Біздің компаниямыз жайлы жалпы ақпарат.
Дәрілік препаратты медициналық қолдану
қолдану жөніндегі нұсқаулық (Қосымша парақ)
Саудалық атауы
Клотримазол-Тева
Халықаралық патенттелмеген атауы
Клотримазол
Дәрілік түрі, дозасы
Крем 1% , 30 г
Фармакотерапиялық тобы
Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Имидазол және триазол туындылары. Клотримазол.
АТХ коды D01AC01
Қолданылуы
- өңезді және басқа зеңдерден туындаған терінің зеңдік зақымдануын емдеу (мысалы, Trichophyton түрі)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препаратқа немесе басқа компоненттерге, оның ішінде цетостеарил спиртіне жоғары сезімталдық
- кремді тырнақтың немесе бас терісінің инфекциясын емдеу үшін қолдануға болмайды
Қолдану кезінде қажетті сақтық шаралары
Клотримазол-Тева препаратын көздің айналасына қолдануға болмайды. Көзге тигізуге болмайды!
Басқа дәрілік препараттармен өзара әрекеттесуі
Препарат латексті конрацептивтерді зақымдай отырып және олардың контрацептивтік қабілетін төмендете отырып, теріс әсер етуі мүмкін. Пациенттер Клотримазол-Тева препаратымен емдеу курсы аяқталғаннан кейін кемінде бес күн бойы контрацепцияның баламалы әдістерін пайдалануы тиіс.
Арнайы ескертулер
Препараттың құрамында цетостеарил спирті бар, бұл терінің жергілікті тітіркенуін тудыруы мүмкін (жанаспалы дерматит).
Жүктілік және лактация кезеңі
Жүкті әйелдердің Клотримазол-Теваны пайдалануы туралы деректердің саны шектеулі. Жануарларға жүргізілген зерттеу репродуктивті уыттылыққа байланысты тікелей немесе жанама зиянды әсерлерді көрсетпеді. Сақтық шарасы ретінде Клотримазол-Теваны жүктіліктің бірінші триместрінде пайдаланудан аулақ болған жөн.
Жануарларға арналған фармакодинамикалық/ токсикологиялық деректер клотримазолдың/ метаболиттердің сүтке бөлінетінін көрсетті. Клотримазол-Тевамен емдеу кезінде бала емізу ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Клотримазол-Тева кремі көлік құралын немесе қауіптілігі зор механизмдерді басқару қабілетіне әсер етпейді немесе елеусіз әсер етеді.
Қолдану бойыншаұсынымдар
Клотримазол-Тева кремін терінің зақымданған жерлеріне жұқа қабатпен күніне 2-3 рет жағып, абайлап ысқылайды (теріні бейтарап рН сабынмен алдын ала тазартады және құрғақ сүлгімен құрғатады).
Енгізу әдісі мен жолы
Тек сыртқа қолдануға арналған.
Барлық инфекция жұқтырған аймақтарды бір уақытта өңдеу керек.
Қайталануды болдырмау үшін Клотримазол-Тева кремімен емдеуді аурудың симптомдары жоғалғаннан кейін кемінде 2 апта жалғастыру ұсынылады.
Емнің ұзақтығы
Дерматомикоздарды емдеу кем дегенде 4 апта бойы жүргізіледі.
Candida туындатқан инфекцияларды емдеу - кем дегенде 2 апта.
Кебек тәрізді теміреткі 1-3 апта ішінде жергілікті қолданғанда тиімді емделеді.
Егер аурудың симптомдары 7 күн қолданғаннан кейін азаймаса, дәрігермен кеңесу керек.
Артық дозаланғанда қабылдануы қажет шаралар
Симптомдары: препаратты ішке абайсызда қолданған жағдайда бас айналуы, жүрек айнуы, құсу болуы мүмкін.
Емі: арнайы антидоты жоқ. Қажет болған жағдайда – симптоматикалық ем.
Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар
Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.
Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз құбылыстардың жиілігін анықтау мына критерийлерге сәйкес жүргізіледі: өте жиі (≥1/10), жиі (≥1/100-нан < 1/10 дейін), жиі емес (≥1/1000-нан < 1/100 дейін), сирек (≥1/10000-нан < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес)
Сирек
- жанаспалы аллергиялық дерматит, эритема
- аллергиялық реакциялар (есекжем, ентігу, гипотензия, талу жағдайлары)
- қышыну, бөртпе, күлдіреу, терінің қабыршақтануы, жаққан жердегі жайсыздық/ауыру, күйдіру, ісіну, тітіркену
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну (жағымсыз реакциялар бойынша ақпараттық деректер базасын көрсету)
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
белсенді зат: клотримазол 1,0 г
қосымша заттар: бензил спирті, сорбитан стеараты, полисорбат 60 (Твин 60), цетил пальмитаты, цетостеарил спирті, 2-октил-додеканол (эутанол G), тазартылған су
Сыртқы түрінің, иісінің, дәмінің сипаттамасы
Ақ біртекті крем
30 г кремнен полиэтилен бұрандалы қақпағы бар алюминий сықпада.
1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Меркле ГмбХ»
Ludwig-Merсkle Str.3
89143 Блаубойрен, Германия
Тел.: +49(0)7071 757-3245
e-mail: info.teva-deutschland@teva.de
Тіркеу куәлігінің ұстаушысы
«ратиофарм ГмбХ»
Graf-Arco-Str. 3, 89079
Ульм қ., Германия
Тел.: +49(0)7071 757-3245
e-mail: info.teva-deutschland@teva.de
Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауаптыұйымның атауы, мекенжайы және байланыс деректері (телефон, факс, электронды пошта)
«ратиофарм Қазақстан» ЖШС, 050059 (А15Е2Р), Алматы қ., Әл-Фараби д-лы, 17/1, Нұрлы Тау БО, 5Б, 6 қабат. Телефон: (727) 3251615; е-mail: info.tevakz@tevapharm.com; веб сайт: www.teva.kz.