен концентрациясы деңгейінде қан ұюына жасалған талдау нәтижелерінің шектік мәндері.

Талдау (ең төмен концентрациясы кезіндегі мәні)

Қолдануға көрсетілім

Ортопедиялық операциялардан кейінгі науқастарда вена тромбоэмболияларының бастапқы профилактикасы

ФПНК және ТВТ/ӨАТЭ кезіндегі инсульт профилактикасы

бТУ (нг/мл]

> 67

> 200

ЭҰУ (қалыптың жоғарғы шегінен асып кету, бір рет)

Деректер жоқ

> 3

ІБТУ (қалыптың жоғарғы шегінен асып кету, бір рет)

> 1,3

> 2

ХҚҚ

Жүргізуге болмайды

Жүргізуге болмайды

Жедел ишемиялық инсультті емдеу үшін фибринолиздік дәрілер қолдану

Егер пациенттің ТУ, ЭҰУ немесе ІБТУ көрсеткіштері зертханада қолданылатын референтті мәндер диапазонына сәйкес қалыптың жоғарғы шегінен асып кетпесе, жедел ишемиялық инсультті емдеу үшін фибринолиздік дәрілер қолдануға болады.

Хирургиялық операциялар және араласулар

Қан кетудің жоғары даму қаупіне байланысты, инвазиялық емшаралар немесе хирургиялық операциялар жасар алдында ПрадаксаP®P препаратын қабылдау уақытша тоқтатылуы тиіс.

Пациенттер кардиоверсия кезінде ПрадаксаP®P препаратын қабылдауды жалғастыра алады. Жүрекшелер фибрилляциясында катетерлік абляцияға ұшырайтын пациенттерде ПрадаксаP®P 110 мг препаратын күніне екі рет қабылдау туралы мәліметтер жоқ («Дозалау режимі» бөлімін қараңыз).

Операциялық араласуларға байланысты емдеуді уақытша тоқтату кезінде сақ болу керек, ондай жағдайларда ұю жүйесінің жай-күйін мониторингтеу ұсынылады. Бүйрек жеткіліксіздігі бар пациенттерде дабигатран клиренсі артуы мүмкін, бұл кез келген емшара тағайындалғанда ескерілу қажет. Ондай жағдайларда қан ұюына талдау жасау гемостаздың қалыпқа түскен-түспегенін анықтауға көмектесе алады.

Шұғыл операция немесе жедел емшаралар

ПрадаксаP®P препаратын қабылдауды уақытша тоқтату керек. ПрадаксаP®P препаратының антикоагулянттық әсерін тез бейтараптандыру үшін кері әсер ететін спецификалық агент - ПРАКСБАЙНД (идаруцизумаб)препаратын пайдалануға болады.

Дабигатранмен емді тоқтату тромбоэмболиялық оқиғалардың дамуымен қиындап кетуі мүмкін. Пациенттің клиникалық тұрақты жай-күйіне және талапқа сай гомеостазға жеткен жағдайда ПрадаксаP®P препаратымен емдеуді ПРАКСБАЙНД (идаруцизумаб) препаратын енгізуден кейін 24 сағат өткен соң жаңғыртуға болады.

Жеделге жуық жай-күйлер себебімен операциялық араласулар

ПрадаксаP®P препаратын қабылдауды уақытша тоқтату керек. Операцияны/араласуды, мүмкіндігінше, препараттың соңғы дозасын қабылдаудан кейін кемінде 12 сағат өтетін сәтке дейін кейінге қалдыру керек. Егер операцияны кейінге қалдыруға болмаса, қан кету қаупі артуы мүмкін. Қан кету қаупін араласулардың шұғылдық дәрежесімен салыстыру керек.

Жоспарлы операциялық араласу

ПрадаксаP®P препаратын қабылдау, мүмкіндігінше, хирургиялық араласулар немесе операциялар жасалғанша, кем дегенде, 24 сағат бұрын уақытша тоқтатылуы тиіс. Қан кету қаупі жоғары пациенттерде немесе толық гемостаз талап етілетін ауқымды операция жасалар алдында ПрадаксаP®P препаратын қабылдауды операциядан 2-4 күн бұрын тоқтату ұсынылады.

3 кестеде инвазиялық емшаралар немесе хирургиялық операциялар жасау алдында емді тоқтату кезіндегі ережелерге шолу берілді.

3 кесте. Инвазиялық емшаралар немесе хирургиялық операциялар жасау алдында емді тоқтату кезіндегі ережелерге шолу

Бүйрек функциясы (ККмл/мин)

Жартылай шығарылуының жуық кезеңі

(сағат)

Хирургиялық араласулар алдында дабигатран этексилатын қабылдауды тоқтату

Жоғары қан кету қаупі немесе ауқымды операциялық араласу

Стандартты қауіп

≥ 80

~13

2 күн бұрын

24 сағат бұрын

≥ 50‑< 80

~15

2‑3 күн бұрын

1- 2 күн бұрын

≥ 30‑< 50

~18

4 күн бұрын

2‑3 күн бұрын

(> 48 сағат)

Жұлын анестезиясы/ Эпидуральді анестезия/ Люмбальді пункция

Жұлын анестезиясы сияқты емшаралар жасау үшін гемостаз функциясын толық қалпына келтіру қажет болуы мүмкін.

Жарақаттық немесе қайталамалы пункциялар, сондай-ақ эпидуральді катетерді ұзақ уақыт пайдалану жағдайларында жұлын немесе эпидуральді гематоманың даму қаупі артады. ПрадаксаP®P препаратының бірінші дозасын катетерді алып тастаудан кейін 2 сағат өткен соң барып қолдану керек. Ондай жағдайларда жұлын немесе эпидуральді гематоманың объективті және субъективті неврологиялық белгілерін анықтау үшін пациенттің жай-күйін жиі бақылау қажет болады.

Операциядан кейінгі саты

Инвазиялық емшарадан немесе хирургиялық араласудан кейін ПрадаксаP®P препаратымен емдеуді, пациенттің клиникалық жай-күйі осыны жасауға мүмкіндік берген және талапқа сай гемостазға жеткен жағдайда, мүмкіндігінше, ерте жаңғырту/бастау керек. Қан кету қаупі жоғары немесе препарат организмге шектен тыс әсер ететін пациенттерде, әсіресе, бүйрек функциясының орташа бұзылу (креатинин клиренсі 30-50 мл/мин) жағдайларында емді сақтықпен жүргізген жөн.

Тромбоэмболиялық асқынулардың қауіп факторлары бар және операция кезінде өліммен аяқталу қаупі жоғары болатын пациенттер

Осындай пациенттер үшін ПрадаксаP®P препаратының тиімділігі мен қауіпсіздігі туралы деректер шектеулі, сондықтан препаратты абайлап тағайындау керек.

Бауыр функциясының бұзылуы бар пациенттер

Бауыр ферменттерінің деңгейі жоғары пациенттер (қалыптың жоғары шегі (ҚЖШ)) 2 еседен көп жоғары) бақыланатын клиникалық зерттеулерден шығарылды. Осы пациенттерде ПрадаксаP®P препаратын қолдану тәжірибесі жоқ, осыған байланысты, препаратты ондай пациенттерде қолдану ұсынылмайды. Препарат бауыр жеткіліксіздігінде, сондай-ақ тіршілік қабілетіне әсер етуі мүмкін бауыр ауруларында қарсы көрсетілімді («Қолдануға болмайтын жағдайлар» бөлімін қараңыз).

P-gp индукторларымен өзара әрекеттесуі

ПрадаксаP®P препаратын P-gp индукторларымен бір мезгілде қолданбау керек, өйткені осы біріктірілімдер қан плазмасында дабигатран концентрациясының төмендеуіне әкелуі мүмкін.

Фосфолипидке қарсы синдром бар пациенттер

Дабигатран этексилатын қоса, тікелей әсер ететін пероральді антикоагулянттар (ПОАК), анамнезінде тромбоз бар, фосфолипидке қарсы синдром диагностикаланған пациенттерге ұсынылмайды. Әсіресе, фосфолипидке қарсы үш тест нәтижесі оң болатын пациенттерде (жегілік антикоагулянт, кардиолипинге антиденелер және бета 2 гликопротеин I антиденелері) ПОАК емдеу, К дәрумені антагонисімен салыстырғанда, қайталамалы тромбоз оқиғаларының жоғары даму қаупімен астасуы мүмкін.

Миокард инфарктісі (МИ)

Тәулігіне екі рет 110 мг, 150 мг дабигатран этексилаты мен варфарин қабылданғанда миокард инфарктісінің жалпы жиілігі, тиісінше, 0,82%, 0,81% және 0,64%/жыл құрады, бұл дабигатран тобындағы осы аурудың салыстырмалы даму қаупінің, варфарин тобымен салыстырғанда, 29% және 27% артуына алып келді. Емнің сипатына қарамастан, ең көп МИ абсолютті қаупі, салыстырмалы қаупі сияқты, келесі қосалқы топтарда байқалды: анамнезінде МИ бар пациенттер, қант диабеті немесе жүректің ишемиялық ауруы бар ≥ 65 жастағы пациенттер, сол жақ қарыншаның лықсыту фракциясы < 40% пациенттер және ауырлығы орташа дәрежедегі бүйрек функциясының бұзылуы бар пациенттер. Бұдан бөлек, МИ жоғары қаупі ацетилсалицил қышқылын және клопидогрелді бір мезгілде немесе тек клопидогрел қабылдайтын пациенттерде болады.

Дабигатран этексилатын қабылдаған ТВТ/ӨАТЭ бар пациенттерде, варфарин қабылдаған пациенттерге қарағанда, өте жоғары МИ қаупі анықталды: RE-COVER және RE-COVER II қысқа мерзімді зерттеулерінде 0,4% және 0,2%, сондай-ақ RE-MEDY ұзақ мерзімді зерттеуінде 0,8% және 0,1%. Осы зерттеуде атап көрсетілген МИ жиілігінің артуы статистикалық мәнді болды (p=0,022).

Дабигатран этексилаты мен плацебо салыстыруы жүргізілген RE-SONATE зерттеуінде МИ қаупі дабигатран этексилатын қабылдаған пациенттерде 0,1% және плацебо қабылдаған пациенттерде 0,2% құрады.

Белсенді сатыдағы обыры бар пациент (ТВТ/ӨАТЭ)

ТВТ/ӨАТЭ зардабын шегетін, белсенді сатыдағы обыры бар пациенттерде ПрадаксаP®P препаратын қолдану қауіпсіздігі мен тиімділігі анықталмады.

Басқа дәрілік препараттармен өзара әрекеттесуі

Тасымалдағыштармен өзара әрекеттесуі

Дабигатран этексилаты белсенді P-gp тасымалдағышы үшін субстрат болып табылады. P-gp тежегіштерін бір мезгілде қабылдау (4 кестені қараңыз) дабигатран плазмалық концентрацияларының артуына алып келуі мүмкін.

Дабигатран күшті P-gp тежегіштерімен бір мезгілде қолдану жағдайларында өзге айрықша нұсқаулар болмаса, мұқият клиникалық қадағалау талап етіледі (қан кету немесе анемия белгілерін анықтау үшін). P-gp тежегіштерімен бір мезгілде қабылдағанда препарат дозасын азайту қажет болуы мүмкін.

4 кесте. Тасымалдағыштармен өзара әрекеттесуі

UP-гликопротеин (P-gp) тежегіштері

Бір мезгілде қабылдау қарсы көрсетілімді («Қолдануға болмайтын жағдайлар» бөлімін қараңыз)

Кетоконазол

Бір реттік 400 мг дозасын қабылдағанда дабигатран AUCR0-∞R және CRmaxR жалпы мәндері, тиісінше, 2,38 және 2,35 есе, кетоконазолды тәулігіне бір рет 400 мг дозада көп рет қабылдаудан кейін, тиісінше, 2,53 және 2,49 есе артады.

Дронедарон

Бір мезгілде дабигатран этексилаты мен дронедаронды тәулігіне екі рет 400 мг дозада қабылдағанда дабигатран AUCR0-∞R және CRmaxR мәндері, тиісінше, 2,4 және 2,3 есе; дронедаронды 400 мг бір рет қабылдаудан кейін 2,1 және 1,9 есе артады.

Итраконазол, циклоспорин

Іn vitro зерттеуінің деректері бойынша, кетоконазол қабылдау аясында байқалуына ұқсас әсерін күтуге болады.

Глекапревир/пибрентасвир

Тәжірибе көрсеткендей, дабигатран этексилатын P-gp тежегіштері глекапревир/пибрентасвирбіріктірілген бекітілген дозасымен бірмезгілде қолдануы дабигатранның әсер ету деңгейін жоғарылатады және қан кету қауіпін арттыруы мүмкін.

ПрадаксаP®P препаратымен бір мезгілде қолдану ұсынылмайтын дәрілік препараттар

Такролимус

Такролимус, in vitro зерттеуі көрсеткендей, итраконазол мен циклоспорин әсеріне қарқындылығы жағынан жақын P-gp тежеу әсерін көрсетеді. Такролимуспен біріктірілген дабигатран этексилатына клиникалық зерттеулер жүргізілмеді. Алайда, басқа P-gp субстраты (эверолимус) туралы шектеулі көлемде болатын клиникалық деректер такролимус қолдану кезінде күшті әсер ететін P-gp тежегіштерін қолдану кезіндегіден P-gp белсенділігінің аз бәсеңдейтінін көрсетеді.

Бір мезгілде қолдану кезінде сақтық шарасын қадағалау керек

Верапамил

ПрадаксаP®P (150 мг) препаратын верапамилдің пероральді емімен бір мезгілде қабылдағанда дабигатран үшін CRmaxR және қисық астындағы аудан (AUC) мәндері артты, алайда, осы өзгерістің шамасы әртүрлі және верапамил қабылдау уақытына және дәрілік түріне байланысты болды. Дабигатран әсерінің ең көп артуы дабигатран этексилатын қабылдауға дейін бір сағат бұрын дереу босап шығатын верапамилдің бірінші дозасын қабылдау кезінде байқалды (дабигатран CRmaxR шамамен 2,8 есе, ал AUC мәні шамамен 2,5 есе артты). Ұзақ әсер ететін дәрілік түрін қабылдағанда (CRmaxR мәні шамамен 1,9 есе, ал AUC мәні шамамен 1,7 есе артты) немесе верапамилдің көп реттік дозаларын қабылдағанда (CRmaxR мәні шамамен 1,6 есе, ал AUC мәні шамамен 1,5 есе артады) әсері біртіндеп азаяды.

Дабигатран этексилатынан кейін 2 сағаттан соң верапамил қабылдау кезінде елеулі өзара әрекеттесуі байқалмады (CRmaxR мәні шамамен 1,1 есе, ал AUC мәні шамамен 1,2 есе артты). Бұл дабигатран сіңуінің 2 сағаттан соң аяқталуымен түсіндіріледі.

Амиодарон

ПрадаксаP®P препаратымен ем кезінде 600 мг дозада амиодаронды бір рет пероральді қабылдау кезінде амиодарон мен оның белсенді метаболиті - дезэтиламиодаронның (DEA) сіңу дәрежесі мен жылдамдығы өзгермеген. Дабигатран AUC және CRmax,R тиісінше, шамамен 1,6 және 1,5 есе артты. Амиодаронның жартылай шығарылу кезеңінің ұзаққа созылуына байланысты, препараттардың ықтималды өзара әрекеттесуі амиодарон қабылдауды тоқтатудан кейін бірнеше апта бойы сақталуы мүмкін.

Хинидин

Хинидин 1000 мг жалпы дозасына дейін әр 2 сағат сайын 200 мг дозада қабылданды. Дабигатран этексилаты 3 күн бойы тәулігіне екі рет, үшінші күні хинидинмен немесе онсыз қабылданды. Хинидинмен бір мезгілде қабылдағанда дабигатран AUCRτ,ssR және CRmax,ssR орта есеппен, тиісінше 1,53 және 1,56 есе жоғарылады.

Кларитромицин

ПрадаксаP®P препараты мен кларитромицинді (тәулігіне екі рет 500 мг дозада) бір мезгілде қабылдайтын пациенттерде дабигатран концентрациясы 1,19 есе, ал CRmaxR мәні шамамен 1,15 есе артады.

Тикагрелор

Дабигатран этексилатын бір рет 75 мг дозада және тикагрелордың 180 мг екпінді дозасын бір мезгілде қолданғанда, дабигатран AUC және CRmax,R тиісінше, 1,73 және 1,95 есе артты. Тәулігіне екі рет 90 мг тикагрелорды көп рет қабылдаудан кейін дабигатран CRmaxR және AUC, тиісінше, 1,56 және 1,46 есе жоғарылады.

Тикагрелор 180 мг және дабигатран этексилаты 110 мг екпінді дозасы бір мезгілде тағайындау кезінде (стационарлық жағдайда), дабигатран этексилаты монотерапиясымен салыстырғанда, дабигатран AUCRτ,ssR және CRmax,ss,R тиісінше, 1,49 және 1,65 есе жоғарылады. Тикагрелор 180 мг екпінді дозасын 110 мг дабигатран этексилатынан кейін 2 сағаттан соң қабылдағанда (стационарлық жағдайда), дабигатран этексилатының монотерапиясымен салыстырғанда, дабигатран AUCRτ,ssR және CRmax,ss, Rтиісінше, 1,27 есе және 1,23 есе төмендеді. Күніне екі рет 90 мг тикагрелор (демеуші доза) және 110 мг дабигатран этексилатын бір мезгілде қабылдау, дабигатран этексилаты монотерапиясымен салыстырғанда, дабигатран AUCRτ,ssR және CRmax,ssR мәндерін, тиісінше, 1,26 және 1,29 есе арттырды.

Позаконазол

Позаконазол аздаған дәрежеде Р-гликопротеинді тежейді, алайда, оның әсері клиникалық тұрғыда зерттелмеді. ПрадаксаP®P препаратын позаконазолмен бір мезгілде абайлап қолдану керек.

UP-гликопротеин (P-gp) индукторлары

Бір мезгілде қолданбау керек

Мысалы, рифампицин, шайқурай (Hypericum perforatum) препараттары, карбамазепин немесе фенитоин

Аталған біріктірілімдер қан плазмасында дабигатран концентрациясының төмендеуіне әкелуі мүмкін.

Рифампицинді 7 күн бойы тәулігіне бір рет 600 мг дозада алдын ала қабылдау дабигатран жалпы жоғары шегін және жалпы әсерін, тиісінше, 65,5 және 67% азайтады. Индуктор әсері азаяды, нәтижесінде дабигатран әсері рифампицинмен емдеуді тоқтатудан кейін 7-ші күні қалпына келеді. Одан әрі биожетімділігінің артуы 7 күн өткен соң байқалады.

UРитонавир сияқты протеаза тежегіштері

Бір мезгілде қабылдау ұсынылмайды

Мысалы, ритонавир және оның басқа протеаза тежегіштерімен біріктірілімдері

P-gp мәніне, не тежеу, не индукциялау әсерін көрсете отырып, әсер етеді. Бұл препараттар зерттелмеді, сондықтан оларды ПрадаксаP®P препаратымен бірге қабылдау ұсынылмайды.

UР-гликопротеин (P-gp) субстраты

Дигоксин

ПрадаксаP®P препаратын дигоксинмен бір мезгілде қолданғанда дигоксин әсерінің ешқандай өзгеруі және дабигатран әсерінің ешқандай клиникалық мәнді өзгерістері анықталмады.

Антикоагулянттар және антиагреганттар

ПрадаксаP®P препаратын қан кету қаупін арттыруы мүмкін келесі дәрілік заттармен бір мезгілде қолдану тәжірибесі жоқ немесе тым шектеулі: фракцияланбаған гепарин (ФГ), төмен молекулалық гепариндер (ТМГ), гепарин туындылары (фондапаринукс, дезирудин) сияқты антикоагулянттар, тромболитикалық дәрілер, К дәрумені антагонистері, ривароксабан немесе басқа пероральді антикоагулянттар; антиагреганттар - IIb/IIIa гликопротеин рецепторларының антагонистері, тиклопидин, прасугрел, тикагрелор, декстран және сульфинпиразон.

Басқа пероральді немесе парентеральді антикоагулянттармен бірге қолдану, ең алдымен, бір антикоагулянттан басқасына ауысу оқиғаларына байланысты ауқымды қан кетулер жиілігінің (дабигатран этексилатын да, варфаринді де қабылдау кезінде) шамамен 2,5 есе артуына алып келеді («Қолдануға болмайтын жағдайлар» бөлімін қараңыз). Бұдан басқа, дабигатран мен варфаринді антиагреганттармен, ацетилсалицил қышқылымен немесе клопидогрелмен бір мезгілде қабылдау ауқымды қан кету қаупін арттырады («Қолдану кезіндегі қажетті сақтану шаралары» бөлімін қараңыз).

Орталық вена немесе артерия катетерін ашық күйде ұстап тұруға немесе жүрекшелер фибрилляциясы кезіндегі катетерлік абляция үдерісінде қажет болатын дозаларда ФГ қолдануға болады.

5 кесте. Антикоагулянттармен және антиагреганттармен өзара әрекеттесу

ҚҚСП

Операция алдында ауыруды қысқа мерзімді басу үшін дабигатран этексилатымен бірге ҚҚСП қолдану қан кетудің даму қаупінің артуына алып келеді. ҚҚСП ұзақ уақыт қолданылғанда қан кету қаупі, әрі дабигатран этексилатымен емдеу, әрі варфаринмен емдеу кезіндегідей шамамен 50% артады.

Клопидогрел

Дабигатран этексилаты мен клопидогрелді бірге қабылдау, клопидогрел монотерапиясымен салыстырғанда, капиллярлық қан кету уақытының одан әрі ұзаруына әкелмейді. Бұдан бөлек, дабигатран AUCRτ,ssR және CRmax,ssR, дабигатран әсерімен байланысты қан ұюының параметрлері немесе клопидогрелдің әсер ету дәрежесі ретінде тромбоциттер агрегациясының тежелісі, тиісті монотерапиямен біріктірілген еммен салыстырғанда, мүлде өзгеріссіз қалды. Клопидогрелдің 300 немесе 600 мг жүктеме дозаларын дабигатран AUCRτ,ssR және CRmaxssRшамамен 30-40% артты («Қолдану кезіндегі қажетті сақтану шаралары» бөлімін қараңыз).

АСҚ

Тәулігіне екі рет ацетилсалицил қышқылын және 150 мг дабигатран этексилатын бірге қолдану кез келген қан кету қаупін 12%-ден 18% дейін әрі 81 мг және 325 мг ацетилсалицил қышқылын қабылдағанда 24% тиісінше арттыруы мүмкін («Қолдану кезіндегі қажетті сақтану шаралары» бөлімін қараңыз).

ТМГ

Төмен молекулалық гепариндерді, мысалы, эноксапарин мен дабигатран этексилатын бір мезгілде қолдану арнайы зерттелмеді. Тәулігіне бір рет 40 мг дозада т/а енгізілген эноксапаринмен 3-күндік емнен кейін эноксапариннің соңғы дозасын енгізуден соң 24 сағат өткенде дабигатранның әсер ету деңгейі, тек дабигатран этексилатын (бір реттік 220 мг дозада) қолдану кезіндегіден аздап төмен болды. Эноксапаринмен алдын ала емдеумен дабигатран этексилатын қолданудан кейін, дабигатран этексилатының монотерапиясынан кейінгі осындаймен салыстырғанда, FXa/FIIa факторларына қарсы өте жоғары белсенділік байқалды. Ол осының алдындағы эноксапаринмен емдеу әсерінің себебінен болды және осы әсері клиникалық мәнді болып қарастырылмайды деп жорамалданады. Эноксапаринді алдын ала енгізу кезінде дабигатран қолданумен байланысты басқа антикоагуляциялық тестілер елеулі өзгермеген.


Дәріханалар

Тауар артығымен бар
Тауар аз қалды
Аптека № 69, Актобе,
ул.Шайкенова д.13А
Круглосуточно
Аптека № 50, Актобе, (уг.пр.Абая-Есет Батыра)
ул. Есет батыра, дом 130
Круглосуточно
Аптека №169, Актобе, (ТЦ Дастан Сити)
г.Актобе, 12 мкр, д 21Д, 1А
Круглосуточно