Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Корнерегель
Халықаралық патенттелмеген атауы
Декспантенол
Дәрілік түрі, дозалануы
Көзге арналған 5% гель
Фармакотерапиялық тобы
Сезім мүшелері. Офтальмологиялық препараттар. Басқа офтальмологиялық препараттар. Декспантенол.
АТХ коды SO1XA12.
Қолданылуы
- мөлдір қабықтың эрозиясында
- көздің күюінде (қосымша ем)
- түрлі этиологиядағы кератиттерде
- мөлдір қабықтың дистрофиялық ауруларында
- жанаспалы линзаларды тағып жүргенде мөлдір қабық зақымдануының профилактикасында
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттерінің кез келгеніне аса жоғары сезімталдық
Басқа дәрілік препараттармен өзара әрекеттесуі
Осы уақытқа дейін дәрілермен өзара әрекеттесуі анықталмаған. Корнерегель және басқа да көзге тамызатын дәрі/көзге арналған жақпамайды бір мезгілде пайдаланған жағдайда оларды қолдану аралықтарында кемінде 15 минуттық үзіліс қажет, бұл орайда әрқашан Корнерегель соңында қолданылуы керек.
Арнайы ескертулер
Корнерегель құрамында цетримид консерванты бар, оны әсіресе жиі немесе ұзақ пайдаланғанда ол көз шырышты қабығының тітіркенуін (ашуын, қызаруын, бөгде денені сезінуін) туғызады және мөлдір қабықтың эпителийін зақымдауы мүмкін. Созылмалы құрғақ керато-конъюктивитті ұзақ емдеу үшін препаратты консерванттарды қоспай пайдалану керек. Препараттың линза материалымен үйлеспеу ықтималдығы салдарынан Корнерегель препаратын жанаспалы линзалар салғанда пайдаланбаған жөн.
Гельді тамызудың алдында жанаспалы линзаларды шешу керек және 15 минут өтпей, ерте тағуға болмайды.
Дозатор ұштығы мен гельдің ластануын болғызбау үшін оның қабақпен, көздің айналасындағы терімен және басқа да беткейлермен жанасуын болдырмаған жөн.
Балаларда қолдану
Препаратты 18 жасқа дейінгі балаларға қолданудың жеткілікті тәжірибесі жоқ, осыған байланысты 18 жасқа дейінгі балаларға қолдану ұсынылмайды.
Жүктілік
Корнерегель гелін дәрігердің пікірінше күтілетін пайдасы төнетін қауіптен асатын жағдайда болмаса, жүктіліккезеңінде қолданбау керек.
Лактация
Корнерегель гелін дәрігердің пікірінше күтілетін пайдасы төнетін қауіптен асатын жағдайда болмаса, лактациякезеңінде қолданбау керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жағымсыз әсерлері мен олардың реакция жылдамдығына ықпалын ескере отырып, көрудің қалыпқа келуіне дейін көлік құралдарын жүргізуден және қауіптілігі зор механизмдерді басқарудан тартына тұрған дұрыс.
Қолдану жөніндегі нұсқаулар
Дозалау режимі
Конъюнктивальді қалтаға 1 тамшыдан күніне 4 рет және ұйықтар алдында қосымша тамызады
Енгізу әдісі мен жолы
Конъюнктивальді қалтаға тамызу үшін.
Қолдану жиілігі
Күніне 4 рет.
Емдеу ұзақтығы
Емдеу ұзақтығын емдеуші дәрігер анықтайды.
Дәрілік препаратты қолдану тәсілін түсіндіру үшінмедицина қызметкеріне кеңес алуға жүгінуді ұсынамыз
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)
Жүйелік офлоксацинді қолданғаннан кейінгі ауыр реакциялар сирек кездеседі және симптомдардың көпшілігі қайтымды. Офлоксациннің аздаған мөлшері жергілікті қолданудан кейін жүйелі түрде сіңірілетіндіктен, жүйелі қолдану кезінде хабарланған жағымсыз әсерлер пайда болуы мүмкін.
Белгісіз
Көз шырышты қабығының тітіркенуі:
- қызару
- көрудің тұмандануы
- ауыру
- бөгде дене болуын сезіну
- көзден жас ағудың күшеюі, қышыну, күйдіріп ашыту
- конъюнктивальді ісіну
- аллергиялық реакциялар: терінің қышуы, уртикарлы бөртпе
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Қосымша мәліметтер
Дәрілік препараттың құрамы
Бір грамм гельдің құрамында:
белсенді зат - 50,0 мг декспантенол
қосымша заттар: цетримид, ЭДТА-ның динатрий тұзы, карбомер, натрий гидроксиді, инъекцияға арналған су.
Сыртқы түрінің, иісінің, дәмінің сипаттамасы
Түссіз мөлдір гель
Шығарылу түрі және қаптамасы
5 г, 10 г гельден тығыздығы жоғары полиэтилен сықпаға салынған.
1 сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл.
Ашқаннан кейінгі сақтау мерзімі - 6 аптадан аспайды.
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 25 ˚С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Др. Герхард Манн Химиялық-фармацевтикалық кәсіпорны ГмбХ,
Брюнсбуттелер Дамм 165/173,
13581 Берлин, Германия
Тіркеу куәлігінің ұстаушысы
«Бауш Хелс» ЖШҚ
Шаболовка к-сі, 31 үй, 5 құр., 115162, Мәскеу қ., Ресей
Тел. / факс: +7 495 510 2879
Электронды пошта: Office.ru@valeant.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Бауш Хелс» ЖШС
Қазақстан Республикасы, Алматы қ., A26T9G0, Медеу ауданы, Қажы Мұқан к-сі, 22/5
Телефон + 7 727 3 111 516, факс +7 727 3 111 517
Электронды пошта: office.kz@bauschhealth.com
