Ихтиоловая 20% 25 гр мазь

Сипаттама

Дәрілік затты медициналық қолдану

жөніндегі нұсқаулық

Ихтиол

Саудалық атауы

Ихтиол

Халықаралық патенттелмеген атауы

Жоқ

Дәрілік түрі

Cыртқа қолдануға арналған жақпамай 200 мг/г, 25 г

Құрамы

Бір сықпаның ішінде

белсенді зат – 5.0 г ихтиол,

қосымша заттар – эмульгатор «Твёрдый-2», жұмсақ сары парафин.

Сипаттамасы

өзіне тән иісі бар, біртекті консистенциядағы күңгірт-қоңыр түсті жақпамай.

Фармакотерапиялық тобы

Дерматология. Антисептиктер және дезинфекциялайтын препараттар. Антисептиктер мен басқа дезинфекциялайтын препараттар.

АТХ коды D08AX

Фармакологиялық қасиеттері

Фармакокинетикасы

Сыртқа қолданғанда ихтиол жақпамайы іс жүзінде жүйелік қан ағымына сіңбейді және кері сіңу әсері болмайды.

Фармакодинамикасы

Фармакологиялық қасиеттері ихтиол биологиялық белсенді заттарының әсеріне негізделген. Ихтиолдың антисептикалық, қабынуға қарсы және жергілікті ауыруды басатын әсері бар.

Қолданылуы

• тері инфекцияларында
• күюлерде
• тілме қабынуларында
• экземада
• пиодермияда (оның ішінде фурункулез)

Қолдану тәсілі және дозалары

Сыртқа, жақпамайды күніне 1-2 рет зақымданған бөлігіне ысқылып жағады.

Қажет болғанда таңғышты қолданады.

Емдеу ұзақтығы аурудың сипатына байланысты болады.

Пациенттердің жекелеген санаттары: бауыр және бүйрек жеткіліксіздігі бар 65 жастан асқан пациенттерде дозаны түзетудің қажеттілігі туралы деректер жоқ.

Балалар: 12 жасқа дейінгі балаларға қолдануға болмайды.

Жағымсыз әсерлері

Аллергиялық реакциялар болуы, әсіресе емдеудің басында және ұзақ қолданғанда терінің тітіркенуі туындауы мүмкін. Терінің қатты тітіркенуі немесе басқа әдеттен тыс реакциялар пайда болғанда жақпамай қолдануды тоқтату керек.

Қолдануға болмайтын жағдайлар

Ихтиол немесе қосымша заттарға жоғары сезімталдық.

Дәрілермен өзара әрекеттесуі

Дәрілік зат ерітінділерде йодты тұздармен, алкалоидтармен, ауыр металл тұздарымен үйлеспейді.

Айрықша нұсқаулар

Жақпамайды шырышты қабыққа тигізуге болмайды. Жақпамай қалдығының көзге, мұрынға, ауызға түсуін болдырмас үшін жақпамайды жаққанан кейін қолды мұқият жуу керек.

Терең инфекциялық жараларды, II және III дәрежедегі күйіктерді емдеу үшін дәрілік затты қолдану ұсынылмайды.

Әсері болмаған кезде жүргізіліп жатқан емді қайта қараған жөн.

Жүктілік және бала емізу кезеңінде қолдану

Жүктілік немесе бала емізу кезінде ихтиолды қолдану туралы деректер жоқ. Дәрілік затты пайда/қауіп арақатынасын бағалаудан кейін ғана қолдануға болады. Бала емізген кезде дәрілік затты емшек немесе емшек ұшы аймағына жақпаған жөн.

Балалар.

Балаларда қолдану тәжірибесі жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлікті немесе басқа механизмдерді басқару қабілетіне әсері сипатталмаған.

Артық дозалануы

Ұсынымдар сақталған жағдайда артық дозалануы мүмкін емес. Теріні тітіркендіруі мүмкін. Мұндай жағдайда жақпамайды терінің тітіркенген бөліктері беткейінен кетіру керек.

Шығарылу түрі және қаптамасы

25 г алюминий сықпаларда. Әрбір сықпаны медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады. Қорапшалар топтық қаптамаға салынады.

Сақтау шарттары

20 ºС-ден аспайтын температурада cақтау керек.

Балалардың қолы жетпейтін жерде сақтау керек.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/Қаптаушы

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375(177)734043. Электрондық пошта market@borimed.com

Дәріханалар

Қалалар