Ибуфен 100 мг/ 5 мл 100 мл суспензия для приема внутрь
Тауарлардың көрінісі фотосуретте көрсетілгеннен өзгеше болуы мүмкін

Ибуфен 100 мг/ 5 мл 100 мл суспензия для приема внутрь

1526
Қолжетімділігі
Сатылымда бар
Үлгі
5907529447406
Елі
Польша
Өндіруші
Польфарма
  • Сипаттама
  • Дәріханалар

Сипаттама

Дәрі-дәрмектің мәртебесі:
OTC
Атауы:
ИБУФЕН® Таңқурай (Ибупрофен) 100 мг/5 мл 100 мл суспензия
Саудалық атауы:
ИБУФЕН®
Халықаралық патенттелмеген атауы:
Ибупрофен
Дәрілік түрі, дозалануы:
Ішуге арналған суспензия, 100 мг/5 мл
Фармакотерапиялық тобы:
Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы стероидты емес препараттар. Пропион қышқылының туындылары. Ибупрофен
АТХ коды M01AE01
Қолданылуы:
Шығу тегі әртүрлі дене қызуы жоғарылауы кезінде:
- суық тию аурулары
- жедел респираторлық вирустық инфекциялар
- тұмау
- баспа (фарингит)
- дене қызуының көтерілуімен қатар жүретін балалар инфекциясы
- вакцинадан кейінгі реакциялар
Шығу тегі әртүрлі әлсіз және орташа қарқындылықтағы ауыру синдромы кезінде:
- тіс ауырғанда, тіс ауыртып шыққанда
- бас ауруы, бас сақинасы
- тірек-қимыл аппаратының жарақаттары салдарынан бұлшықеттердегі, буындардағы ауырсыну
- ортаңғы құлақтың қабынуы кезіндегі құлақ ауруы.
Қолданудың басталуына дейінгі қажетті мәліметтер тізбесі:
Қолдануға болмайтын жағдайлар
- ибупрофенге немесе препараттың басқа компоненттеріне, сондай-ақ басқа да қабынуға қарсы стероидты емес дәрілік препараттарға жоғары сезімталдық
- ацетилсалицил қышқылын (салицилаттар) немесе басқа ҚҚСП қабылдау түрткі болған бронх демікпесі, есекжем, ринит
- спецификалық циклооксигеназа-2 тежегіштерін қоса, басқа ҚҚСП бір мезгілде қолдану
- асқазан-ішек жолының ойық жаралы зақымдануы (асқазанның және он екі елі ішектің ойық жара ауруы, ойық жаралы колит)
- асқазан-ішектен қан кету
- анамнезінде ҚҚСП емдеумен байланысты асқазан-ішектен қан кетудің немесе тесілуінің болуы
- геморрагиялық васкулит
- қан ауруы (қан кетуге, гемофилияға, гипокоагуляцияға бейімділік)
- бүйрек немесе бауыр ауыр жеткіліксіздігі
- жүректің ауыр жеткіліксіздігі (NYHA бойынша IV класс – Нью-Йорк кардиологтар ассоциациясының жіктемесі)
- тұқым қуалайтын фруктоза көтере алмаушылығы
- жүктіліктің III триместрі
- 3 айға дейінгі балалар

Қолдану кезіндегі қажетті сақтық шаралары
Бүйрек жеткіліксіздігі, қан айналымы жүйесінің жеткіліксіздігі немесе бауыр функциясының бұзылуы бар адамдарға сақ болған жөн.
Бронх демікпесі немесе ацетилсалицил қышқылына аллергиялық реакциялары, сондай-ақ басқа дәрілік заттарды (гипертензияға қарсы, диуретиктік, кардиотропты және психотропты дәрілік заттар) қабылдайтын адамдарға препаратты аса сақ болған жағдайда қолдануға болады.
Ас қорыту жүйесі тарапынан бұзылыстар пайда болу мүмкіндігін ескере отырып, ибупрофенді ульцерогенді әсері бар заттармен немесе дәрілік препараттармен (оның ішінде ацетилсалицил қышқылымен, кортикостероидтармен) бір мезгілде қабылдамаған жөн.
Асқазан-ішек қан кетулері, ойық жара түзілуі және тесілуі.
Кейбір жағдайларда өліммен аяқталатын асқазан-ішек жолдарынан қан кету, ойық жаралануы немесе тесілуі емнің әр кезеңінде алдыңғы симптомдарымен немесе онсыз немесе асқазан-ішек жолдарынан қан кету эпизодтарымен немесе онсыз (спецификалық емес ойық жаралы колит, Крон ауруын қоса) ҚҚСП қолданудан кейін анықталды.
Асқазан-ішек жолдарынан қан кету, ойық жаралануы немесе тесілуінің қаупі анамнезінде ойық жара ауруы бар пациенттерде, әсіресе қан кету немесе тесілумен асқынған, сондай-ақ егде жастағы адамдарда ҚҚСП дозасы жоғарылауымен қоса артады.
Асқазан-ішек жолдарынан қан кету немесе ойық жаралану басталған жағдайда дәрілік препаратты қабылдауды дереу тоқтату керек.
Анамнезінде асқазан-ішек жолдарының аурулары бар пациенттерге, әсіресе егде жастағы адамдарға асқазан-ішек жолдары тарапынан болатын барлық типтік емес симптомдар туралы (әсіресе қан кетулер), әсіресе емнің басында дәрігерге хабарлау керектігі туралы ескерту керек. Бұл пациенттер дәрілік препараттың ең аз тиімді дозасын қабылдауы тиіс.
Бір мезгілде дәрілік препараттарды қабылдайтын пациенттер асқазан-ішек бұзылуы немесе қан кетуі қаупін ұлғайтуы мүмкін кортикостероидтар, варфарин, серотонинді кері қармаудың селективті тежегіштері сияқты қан ұюына қарсы препараттарды немесе антиагреганттар (ацетилсалицил қышқылы сияқты) сияқты басқа да дәрілік препараттарды қабылдай отырып, сақ болуы керек.
Жүрек-қантамыр жүйесі және ми қанайналымының тарапынан бұзылулар
Анамнезінде жеңіл және орташа дәрежедегі гипертониясы және/немесе жүрек жеткіліксіздігі бар пациенттер бақылау мен консультацияларды қажет етеді, өйткені ҚҚСП емдеу кезінде сұйықтықтың іркілуі, жоғары артериялық қысым және ісіну байқалуы мүмкін.
Ибупрофен сияқты қабынуға қарсы/ауырсынуды басатын дәрілерді қабылдау, әсіресе жоғары дозада қабылдаған кезде, жүрек ұстамасы немесе инсульт қаупінің шамалы жоғарылауымен бірге жүруі мүмкін. Ұсынылған дозадан және емдеу ұзақтығынан асырмау керек. Егер пациентте Ибуфен® препаратын қабылдағанға дейін дәрігермен немесе фармацевтпен емді талқылауы керек:
- жүрек аурулары, оның ішінде жүрек жеткіліксіздігі (NYHA II-III класы), стенокардия (кеуденің ауыруы) диагнозы қойылған, сондай-ақ егер пациент бұрын жүрек ұстамасын, коронарлық тамырлардағы операцияны, кез келген типті инсультті (оның ішінде «мини-инсульт» немесе транзиторлық ишемиялық шабуыл «ТИШ») өткерсе немесе пациентте шеткері артерия ауруы (артериялардың тарылуы немесе бітелуі салдарынан аяқтағы нашар айналым) бар болса;
- бақыланбайтын жоғары артериялық қысым, қант диабеті, қанда холестерин деңгейінің жоғарылауы, отбасы мүшелеріндегі жүрек аурулары немесе инсульт бар немесе пациент темекі шегетін болса.
Тері реакциялары
Эксфолиативті дерматитті, Стивенс-Джонсон синдромын және уытты эпидермальді некролизді қоса, кейбіреулері өліммен аяқталған күрделі тері реакциялары ҚҚСП пайдаланумен байланысты сирек хабарланады. Пациенттер емнің алғашқы айында көп жағдайларда пайда болатын емдеудің ерте сатыларында осы реакциялардың ең жоғары қаупіне ұшырайды. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланды. Ибупрофен тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты күрделі тері реакцияларының белгілері мен симптомдары алғаш пайда болғанда тоқтатылуы керек.
Сонымен бірге әртүрлі анальгетикалық дәрілік препараттарды ұзақ уақыт қолдану бүйрек жеткіліксіздігі даму қаупі бар (анальгетикалық нефропатия) бүйрек зақымдануына әкелуі мүмкін.
Ибупрофенді қолданған кезде уытты амблиопияның бірлі-жарым жағдайлары анықталды, сондықтан көрудің барлық бұзылулары туралы дәрігерді хабардар ету керек.

Басқа дәрілік препараттармен өзара әрекеттесуі
Дәрігерге немесе фармацевтке қазіргі уақытта немесе жақында қабылданған барлық препараттар туралы, сондай-ақ пациент қабылдауды жоспарлап отырған препараттар туралы хабарлауы тиіс.
Ибуфен® препараты басқа дәрілік заттардың әсеріне ықпал етуі мүмкін немесе басқа дәрілік заттар Ибуфен® препаратының әсеріне ықпал етуі мүмкін. Мысалы:
- антитромбоздық әсері бар дәрілік заттар (оның ішінде, аспирин/ацетилсалицил қышқылы, варфарин, тиклопидин сияқты қанды сұйылтатын/тромбтар түзілуіне жол бермейді)
- артериялық қысымды төмендететін препараттар (каптоприл сияқты АӨФ тежегіштері, құрамында атенолол бар препараттар сияқты бета-блокаторлар, лозартан сияқты ангиотензин II рецепторларының антагонистері)
- ауыруды басатын дәрілер
- қабынуға қарсы стероидты емес препараттар
- депрессияны емдеу үшін қолданылатын препараттар (серотонинді кері қармаудың селективті тежегіштері (СКҚСТ)), литий
- диуретиктер
- зидовудин, ритонавир (АИТВ инфекциясын емдеу үшін қолданылатын препараттар)
- метотрексат (қатерлі жаңа түзілімдерді немесе ревматоидты артритті емдеу үшін қолданылатын препарат)
- кортикостероидтар (преднизолон сияқты)
- фенитоин (эпилепсияға қарсы препарат)
- циклоспорин, такролимус (ағзаның иммундық реакциясын төмендететін препараттар)
- мифепристон (гинекологияда қолданылатын препарат)
- хинолондар тобындағы антибиотиктер (ципрофлоксацин сияқты)
- жүрек гликозидтері, оның ішінде дигоксин (жүрек ауруларын емдеу үшін қолданылатын препараттар)
- аминогликозид антибиотиктері (мысалы, стрептомицин)
- пробенецид, сульфинпиразон (подаграны емдеу үшін қолданылатын препараттар)
- пероральді гипогликемиялық препараттар (мысалы, глимепирид);
- вориконазол, флуконазол (зеңге қарсы препараттар)
- холестирамин (холестерин деңгейі жоғары пациенттерде қолданылады).
Ибуфен® кейбір дәрілік заттардың әрекет етуіне әсер етуі және керісінше болуы мүмкін. Сондықтан Ибуфен® препаратын басқа дәрілік заттармен қолданар алдында әрдайым дәрігермен немесе фармацевтпен кеңесу керек.

Арнайы ескертулер
Сусыздануы бар балалар мен жасөспірімдерде бүйрек жеткіліксіздігінің қаупі бар.
Инфекция
Ибуфен® қызба және ауыру сияқты инфекциялардың белгілерін жасыруы мүмкін. Сондықтан Ибуфен® инфекцияның тиісті емін кейінге қалдыруы мүмкін, бұл асқыну қаупінің жоғарылауына әкелуі мүмкін. Бұл бактериялардан туындаған пневмония кезінде және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз, ал инфекция симптомдары сақталса немесе нашарласа, дереу дәрігерге жүгініңіз.
Қосымша заттар
Ибуфен® құрамында 5 мл-де 9,67 мг натрий суспензия бар, оны диетадағы натрий құрамын бақылайтын пациенттерде ескеру керек.
Ибуфен® құрамында сұйық мальтитол бар (5 мл суспензияда 2,4 г). Тұқым қуалайтын фруктоза көтере алмаушылығы бар (сирек генетикалық ауру) пациенттерде бұл препаратты қолдануға болмайды.
Фертильділік
Овуляцияға әсер етуі және сонысымен әйелдің ұрпақ өрбіту қабілетіне теріс әсер етуі мүмкін циклооксигеназа/простагландиндер синтезін тежейтін дәрілік препараттарды қолдану туралы хабарлар бар. Бұндай әсерлер препаратты қолдануды тоқтатқан соң жойылады.
Жүктілік
Ибупрофенді жүктілік кезінде әйелдерде қолдану қауіпсіздігіне қатысты егжей-тегжейлі ақпарат жоқ. Простагландиндер синтезі бәсеңдеуінің адам шаранасына әсері белгісіз болғандықтан, ибупрофенді жүктіліктің бірінші және екінші триместрінде қолдану ұсынылмайды.
Ибупрофенді жүктіліктің III триместрінде қолдануға болмайды, себебі бұл артериялық түтікшенің мерзімінен бұрын бітелуіне ықпал етеді және жаңа туған нәрестелерде өкпелік гипертензияны туындатуы мүмкін, сондай-ақ жатырдың жиырылу белсенділігін бәсеңдетеді, бұл босанудың басталуын тежейді және босану әрекетін ұзартады, сондай-ақ ана мен балада қан кету қаупін арттырады.
Лактация
Ибупрофен және оның метаболиттері өте төмен концентрацияларда емшек сүтіне түседі. Жаңа туған нәрестелер үшін жағымсыз салдары туралы хабарламалар әлі күнге дейін түспегендіктен, препаратты қысқа мерзімде қолданғанда бала емізуді тоқтату қажеттілігі туындамайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ибуфен® препаратын қабылдау кезінде бас айналуы пайда болатындықтан, мұны көлік құралын басқарғанда және қозғалыстағы механизмдерге қызмет көрсеткенде ескеру керек.
Қолдану жөніндегі нұсқаулар:

Пероральді қолдануға арналған.

Қолданар алдында біртекті суспензия алғанға дейін шайқау керек.

Препаратты ас ішкеннен кейін судың мол мөлшерімен бірге қабылдайды.

Суспензияны дәл дозалау үшін құтыға шприц-дозатор қоса беріледі.

Доза баланың жасы мен дене салмағына байланысты анықталады.

Ибуфен® суспензиясының тәуліктік дозасы дене салмағының 20-30 мг/кг құрайды. Симптомдарды жеңілдету үшін қажетті ең қысқа мерзім ішінде ең төмен тиімді дозаны қолдану керек.

Егер сізде инфекция бар болса, симптомдар (мысалы, қызба және ауыру) сақталса немесе нашарласа, дереу дәрігерге қаралыңыз («Арнайы ескертулер» бөлімін қараңыз).

Препаратты төменде көрсетілген сызба бойынша бір реттік дозаларда тағайындайды:

3 айдан 6 айға дейінгі емшектегі балалар (5-7,6 кг): тәулік бойы 2,5 мл-ден 3 рет (бұл тәулігіне 150 мг ибупрофенге сәйкес).

6 айдан 12 айға дейінгі емшектегі балалар (7,7-9 кг): тәулік бойы 2,5 мл-ден 3-тен 4 ретке дейін (бұл тәулігіне 150-200 мг ибупрофенге сәйкес).

1 жастан 3 жасқа дейінгі балалар (10-15 кг): тәулік бойы 5 мл-ден 3 рет (бұл тәулігіне 300 мг ибупрофенге сәйкес).

4 жастан 6 жасқа дейінгі балалар (16-20 кг): тәулік бойы 7,5 мл-ден 3 рет (бұл тәулігіне 450 мг ибупрофенге сәйкес).

7-ден 9 жасқа дейінгі балалар (21-29 кг): тәулік бойы 10 мл-ден 3 рет (ол тәулігіне 600 мг ибупрофенге сәйкес).

10-нан 12 жасқа дейінгі балалар (30-40 кг): тәулік бойы 15 мл-ден 3 рет (бұл тәулігіне 900 мг ибупрофенге сәйкес).

Препарат дозасы 6-8 сағаттық аралықпен (немесе егер бұл қажет болса, кемінде қабылдаудың 4 сағаттық аралығын сақтау) қабылданады. Ұсынылатын дозадан асырмау керек.

Препарат симптоматикалық емдеуге арналған. Балаларға өмірінің 6 айлығына дейінгі жаста дәрілік препаратты тек дәрігер кеңесінен кейін және препаратты дәрігер тағайындағаннан кейін енгізу керек. Егер 3-тен 5 айға дейінгі жастағы балаларда препаратты қабылдағаннан кейін 24 сағат ішінде симптомдар сақталса немесе күшейсе, дәрігерге қаралу қажет. Егер препаратты 6 айдан асқан сәбилерде препарат қабылдау аясында симптомдар 3 күннен астам сақталса дәрігерге жүгіну қажет.

Жағымсыз әсерлер симптомдарды бақылауға мүмкіндік беретін ең аз тиімді дозада препаратты ең аз қажетті уақыт мөлшерін қолдану жолымен азайтылуы мүмкін.

Вакцинациядан кейін дене температурасының жоғарылауы

2,5 мл суспензияны бір рет енгізеді, қажет болған жағдайда дозаны 6 сағаттан кейін қайталауға болады. 24 сағат ішінде 2,5 мл суспензиядан екі дозадан артық енгізуге болмайды. Бұндай симптомдар туындаған жағдайда дәрігерге жүгіну қажет.

Шприц түріндегі дозаторды қолдану жөніндегі нұсқаулық

1. Құтының қалпақшасын бұрап алып (төмен қарай басып жаншу керек, сағат тіліне қарсы бұрау керек).

2. Құтының мойнындағы саңылауға дозаторды қатты басу керек.

3. Құтының ішіндегісін қатты сілку керек.

4. Дозаторды толтыру үшін, құтыны басын төмен қаратып төңкеру керек, содан соң дозатордың поршенін төмен қарай абайлап ауыстыру керек, ішіндегісін шкаладағы қажетті белгіге дейін құю керек.

5. Құтыны бастапқы қалпына аударып, оны ақырын бұрай отырып, одан дозаторды алу керек.

6. Дозатордың ұштығын баланың ауыз қуысына орналастырып, содан соң поршеньге баяу баса отырып, дозатор ішіндегісін енгізу керек.

7. Қолданғаннан кейін құтының қақпағын бұрау арқылы жауып, дозаторды сумен шаяды және құрғатады.

Артық дозаланғанда қабылдануы қажет шаралар

Симптомдары: бас ауруы, бас айналуы, естен тану алдындағы жай-күй және сананың шатасуы (балалардағы миоклониялық құрысулар), іштің ауыруы, жүрек айнуы және құсу сияқты жүйке жүйесі тарапынан бұзылулар. Асқазан-ішектен қан кетулер, бауыр және бүйрек тарапынан функционалдық бұзылуы, артериялық қысым төмендеуі, тыныс алу бәсеңдеуі және цианоз дамуы мүмкін. Күрделі улану кезінде метаболизмдік ацидоз болуы мүмкін.

Емі: соңынан адсорбенттер қабылдаумен асқазан шаю жүргізеді. Қажет болғанда симптоматикалық ем жүргізіледі. Спецификалық антидоты жоқ.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар:
Жиі емес (≥1/1000 <1/100 дейін)
- тері бөртпесі және қышынумен аллергиялық реакциялар
- іштің ауыруы, жүрек айнуы, диспепсия.
Сирек (≥1/10000 <1/1000 дейін)
- құсу, метеоризм, диарея, іш қатуы
- бас ауруы, бас айналуы, ұйқысыздық, қозғыштық, ашушаңдық, шаршағыштық сезім.
Өте сирек (<1/10000)
- жоғары сезімталдықтың ауыр реакциялары: беттің, тілдің және көмейдің ісінуі, ентігу, тахикардия, артериялық гипотензия (анафилаксия, Квинке ісінуі немесе ауыр шок)
- бронх демікпесі, бронх демікпесінің және бронх түйілуінің өршуі
- пептидтік ойық жара, ойық жараның тесілуі немесе асқазан-ішек жолынан қан кету, мелена, қан құсу (әсіресе егде жастағы пациенттерде кейде өліммен аяқталған жағдай), ойық жаралы стоматит, гастрит, ойық жаралы колиттің және Крон ауруының өршуі
- көрудің нашарлауы
- қан түзудің бұзылуы (анемия, лейкопения, тромбоцитопения, панцитопения, агранулоцитоз)
- ҚҚСП тобындағы препараттарды қолдануға байланысты ісінудің пайда болуы, артериялық гипертензия, жүрек жеткіліксіздігі
- жедел бүйрек жеткіліксіздігі, қан сарысуындағы (әсіресе ұзақ қабылдағанда) мочевинаның жоғарылауымен және ісінулермен астасқан папиллонекроз
- бауыр функциясының бұзылуы, әсіресе ұзақ қабылдаған кезде
- көп формалы эритеманы, уытты эпидермальді некролизді, Стивенс-Джонсон синдромын қоса буллездік реакциялар сияқты тері реакцияларының ауыр түрлері дамуы мүмкін
- асептикалық менингиттің симптомдары: шүйде бұлшықеттерінің сіресуі, бас ауыруы, жүрек айнуы, құсу, қызба немесе әсіресе осының алдында аутоиммундық бұзылулары (жүйелі қызыл жегі, дәнекер тіннің аралас аурулары) болған пациенттердегі бағдардың бұзылуы
- психоздық реакциялар, депрессия.
Жиілігі белгісіз
- DRESS синдромы сияқты белгілі терінің қатты тітіркенуі. DRESS симптомдарына мыналар жатады: тері бөртпесі, қызба, лимфа түйіндерінің ісінуі және эозинофилияның артуы (ақ қан жасушаларының түрі).
- жедел жайылған экзантематозды пустулез (AGEP)
- жарыққа жоғары сезімталдық реакциялары.
Жағымсыз әсерлер пайда болған кезде препаратты қолдануды тоқтату керек.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер:
Дәрілік препараттың құрамы
100 мл суспензияның құрамында
белсенді зат - ибупрофен 2.0 г,
қосымша заттар: гипромеллоза, ксантан шайыры, глицерин, натрий бензоаты, сұйық мальтитол, натрий цитраты дигидраты, лимон қышқылы моногидраты, натрий сахаринаты, натрий хлориді, таңқурай хош иістендіргіші, тазартылған су.

Сыртқы түрінің, иісінің, дәмінің сипаттамасы
Таңқурай иісі бар ақ немесе ақ дерлік түсті біртекті суспензия.
Шығарылу түрі және қаптамасы:
100 мл препараттан балалардың ашып алуынан қорғайтын сақинасы және қорғаныш жүйесі бар, бұралатын полиэтилен қақпақпен тығындалған адаптері бар ПЭТ-тен жасалған құтыларда. Әр құтыға өздігінен заттаңба жапсырылады. 1 құтыдан шприц-дозаторы және медициналық қолдануы жөніндегі қазақ және орыс тілдеріндегі бекітілген нұсқаулықпен картон қорапшаға салынады.
Сақтау мерзімі:
2 жыл
Қаптамасын алғаш ашқаннан кейін құтыны 6 ай ішінде пайдалану керек.
Жарамдылық мерзімі өткеннен кейін қолдануға болмайды!

Сақтау шарттары
Түпнұсқалық қаптамасында, 25°С-ден аспайтын температурада сақтау керек. Тығыз жабылған құтыда сақтаңыз.
Балалардың қолы жетпейтін жерде сақтау керек!
Дәріханалардан босатылу шарттары:
Рецептісіз
Өндіруші туралы мәліметтер:
«ПОЛЬФАРМА» АҚ Фармацевтикалық зауыты
Серадзедегі Медана бөлімі
Владислав Локетка көшесі 10, 98-200 Серадз, Польша
Телефон нөмірі: +48 58 5631600
Факс нөмірі: +48 58 5622353
Электронды пошта: phv@polpharma.com
Тіркеу куәлігінің ұстаушысы:
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмері +7 7252 (610151)
Автожауап бергіш нөмірі: +7 7252 (561342)
Электронды пошта infomed@santo.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, элект:
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі: +7 7252 (610151)
Автожауап бергіш нөмірі: +7 7252 (561342)
Электронды пошта: complaints@santo.kz; phv@santo.kz

Дәріханалар

Тауар артығымен бар
Тауар аз қалды
Аптека № 69, Актобе,
ул.Шайкенова д.13А
Круглосуточно
Аптека №169, Актобе, (ТЦ Дастан Сити)
г.Актобе, 12 мкр, д 21Д, 1А
Круглосуточно
Аптека №148
Ул. Братьев Жубановых 294
Круглосуточно
Аптека №115
г.Актобе, район Астана, ул. Бокенбай батыра д. 129, корпус 2, н.п. 1
9/00-00/00
Аптека № 50, Актобе, (уг.пр.Абая-Есет Батыра)
ул. Есет батыра, дом 130
Круглосуточно
Аптека №71, Актобе, ул. Бокенбай
г.Актобе, ул. Бокенбай батыра 44
09:00-20:00
Аптека №136
Ш.Калдаякова д.22, кв 2.
09:00-00:00