Глиятон 250мг/4 мл раствор №5

Сипаттама

Дәрілік затты медициналық қолдану жөніндегі нұсқаулық

ГЛИЯТОН

Саудалық атауы

Глиятон

Халықаралық патенттелмеген атауы

Холин альфосцераты

Дәрілік түрі

Инъекцияға арналған ерітінді 250 мг/мл

Құрамы

1 мл ерітіндінің құрамында

белсенді зат – холин альфосцераты 100% затқа шаққанда 250 мг,

қосымша зат: инъекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Жүйке жүйесі ауруларын емдеуге арналған басқа препараттар. Парасимпатомиметиктер. Басқа да парасимпатомиметиктер. Холин альфосцераты.

АТХ коды N07A X02.

Фармакологиялық қасиеттері

Фармакокинетикасы

Холин альфосцератын енгізген кезде дозаның орташа 85 % дерлік сіңіріледі. Препарат көбінесе ми (қандағы препарат концентрациясының 45 %), өкпе және бауырда жиналады. Препараттың элиминациясы негізінен өкпе арқылы көміртектің қостотығы (СО₂) түрінде болады. Препараттың тек қана 15 % несеп және өтпен шығарылады.

Фармакодинамикасы

Холин альфосцераты ОЖЖ басымдылықпен әсер ететін орталық холинмиметиктер тобына жататын зат болып табылады. Холин альфосцераты холин жеткізушісі және фосфатидилхолиннің ізашар агентті түрінде биохимиялық зақымданулардың алдын алуға және түзетуге қабілетті, олардың психоорганикалық инволюциялық синдромның патогенді факторлары арасында ерекше маңызы бар, яғни төмендеген холинергиялық тонус және жүйке жасушалары қабығының өзгерген фосфолипидті құрамына әсер ете алады. Препарат құрамына метаболизмдік қорғалған холиннің 40,5 % кіреді. Метаболизмдік қорғаныс мидағы холиннің босатылуын қамтамасыз етеді. Холин альфосцераты нашарлауы мидың инволюциялық патологиясы дамуынан туындаған жады функцияларына және танымдық қабілеттеріне, сондай-ақ эмоциялық жағдай және мінез-құлық көрсеткіштеріне оң әсер етеді. Әсер ету механизмі холин альфосцераты организмге түскен кезде ферменттердің әсерінен холин және глицерофосфатқа ыдырайды: холин жүйке қозуының негізгі медиаторларының бірі ацетилхолиннің биосинтезіне қатысады; глицерофосфат нейрон жарғақшасы фосфолипидтерінің (фосфатидилхолин) ізашары болып табылады. Осылайша, холин альфосцераты холинергиялық нейрондарға жүйке импульстарының берілуін жақсартады; нейрональді жарғақшасының иілгіштігіне және рецепторлардың функциясына оң әсер етеді. Холин альфосцераты церебральді қан айналымын жақсартады, мидағы метаболизмдік үдерістерді күшейтеді, мидың ретикулярлық формациясы құрылымын белсендіреді және мидың жарақаттық зақымдалуы кезінде сананы қалпына келтіреді.

Қолданылуы

• дегенеративтік және инволюциялық психоорганикалық синдромдар және есте сақтаудың нашарлауымен, сананың шатасуымен, бағдардан жаңылумен, ынталанудың, бастамашылдықтың және зейін қою қабілетінің төмендеуімен сипатталатын есте қалу текті функциялардың алғашқы және салдарлы бұзылулары сияқты цереброваскулярлы жеткіліксіздік зардаптары;
• егде жастағыларда болатын эмоциялық және мінез-құлық саласының өзгерістері: эмоциялық құбылу, қатты ашушаңдық, қоршаған ортаға қызығушылықтың төмендеуі, қарттық кезеңдегі жалған депрессия

Қолдану тәсілі және дозалары

Жедел жағдайларда Глиятон бұлшықет ішіне немесе вена ішіне баяу тәулігіне 1 г (1 ампула) енгізеді.

Науқастың жағдайы тұрақтанғаннан кейін холин альфосцератының пероральді түрлеріне көшеді.

Жағымсыз әсерлері

Әдетте, ұзақ уақыт қолданса да препараттың көтерімділігі жақсы.

Енгізген орында реакциялар болуы мүмкін. Емдеудің алқашқы күндері мен аптасында мынадай жағымсыз реакциялар көріністері туындауы мүмкін: үрей, ажитация, ұйқысыздық. Бұл симптомдар уақытша және емдеуді тоқтатуды қажет етпейді, алайда дозаны уақытша төмендетуге болады.

Жүрек айнудың туындауы (ең бастысы екінші допаминергиялық белсенділік салдарынан болып табылады), артериялық қысымның төмендеуі, бас ауыруы ықтимал, өте сирек абдоминальді ауыру және сананың қысқа мерзімді шатасуы болуы мүмкін. Мұндай жағдайда препараттың қолданатын дозасын азайту қажет.

Бөрту, қышыну, есекжем, ангионевроздық ісіну, терінің қызаруын қоса, аса жоғары сезімталдық реакциялары болуы мүмкін.

Жағымсыз реакциялардың туындау жиілігі белгісіз.

Қолдануға болмайтын жағдайлар

• препаратқа немесе оның компоненттеріне белгілі аса жоғары сезімталдық;
• психоздық синдромы бар пациенттерге, ауыр психомоторлық қозу кезінде;

• жүктілік және емшек емізу кезеңі;
• 18 жасқа дейінгі балалар

Дәрілермен өзара әрекеттесуі

Препараттың басқа дәрілік заттармен өзара әрекеттесуінің клиникалық маңызы анықталмаған.

Айрықша нұсқаулар

Басқа дәрілік заттармен бір ыдыста қолданбаған жөн.

Педиатрияда қолданылуы

Глиятонды балаларға қолдану тәжірибесі жоқ.

Жүктілік және лактация кезеңінде қолданылуы

Препаратты жүктілік және емшек емізу кезеңінде қолдануға болмайды.

Препараттың көлікті немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқаруға және басқа механизмдермен жұмыс істеуге әсер етпейді.

Артық дозалануы

Жүрек айнуы, мазасыздық, қозу, ұйқысыздық арқылы білінуі мүмкін Глиятонмен артық дозалану кезінде препарат дозасын азайту керек. Симптоматикалық ем.

Шығарылу түрі және қаптамасы

4 мл-ден сындыру сақинасы немесе сындыру нүктесі бар шыны ампулаларда.

Ампулаларға өзі жабысатын заттаңбалар жапсырылады.

5 немесе 10 ампуладан медициналық қолдану жөніндегі мемлекеттік және орыс тіліндегі нұсқаулықпен бірге горфрланған аралығы бар картон қорапшаға салынады.

Немесе 5 ампуладан полимер үлбірден жасалған пішінді ұяшықты қаптамаға салынады. 1 немесе 2 пішінді ұяшықты қаптамадан ампулаларды медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25^о С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды

Дәріханалардан босатылу шарттары

Рецепт арқылы

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Фармак» ЖАҚ Қазақстан Республикасындағы өкілдігі

Қазақстан Республикасы, Алматы қ., индекс 050012, Амангелді к-сі, 59 "А", "Шартас" бизнес орталығы, 9-қабат.

Тел.: +7 (727) 267 64 63, факс: +7 (727) 267 63 73, электрондық пошта: a.liadobruk@gmail.com

Қалалар