Повидон-йод DF раствор 100 мл

Сипаттама

Дәрілік затты медициналық

қолдану жөніндегі нұсқаулық

Повидон-йод-DF

Cаудалық атауы

Повидон-йод-DF

Халықаралық патенттелмеген атауы

Повидон-йод

Дәрілік түрі

Сыртқа және жергілікті қолдануға арналған спрей 30 мл, 50 мл, 100 мл

Құрамы

100 млпрепараттың құрамында

белсенді зат: повидон-йод 10,0 г

(белсенді йодқа қайта шаққанда – 1,0 г)

қосымша зат: тазартылған су 100 мл дейін

Сипаттамасы

Қара-қоңыр, йодтың әлсіз иісі бар тұтқыр сұйықтық. Кез келген ара-қатынаста сумен араласады.

Фармакотерапиялық тобы

Тері ауруларын емдеуге арналған препараттар. Антисептиктер және дезинфекциялайтын препараттар. Йод препараттары. Повидон-Йод

АТХ коды D08AG02

Фармакологиялық қасиеттері

Фармакокинетикасы

Повидон-Йод-DF препаратын зақымданбаған теріге жергілікті қолданғандайодтың сіңірілуі мардымсыз. Кешенді молекуласының мөлшерінің үлкен болуына байланысты, повидон-йод биологиялық бөгеттер арқылы нашар өтеді; йодтың жүйелі әсері іс жүзінде байқалмайды. Терімен және шырышты қабаттармен жанасқанда 30% повидон-йодйодидке, ал қалғаны белсенді йодқа айналады. Йодидтер негізінен қалқанша безде жиналады. Босйодидтер негізінен несеппен, аздаған мөлшері нәжіспен, сілекеймен, термен шығарылады. Йодидтер плацентарлық бөгет арқылы өтеді және емшек сүтіне бөлінеді.

Фармакодинамикасы

Повидон-йод-DF поливинилпирролидон (повидон) полимерінің йодпен кешені болып табылады.

Поливинилпирролидонның болуына байланысты белсенді йод тіндерге тітіркендіретін және күйдіретін әсерсіз, микроорганизмдерге антисептикалық әсер білдіріп, препараттан баяу және біртіндепбөлінеді. Повидон-йод-DF препаратын қолданған жерде йодтың барлық мөлшері босағаншасақталатын жіңішке боялған үлбір қалады. Повидон-йод-DF препаратының бактерицидті әсері тепе-теңдік реакция жолымен бос йодтың бөлінуімен байланысты. Осылайша, повидон-йод кешені, ұдайы элементті йод бөлетін және белсенді бос йодтың тұрақты концентрациясымен қамтамасыз ететін йод қоры болып табылады. Бос йод микроорганизмдердің құрылымдық ақуыздарының және ферменттердің OH- аминқышқыл тізбегімен немесе SH- тотығу топтарымен әрекеттесіп, осы ферменттер мен ақуыздардың белсенділігін басады және жояды. Осы кезде йод түссізденеді, осыған байланысты қоңыр түске боялуының қарқындылығы препарат тиімділігінің индикаторы болып табылады. Түссізденгеннен кейін препаратты қайта жағуға болады.

Қолданылуы

- инфекциялар профилактикасы және емдеу кезіндегі антисептикалық өңдеу

Қолдану тәсілі және дозалары

Повидон-Йод-DF ерітіндісі сыртқа қолдануға арналған.

Ерітіндіні ішке қабылдауға болмайды!

Инфекция жұқтырған тері беткейлері мен шырышты қабаттарды өңдеу үшін Повидон-йод-DF спрейін зақымданған жерлерге оларды сулау үшін жеткілікті мөлшерде бүркиді және 1–2 минутқа қалдырады, содан кейін мұқият шаяды.

Хирург және медициналық қызметкерлердің қолын өңдеу үшін — спрейді алақанға оны сулау үшін жеткілікті мөлшерде бүркиді, 5 минут бойы шынтаққа дейін ысқылайды, содан кейін мұқият шайып тастайды, емшараны екі рет қайталайды.

Хирургияда, травматологияда, комбустиологияда, стоматологияда жарақат инфекцияларын емдеу және профилактикасында, терінің бактериялық және зеңдік зақымдануындажаралар мен күйіктерді өңдеуде зақымданған жерлергеспрейді бүркиді (1–2 с) және мұқият шайып тастайды.

Стоматитті, гингивитті, афтаны, парадонтитті, альвеолитті емдеудеауыз қуысының қабынған шырышты қабатын сулайды немесепрепаратпен суланған тампонмен аппликация жасайды. Емшараны тәулігіне бірнеше рет жүргізеді.

6-дан 18 жасқа дейінгі балалар мен жасөспірімдерге:

- стоматитті, гингивитті, афтаны, парадонтитті, альвеолитті емдегенде ауыз қуысының қабынған шырышты қабатына тек препаратпен суланған тампонды аппликациялау керек

Қолдану ұзақтығы аурудың сипаты, оның айқындығына байланысты болады және дәрігер анықтайды.

Ауыз қуысы ауруларын емдегенде препаратты тек ас қабылдаудан кейін ғана қолдану керек.

Препаратты тыныс жолдарына түсуін болдырмай сақтықпен қолдану керек!

Жағымсыз әсерлері

Жиі:

- йодқа аллергиялық реакция (қышыну, гиперемия, есекжем);

- сирекаппликация орнындағы қысқа мерзімдік күйдіру сезімі немесе ауыз қуысындағы құрғақтық сезімі;

-гипотиреоз (Повидон-йод-DF көп мөлшерін қолданғаннан кейін немесе ұзақ уақыт қолданғаннан кейін);

- операцияға дайындаған кезде пациенттің астында ерітіндінің артығы жиналуы себебінентерінің химиялық күюі;

Повидон-йод-DF көп мөлшерде қолданғаннан кейін (мысалы, күйіктерді емдеуде)):

- электролиттік теңгерімнің бұзылуы;

- метаболизмдік ацидоз;

- жедел бүйрек жеткіліксіздігі;

-қанның осмолярлығының өзгеруі;

Сирек:

- жоғары сезімталдық;

- жанаспалы дерматит (эритема, терідегі шағын сулы бөртпелер, қышыну секілді симптомдармен).

Өте сирек:

- анафилаксиялық реакция;

- гипертиреоз (кейде тахикардия және мазасыздық секілдісимптомдармен қатар жүретін). Анамнезінде қалқанша без ауруларымен пациенттерде Повидон-йод-DF препаратын көп мөлшерде қолданғаннан кейін (мысалы, терінің ауқымды беткейінде жаралар мен күйіктерді өңдеу үшін повидон-йод ерітіндісін ұзақ уақыт қабылдағаннан кейін);

- ангионевроздық ісіну;

- йодизм (ауызда металл тату, сілекей бөлінуінің артуы, көз немесе көмейдің ісінуі)

Қолдануға болмайтын жағдайлар

- йодқа немесе препараттың басқакомпоненттеріне жоғары сезімталдық

-гипертиреоз

-қалқанша бездің басқа да жедел аурулары

- жүректің қалпына келмейтін жеткіліксіздігі

- радиоактивті йодты бір мезгілде қолдану

- Дюрингтің герпес тәрізді дерматиті

- жүктілік және лактация кезеңі

- 6 жасқа дейінгі балаларға

Препарат бауыр жеткіліксіздігімен пациенттерде сақтықпен қолданылады.

Дәрілермен өзара әрекеттесуі

Препарат ақуыздармен және қанықпаған органикалық кешендермен реакцияға түсуі мүмкін, сондықтан Повидон-йод-DF әсері оның дозасын жоғарылатумен қалпына келтірілуі мүмкін.

Литий препараттарын қабылдайтын пациенттерде әсіресе үлкен беткейлерде ұзақ қолданудан аулақ болу керек.

Повидон-йод-DF тотықтандыратын әсеріәртүрлі диагностикалық тесттерде жалған оң нәтижелерге (мысалы, толуидин мен гваяк шайырын қолданумен нәжіс пен несепте гемоглобин мен глюкозаны анықтау) әкелуі мүмкін.

Повидон-йод-DF ерітіндісінен йодтың сіңуі қалқанша бездің функциялық тестілерінің нәтижесін өзгертуі мүмкін.

Повидон-йод-DF қолдану қалқанша безбен йодтың сіңуін төмендетуі мүмкіндігін, ол өз кезегінде кейбір зерттеулер мен емшаралардың нәтижесіне әсер етуі мүмкіндігіне (қалқанша бездің сцинтиграфиясы, ақуызбен байланысқан йодты анықтау, радиоактивті йодты қолданумен диагностикалық емшаралар) байланысты йод препаратымен қалқанша без ауруын емдеуді жоспарлау ықтималдылығын болдырмауы мүмкін. Повидон-йод-DF препаратын қабылдауды тоқтатқаннан кейін келесі сцинтиграфия жасағанға дейін белгілі уақыт аралығынсақтау керек.

Литий препараттарымен бір мезгілде қолданғанда соңғылардың гипотиреоидты әсері үдейді.

Терінің зақымданған бөлігі арқылы йодтың сіңуі қалқанша бездер функциясын зерттегенде талдаудың дұрыс болуына әсер етуі мүмкін. Нәжісте және несепте жасырын қанды анықтауға талдаудың бірнеше түрлерінің повидон-йодпен ластануы жалған-оң нәтижелерге әкелуі мүмкін.

Үйлесімсіздігі

Повидон-йод-DF препараты қалпына келтіретін заттармен, алкалоидтар тұздарымен, иіткіш қышқылмен, салицил қышқылымен, күміспен, сынап жәневисмут тұздарымен, толуидинмен, сутегінің асқын тотығымен, ферментті препараттармен үйлесімсіз.

Айрықша нұсқаулар

Пластмасса және синтетикалық материалдар әдетте Повидон-йод-DF препаратына сезімтал болмағанда, Повидон-Йод-DF тотықтандыратын қасиеті металдардың тот басуын туындатуы мүмкін. Жекелеген жағдайларда әдетте қалпына келетін түсінің өзгеруібайқалуы ықтимал.

Повидон-Йод-DF ерітіндісі текстил және басқа материалдардан сабынды сумен жеңіл кетеді. Қиын кететін дақтардыаммиак ерітіндісімен немесенатрий тиосульфатымен өңдеу керек.

Повидон-йод-DF препаратынтерінің сол жерлерінде немесе көрші бөліктерінде құрамында октенидин бар антисептиктермен бір мезгілде немесе қолданғаннан кейін дереу пайдалану өңделген беткейлерде қоңыр дақтардың түзілуіне әкелуі мүмкін.

Повидон-йод-DF пайдалану қалқанша бездер функциясын зерттегенде талдаудың дұрыс болуына әсер етуі мүмкін. Йод күйік ошақтары мен терінің зақымданған бөлігі арқылы, аз дәрежеде зақымданбаған тері арқылы сіңеді, бұл әсіресе бүйрек жеткіліксіздігі бар пациенттерде қандағы йодтың уытты деңгейіне әкелуі мүмкін. Егер қалқанша без функциясының өзгеруін көрсететін симптомдар пайда болса, оларды зерттеу керек. Бүйрек функциясы бұзылған пациенттерде қандағы йод деңгейін бақылап отыру қажет. Егер жергілікті тітіркену және аса жоғары сезімталдық пайда болса, повидон-йодпен емдеуді тоқтатқан жөн.

Балалар

6-дан 18 жасқа дейінгі балалар мен жасөспірімдерде стоматитті, гингивитті, афтаны, парадонтитті, альвеолитті емдегендеауыз қуысының қабынған шырышты қабатына тек препаратпен суланған тампонды аппликациялау керек.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Ішке көп мөлшерін кездейсоқ қабылдап қойған жағдайда, «йодизмнің» даму мүмкіндігін анықтау керек.

Препараттың көп мөлшерін қабылдап қойған жағдайда белсендірілген көмір қабылдау, асқазанды шаю, құстырту керек.

Шығарылу түрі және қаптамасы

30 мл, 50 мл, 100 мл препараттан бүркитін қондырғысы және қорғаныш қалпақшасыменпластик құтыларда.

Бір құтыдан медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған картон қорапшаға салынған.

Сақтау шарттары

Жарықтан қорғалған жерде,25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

«DOSFARM» ЖШС, Қазақстан

050034, Алматы қ., Чаплыгин к-сі, 3, тел.: (727) 253-03-88

Тіркеу куәлігінің ұстаушысы

«DOSFARM» ЖШС, Қазақстан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«DOSFARM» ЖШС, Қазақстан Республикасы, Алматы қ., Чаплыгин к-сі, 3, тел./факс: (727) 253-03-88, эл. пошта: dosfarm@dosfarm.kz

Дәріханалар

Қалалар