Медотилин раствор д/инъекций 1000 мг/4 мл № 3 амп

Сипаттама

Дәрілік затты медициналық қолдану

жөніндегі нұсқаулық

Медотилин

Саудалық атауы

Медотилин

Халықаралық патенттелмеген атауы

Холин альфосцераты

Дәрілік түрі

Инъекцияға арналған ерітінді 1000 мг/4 мл

Құрамы

Бір ампуланың ішінде

белсенді зат - холин альфосцераты 1000 мг (холин альфосцераты гидратына баламалы 1222,34)

қосымша зат - инъекцияға арналған су.

Сипаттамасы

Мөлдір, түссіз немесе ақшыл-сары түсті ерітінді.

Фармакотерапиялық тобы

Жүйке жүйесі ауруларын емдеуге арналған басқа препараттар. Парасимпатомиметиктер. Холин альфосцераты.

АТХ коды N07AX02

Фармакологиялық қасиеттері

Фармакокинетикасы

Медотилин гематоэнцефалдық бөгет арқылы жеңіл өтеді, негізінен мида (концентрациясы қан плазмасындағы деңгейінен 45% жетеді), сондай-ақ бауыр мен өкпеде жинақталады.

Шығарылуы ең бастысы көміртек қостотығы түрінде (85%) өкпе арқылы жүзеге асады, қалған мөлшері бүйрекпен және ішек арқылы шығарылады.

Фармакодинамикасы

Медотилин – орталық жүйке жүйесіне басым әсері бар орталыққа әсер ететін холиномиметик. Препараттың құрамына метаболизмдік қорғалған холиннің 40,5% бар. Холин альфосцераты организмде ферменттерінің әсерімен холин және глицерофосфатқа дейін биотрансформацияланатын альфосцератқа ыдырайды. Холин жүйке импульстерін беріп және мидың жұмысын жақсартып, ацетилхолин синтезіне қатысады, ал глицерофосфат нейрондар жарғақшалары фосфатидилхолиннің ізашары болып табылады.

Медотилин церебральді қан ағымын жақсартады, мидағы метаболизм үдерісін күшейтеді, мидың ретикулярлы формациясы құрылымын белсендіреді және мидың жарақаттық зақымдануы кезінде сананы қалпына келтіреді. Нейрондар жарғақшасының фосфолипидті құрамының өзгеруі және холинергиялық белсенділігінің төмендеуі сияқты инволюциялық психоорганикалық синдром факторына профилактикалық және түзетуші әсер етеді.

Қолданылуы

- негізінен дің зақымданулары бар бассүйек-ми жарақатының жедел кезеңі (оның ішінде сананың бұзылуы, кома жағдайлары кезінде)

- ишемиялық типі (жедел және қалпына келтіру кезеңі) және геморрагиялық типі (қалпына келтіру кезеңі) бойынша ми қан айналымының бұзылуы

• дегенеративтік және инволюциялық психоорганикалық синдромдар және есте сақтаудың нашарлауымен, сананың шатасуымен, бағдардан жаңылумен, ынталанудың, бастамашылдықтың және зейін қою қабілетінің төмендеуімен сипатталатын есте қалу текті функциялардың алғашқы және салдарлы бұзылулары сияқты цереброваскулярлы жеткіліксіздік зардаптары;
• эмоциялық және мінез-құлық саласының өзгерістері: эмоциялық құбылу, қатты ашушаңдық, қоршаған ортаға қызығушылықтың төмендеуі, қарттық кезеңдегі жалған депрессия
• мультиинфарктті деменция

Қолдану тәсілі және дозалары

Препарат бұлшықет ішіне немесе вена ішіне енгізуге арналған.

Жедел жағдайларда б/і тәулігіне 1 г (1 ампула) дозада немесе в/і – тәулігіне 1 г-ден 3 г дейін.

В/і енгізгенде 1 ампула ішіндегісін (4 мл) 50 мл физиологиялық ерітіндіде сұйылтады; инфузия жылдамдығы – минутына 60-80 тамшы. Емдеу ұзақтығы әдетте 10 күнді құрайды, бірақ қажет болғанда емдеуді оң динамика пайда болғанға дейін жалғастыруға болады.

Жағымсыз әсерлері

- жүрек айнуы (дофаминергиялық үдерістерді стимуляциялау нәтижесі)

- аллергиялық реакциялар (бөртпе, есекжем)

Әдетте, ұзақ қолданғанда препарат жағымдылығы жақсы.

Қолдануға болмайтын жағдайлар

- препарат компоненттеріне аса жоғары сезімталдық

- жүктілік және лактация кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

Медотилин препаратының басқа дәрілік заттармен өзара әрекеттесуі сипатталмаған.

Айрықша нұсқаулар

Педиатрияда қолдану

Балалар практикасында препаратты қолдану жөніндегі жеткілікті тәжірибе жоқ. Препарат педиатрияда қолдануға арналмаған.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Медотилин пациенттің автомобильді басқару қабілетіне және қауіптілігі зор қызмет түрлерімен айналысуына әсер етпейді.

Артық дозалануы

Симптомдары: жүрек айнуы

Емі: препаратты тоқтату, симптоматикалық ем.

Шығарылу түрі және қаптамасы

4 мл препараттан шыны ампулада.

3 ампуладан пішінді ұяшықты қаптамада.

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы

«Мефар Илач Санайии А.Ш.», (Рамазанолу Мах. Энсар Джад. № 20, 34906 Курткёй-Пэндик / Стамбул/Түркия)

“Mefar İlaç Sanayii A.Ş.”, (Ramazanoğlu Mah. Ensar Cad. No: 20, 34906 Kurtköy-Pendik / İstanbul/ Turkey).

Тіркеукуәлігінің иесі

«Уорлд Медицин Илач Сан. ве Тидж. А.Ш.», Түркия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР, Алматы қ., Сүйінбай к-сі 222 Б

Тел/факс: 8(7272)529090

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«TROKA-S PHARMA» ЖШС, Алматы, Сүйінбай даңғылы 222-б

Ұялы тел +7 701 786 33 98, (24-сағат бойы).

е-mail: pvpharma@worldmedicine.kz

Дәріханалар

Қалалар