Сипаттама
Дәрілік заттың медицинада
қолданылуы жөніндегі
нұсқаулық
Гастритол Др. Кляйн
Gastritol ® Dr. Klein
Саудалық атауы
Гастритол Др. Кляйн
Gastritol ® Dr. Klein
Халықаралық патенттелмеген атауы
Жоқ
Дәрілік түрі
Ішуге арналған тамшылар
Құрамы
100 мл ерітіндінің ұрамында
белсенді заттар: мл
Қазтабан шөбінің сұйық (0,5:1) спиртті40 % сығындысы35,0
Қызыл мия тамырының сұйық
(0,5:1) спиртті 40 %сығындысы 15,0
Аюбалдырған тамырының сұйық
(0,5:1) спиртті40 %сығындысы 5,0
Кардобенедикт шөбінің сұйық
(0,5:1) спиртті 40 %сығындысы5,0
Жусан шөбінің сұйық
(0,5:1) спиртті40 %сығындысы 5,0
Түймедақ гүлінің сұйық
(0,5:1) спиртті45 %сығындысы 20,0
Тесік жолжелкен шөбінің сұйық (0,5:1)спиртті
50 % сығындысы15,0
қосымша заттар: рН 7,9 ± 0,1-ді калий гидрототығының және лимон қышқылының көмегімен ретейді.
Сипаттамасы
Қоңыр түсті мөлдір сұйықтық.
Фармакотерапиялық тобы
Қышқылдылықтың бұзылуына байланысты ауруларды емдеуге арналған басқадай препараттар.
АТЖ кодыA02X
Фармакологиялық қасиеттері
Фармакокинетикасы
Аталған белсенді ингидриенттердің нақты белгіленген қоспасының фармкокинетикалық қасиеттері туралы деректер жоқ. Тек жекелеген заттарға қатысты деректерді ғана табуға болады.
Дегенмен препаратты ішу арқылы қабылдағаннан кейін байқалатын жүйелік фармакологиялық әсерлері бойынша оның асқазан-ішек жолдары арқылы сіңетінін пайымдауға болады.
Жекелеген негізгі ингредиенттерін фармакокинетикалық тұрғыда зерттеу қызылмия тамырынан алынған белсенді заттардың 80% жуығы бауыр арқылы шығарылатынын көрсетті.
Аюбалдырған тамырынан алынған кумариндер мен фуранокумариндер асқазан-ішек жолында оңай сіңеді.
Дәріхана түймедақ гүлінің құрамындағы альфа-бисаболол ішу арқылы қабылдаған кезде де, теріге жаққан кезде де тіндерге сіңеді. Ол негізінен несеппен шығарылады және тек болымсыз мөлшерде ғана – тыныс арқылы жұтатын және шығатын ауамен шығады.
Тесік жолжелкен шөбіне қатысты айтқанда гиперецин мен жалған гиперцицнге арналған мынадай фармакологиялық деректер бар: сіңудің жылдам фазасынан кейін осы дәрілік затттардың қандағы тепе-тең қанығу деңгейіне 4 күн өткенде қол жетеді. Гиперецинніңклинкалық мәнді жинақталуы байқалмаған.
Фармакодинамикасы
Гастритол Др. Кляйннің құрамында асқазан-ішек жолында жергілікті әсер туғызатын және асқазанның секреторлық және қозғалыстық қызметіне орталықтық әсер ететін бірқатар белсенді заттар бар. Қазтабан асқазан-ішек жолының бқлшық етіне түйілуді басатын әсер етеді. Қызылмия тамырының құрамындаглицирризин қышқылы бар, ол қабынуға қарсы қуатты әсерге ие және грануляциялық тіннің түзілуін көтермелейді, сондай-ақ асқазан-ішек жолының тонусы мен моторикасын (түйілуді басатын әсерін) төмендетеді. Дәріханалық түймедақ қабынуына қарсы, аллергияға қарсы және қайта генерациялаушы әсер етеді. Хамазулен шырышты қабыққа жылдам және терең өтеді. Гипофизарлы-бүйрек үсті жүйесінің көтермеленуі кортикотропин мен кортизон босап шығуының күшеюін туғызады. Сонымен бірге бета-фарнезен мен альфа-бисаболол да қабынуға қарсы және аллергияға қарсы әсерге ие. Кардобенедиктің құрамында ащы гликозд кницин бар, ол аюбалдырған құрамында болатын ащы заттар сияқты абдоминальді қан айналымын жақсартады, сөйтіп асқазанның ойық жаралары мен басқадай зақымдануларының жазылуын жеделдетеді. Жусанның ащы заты асқазанның тонусын каскадты түрде арттырады және гастрокардиальді белгілерді жақсартады. Асқазан мен он екі елі ішектің ойық жара ауруы психосоматикалық ауру болып табылады. Тесік жолжелкен ойық жара пайда болуының едәуір маңызды факторы – психовегетативтік бұзылуға әсер етеді. Тесік жолжелкен парасимпатолитикалық дәрі ретінде әсер етеді және асқазан сөлінің секрекциясын азайтады. Оның тиімділігі аторпинге қарағанда аздау, бірақ жағымсыз әсерлері жоқ. Гастритол Др. Кляйн асқазан-ішек жолындағы жоғары қышқылдықты төмендетеді, ішектің моторикасын жақсартады, ферментативтік белсенділікті қалпына келтіреді, қабынуға қарсы, түйілуді басатын және өт айдағыш әсерге ие.
Қолдандылуы
- асқазанның дисфориясымен, асқазан-ішек жолының түйілуімен, тамақтан кейін асқазанға батуды және оның толып кетуін сезінумен, метеоризммен байқалатын гастритте
- асқазан мен он екі елі ішектің ойық жара ауруында
- өт шығару жолдарының дискинезиясында
Қолдану тәсілдері және дозасы
Гастритол Др. Кляйнді ересектер мен 12 жастан асқан балалар аздаған мөлшердегі сұйықтықта сұйылтылған 20-30 тамшыдан күніне 3 рет тамақтан кейін қабылдаулары керек. Ауыр және жедел жай-күйлерде әр жарты сағат сайын 15-25 тамшыдан қабылдау қажет. 20 тамшысы ерітіндінің 0,8 мл-не сәйкес келеді. Емдеу курсы 3-4 апта. Қажет болғанда емдеу курсын 2 айдан кейін қайталауға болады.
Жағымсыз әсерлері
Өте сирек
- терсінің жарыққа сезімталдығы өте жоғары емделушілерде күнге күю түріндегі тері реакциялары пайда болуы ықтимал, ол күн сәуелісінің қарқынды түсуіне қарай өршиді
Қолдануға болмайтын жағдайлар
- препараттың құрамдас бөліктеріне деген жоғары сезімталдықта
Дәрілермен өзара әрекеттестігі
Препараттың құрамына жолжелген сығындысы енген, ол сирек жағдайларда басқа дәрілік прерпараттардың (кумариндік қатардағы антикоагулянттардың, циклоспориннің, ішілетін контрацептивтердің, дигоксиннің) тиімділігін төмендетеді. Осыларды бір мезгілде қабылдау қажет болғанда дәрігермен кеңесу қажет.
Айрықша нұсқаулар
Препараттың құрамында спирттің 40% көлемдік үлесі бар. Әрбір дозамен (20-30 тамшымен) бірге 0,4 г спирт қабылданады, бұл бауыр аурулары, церебральді аурулары бар, алколизммен, қояншықпен ауратындардың, жүкті және бала емізетін әйелдер мен балалардың денсаулығына қауіп туғызуы мүмкін.
Жүктілік пен лактация кезеңі
Препаратты осы кезеңде қолдану қауіпсіздігін растайтын нақты клиникалық деректердің болмауына байланысты Гастритол Др. Кляйн препаратын жүктілік кезінде және лактация кезеңінде қолдануға болмайды.
Педиатрияда қолдану
Балаларда қолданудың жеткілікті тәжірибесі болмағандықтан Гастритол Др. Кляйн препаратын 12 жасқа дейінгі балаларға қолданбау керек.
Дәрілік заттың көлік құралын немесе қауіпті деп саналатын механизмдерді басқару қабілетіне әсер ету ерекшеліктері
Препарат көлік құралдарын немесе басқа қауіпті деп саналатын механизмдерді басқару қабілетіне әсер етпейді.
Артық дозаланғанда
Анықталмаған.
Артық дозаланған жағдайда - белгісіне қарай ем қолданылады.
Шығарылу түрі мен қаптамасы
Бұрандалы пластмасса қақпақшасы бар қара шыныдан жасалған тамызғыш-құтыда 20 және 50 мл-ден.
1 құты мемлекеттік және және орыс тілдеріндегі медицинада қолданылуы жөніндегі нұсқаулықпен бірге картон қорапта.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Назар аударыңыз!
Сақтау барысында құрамында өсімдік сығындыларының болуына байланысты ерітіндінің лайсаңдануы немесе шөгінді түсуі мүмкін, бұл препараттың емдік қасиетіне әсер етпейді.
Сақтау мерзімі
3 жыл
Құтыны бірінші ашқаннан кейінгі сақтау мерзімі - 3 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Доктор Густав Кляйн ГмбХ & Ко. КГ.
Целль на Хаммерсбах, Штайненфельд 3, 77736, Германия
