Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Панангин®
Саудалық атауы
Панангин®
Халықаралық патенттелмеген атауы
Жоқ
Дозалануы, дәрілік түрі
Үлбірлі қабықпен қапталған таблеткалар, 158 мг/140 мг
Фармакотерапиялық тобы
Ас қорыту жолы және зат алмасу. Минералды қоспалар. Басқа да минералды заттар.
АТХ коды А12СХ
Қолданылуы
- магний және калий тұтынылуын тамақпен арттыру үшін қоспа ретінде
- емдеуші дәрігердің мақұлдауымен созылмалы жүрек аурулары (миокард инфарктісінен кейін жүрек жеткіліксіздігі кезінде), жүрек ырғағының бұзылуы (негізінен қарыншалық аритмия) кезінде қосымша ем ретінде
- емдеуші дәрігердің мақұлдауымен жүрек гликозидтерімен емге қосымша ретінде
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші заттарға немесе препараттың кез келген қосымша компоненттеріне жоғары сезімталдық
- жедел және созылмалы бүйрек жеткіліксіздігі
- Аддисон ауруы
- III дәрежелі атрио-вентрикулярлы блокада,кардиогенді шок(АҚ < 90 мм с.б.)
- 18 жасқа дейінгі балалар (қауіпсіздігі мен тиімділігі жөнінде дәлелдеу базасы жоқ)
Басқа дәрілік препараттармен өзара әрекеттесуі
Пероральді тетрациклиндер, темір тұздары мен натрий фториді асқазан-ішек жолынан препараттың сіңірілуін тежейді. Жоғарыда аталған дәрі-дәрмектермен біріктіріп емдегенде қабылдаулар арасында кем дегенде 3 сағат аралық болуы қажет.
Препаратты калий жинақтаушы диуретиктермен және/немесе АӨФ тежегіштерімен, бета-адреноблокаторлармен, циклоспоринмен, гепаринмен және қабынуға қарсы стероидты емес препараттармен бір мезгілде тағайындау гиперкалиемияға әкелуі мүмкін.
Арнайы ескертулер
Гиперкалиемия қатар жүретін аурулары бар науқастарға препаратты тағайындаған кезде сақ болу керек.Бұл санаттағы пациенттерге қандағы калий иондарының деңгейін тұрақты зерттеу ұсынылады. Бұл дәрілік препараттың әр таблеткасының құрамында 36,2 мг калий болады,бүйрек функциясы төмендеген пациенттерге немесекалий диетасында жүрген пациенттерге осыны ескерген жөн.
Педиатрияда қолданылуы
Препаратты балалар мен жасөспірімдерге қолдануға болмайды, өйткені оныпедиатрияда қолданудың қауіпсіздігі мен тиімділігі анықталмаған.
Жүктілік жәнелактация кезеңінде
Қазіргі кезге дейін осы санаттағы пациенттерге препаратты қолданғанда қандай да бір қауіпсіздіктің туындағаны жөнінде хабарланбаған.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралдарын немесе басқа да механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Ересектер үшін әдеттегі тәуліктік доза тәулігіне 3 рет 1-2 таблетканы құрайды. Дозанытәулігіне 3 рет 3 таблеткаға дейін арттыруға болады. Асқазан сөлі препарат тиімділігін азайтуға қабілетті, сондықтан таблеткаларда тамақтанудан кейін қабылдау ұсынылады.
Артық дозаланған жағдайда қолданылатын шаралар
Панангин® препаратының, үлкен дозасын қабылдағанның өзінде, артық дозалануы туралы ақпараттар жоқ. Бүйректің калийді көп мөлшерде шығаратын қабілетін ескере отырып, препарат дозасын арттыру калий шығарылуының жедел немесе айқын бұзылулары аясында ғана гиперкалиемияға әкелуі мүмкін. Магний кең емдік диапазонымен сипатталады, бүйрек жеткіліксіздігі болмағанда күрделі жағымсыз әсерлері өте сирек болады.
Әдебиет деректері бойынша магний үстемелерін ішке қабылдау диарея типті жеңіл жағымсыз реакцияларды туындатуы мүмкін.
Панангин® препаратының жоғары дозалары олардың құрамында магний болуына байланысты нәжісті жиілетуі ықтимал.
Вена ішіне қолданғанда жылдам енгізген жағдайда гиперкалиемия/ гипермагниемия симптомдары дамуы мүмкін.
Гиперкалиемия симптомдары: жалпы әлсіздік, парестезия, брадикардия, салдану, аритмия.
Гипермагниемия симптомдары: жүрек айну, құсу, летаргия, бұлшықет гипотониясы, брадикардия, әлсіздік, гипорефлексия.
Артық дозаланғанда препарат қабылдауды тоқтату қажет, симптоматикалық ем ұсынылады (в/і кальций хлоридін енгізу; қажет болғанда диализ).
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
- нәжістің жиілеуі (препарат дозасын көп қабылдағанда)
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Қосымша мәліметтер
Дәрілік препараттың құрамы
Үлбірлі қабықпен қапталған бір таблетканың құрамында:
белсенді заттар: 140 мг магний аспарагинаты (175 мг магний аспарагинаты тетрагидраты түрінде), 158 мг калий аспарагинаты (166,3 мг калий аспарагинаты гемигидраты түрінде),
қосымша заттар: сусыз коллоидты кремнийдің қостотығы, картопкрахмалы, повидон К-30, магний стеараты, тальк, жүгері крахмалы,
үлбірлі қабықтың құрамы: макрогол 6000, титанның қостотығы (Е 171), эудрагит E 100, тальк.
Сыртқы түрінің, иісінің, дәмінің сипаттамасы
Дөңгелек пішінді, екі беті дөңес, аздап жылтыр және беткейі елеусіз дәрежеде тегіс емес, иіссіз дерлік, ақ немесе ақ дерлік түсті үлбірлі қабықпен қапталған таблеткалар.
Шығарылу түрі және қаптамасы
Сақтандырғыш сақинасымен жабдықталған қалпақшасы мен полиэтиленнен жасалған гофрланған төселімі бар полипропилен құтыда 50 таблеткадан.
1 құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.
Сақтау мерзімі
5жыл
Жарамдылық мерзімі өткеннен кейін қолдануға болмайды!
Сақтау шарттары
25°C-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Гедеон Рихтер» ААҚ
Венгрия, Н-1103 Будапешт, Дёмрёи к-сі, 19-21
Hungary, Budapest, 1103 Gyömrőiu. 19-21
Tel: +361-431-4000, +361-431-4782, +361-431-4985
Fax:+361-431-5944
E-mail: racis@richter.hu
Тіркеу куәлігінің ұстаушысы
«Гедеон Рихтер» ААҚ
1103 Будапешт, Дёмрёи к-сі, 19-21, Венгрия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың қауіпсіздігіне тіркеуден кейінгі бақылауға жауапты ұйымныңатауы, мекенжайы және байланыс деректері (телефон, факс, электронды пошта)
«Гедеон Рихтер» ААҚ ҚР өкілдігі, Алматы қ., Төле Би к-сі 187
E-mail: info@richter.kz; pv@richter.kz (фармакологиялық қадағалау)
Телефон: 8-(7272)-58-26-22, 8-(7272)-58-26-23, 8-701-787-47-01
