Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Назоферон®
Халықаралық патенттелмеген атауы
Интерферон альфа-2b
Дәрілік түрі, дозалануы
Мұрынға арналған спрей 100000 ХБ/мл, 5 мл
Фармакотерапиялық тобы
Антинеопластикалық және иммуномодуляциялайтын препараттар. Иммуностимуляторлар. Интерферондар. Интерферон альфа-2b
АТХ коды L03AB05
Қолданылуы
1 жастан бастап балаларда және ересектерде жедел респираторлық вирустық инфекциялардың (ЖРВИ) профилактикасы және емдеу.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- интерферон альфа-2b және препарат құрамына кіретін басқа да компоненттерге жоғары сезімталдық
- анамнездегі аллергиялық аурулардың ауыр түрлері
- жүктілік немесе емшек емізу кезеңі
Басқа дәрілік препараттармен өзара әрекеттесуі
Мұрынға тамызуға арналған тамыр тарылтатын препараттарды бір мезгілде қолдану ұсынылмайды, өйткені олар мұрын шырышты қабығының құрғауына себепші болады.
Қолдану кезіндегі қажетті сақтандыру шаралары
Препараттың құрамында метилпарагидроксибензоат бар, ол аллергиялық реакцияларды, соның ішінде кейіннен болатындарын, ерекше жағдайларда бронх түйілуін тудыруы мүмкін.
Арнайы сақтандырулар
Препаратты қаптаманың бүтіндігі мен таңбалануы бұзылған жағдайда, физикалық қасиеттері (сұйықтықтың түсі немесе мөлдірлігі) өзгергендежәне жарамдылық мерзімі өткеннен кейін қолданбаған жөн.
Инфекцияның таралуын болдырмау үшін жекелей пайдалану ұсынылады.
Педиатрияда қолданылуы
Балаларға 1 жастан бастап қолданады.
Жүктілік немесе лактация кезінде
Қолдануға болмайды.
Препараттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау режимі
1 спрей-доза = дозаторды 1 рет тез басу.
ЖРВИ ауруларының алғашқы белгілерінде (5 күн бойы)
1-ден 3 жасқа дейінгі балаларға – 2 спрей-дозадан әрбір мұрын жолына тәулігіне 3-4 рет (бір реттік доза – 20000 ХБ, тәуліктік доза – 60000-80000 ХБ);
3-тен 14 жасқа дейінгі балаларға – 2 спрей-дозадан әрбір мұрын жолына тәулігіне 4-5 рет (бір реттік доза – 20000 ХБ, тәуліктік доза – 80000-100000 ХБ);
14-тен 18 жасқа дейінгі балаларға – 2 спрей-дозадан әрбір мұрын жолына тәулігіне 5-6 рет (бір реттік доза – 20000 ХБ, тәуліктік доза – 100000-120000 ХБ);
Ересектерге – 3 спрей-дозадан әрбір мұрын жолына тәулігіне 5-6 рет (бір реттік доза – 30000 ХБ, тәуліктік доза – 150000-180000 ХБ).
Респираторлық вирустық инфекциялардың профилактикасы үшін
Науқаспен қарым-қатынас кезінде және қатты салқындағанда, жоғарғы тыныс жолдарының ауруларынан жиі әрі ұзақ уақыт зардап шегетін пациенттерде – жасына қарай дозалануына сәйкес тәулігіне 2 рет 5-7 күн бойы. Қажет болған жағдайда профилактикалық курстар қайталанады. Науқаспен бір реттік қарым-қатынас кезінде бір рет бүрку жеткілікті.
Ұйымдасқан ұжымдарда (балалардың және ересектердің) аурудың маусымдық жоғарылауы кезінде «қауіп» топтарының – медицина қызметкерлерінің, мұғалімдердің арасында – жасына қарай дозалануына сәйкес бір рет таңертең 1-2 күн аралықпен.
Енгізу әдісі және жолы
Мұрын спрейін пайдалану сызбасы:
- Құтыдан қорғағыш қалпақшасын шешу керек.
- Бүріккішті басу арқылы іске қосу (сынама бүрку).
- Тік қалыпта тұрып, қондырманың ұшын әрбір мұрын жолына кезек-кезек салып, сорғы-дозаторды басу керек.
- Қолданғаннан кейін құты қалпақшасын жабу керек.
| Құты | Сынама бүрку | Пайдалану |
Емдеу ұзақтығы
Емдеу ұзақтығы 5-тен 7 күнге дейін.
Артық дозаланған жағдайда қолдану қажет шаралар
Жедел клиникалық біліністермен қатар жүретін артық дозалану жағдайлары туралы хабарланбаған. Алайда, кез келген фармакологиялық белсенді заттың артық дозаланған кезіндегідей, тіршілік үшін маңызды ағзалардың функциясына жиі мониторинг жүргізіп және пациенттің жай-күйін мұқият бақылай отырып симптоматикалық ем жүргізу көрсетілген.
Сұрақтар туындаған жағдайда дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек
ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы керек шаралар
Бірлі-жарым жағдайларда – терідегі бөртпе.
Жағымсыз реакциялар пайда болған жағдайда дәрігерден кеңес алу керек.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір мл препараттың құрамында
белсенді зат – адамның рекомбинантты альфа-2b интерфероны - 100000 ХБ кем емес,
қосымша заттар: трометамол, трометамол гидрохлориді, гипромелоза, динатрий эдетаты, лизин гидрохлориді, калий хлориді, метилпарагидроксибензоат (Е 218), инъекцияға арналған су.
Сыртқы түрінің, иісінің, дәмінің сипаттамасы
Мөлдір түссіз сұйықтық.
Шығарылу түрі және қаптамасы
5 мл-ден инъекцияға арналған қоңыр шыныдан жасалған құтыларға немесе мұрынға арналған бүріккіші бар сорғы-дозаторлармен жабылған жарықтан қорғайтын шыны құтыларға құйылады. Құтыларға өздігінен желімделетін заттаңбалар жапсырылады.
1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл.
Құтыны ашқаннан кейінгі қолдану кезеңі сақтау шарт бойынша 2 °С-ден8 ºС-ге дейінгі температурада (тоңазытқышта) 10 тәулік.
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғалған жерде, 2 °С-ден 8 °С-ге дейінгі температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Фармак» АҚ, Украина, 04080, Киев қ., Кирилловская к-сі, 74.
Тел.: +38 (044) 496 87 87, электронды поштасы: info@farmak.ua
Тіркеу куәлігінің ұстаушысы
«Фармак» АҚ, Украина, 04080, Киев қ., Кирилловская к-сі, 63.
Тел.: +38 (044) 496 87 87, факс: +38 (044) 239 19 40
электронды поштасы: info@farmak.ua
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Фармак» АҚ Қазақстан Республикасындағы өкілдігі
Қазақстан Республикасы, Алматы қ., индексі 050051, Фонвизин к-сі, 22. Тел./факс: +7 (727) 339 86 91, электронды поштасы: а.aspetova@farmak.kz
