Линекс № 16 капс

Сипаттама

Дәрілік затты медициналық қолдану

жөніндегі нұсқаулық

ЛИНЕКС^®

Саудалық атауы

ЛИНЕКС^®

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді зат – 280 мг лебенин ұнтағы¹,

қосымша заттар: магний стеараты,

капсула: титанның қостотығы (Е 171), желатин

лебенин ұнтағы¹: 5.04 мг антибиотиктерге төзімді сүт қышқылды бактериялар², 98.28 мг лактоза, 13.16 мг декстрин, 280 мг дейін картоп крахмалы,

антибиотиктерге төзімді сүт қышқылды бактериялар² (1 г лебенин ұнтағының құрамында): антибиотиктерге төзімді 1.2 × 10⁸ КТБ кем емес сүт қышқылды бактериялар (4.5 × 10⁷ КТБ кем емес Lactobacillus acidophilus (L. gasseri), 3.0 × 10⁷ КТБ кем емес Bifidobacterium infantis және 4.5 × 10⁷ КТБ кем емес (Enterococcus faecium)

Сипаттамасы

Ақ түсті желатинді капсулалар, капсуланың ішіндегісі – ақ түсті ұнтақ

Фармакотерапиялық тобы

Ас қорыту жолы және зат алмасу. Диареяға қарсы препараттар, ішекке арналған қабынуға қарсы/микробқа қарсыпрепараттар. Диареяға қарсы микроорганизмдер. Басқа препараттармен сүт қышқылын өндіретін микроорганизмдер біріктірілімі.

АТХ коды А07FA51

Фармакологиялық қасиеттері

Фармакокинетикасы

Препараттың құрамына кіретін компоненттер жүйелік қан ағысына түспейді, асқазан-ішек жолында жергілікті әсер етеді, сондықтан кинетикалық зерттеулер жүргізу мүмкін емес.

Фармакодинамикасы

ЛИНЕКС^® капсулалары құрамында тіршілікке қабілетті лиофилизацияланған сүт қышқылды бактериялардың үш түрлісі бар, олар ішектің қалыптымикрофлорасының бөлігі болып табылады және ішек микрофлорасы теңгерімі мен функциясын түзуге және демеуге қатысады.

ЛИНЕКС^® құрамына кіретін бифидобактериялар, лактобактериялар мен уытты емес сүтқышқылды энтерококк ішек микрофлорасының әдеттегі бөлігі болып табылады. Бұл бактериялар көптеген механизмдер арқылы профилактикалық және емдік тәсілмен әсер етеді:

- лактозаның ферментациясы pH-ты қышқылды аймаққа ығыстырады. Қышқылды орта зиянды және шартты зиянды бактериялардың өсуін тоқтатады және ас қорытушы ферменттердің әсері ұтымды болуын мүмкін етеді;

- B1, B2, B6, B12 дәрумендері мен К дәруменінің синтезіне қатысады;

- өт қышқылы мен өт пигменттерінің метаболизміне қатысады;

- зиянды микроорганизмдердің ішек кенересіне жабысуын болғызбайды;

- антибиотикті субстанцияларды (бактериоциндерді) синтездейді;

- гуморальді және ішектің иммунды жүйесін көтермелейді.

Қолданылуы

- жаңа туған нәрестелер, балалар мен ересектерде асқазан-ішек жолдарының вирустық және бактериялық инфекцияларынан (мысалы, ротавирусты инфекция, «саяхатшылар» диареясы); әсер ету ауқымы кең антибиотиктер және химиотерапиялық препараттардан; құрсақ қуысы мен жамбас ағзаларын сәулемен емдеуден туындаған дисбиозда (дисбактериоз), диареяда, іш кебуі мен басқа да асқазан-ішек бұзылуларының профилактикасы үшін және қосымша дәрі ретінде.

Қолдану тәсілі мен дозалары

Емшектегі балалар мен 2 жасқа дейінгі балаларға

Күніне 3 рет 1 капсуладан тамақтану кезінде қабылдау ұсынылады. Егер бала капсуланы жұта алмаса, онда оны ашып, ішіндегісін қажетті мөлшердегі сұйықтықпен - шаймен, шырынмен, қант қосылған сумен араластыру керек. Бұл препарат құрамына кіретін бактериялардың тіршілік қабілетіне әсер етпейді.

Ерте жастағы балаларда асқазан сөлінің қышқылдылық деңгейі ересектердегіге қарағанда төмен, сондықтан ЛИНЕКС^® бактериялары балаларда асқазан сөлінің әсеріне төзімді және ішекке дейін өзгермеген түрде жетеді.

2-ден 6 жасқа дейінгі балаларға

Күніне 3 рет 1-2 капсуладан тамақтану кезінде қабылдау ұсынылады. Капсуланы ашу және ішіндегісін аздаған мөлшердегі сұйықтықпен - шаймен, шырынмен, қант қосылған сумен араластыру керек.

6-дан 12 жасқа дейінгі балаларға

Күніне 3 рет 1-2 капсуладан аздаған мөлшердегі сұйықтықпен іше отырып тамақтану кезінде қабылдау ұсынылады.

Ересектер мен 12 жастан асқан балаларға

Күніне 3 рет 2 капсуладан аздаған мөлшердегі сұйықтықпен іше отырып тамақтану кезінде қабылдау ұсынылады.

Ең жоғарғы бір реттік дозасы - 2 капсула.

Ең жоғарғы тәуліктік дозасы - 6 капсула.

Емдеу ұзақтығы дисбактериоздың даму себебі мен организмнің жекелей ерекшеліктеріне байланысты.

Егер ЛИНЕКС^® препаратымен екі күн емдегеннен кейін науқастың жай-күйі жақсармаса, дәрігерге көріну қажет.

Жағымсыз әсерлері

Өте сирек:

- аллергиялық реакциялар.

Қолдануға болмайтын жағдайлар

- препараттың кез-келген компонентіне немесе сүт өнімдеріне жоғары сезімталдық (көтере алмаушылық);

- тұқым қуалайтын фруктозаны көтере алмаушылық, Lapp-лактоза ферментінің тапшылығы, глюкоза-галактоза мальабсорбциясы;

Дәрілермен өзара әрекеттесуі

ЛИНЕКС^® препаратының басқа дәрілермен өзара әрекеттесуі байқалмаған.

ЛИНЕКС^® препаратының құрамы оны антибиотиктермен және химиотерапиялық дәрілермен қатар, бірақ әр түрлі уақытта қабылдауға мүмкіндік береді. Тиімділігін жоғарылату мақсатында ЛИНЕКС^® препаратын антибиотиктер немесе химиотерапиялық препараттар қабылдағаннан кейін үш сағаттан ерте қабылдауға болмайды.

Айрықша нұсқаулар

Препаратты ыстық сусындармен ішуге және алкогольмен бір мезгілде қабылдауға болмайды. Бір капсуланың құрамында 98,28 мг лактоза бар, осыған байланысты қант диабеті бар науқастарға препаратты тағайындағанда абайлау керек.

ЛИНЕКС^® препаратын қабылдардың алдында келесі жағдайларда емдеуші дәрігермен кеңесу қажет:

- дене температурасы 38 ^°С-ден астам көтерілгенде;

- нәжісте шырыш немесе қан болса;

- 2 күннен астам жалғасқан диареяда;

- сусызданумен және дене салмағын күрт жоғалтумен қатар жүретін жедел диареяда;

- қатты ауырумен қатар жүретін диареяда;

- басқа да созылмалы аурулар (диабет), иммунологиялық жеткіліксіздік (ЖИТС, АИТВ) бар болса;

- 6 жастан кіші балаларға.

ЛИНЕКС^® препаратымен өз бетінше емделгенде жоғалғансұйықтық пен электролиттердің орнын қосымша сұйықтық қабылдау арқылы толтыру керек.

Препараттың құрамында сүт ақуыздарының қалдығы бар, олар аллергиялық реакциялар тудыруы мүмкін.

Жүктілік пен лактация

Жүкті және бала емізетін әйелдердегідиареяны емдеу емдеуші дәрігердің бақылауымен жүргізілуі тиіс.

Жүктілік және бала емізу кезінде ЛИНЕКС^® препаратын қолданудың қауіпсіздігі жөніндегі жеткілікті деректер болмағандықтан, препаратты пайдалану ұсынылмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат назар шоғырландыру қабілетіне әсер етпейді.

Артық дозалануы

Анықталмаған.

Шығарылу түрі мен қаптамасы

8 капсуладан алюминий фольгадан жасалған пішінді ұяшықты қаптамада.

2 немесе 4 немесе 6 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25 ^°С-ден аспайтын температурада сақтау керек. Түпнұсқалық қаптамасында сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/Қаптаушы

Лек Фармасьютикалс д.д., Словения

Kolodvorska cesta 27, 1234 Menges, Slovenia

Колодворска цеста 27, 1234 Менгеш, Словения

Тіркеу куәлігінің ұстаушысы

Лек Фармасьютикалс д.д., Словения

Verovskova 57, 1526 Ljubljana, Slovenia

Веровшкова 57, 1526 Любляна, Словения

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі

Қазақстан Республикасы, Алматы қ., 050000, Құрманғазы к-сі 95,

Телефоны: +7(727) 258 24 47, факс: +7 (727) 244 26 51

e-mail: drugsafety.cis@novartis.com

Дәріханалар