Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Кортексин®
Халықаралық патенттелмеген атауы
Жоқ
Дәрілік түрі, дозасы
Бұлшықет ішіне енгізу үшін ерітінді дайындауға арналған лиофилизат,
5 мг
Фармакотерапиялық тобы
Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD) және ноотропты дәрілер. Басқа психостимуляциялайтын және ноотропты дәрілер.
АТХ коды N06ВХ
Қолданылуы
Кешенді ем құрамында:
– ми қан айналымының бұзылуы
– бассүйек-ми жарақатында және оның зардаптары
– генезі алуан түрлі энцефалопатиялар
– когнитивті бұзылулар (жадының және ойлаудың бұзылуы)
– жедел ағымды және созылмалы энцефалиттер жәнеэнцефаломиелиттер
– эпилепсия
– астениялық жағдайлар (сегментүстілік вегетативті бұзылулар)
– үйрену қабілетінің төмендеуі
– балаларда психомоторлық даму және сөйлеу дамуының кідіруі
– балалардың церебральді салдануының әртүрінде
Педиатрияда қолдану
КОРТЕКСИН® педиатрияда жаңа туған кезеңнен бастап 17 жасқа дейінгілерді қоса қолданылады.
Жүктілік және лактация кезеңі
Жүктілік кезеңінде препарат қарсы көрсетілімде (клиникалық зерттеулер деректері жоқ болғандықтан). Лактация кезеңінде препаратты қолдану қажет болғанда емшек емізуді (клиникалық зерттеулер деректері жоқ болғандықтан) тоқтату керек.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттерін жекелей көтере алмаушылық
- жүктілік және лактация кезеңі
Қолдану кезінде қажетті сақтық шаралары
0,5 % прокаин (новокаин) ерітіндісін КОРТЕКСИН® препаратына ерітінді ретінде қолданғанда прокаинды (новокаин) қолдану жөніндегі нұсқаулықта көрсетілген қолдануға болмайтын жағдайлары, сақтық шаралары және жасына байланысты шектелуіне қатысты тиісті ақпараттарды ұстану керек.
Лидокаин жергілікті анестетигін КОРТЕКСИН® дәрілік препаратының ерітіндісін дайындауға арналған еріткіш ретінде қолдану ұсынылмайды.
Ерітілген дәрілік препаратымен құтыны сақтауға және сақталғаннан кейін пайдалануға болмайды.
КОРТЕКСИН® препаратының ерітіндісін басқа ерітінділермен араластыруға болмайды.
Дәрілік препараттың бірінші қабылдауында немесе оны тоқтатқаннан кейін әсер ету ерекшеліктері жоқ.
Қолданылмаған дәрілік препараттарды жою үшін арнайы шаралар талап етілмейді.
Басқа дәрілік препараттармен өзара әрекеттесуі
Препараттың дәрілермен өзара әрекеттесуі сипатталмаған.
Көлік құралдарын басқару немесе механизмдермен жұмыс істеу қабілетіне әсер ету мүмкіндігі туралы мәліметтер
Қоздырушы әсердің симптомдары туындаған жағдайда препарат ерекше назар аударуды және жылдам реакцияларды талап ететін ықтимал қауіпті қызмет түрлерін (автокөлікті басқару, қозғалмалы механизмдермен жұмыс істеу) орындауға әсер етуі мүмкін.
Арнайы ескертулер
КОРТЕКСИН® тек дәрігердің тағайындауымен ғана қолданылуы керек!
Қолдану жөніндегі нұсқаулар
Дозалау режимі
Дене салмағы 20 кг–ге дейінгі кезде препаратты 0,5 мг/кг дозада, дене салмағы 20 кг-ден артық кезде күніне бір рет 10 мг дозада енгізеді. Ең жоғары тәуліктік доза дене салмағы 20 кг дейінгі кезде 0,5 мг/кг және дене салмағы 20 кг артық кезде 10 мг құрайды.
Енгізу әдісі және жолы
Препаратты бұлшықет ішіне енгізеді. Инъекция жасар алдында құтының ішіндегісін 1-2 мл 0,5% прокаин (новокаин) ерітіндісінде, инъекцияға арналған суда немесе 0,9%натрий хлориді ерітіндісінде (көбік түзілуін болдырмас үшін инені құты жақтауына қарай бағыттап) ерітеді.
Қабылдау уақыты көрсетілген қолдану жиілігі
Препаратты тамақ ішуге байланыстырмай күніне бір рет енгізеді.
Емдеу ұзақтығы
Бір емдеу курсының ұзақтығы 10 күнді құрайды.
Қажет болған жағдайда қайта емдеу курсын 3-6 айдан кейін жүргізеді.
Артық дозаланған жағдайда қолдану қажет шаралар
Қазіргі уақытта препараттың артық дозалануы туралы хабарлар жоқ.
Дәрілік препараттың бір немесе бірнеше дозасын өткізіп алған кезде қажетті шаралар
Инъекцияны өткізіп алған жағдайда дозаны екі еселеп енгізуге болмайды, ал келесі инъекцияны әдетте белгіленген күні жүргізу керек.
Дәрілік препараттың қолданылу тәсілін анықтау үшін сізге препаратты тағайындаған медициналық қызметкерге кеңес алуға жүгіну керек
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Өте сирек
– аса жоғары сезімталдық реакциялары: анафилаксиялық шок, көмейдің ангионевроздық ісінуі, тері бөртпесі, терінің қышынуы, тері гиперемиясы, енгізген орындағы гиперемия
- психомоторлық қозу, қозғалыс үйлесімінің бұзылуы, ұйқысыздық, үрейді сезіну
- тахикардия (жүректің жиырылу жиілігінің артуы).
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз.
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
«ГЕРОФАРМ» ЖШҚ фармакоқадағалау қызметі
farmakonadzor@geropharm.com
Қосымша мәліметтер
Дәрілік препараттың құрамы
әсер етуші зат – 5 мг кортексин (Кортексин® құрғақ экстрактіден бөлініп алынған суда еритін полипептидтік фракциялар кешені),
қосымша зат – 6 мг глицин (стабилизатор).
Сыртқы түрінің сипаттамасы
Ақ түсті немесе сарғыш реңді ақ түсті лиофилизацияланған ұнтақ немесе кеуекті масса.
Шығарылу түрі және қаптамасы
"ГЕРОФАРМ" бедерлі жазуы бар, қызғылт сары түсті үзілмелі пластик жапсырмасы бар алюминий қалпақшамен қаусырылған медициналық резеңке тығындармен тығындалған сыйымдылығы 3 мл түссіз шыныдан жасалған құтыда 11 мг лиофилизаттан. Құтыға өздігінен желімделетін заттаңба жапсырылады.
Поливинилхлоридті немесе полиэтилентерефталатты үлбірден және фольгадан жасалған пішінді ұяшықты қаптамада 5 құтыдан. 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге импорттық картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек.
Дәріханалардан босатылу шарттары
Рецепт арқылы босатылады.
Өндіруші туралы мәлімет
«ГЕРОФАРМ» ЖШҚ, Ресей
191119, Санкт-Петербург, Звенигородская к-сі, 9 үй
Тел. (812) 703-79-75 (көп каналдық), факс (812) 703-79-76
Тіркеу куәлігінің ұстаушысы
«ГЕРОФАРМ» ЖШҚ, Ресей
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ГЕРОФАРМ» ЖШҚ Қазақстан Республикасындағы өкілдігі
Алматы қ., Тимирязев к-сі, 42 үй, 15/108-109 павильон, 339 кеңсе
Тел. 8 (727) 334-15-70
Ресей аумағында
«ГЕРОФАРМ» ЖШҚ
Ресей, 191144, Санкт-Петербург, Дегтярный тұйық көшесі, 11 үй, лит. Б
Тел. (812) 703-79-75 (көп каналдық), факс (812) 703-79-76
Жедел желі телефоны: 8-800-333-4376 (Ресей бойынша қоңырау шалу тегін)
www.cortexin.ru
www.geropharm.ru
