Пермиксон 160 мг №30,капс
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Пермиксон 160 мг №30,капс

5489
Қолжетімділігі
Сатылымда бар
Үлгі
3573994001140
Елі
Франция
Өндіруші
Pierre Fabre Dermo-Cosmetics
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Пермиксон®

Саудалық атауы

Пермиксон®

Халықаралық патенттелмеген атауы

Жоқ

Дәрілік түрі, дозалануы

Капсулалар 160 мг

Фармакотерапиялық тобы

Несеп-жыныс жүйесі және жыныс гормондары. Урологиялық препараттар. Простатаның қатерсіз гипертрофиясын емдеуге арналған препараттар. Простатаның қатерсіз гипертрофиясын емдеуге арналған басқа да препараттар. Жатаған пальма препараты.

АТХ коды: G04CX02.

Қолданылуы

Ересектерде:

  • ересек еркектерде қуықасты безінің қатерсіз гипертрофиясына байланысты несеп шығарудың орташа бұзылуларын емдеу.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді затқа немесе қосымша заттардың кез келгеніне аса жоғары сезімталдық

Қолдану кезіндегі қажетті сақтық шаралары

Бұл дәрілік препарат егер оны аш қарынға қабылдаса, жүрек айнуы тудыруы мүмкін

Басқа дәрілік препараттармен және тамақ өнімдерімен өзара әрекеттесуі

Пермиксон® препаратымен экспериментальды зерттеулер дәрілердің емдік топтарында, әдетте, емдеуге байланысты қандай да бір жағымсыз салдарларды анықтаған жоқ (несеп шығару жолдарының инфекцияларына арналған антибиотиктер, антисептиктер және қабынуға қарсы препараттар).

Бірлескен ем кезінде ешқандай фармакокинетикалық өзара әрекеттесу күтілмейді.

Арнайы ескертулер

Қуықасты безінің қатерсіз гипертрофиясына жүргізілетін әдеттегі мониторингке сәйкес, пациент емдеу кезінде тұрақты медициналық бақылауда болуы тиіс.

Педиатрияда қолдану

Бұл дәрі балаларға қолданылмайды.

Жүктілік және лактация кезінде қолдану

Қолданылмайды, себебі бұл дәрілік препарат әйелдерге көрсетілмеген.

Дәрілік препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері.

Автомобильді басқару және қауіптілігі зор механизмдерді пайдалану қабілетіне әсері зерттелмеген.

Қолдану жөніндегі нұсқаулар

Дозалау режимі

- тамақтану кезінде күніне екі рет 1 капсуладан.

Ең жоғары тәуліктік доза 320 мг құрайды.

Енгізу әдісі мен жолы

Тамақтану кезінде стакан сумен қабылдаңыз.

Емдеу ұзақтығы

Емдеудің ең ұзақ мерзімі: 6 ай

Артық дозалану жағдайында қабылдануы қажеті шаралар

Артық дозалану жағдайында пациентте өтпелі асқазан-ішек бұзылулары болуы мүмкін.

Емі: симптоматикалық.

Жануарларға зерттеу осы дәрінің қандай да бір ерекше уыттылығын көрсетпейді.

Пермиксон® стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар.

Төменде аталған жағымсыз әсерлері кездесу жиілігіне сәйкес жіктелген. Жиілік санаттары MedDRA белгілеріне (Реттеуші қызметтің медициналық терминдер сөздігі) сәйкес анықталған: өте жиі (≥1/10); жиі (≥1/100<1/10 дейін); жиі емес (≥1/1000 <1/100 дейін); сирек (≥1/10000<1/1000 дейін); өте сирек (<1/10000); белгісіз (қолда бар деректер бойынша бағалау мүмкін емес).

«Өте сирек», «сирек» немесе «өте жиі» жиілігі бар дәріге жағымсыз реакциялар болған жоқ, сондықтан бұл жиіліктер ұсынылмаған.

Жиі (≥1/100 <1/10 дейін)

- бас ауыруы

- іштің ауыруы

Жиі емес (≥ 1/1000 <1/100 дейін)

- жүрек айнуы

- гамма-глутаминтрансферазаның жоғарылауы

- трансаминазалардың артуы

- бөртпе

- гинекомастия, ем аяқталғаннан кейін қайтымды

Белгісіз

-ісіну

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат:

Флорида пальмасы жемісінің экстракті

(Serenoa repens (W. Bartram) Small) (7-11:1) - 160 мг

экстрагент: гексан

қосымша заттар:макрогол 10 000

капсула қабығының қосымша заттары: титанның қостотығы Е171, индиготин Е132, темірдің сары тотығы Е172, желатин

Сыртқы түрінің, иісінің, дәмінің сипаттамасы

Ашық-жасыл түсті қатты желатинді капсулалар, өлшемі №1. Капсуланың ішінде - өзіне тән иісі бар жасылдау-сары түсті паста тәрізді масса.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Шығарылу түрі және қаптамасы

15 капсуладан мөлдір ПВХ үлбірден және алюминий фольгадан жасалған пішінді ұяшықты қаптамаға салады.

2 пішінді ұяшықты қаптамадан медициналық қолдану жөніндегімемлекеттік және орыс тілдеріндегі нұсқаулықпен бірге картон қорапшаға салынады.

Дәріханалардан босатылу шарттары

Рецепт арқылы

Өндіруші туралы мәлімет

Пьер Фабр Медикамент Продакшн

Прогифарм, Лисс к-сі, 45500 Жиен, Франция

тел.:+ 33 1 49 10 80 00, факс: + 33 5 63 71 39 15

е-mail: medical_information@pierre-fabre.com

Тіркеу куәлігінің ұстаушысы

Пьер Фабр Медикамент

45, Абель Ганс алаңы, 92100 Булонь, Франция

тел.:+ 33 1 49 10 80 00, факс: + 33 5 63 71 39 15

е-mail: medical_information@pierre-fabre.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ЕВРОМЕДЕКС» компаниясының Қазақстан Республикасындағы өкілдігі

050009, Алматы қ., Абай д-лы, 153 үй, 13 пәтер

Тел./Факс: +7(727) 3943408, 8-747-168-17-62, 8-747-168-17-69

e-mail: office.kz@euromedex.com

Дәріханалар

Тауар артығымен бар
Тауар аз қалды
Аптека №169, Актобе, (ТЦ Дастан Сити)
г.Актобе, 12 мкр, д 21Д, 1А
Круглосуточно
Аптека № 50, Актобе, (уг.пр.Абая-Есет Батыра)
ул. Есет батыра, дом 130
Круглосуточно
Аптека № 69, Актобе,
ул.Шайкенова д.13А
Круглосуточно