Невролек 2 мл р-р д/ин.амп №5

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Невролек

Халықаралық патенттелмеген атауы

Жоқ

Дәрілік түрі

Инъекцияға арналған ерітінді

Фармакотерапиялық тобы

Ас қорыту жолы және зат алмасу. Дәрумендер. Қарапайым В₁ дәрумені және В₆ және В₁₂ дәрумендерімен біріктірілімдері. В₆ дәруменімен және/немесе В₁₂ дәруменімен біріктірілген В₁ дәрумені.

АТХ коды А11D В.

Қолданылуы

Шығу тегі әртүрлі неврологиялық ауруларда:

- неврит

- невралгия

- полинейропатия (диабеттік, алкогольдік)

- миалгиялар

- қыртыс синдромы

- плексопатия

- ретробульбарлық неврит

- белдемелі теміреткі

- бет жүйкеcінің зақымдануы

Қолданудың басталуына дейін қажетті мәліметтер тізбесі

Қолдануға болмайтын жағдайлар

- препарат компоненттеріне жоғары сезімталдық

- жүрек өткізгіштігінің жедел бұзылуы

- декомпенсацияланған жүрек жеткіліксіздігінің жедел түрі

- В₁ дәруменін аллергиялық реакцияларда қолдануға болмайды.

- В₆ дәруменін асқазанның жәнеон екі елі ішектің ойық жара ауруының өршусатысында қолдануға болмайды (өйткені асқазан сөлінің қышқылдығы жоғарылауы мүмкін).

- В₁₂ дәруменін эритремия, эритроцитоз, тромбоэмболия, псориаз кезінде қолдануға болмайды.

- лидокаин лидокаинге немесе басқа да амидті жергілікті жансыздандыратын дәрілерге жеке жоғары сезімталдығы, анамнезінде лидокаинге эпилепсия түріндегіқұрысудың болуы, ауыр брадикардия, ауыр артериялық гипотензия, кардиогенді шок, созылмалы жүрек жеткіліксіздігінің ауыр түрлері (II-III дәрежелі), синус түйінінің әлсіздігінің синдромы, Вольф-Паркинсон-Уайт синдромы, Адамс-Стокс синдромы, II және III дәрежелі атриовентрикулярлы блокада (AV), гиповолемия, бауыр/бүйрек функциясының ауыр бұзылуы, порфирия, миастения.

- жүктілік және/немесе емшекпен емізу кезінде препаратты қолдануға болмайды

- 18 жасқа дейінгі балалар.

Қолдану кезіндегі қажетті сақтандыру шаралары

Невролекдоза бірлігінің құрамында (2 мл) 1 ммольден кем натрий (23 мг) бар. Препарат алты айдан астам қолданғанда нейропатияны тудыруы мүмкін.

Басқа дәрілік препараттармен өзара әрекеттесуі

В₁ дәрумені. Тиамин әсерінің 5-фторурацилмен белсенділігі жойылады, өйткені соңғысы тиаминнің тиаминпирофосфатқа фосфорлануын бәсекелес тежейді. Өзекшелік қайта сіңуін тежейтінілмектік диуретиктер, мысалы фуросемид, ұзақ емдеуде тиамин экскрециясының жоғарылауын туындатуы, осылайша тиамин деңгейін азайтуы мүмкін.

В₆ дәрумені. Леводопамен бір мезгілде қолдануға болмайды, өйткені В₆ дәрумені шеткерідопа-декарбоксилаза тежегіштері болмаған жағдайда леводопаның паркинсонға қарсы әсерін азайтуы мүмкін. Пиридоксин антагонистерімен (мысалы, изониазид, гидралазин, пеницилламин немесе циклосерин), пероральді контрацептивтермен бір мезгілде қабылдау В₆ дәруменіне қажеттілікті арттыруы мүмкін. Құрамында сульфиттер (мысалы, шарап) бар сусындарды пайдалану тиаминнің деградациясын арттырады.

В₁₂ дәрумені. Цианокобаламин тотықтырғыш заттармен және ауыр металдардың тұздарымен үйлеспейді, тиаминнен туындаған аллергиялық реакцияларды күшейтуі мүмкін. Рибофлавин, әсіресе жарық әсерінен деструктивті әсер етуі мүмкін. Никотинамид фотолизисті күшейтеді, ал антиоксиданттар осы процесті тежейді.

Лидокаинді парентеральді енгізген жағдайда адреналинмен, норадреналинмен, сульфонамидтермен бір мезгілде қолданғанда жүрекке жағымсыз әсерлері күшеюі мүмкін.

Лидокаин. Лидокаин наркозға арналған (гексобарбитал, вена ішіне натрий тиопенталы), ұйықтататын және седативті дәрілерге арналған тыныс алу орталығынабәсеңдеткіш әсерді күшейтеді, дигитоксиннің кардиотониялық әсерін әлсіретеді. Ұйықтататын және седативті заттармен бір мезгілде қолданғанда орталық жүйке жүйесіне (ОЖЖ) бәсеңдеткіш әсері күшеюі мүмкін. Этанол лидокаиннің тыныс алу функциясына бәсеңдеткіш әсер етуін күшейтеді.

Адреноблокаторлар (оның ішінде пропранолол, надолол) лидокаиннің бауырдағы метаболизмін баяулатады, лидокаин әсерін күшейтеді (оның ішінде уыттылық) және брадикардияның және артериялық гипотензияның даму қаупін арттырады.

Курареге ұқсас препараттар – миорелаксация тереңдеуі мүмкін(тыныс алу жүйесі бұлшықеттерінің салдануына дейін жететін).

Норэпинефрин, мексилетин – лидокаинуыттылығы күшейеді(лидокаин клиренсі азаяды).

Изадрин және глюкагон – клиренс лидокаин клиренсі артады.

Циметидин, мидазолам – плазмада лидокаин концентрациясы артады. Циметидин ақуыздармен байланыстан ығыстырады және бауырда лидокаин белсенділігі жойылуын баяулатады, лидокаиннің жағымсыз әсері күшею қаупі артуына әкеледі.

Мидазолам қандағы лидокаин концентрациясын орташа жоғарылатады.

Құрысуға қарсы дәрілер, барбитураттар (оның ішінде фенобарбитал) – бауырдағы лидокаин метаболизмінің үдеуі, қандағы концентрациясының төмендеуі мүмкін.

Аритмияға қарсы дәрілер (амиодарон, верапамил, хинидин, аймалин, дизопирамид), құрысуға қарсы дәрілер (гидантоин туындылары) – кардиодепрессивті әсер күшейтіледі; амиодаронмен бір мезгілде қолдану құрысудың дамуына әкелуі мүмкін.

Новокаин, новокаинамид – лидокаинмен біріктірілімде қолданған кезде ОЖЖ қозуы, елестеулер болуы мүмкін .

Моноаминоксидаза тежегіштері, аминазин, бупивакаин, амитриптилин, нортриптилин, имипрамин – лидокаинмен біріктірілімде қолданғанда артериялық гипотензия даму қаупі артады жәнесоңғысының жергілікті анестезиялайтын әсері ұзаққа созылады.

Есірткілік аналгетиктер (мысалы, морфин) – лидокаинмен біріктірілімде қолданғанда есірткілік аналгетиктердің ауыруды басатын әсері күшейеді, алайда тыныс алуды бәсеңдету де күшейеді.

Прениламин – пируэт түріндегі қарыншалық аритмияның даму қаупі артады.

Пропафенон – ОЖЖ тарапынан жағымсыз әсерлердің ұзақтығы артуы мен ауырлығының артуы мүмкін.

Рифампицин – қандағы лидокаин концентрациясының төмендеуі мүмкін.

Полимиксин В – тыныс алу функциясын бақылау керек.

Прокаинамид – елестеулер болуы мүмкін.

Жүрек гликозидтері – лидокаинмен біріктірілімде қолданғанда жүрек гликозидтерінің кардиотониялық әсері әлсірейді

Оймақгүл гликозидтері – уыттану аясында лидокаин AV-блокаданың ауырлығын күшейтуі мүмкін.

Вазоконстрикторлар (эпинефрин, метоксамин, фенилэфрин) – лидокаинмен біріктірілімде қолданғанда лидокаин сіңуі баяулауына ықпал етеді және соңғысының әсерін ұзартады.

Гуанадрель, гуанетидин, мекамиламин, триметафан – жұлындық және эпидуральді анестезия үшін біріктірілімде қолданғанда айқын артериялық гипотензия және брадикардия қаупі артады.

β-адреноблокаторлар – біріктірілімде қолданғанда бауырда лидокаин метаболизмін баяулатады, лидокаин әсері күшейеді (оның ішінде уыттылық) және артериялық гипотензия және брадикардия даму қаупі артады. Β-адреноблокаторлар мен лидокаинді бір мезгілде қолданғанда соңғысының дозасын азайту қажет.

Ацетазоламид, тиазидті және ілмектікдиуретиктер – лидокаинмен біріктірілімде қолданғанда гипокалиемия туындау нәтижесінде соңғысының әсерін азайтады.

Антикоагулянттар (оның ішінде ардепарин, далтепарин, данапароид, эноксапарин, гепарин, варфарин) – лидокаинмен біріктірілімде қолданғанда қан кетулер даму қаупін арттырады.

Құрысуға қарсы дәрілер, барбитураттар (фенитоин) – лидокаинмен біріктірілімде қолданғандабауырда лидокаин метаболизмі жылдамдауы, қандағы концентрациясы төмендеуі, кардиодепрессиялық әсері күшеюі мүмкін.

Нерв-бұлшықет берілісінің блокадасын негіздейтін препараттар – лидокаинмен біріктірілімде қолданғанда нерв-бұлшықет берілісінің блокадасын негіздейтін препараттардың әсері күшейтіледі, өйткені соңғылары жүйке импульстерінің өткізгіштігін азайтады.

Арнайы сақтандырулар

Егде жастағы пациенттер

Препаратты егде жастағы пациенттерге сақтықпен қолдану керек.

Бауыр жеткіліксіздігі бар пациенттер

Препаратты бауыр функциясы ауыр жағдайлардағы пациенттерге сақтықпен қолдану керек.

Препаратты бауыр функциясының орташа дәрежелі бұзылулары бар пациенттерге сақтықпен қолданады.

Бүйрек жеткіліксіздігі бар пациенттер

Препаратты бүйрек функциясы ауыр жағдайлардағы пациенттерге сақтықпен қолдану керек. Препаратты бүйрек функциясының орташа дәрежелі бұзылулары бар (креатинин клиренсі 10 мл/мин) пациенттерге сақтықпен қолданады.

Невролек тек бұлшықет ішіне ғана енгізіледі және ешқандай жағдайда вена ішіне, қан ағынына енгізілмейді. Кездейсоқ венаға түскен жағдайда науқас дәрігер бақылауында болуы тиіс немесе симптомдардың ауырлығына қарай ауруханаға жатқызылуы тиіс.

Препарат алты айдан астам қолданғанда нейропатияны тудыруы мүмкін.

Невролекдоза бірлігінің құрамында (2 мл) 1 ммольден кем натрий (23 мг) бар.

В₁₂ дәрумені. В₁₂ дәруменінің бұлшықетішілік инъекциялары сезімталдығы жоғары пациенттерде анафилактоидты реакцияларды тудыруы мүмкін.

В₁₂ дәруменін парентеральді енгізу фуникулярлық миелозды немесе пернициозды анемияны диагностикалауға уақытша әсер етуі мүмкін.

В₆ дәрумені. В₆ дәруменін (6-12 айдан астам) күнделікті 50 мг-нан астам дозада немесе тәулігіне 1000 мг-нан астам дозада (2 айдан астам) ұзақ уақыт қолдану кезінде қайтымды шеткері сенсорлық нейропатияға әкелуі мүмкін. Шеткері сенсорлық нейропатия (парестезия) симптомдары пайда болған жағдайда препараттың дозасын түзету және егер қажет болса, емдеуді тоқтату қажет.

Препарат құрамында натрий қосылыстары бар. Бұны тұзсыз диетадағы пациенттер ескеруі қажет. Әрбір ампулада калий қалдықтары болуы мүмкін.

Препаратта В₆ дәрумені бар болғандықтан, анамнезінде асқазан мен он екі елі ішектің пептидтік ойық жарасы бар, бүйрек пен бауыр функциясының айқын бұзылуы бар пациенттерге препаратты сақтықпен қолданған жөн.

Мегалобласты анемия және В₁₂ дәрумені тапшылығымен қатар жүретін жағдайлардан басқа,жаңа түзілімдері бар пациенттерге препаратты қолдануға болмайды.

Препаратты жүрек қызметінің декомпенсациясы мен стенокардияның ауыр түрінде қолданбайды.

Лидокаин. Препараттың құрамында лидокаин бар болғандықтан, инъекция орнын құрамында ауыр металдар бар дезинфекциялық ерітінділермен өңдеу кезінде жергілікті реакцияның ауырсыну және ісіну түрінде даму қаупі артатынын ескеру керек.

Лидокаин аритмияға қарсы айқын әсер ететіндіктен және өзі аритмияға әкелуі мүмкін аритмогенді фактор ретінде әрекет ете алатындықтан, бұрын аритмияға шағымдары бар адамдарға препаратты сақтықпен қолдану керек. Препаратты орташа дәрежедегі жүрек жеткіліксіздігі, орташа дәрежедегі артериялық гипотензия, толық емес AV-блокада, қарыншаішілік өткізгіштіктің бұзылуы, бауыр және бүйрекфункциясының орташа дәрежедегі бұзылуы (креатинин клиренсі 10 мл/мин), тыныс алу функциясының бұзылуы, эпилепсия, жүрекке операциядан кейін, гипертермияға генетикалық бейімділік кезінде, әлсіз науқастар мен егде жастағы пациенттерге сақтықпен қолданады. Лидокаинді қолданған кезде ЭКГ-ны бақылау міндетті болып табылады. Синус түйінінің қызметі бұзылған, РQ аралығының ұзаруы, QRS кеңеюі немесе жаңа аритмия дамыған жағдайда дозаны азайту немесе препаратты тоқтату керек. Жүрек аурулары кезінде лидокаинді қолданар алдында (гипокалиемия лидокаиннің тиімділігін төмендетеді) қандағы калий деңгейін қалыпқа келтіру қажет. Бұлшықетке енгізгенде креатинин концентрациясы жоғарылауы мүмкін, бұл жедел миокард инфарктісінің диагнозын қою кезінде қатеге әкелуі мүмкін.

Педиатрияда қолдану

Препаратты 18 жасқа дейінгі балаларға қолдануға болмайды.

Жүктілік немесе лактация кезеңі

Жүктілік және емшекпен емізу кезінде күнделікті В₁ дәруменін – 1,4-1,6 мг, В₆ дәруменін – 2,4-2,6 мг қолдану ұсынылады. Жүктілік кезінде егер пациентте В₁ және В₆ дәрумендерініңтапшылығы бақыланса, бұл дозалау ұлғайтылуы мүмкін. В₁ және В₆ дәрумендері емшек сүтіне енеді. В₆ дәруменініңжоғары дозалары сүт мөлшерін азайтуы мүмкін.

Препарат құрамында ампулада 100 мг В₆ дәрумені бар, сондықтан оны жүктілік немесе емшекпен емізу кезінде қолдануға болмайды.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері.

Препарат автокөлікті басқару немесе күрделі механизмдермен жұмыс істеу қабілетіне әсер етпейді.

Егер препаратпен емдеу кезінде бас айналуы байқалса, автокөлікті басқарудан немесе басқа тетіктермен жұмыс істеуден бас тарту керек.

Қолдану жөніндегі нұсқаулар

Дозалау режимі

Ауыр (жедел) жағдайларда емдеуді бұлшықет ішіне 2 мл ерітіндіден жедел симптомдарды жойғанға дейін тәулігіне 1 рет қолданады. Емді жалғастыру үшін 2 мл (1 инъекция) аптасына 2-3 рет тағайындайды.

Инъекциялардың емдік курсын демеу немесе жалғастыру үшін немесе қайталанудың профилактикасы үшін ұқсас фармакотерапиялық топтың ішу арқылы қолдануға арналған препараттарын қолдану ұсынылады.

Ең жоғарғы бір реттік доза: 2,0 мл.

Ең жоғарғы тәуліктік доза: 2,0 мл.

Енгізу жиілігі: тәулігіне бір рет.

Енгізу әдісі және жолы

Инъекцияларды жамбас бұлшықетінің жоғарғы сыртқы квадрантына тереңенгізеді.

Қабылдау жиілігі және қабылдау уақыты

Тәулігіне бір рет.

Емдеуұзақтыгы

Емдеу курсы кемінде 1 ай жалғасады

Препарат алты айдан астам қолданғанда нейропатияны тудыруы мүмкін.

Артық дозаланған жағдайда қабылдануы қажет шаралар

В₁ дәруменінің емдік диапазоны ауқымды. Өте жоғары дозалар (10 г астам) жүйке импульстерінің өткізгіштігін басу арқылы кураре тәрізді әсерді анықтайды.

В₆ дәрумені уыттылығы өте төмен.

Бірнеше ай бойы тәулігіне 1 г артық дозада В₆ дәруменін шамадан тыс қолдану нейроуыттылық әсерлерге әкелуі мүмкін.

Атаксиясы бар нейропатиялар және сезімталдықтың бұзылуы, электрэнцефалографиядағы өзгерістермен церебральді құрысулар, сондай-ақ жекелеген жағдайларда гипохромды анемия және себореялық дерматит тәулігіне 2 г-нан астам енгізгеннен кейін сипатталған.

В₁₂ дәрумені: препаратты ұсынылғаннан гөрі жоғары дозаларында парентеральді енгізуден кейін (сирек жағдайларда – ішу арқылы қолданғаннан кейін), аллергиялық реакциялар, экзематозды тері бұзылыстары және безеудің қатерсіз түрі байқалды.

Жоғары дозада ұзақ қолданғанда бауыр ферменттері белсенділігінің бұзылуы, жүрек аймағындағы ауырсыну, гиперкоагуляция болуы мүмкін.

Емі: симптоматикалық ем.

Лидокаин. Симптомдары: психомоторлық қозу, бас айналу, жалпы әлсіздік, артериялық қысымның төмендеуі, тремор, көрудің бұзылуы, тонико-клоникалық құрысулар, кома, коллапс, атриовентрикулярлы блокада, ОЖЖ тежелуі, тыныс алудың тоқтауы мүмкін. Дені сау еріктілерде артық дозалануының алғашқы симптомдары қандағы лидокаин концентрациясы 0,006 мг/кг-нан астам, құрысулар - 0,01 мг/кг-нан астам болғанда пайда болады.

Емі: препаратты енгізуді тоқтату, оксигенотерапия, құрысуға қарсы дәрілер, вазоконстрикторлар (норадреналин, мезатон), брадикардияда – холинолитиктер (0,5-1 мг атропин). Интубация, өкпені жасанды желдету, реанимациялық іс-шаралар жүргізілуі мүмкін. Диализ тиімсіз.

Дәрілік препаратты қолдану тәсілін түсіндіру үшін медициналық қызметкерден консультация алу бойынша ұсынымдар

Апта сайын дәрігерлік тексеру жүргізу ұсынылады

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

В₆ дәруменінің 50 мг-нан астам дозаларында ұзақ уақыт қолдану (6-12 айдан астам) күн сайын шеткері сенсорлық нейропатияға, жүйке қозуына, дімкәстік, бас айналу, бас ауруына әкелуі мүмкін.

Сирек:

Иммундық жүйе тарапынан: бөртпе, тыныс алудың бұзылуы, анафилаксиялық шок, Квинке ісінуі; қатты тершеңдік, хроматурияны қоса, жоғары сезімталдық реакциялары.

Тері тарапынан: қышыну, есекжем, безеу бөртпесі, жайылған эксфолиативті дерматит, ангионевроздық ісіну.

Өте сирек:

Ас қорыту жолдары тарапынан: асқазан-ішек бұзылыстары, оның ішінде жүрек айнуы, құсу, диарея, іштің ауыруы, асқазан сөлі қышқылының артуы.

Жүрек-қантамыр жүйесі тарапынан: тахикардия, аритмия, брадикардия, жүрек өткізгіштігінің баяулауы, жүректің көлденең блокадасы, жүрек қызметінің тоқтауы, шеткері вазодилатация, коллапс, тахикардия, артериялық қысымның жоғарылауы/төмендеуі, жүректің ауыруы.

Жүйке жүйесі тарапынан: ОЖЖ қозуы (жоғары дозада қолданғанда), мазасыздық, бас ауруы, бастың айналуы, ұйқының бұзылуы, сананың шатасуы, ұйқышылдық, естен тану, кома; сезімталдығы жоғары пациенттерде – эйфория, тремор, тризм, қозғалу мазасыздығы, парестезия, құрысулар.

Бірлі-жарым жағдайларда:

Көру мүшелері тарапынан: нистагм, қайтымды соқырлық, дипломопия, көз алдында шіркейлер жыбырлағандай болуы, жарыққа қарай алмау, конъюнктивит.

Есту мүшелері тарапынан: есту бұзылуы, құлақтағы шуыл, гиперакузия.

Тыныс алу жүйесі тарапынан: ентігу, ринит, тыныс алудың бәсеңдеуі немесе тоқтауы.

Басқалары: аяқ-қолдың ысынуын, суынуын немесе ұюын сезіну, ісінулер, әлсіздік, қатерлі гипертермия, сезімталдықтың бұзылуы, мотор блогы.

Жалпы бұзылулар: енгізу орнындағы реакциялар.

Өте жылдам парентеральді енгізу жағдайында құрысулар түрінде жүйелік реакциялардың дамуы мүмкін.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан РеспубликасыДенсаулық сақтау министрлігі Медициналық және фармацевтикалық бақылау комитеті «Дәрілік заттарды, медициналық бұйымдарды сараптау Ұлттық орталығы” ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір ампула (2 мл) ішінде

белсенді заттар - тиамин гидрохлориді (100% затқа шаққанда) 100 мг, пиридоксин гидрохлориді (100% затқа шаққанда) 100 мг, В₁₂ дәрумені кристалды Н (цианокобаламин) (100% затқа шаққанда) 1 мг;

қосымша заттар: лидокаин гидрохлориді, бензил спирті, натрий полифосфаты, калий феррицианиді, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Қызыл түсті мөлдір сұйықтық

Шығарылу түрі және қаптамасы

2 мл препараттан сары түсті түтікті шыныдан жасалған ампулада.

5 ампуладан медициналық қолдану жөніндегіқазақжәне орыс тілдеріндегі нұсқаулықпен бірге картон қорапшаға салынады.

Немесе 5 ампуладан полиэтилентерефталатты/поливинилхлоридті үлбірден жасалған пішінді ұяшықты қаптамаға салынады.Бір пішінді ұяшықты қаптама медициналық қолдану жөніндегіқазақжәне орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Түпнұсқалық қаптамада 2°С-ден 8°С-ге дейінгі температурада сақтау керек.

Балалардың қолы жетпейтін жерде сақтау керек.

Дәріханалардан босатылу шарттары

Дәрігердің рецептісі арқылы

Өндіруші туралы мәліметтер

Жеке акционерлік қоғамы «Лекхим-Харьков»

Украина, 61115, Харьков обл., Харьков қ., Северин Потоцкий к., 36 үй

тел: +38(057)7 147 790,

факс: +38 (057) 7 147 791

e-mail:lekhim@lekhim.net.ua

Тіркеу куәлігінің ұстаушысы

Жеке акционерлік қоғамы «Лекхим-Харьков»

Украина, 61115, Харьков обл., Харьков қ., Северин Потоцкий к., 36 үй

тел: +38(057)7 147 790,

факс: +38 (057) 7 147 791

e-mail:lekhim@lekhim.net.ua

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«L-Фарма» ЖШС

050061, Қазақстан Республикасы, Алматы қ., Тастақ-1 ы/а., 3 үй

тел.: (727) 374-88-75, факс: 374-88-72

elfarma@rambler.ru

Дәріханалар

Қалалар