Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық (қосымша парақ)
Саудалық атауы
Кандид
Халықаралық патенттелмеген атауы
Клотримазол
Дәрілік түрі, дозасы
1 % крем, 20 г
Фармакотерапиялық тобы
Дерматология. Зеңге қарсы тері ауруларын емдеуге арналған препараттар. Зеңге қарсы жергілікті қолдануға арналған препараттар. Имидазол және триазол туындылары. Клотримазол.
ATХ коды D01AС01
Қолданылуы
- өңезді зеңдермен және басқа зеңдермен (мысалы, Trichophyton түрлері) туындаған барлық дерматомикоздар
- ашытқы зеңдерінен туындаған (Candida түрінде) барлық дерматомикоздар
- ашытқылық (оның ішінде Сandida), өңезді, басқа зеңдермен немесе қоздырғыштармен туындаған, белсенді компонентке сезімтал қайталанған инфекциясы бар тері аурулары
- кандидоздық баздану, вульвит және баланит
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа (заттарға) немесе қосымша заттардың кез келгеніне аса жоғары сезімталдық
- жүктіліктің I триместрі.
Сақтықпен – лактация кезеңі.
Қолдану кезінде қажетті сақтық шаралары
Препарат тек дерматологиялық практикада ғана пайдалануға арналған. Көзге түсуінен аулақ болу керек.
Кремді тырнақ немесе бас терісінің инфекциясын емдеу үшін қолданбаңыз.
Басқа дәрілік препараттармен өзара әрекеттесуі
Клотримазол амфотерицин В және басқа да полиенді антибиотиктердің белсенділігін төмендетеді. Натамицинмен және нистатинмен бір мезгілде қолданғанда клотримазолдың белсенділігі төмендеуі мүмкін. Дексаметазон жоғары концентрацияларында клотримазолдың зеңге қарсы тиімділігін төмендетеді. Парабензой қышқылының пропилді эфирі жоғары концентрацияларында клотримазолдың зеңге қарсы әсерін күшейтеді.
Препарат оларды зақымдап және олардың контрацептивті қабілетін төмендете отырып, латексті контрацептивтерге теріс әсер етуі мүмкін.
Арнайы ескертулер
Препараттың құрамында Е321 бутилгидрокситолуол бар, бұл жергілікті тері реакцияларын (жанаспалы дерматиттер) тудыруы мүмкін. Көздің және шырышты қабықтың тітіркенуі.
Препарат құрамындағы пропиленгликоль терінің тітіркенуін тудырады.
Қосымша зат ретінде препараттың құрамында баяу түрдегі аллергиялық реакцияларға әкелетін метилпарагидроксибензоат Е 218, пропилпарагидроксибензоат Е 216 бар.
Жүктілік пен лактация кезеңі
Препаратты II немесе III триместрде тағайындау ұтымдылығы туралы мәселе дәрігермен кеңескеннен кейін жекелей шешілуі тиіс. Препаратты жүктіліктің II немесе III триместрінде тағайындағанда ана үшін болжанатын пайдасы мен ұрық үшін болуы мүмкін қаупінің арақатынасын ескеру керек.
Клотримазолдың емшек сүтіне өту-өтпеуі белгісіз. Клотримазолды бала емізетін әйелдерге тағайындағанда абай болу керек. Препаратты тікелей сүт бөлінетін емшек тұсына жағуға болмайды. Ем уақытында бала емізуге болмайды.
Педиатрияда қолдану
Балаларға Кандид кремді тек педиатрмен кеңескеннен кейін тағайындау керек.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Кандид кремі автомобильдерді басқаруға немесе күрделі техникалық құрылғылармен жұмыс істеуге әсер етпейді.
Қолдану жөніндегі нұсқаулар
Дозалау режимі
Кремді зақымданған терінің алдын ала тазартылған (рН мәні бейтарап сабын қолдану арқылы) және құрғаған бөліктеріне күніне 2-3 рет жұқа қабатпен жағады және абайлап ысқылайды. Емдеу ұзақтығы аурудың ауырлығына, патологиялық өзгерістердің орналасуына және емнің тиімділігіне байланысты болады. Дерматомикоздарды емдеуді 4 аптадан кем емес, кебек тәрізді теміреткіні - 1-3 апта жүргізу керек.
Аяқ терісінің зеңдік ауруларында емдеуді ауру симптомдарын жойғаннан кейін 2 аптадан кем емес уақыт бойы жалғастыру керек.
Енгізу әдісі және жолы
Сыртқа
Артық дозаланған жағдайда қолданылуы қажет шаралар
Кандид кремімен артық дозалану жағдайы байқалмаған.
Симптомдары: жағымсыз әсерлерінің күшеюі.
Емі: зақымданған аймақты жуып шаю, симптоматикалық ем.
Кездейсоқ пероральді қабылдағанда алдыңғы сағат ішінде өмірге қауіпті клотримазол мөлшерін қабылдаған жағдайда немесе артық дозаланудың клиникалық белгілері байқалса (мысалы, бас айналуы, жүрек айнуы немесе құсу) асқазанды шаю қажет. Асқазанды шаюды, егер тыныс алу жолдары тиісті түрде қорғалса ғана жүргізу керек.
Дәрілік препаратты қабылдамас бұрын дәрігердің немесе фармацевттің кеңесіне жүгініңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жағымсыз құбылыстардың жиілігін анықтау келесі өлшемдерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректер негізінде бағалау мүмкін емес)
Кандид кремі әдетте жағымды болады.
Сирек:
- препаратты жаққан жерде терінің қызаруы, шымылдатып ашыту және шаншу сезімі, ісіну, тітіркенуі, ауыруы, бөртпе, күлдіреуіктер болуы.
- аллергиялық реакция (есекжем, ентігу, гипотензия, естен тану жай күйі)
- жергілікті тері реакциялары (жанаспалы дерматиттер), көздің және шырышты қабықтардың тітіркенуі, терінің тітіркенуі.
Осындай реакциялар туындаған жағдайда препаратты тоқтату керек. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
http://www.ndda.kz
Қосымша мәліметтер
Дәрілік препараттың құрамы
белсенді зат: клотримазол – 1.0 г,
қосымша заттар: пропиленгликоль, ақ вазелин, сұйық парафин,
эмульгацияланған цетомакрогол, бензил спирті,
метилпарабен, пропилпарабен, бутилгидрокситолуол,
сусыз натрий фосфаты, натрий дигидрофосфаты,
тазартылған су.
Сыртқы түрінің, иісінің, дәмінің сипаттамасы
Ақ біртекті жартылай қатты крем.
Шығарылу түрі және қаптамасы
20 г препараттан алюминий сықпаға салынады.
1 сықпадан медицинада қолданылуы жөніндегі қазақ және орыс тілдеріндегі нұсқаулықпен бірге картон қорапқа салынады.
Жарамдылық мерзімі
4 жыл
Жарамдылық мерзімі өткеннен кейін қолдануға болмайды!
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Гленмарк Фармасьютикалз Лтд, Үндістан.
ПЛОТ № 37,39 МИДС АРЕА, Саптур, Насик-422007, Махараштра, Үндістан
Тіркеу куәлігінің ұстаушысы
Гленмарк Фармасьютикалз Лтд, Үндістан.
Гленмарк Хаус, ХДО-Корпорэйт Билдинг, Винг – А, Б.Д. Савант Марг, Чакала, Офф Вестерн Экспресс Хайвэй, Андхери (И), Мумбай – 400 099
Тел. + 0091-22-4018 9999; Факс: + 0091-22-4018 9986
Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
ҚР-ғы Гленмарк Фармасьютикалз ЛТД өкілдігі, 050005,
Алматы қ., Әл-Фараби даңғ.,7, «Нұрлы Тау» бизнес орталығы, 4 А блогы, 12 кеңсе. Тел: + 7(727) 311 04 41.
Эл. пошта: Safety.KZ&UZ@glenmarkpharma.com
