Сипаттама
Дәрілік затты медициналық қолдану
жөніндегі нұсқаулық
ЭРИТРОМИЦИН
Саудалық атауы
Эритромицин
Халықаралық патенттелмеген атауы
Эритромицин
Дәрілік түрі
Көзге арналған 10000 ӘБ 1 г жақпамай
Құрамы
100 г жақпамай құрамында:
белсенді зат - 1.00 г эритромицин 100 % затқа шаққанда,
қосымша заттар: сусыз ланолин, натрий метабисульфиті, вазелин.
Сипаттамасы
Сарғыштан қоңыр-сары түске дейінгі жақпамай.
Фармакотерапиялық тобы
Көз ауруларын емдеуге арналған препараттар. Микробқа қарсы препараттар. Антибиотиктер. Эритромицин.
АТХ коды S01AA17
Фармакологиялық қасиеттері
Фармакокинетикасы
Мөлдір қабыққа және көздің сулы ылғалына сіңіріледі. Жергілікті қолданғанда көз тіндеріндегі эритромициннің емдік концентрациясына жетеді, жүйелі абсорбциясы төмен. Мөлдір қабық эпителийі зақымданғанда алдыңғы камераның ылғалында эритромицин емдік концентрациясына аппликациядан кейін 30 мин соң жетеді.
Фармакодинамикасы
Макролидтер тобының бактериостатикалық антибиотигі. Жергілікті қолданғанда бактерияға қарсы әсер көрсетеді. Рибосомалардың 50S субъбірлігімен қайтымды байланысады, бұл амин қышқылдарының молекулалары арасындағы пептидтік байланыстардың түзілуін бұзады және микроорганизмдердің ақуыз синтезін бөгейді (нуклеин қышқылдарының синтезіне ықпал етпейді). Қоздырғыш түріне байланысты жоғарғы дозаларда қолданғанда бактерицидті әсер байқалуы мүмкін. Мөлдір қабық конъюнктивасының беткейлік көз инфекцияларын туындататын сезімтал микроорганизмдерге қатысты, оның ішінде Neisseria gonorrhoeae, Chlamydia trachomatis қатысты тиімді.
Қолданылуы
- бактериялық блефарит
- бактериялық конъюнктивит
- трахома
- бактериялық кератит
Қолдану тәсілі және дозалары
Жергілікті. Ұзындығы 0,5-1 см жақпамай жолағын күніне 3 рет астыңғы қабыққа, ал трахоманы емдеу кезінде күіне 4-5 рет жағады. Емнің ұзақтығы аурудың түріне және ауырлығына байланысты, бірақ 14 күннен аспауы тиіс. Трахома кезінде фолликулдарды жарумен үйлестіру керек. Қабыну үдерісі бәсеңдегенде препаратты күніне 2-3 рет қолданады. Трахоманы емдеу курсының ұзақтығы 3 айдан аспауы тиіс.
Жағымсыз әсерлері
Аллергиялық реакциялардың және тітіркенуші әсер (қызару, қышыну) дамуы мүмкін. Ұзақ қолданғанда эритромицинге төзімді микроорганизмдер туындатқан салдарлы инфекция, гиперемия, көз шырышты қабығының тітіркенуі, көру түйсігінің нашарлауы дамуы мүмкін.
Қолдануға болмайтын жағдайлар
- препарат компоненттеріне аса жоғары сезімталдық
- бауыр және бүйрек функциясының ауыр бұзылыстары
- анамнездегі сарғаюы.
Дәрілермен өзара әрекеттесуі
Линкомицинмен, клиндамицинмен және хлорамфениколмен (антагонизм) үйлеспейді.
Бета-лактамдық антибиотиктердің (пенициллиндер, цефалоспориндер, карбопенемдер) бактерицидті әсерін төмендетеді.
Аминогликозидтермен фармацевтикалық тұрғыдан үйлеспейді. Кортикостероидтармен пайдаланғанда олардың әсерінің ұлғаюына әкеледі.
Эритромициннің сыртқа қолдануға арналған дәрілік түрлерін терінің шамадан тыс тітіркенуіне әкелетін абразивті заттармен, сондай-ақ терінің қабыршықтануын туындататын заттармен бір уақытта қолданғанда жинақталған тітіркендіргіш немесе құрғататын әсер болуы мүмкін.
Айрықша нұсқаулар
Сақтықпен: егде жас, бүйрек және бауыр функциясының бұзылуы.
Балалар
Нәрестелер офтальмиясының профилактикасында эритромицин көз жақпамайын көзден шайып тастау керек емес.
Аналарында клиникалық тұрғыдан айқын гонорея бар балаларда эритромицинді офтальмологиялық дәрі ретінде парентеральді қолдануға арналған G пенициллиннің сулы ерітіндісімен бір уақытта пайдаланады.
Сықпаны ашқаннан кейін 6 апта бойы пайдаланады.
Жүктілік, лактация кезеңі
Препаратты жүктілік және бала емізу кезінде қолдану бойынша жеткілікті тәжірибе жоқ. Егер күтілетін емдік әсер ықтимал жағымсыз әсерлердің қаупінен басым болса емдеуші дәрігердің тағайындауымен жүкті әйелдерді емдеу үшін Эритромицин қолдануға болады. Лактация кезеңінде қолдану қажет жағдайда емшек емізуді тоқтату туралы мәселені шешіп алу керек.
Бактерияға қарсы дәрілерді қолдану зеңдерді қоса, эритромицинге төзімді организмдердің пайда болуымен қатар жүруі мүмкін; эритромицинге төзімді организмдер пайда болғанда бактерияға қарсы дәріні қолдану тоқтатылуы және тиісті шаралар қолданылуы тиіс.
Сықпа ұштығын көз шырышымен, саусақпен немесе басқа нәрселермен зақымдап алудан аулақ болыңыз.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ықпал етпейді.
Артық дозалануы
Препаратпен артық дозалану бойынша деректер жоқ.
Шығарылу түрі және қаптамасы
Көзге арналған жақпамай. 10 г алюминий сықпаларда. Сықпаны медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.
Сақтау шарттары
Жарықтан қорғалған жерде 15 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Қаптаманы алғаш ашқаннан кейін 6 аптадан асырмай сақтау керек.
Жарамдылық мерзімі өткеннен кейін қолдануға болмайды.
Босатылу шарттары
Рецепт арқылы
Өндіруші ұйым
"Татхимфармпрепараты" АҚ
Ресей, 420091, Қазан қ., Беломорская көш., 260
Тел.: (843) 571-85-58; факс: (843) 571-85-38
Е-mai1: marketing@tatpharm.ru
Тіркеу куәлігі ұстаушысының атауы мен елі
"Татхимфармпрепараты" АҚ, Ресей
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«МегаФармПлюс» ЖШС
Қазақстан Республикасы, ОҚО, 160019, Шымкент қ., Абай ауданы, Қызыл жар ықшам ауданы, Қарасу к-сі, № 30
Тел.: 8 (7252) 45-31-23; факс: 8 (7252) 45-31-56
Е-mail: megafarmplus@yandex.kz
