Герпевир 2,5 % 5 г мазь

Сипаттама

Дәрілік затты медициналық қолдану жөніндегі нұсқаулық

ГЕРПЕВИР^®

Саудалық атауы

Герпевир^®

Халықаралық патенттелмеген атауы

Ацикловир

Дәрілік түрі

2,5% жақпамай

Құрамы

1 г жақпамайдың құрамында

белсенді зат – 100 % затқа шаққанда 25 мг ацикловир;

қосымша заттар: проксанол 268-Ф, пропиленгликоль, полиэтиленоксид 400, эмульгатор № 1.

Сипаттамасы

Өзіне тән әлсіз иісі бар, ақ түсті біркелкі жақпамай

Фармакотерапиялық тобы

Жергілікті қолдануға арналған вирусқа қарсы препараттар. Вирусқа қарсы препараттар. Ацикловир.

АТХ кодыD06В В03

Фармакологиялық қасиеттері

Фармакокинетикасы

Терінің сыртына қолданған кезде жүйелі қан ағымына іс жүзінде сіңбейді және жүйелі түрде әсер етпейді. Терінің зақымданған жеріне жақпамайды жаққан кезде онда препараттың емдік концентрация түзіледі, ол кем дегенде 5 сағаттұрақты деңгейде сақталады.

Фармакодинамикасы

Ацикловир - дезоксигуанидиннің пуринді нуклеозидінің аналогі - ДНҚ компоненті. Препарат жай герпес және белдеулі герпес (теміреткі) вирустарына ерекше тиімді болып табылады. Ацикловир мендезоксигуанидинніңқұрылымыныңұқсастығыацикловирдің вирус ферменттерімен өзара әрекеттесуіне мүмкіндік береді, ол вирустың көбею циклінің тоқтатылуына әкеледі. Ацикловиргерпеспен зақымданған жасушаға енгеннен кейін вирустан бөлінетін тимидинкиназаның әсер етуімен, ацикловир ацикловир-монофосфатқа айналады, қожайынның жасуша ферменттері арқылы ацикловир-монофосфат ацикловир-дифосфатқа айналып, содан кейін оның белсенді түрі ацикловир-трифосфатқа айналады, ол вирус ДНК-сының синтезін іріктеп бөгейді. Ацикловир-трифосфат қожайынның (адамның) ДНК жасушасының репликациясына іс жүзінде әсер етпейді.

Ацикловир герпес кезінде бөртпенің жаңа элементтерінің пайда болуына жол бермейді, тері диссеминациясының және висцеральді асқынулардың болу мүмкіндігін төмендетеді, қабықтардың пайда болуын тездетеді, белдеулі герпестің жедел сатысындағы ауырсынуды бәсеңдетеді.

Қолданылуы

- қарапайым герпес вирусы туындатқан (Herpes labialis) ерін мен бет инфекцияларында

Қолдану тәсілдері және дозасы

Тек сыртқа қолданылады! Инфекцияның таралуына жол бермеу үшін резеңке қолғапты немесе саусаққаптарды қолдану керек. Емдеуді герпес инфекцияларының алғашқы симптомдары пайда болған кезде тағайындаған жөн.

Ересектер мен 12 жастан үлкен балаларға қолданылады.

Жақпамайды зақымданған теріге және сыртқы шырышты қабыққа жағады. Жақпамайдыжағар алдында зақымданған жерді суменсабындап жуып және мұқият құрғату керек. Жақпамайды жұқа етіп жағады: жақпамайдың 1,25 см жолағын зақымданған жердің 25 см²-не күніне 5 рет түнгі уақытты қоспағанда шамамен 4 сағат аралықпен жағады.

Жақпамайды сондай-ақ зақымданған жермен шектескен жерге де қолдану қажет.

Жақпамайды ұдайы қолдану қажет; кезекті жағуды ұмытып кеткен жағдайдапрепараттыкелесіқолданукезіндедозасынекі еселемеген жөн.

Емдеу 4 күннен кем емес уақыт жүргізіледі. Егер жазыла бастамаған болса, емдеуді 10 күнге дейін жалғастыруға болады. Егер ауру симптомдары емдеудің 10 күнінен кейін де басылмаған болса, науқасқа міндетті түрде дәрігерге қаралу керек.

Жағымсыз әсерлері

- жиі емес (≥ 1/1000 және < 1/100): қызару, қышыну, қабыршақтану, препарат жағылған жерде шымылдатып ашыту

- сирек (≥ 1/10000 және < 1/1000): эритема, жанаспалы дерматит, көбіне препараттың қабыну компоненттеріне реакциясымен байланысты

- өте сирек (< 1/10000): ангионевроздық ісінуді қоса дереу типтегі аса жоғары сезімталдық реакциялары.

Қолдануға болмайтын жағдайлар

• ацикловирге немесе басқа да препарат компоненттеріне, сондай-ақ валацикловиргежоғары сезімталдық
• ұқсас симптомдарымен, бірақ басқа қоздырғыштардан болған инфекциялық аурулар
• жүктілік немесе емшек емізу кезеңі
• 12жасқа дейінгі балалар

Дәрілермен өзара әрекеттесуі

Герпевир^® жақпамайының жергілікті қолданылатын басқа да дәрілік заттармен өзара әрекеттесуі зерттелген жоқ.

Айрықша нұсқаулар

Көзге жақпамайдың кездейсоқ түсіп кетуінен аулақ болу керек.

Ерін герпесі бар адамдарға вирусты адамдармен жанасу арқылы жұқтырудан, әсіресе ашық зақымданулары бар кезде міндетті түрде сақтандыру керек.

Жақпамайды ерін мен беттегі герпесті емдеу үшін ғана қолдану керек. Жақпамайды көздің, ауыздың шырышты қабаттарына жағу және оны генитальді герпесті емдеу үшін қолдану ұсынылмайды. ӘсіресеHerpes labialis өте ауыр біліністері бар адамдарға міндетті түрде дәрігердің кеңесі керек.

Иммун тапшылығы бар адамдарға қолдануға болмайды. Осындай пациенттерге кез келген инфекцияларды емдеуге қатысты дәрігердің кеңесі талап етіледі.

Жүктілік және емшек емізу кезеңінде қолдану

Қолдануға болмайды.

Дәрілік заттың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері

Әсер ету мүмкіндігі туралы деректер жоқ.

Артық дозалануы

Симптомдары: эритема, қабыршақтану, шымылдату, күйдіру сезімі, олар препаратты тоқтатқаннан кейін қайтады.

Емі: препаратты қолдануды тоқтату.

Шығарылу түрі және қаптамасы

5 г немесе 15 г препараттан алюминий сықпаға салады.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

Түпнұсқалық қаптамасында, 25^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

“Киевмедпрепарат” ЖАҚ,

Украина, 01032, Киев қ., Саксаганский к-сі, 139

Тіркеу куәлігінің иесі

«Киевмедпрепарат» ЖАҚ, Украина

Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

Қазақстан Республикасындағы «Артериум» корпорациясының өкілдігі

050060, Алматы қ., Әл-Фараби даңғылы 97 үй, 3 подъезд, «54» кеңсе

Тел/факс: 8(727)315-82-09; 8(727)315-82-10;

Е-mail: Almaty@arterium.ua

Дәріханалар