Лиотон-1000 50 гр гель

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Лиотон^® 1000 гель

Саудалық атауы

Лиотон^® 1000 гель

Халықаралық патенттелмеген атауы

Натрий гепарині

Дәрілік түрі, дозалануы

Гель 30 г, 50 г, 100 г

Фармакотерапиялық тобы

Жүрек-қантамыр жүйесі. Вазопротекторлар. Варикозға қарсы ем. Жергілікті қолдануға арналған гепарин және гепариноидтар. Гепарин.

АТХ коды: С05ВА03.

Қолданылуы

Емдеу:

- веналардың варикозды кеңеюі және онымен байланысты асқынулар

- флеботромбоз

- тромбофлебит

- беткейлік перифлебит

- трофикалық ойық жаралар

- операциядан кейінгі варикофлебит

- санның үлкен тері асты венасын алып тастаудан кейінгі жай-күйлер

- жарақаттар мен соғылулар

- инфильтраттар мен бір жерде шоғырланған ісінулер

- тері астына қан құйылулар

- сіңір-бұлшықеттік және капсулалық-байламды аппараттың жарақатты зақымданулары.

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- гепариннің әсер етуші затына немесе қосымша заттардың кез келгеніне аса жоғары сезімталдық

- балалар мен 18 жасқа дейінгі жасөспірімдер

Қолдану кезіндегі қажетті сақтандыру шаралары

Геморрагиялық синдром болғанда Лиотон^® 1000гель препаратын қолдану мүмкіндігін мұқият саралау керек.

Лиотон^® 1000 гель препаратын қан кетулер кезінде қолдануға, ашық жараларға немесе шырышты қабықтарға, сондай-ақ іріңді үдерістер болғанда инфекция түскен жерлерге жағуға болмайды.

Басқа дәрілік препараттармен өзара әрекеттесуі

Гепаринді қолдану ішуге арналған антикоагулянттар қабылдайтын пациенттерде протромбин уақытының ұзаруына ықпал етуі мүмкін.

Айрықша нұсқаулар

Лиотон^® 1000 гель препаратының құрамында консерванттар ретінде метилпарагидроксибензоат (E218), пропилпарагидроксибензоат (E216) бар, олар баяу типті аллергиялық реакциялар туғызуы мүмкін.

Осы дәрілік препарат құрамына аллергиялық реакциялар туғызуы мүмкін цитраль, цитронеллол, кумарин, D-лимонен, фарнезол, гераниол және линалоол кіретін хош иістендіргіштер бар.

Педиатрияда қолдану

Препарат балалар мен 18 жасқа дейінгі жасөспірімдерге қарсы көрсетілімді.

Жүктілік және лактация кезінде қолдану

Препаратты жүктілік кезінде және лактация кезеңінде қолдану жөнінде арнайы деректер жоқ.

Дәрілік заттың көлік құралын және қауіптілігі зор мехнаизмдердібасқару қабілетіне әсер ету ерекшеліктері

Лиотон^® 1000 гель көлік құралдарын басқару және мехнаизмдер қызметін көрсету қабілетіне әсер етпейді немесе мардымсыз әсер етеді.

Қолдану жөніндегі нұсқаулар

Дозалау режимі

Зақымданған жерге тәулігіне 1-3 рет 3-10 см гель жағып, абайлап ысқылайды. Қолдану тәжірибесінің жеткіліксіздігін және жеткіліксіз деректер санын ескерумен, балаларды емдеуге бұл препаратты пайдалануға болмайды.

Емдеу ұзақтығы

Егер 7 күн қолданудан кейін симптомдар азаймаса немесе күшейіп кетсе, дәрігермен кеңесу керек.

Артық дозалану жағдайында қабылдау қажет шаралар

Артық дозалану жағдайлары хабарланбаған. Артық дозаланған жағдайда гепарин әсерін протамин сульфатымен бейтараптандыруға болады.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Бірлі-жарым жағдайлардан жиірек кездесетін жағымсыз реакциялар мынадай сатылы бөлікке сәйкес тізбеленген:

өте жиі (≥1 / 10), жиі (≥1 / 100-ден <1/10 дейін), жиі емес (≥1 / 1000-нан <1/100 дейін), сирек (≥1 /10000-нан <1/1000 дейін), өте сирек (<1/10000), жиілігі белгісіз (қолда бар деректер бойынша реакциялардың туындау жиілігін бағалау мүмкін емес).

Өте сирек (<1/10000)

- гепаринге аллергиялық реакциялар

Жиілігі белгісіз (қолда бар деректер бойынша реакциялардың туындау жиілігін бағалау мүмкін емес)

- аса жоғары сезімталдық реакциялары: препаратты тоқтатудан кейін әдетте тез басылатын тері жабындарының қызаруы және қышыну.

Жағымсыз реакциялар туралы хабарламалар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сізде қандай да бір жағымсыз реакциялар туындаса, емдеуші дәрігермен кеңесіңіз. Осы нұсқау болуы мүмкін кез келген жағымсыз реакцияларға, соның ішінде қосымша парақта атап көрсетілмегендеріне қолданылады.

Жағымсыз реакциялар туралы хабарлай отырып, сіз ДП қауіпсіздігі туралы мәліметтердің көбірек алынуына көмектесесіз.

Қосымша мәліметтер

Дәрілік препарат құрамы

100 г гель құрамында

белсенді зат - 100 000 ХБ натрий гепарині,

қосымша заттар: карбомер, метилпарагидроксибензоат (E 218), пропилпарагидроксибензоат (E 216), этанол, нерол хош иістендіргіші (құрамында цитраль, цитронеллол, кумарин, D-лимонен, фарнезол, гераниол және линалоол),лавандин майы (құрамында линалоол, D-лимонен, гераниол және кумарин бар), триэтаноламин, тазартылған су.

Сыртқы түрінің, иісінің, дәмінің сипаттамасы

Түссіз немесе сәл сарғыш түсті, тұтқыр консистенциялы, хош иісті мөлдір дерлік гель.

Шығарылу түрі және қаптамасы

30, 50 және 100 г препараттан алюминий сықпаға салынады.

1 сықпадан қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау мерзімі

5 жыл

Сықпаны ашқаннан кейін - 6 ай.

Жарамдылық мерзімі өткеннен кейін қолдануға болмайды!

Сақтау шарттары

25 °C-ден төмен температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

А. Менарини Мэнюфекчеринг Лоджистикс энд Сервисиз С.р.л., Италия

50131 Флоренция, Италия

Тіркеу куәлігінің ұстаушысы

А. Менарини Индустриэ Фармачеутикэ Риунитэ с.р.л.

50131 Флоренция, Италия

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Berlin-Chemie/A.Menarini Distribution Kazakhstan

(Берлин-Хеми/ А. Менарини Дистрибьюшн Қазақстан)» ЖШС

050051, Алматы қ., Луганский к-сі 54, № 2 коттедж

Телефон нөмірі:+7 727 2446183, 2446184, 2446185

Факс нөмірі: +7 727 2446180

Электронды пошта: Kazakhstan@berlin-chemie.com

Дәріханалар