Дикло-Ф 0,1% 5 мл капли глазные

Сипаттама

Дәрілік затты медициналық қолдану жөніндегі нұсқаулық

Дикло-Ф

Саудалық атауы

Дикло-Ф

Халықаралық патенттелмеген атауы

Диклофенак

Дәрілік түрі

Көзге тамызатын дәрі 0,1 %

Құрамы

1 мл препараттың құрамында

белсенді зат - натрий диклофенагы 1,0 мг,

қосымша заттар: бензалконий хлориді, динатрий эдетаты, бор қышқылы, трометамин, полиоксил 35 майсана майы, повидон (PVP K 30), натрий гидроксиді, хлорсутек қышқылы, инъекцияға арналған су.

Сипаттамасы

Түссізден ашық-сары түске дейінгі мөлдір ерітінді

Фармакотерапиялық тобы

Сезім мүшелері. Офтальмологиялық препараттар. Қабынуға қарсы препараттар.

Қабынуға қарсы стероидты емес препараттар. Диклофенак.

АТХ коды S01BC03

Фармакологиялық қасиеттері

Фармакокинетикасы

Диклофенактың ең жоғарғы концентрациялары көзге тамызғаннан кейін 30 минуттан соң мөлдір қабықта және конъюнктивада болатыны анықталған. Препараттың шығарылуы жылдам және 6 сағаттан соң толық дерлік жүреді.

Инстилляциядан кейін диклофенак 15 минуттан соң алдыңғы камераның ылғалында анықталады және 10 минуттан соң ең жоғарғы концентрацияға жетеді.

Жергілікті қолданғанда диклофенак аздаған мөлшерлерде жүйелі қан ағысына реабсорбцияланады.

Фармакодинамикасы

Дикло-Ф құрамында натрий диклофенагы, қабынуға қарсы және ауыруды басатын айқын қасиеттері бар стероидты емес қосылыс.

Тәжірибе түрінде көрсетілген простагландиндер биосинтезінің тежелуі оның әсер ету механизміне әсер ететін маңызды фактор болып табылады.

Натрий диклофенагы катарактаны алып тастау операциясы кезінде миозды тежейді, хирургиялық араласымдардың кейбір түрлерінен кейін мөлдір қабық эпителийінің зақымдануынан туындаған көздің ауыруын және жайсыздығын азайтады..

Қолданылуы

• катарактаны алып тастауға қатысты операция кезінде операция алдындағы миозды тежеуде;
• катарактаны алып тастағаннан соң операциядан кейінгі қабыну үдерісінің профилактикасында;
• ФРК эксимер операциясы немесе кездейсоқ өтпейтін жарақаттан кейінгі мөлдір қабық эпителийі ақауларымен байланысты көздің ауыруы және жайсыздығы профилактикасында;
• маусымдық аллергиялық конъюнктивиттің көздегі белгілері мен симптомдарын жеңілдетуде;
• радиальді кератотомиядан кейінгі көздегі ауыру мен жайсыздықты емдеуде.
• диклофенакқа немесе препараттың басқа да қосымша ингредиенттеріне аса жоғары сезімталдық
• анамнезде ацетилсалицил қышқылын немесе басқа қабынуға қарсы стероидты емес дәрілерін (ҚҚСД) қабылдауға аллергиялық реакцияның болуы;
• 14 жасқа дейінгі балалар.

Қолдану тәсілі және дозалары

Операция алдындағы миозды тежеу

Операция алдында 2 сағат ішінде 1 тамшыдан 4 рет.

Операциядан кейінгі қабыну үдерісінің профилактикасы

Операциядан кейін 28 күн бойы 1 тамшыдан күніне 4 рет тағайындайды.

ФРК кейінгі көздің ауыруы және жайсыздығы профилактикасында

Операцияға дейінгі кезеңде 1 тамшыдан 2 рет, одан әрі операциядан кейін 5 минуттан соң бірден 1 тамшыдан 2 рет, содан соң операциядан кейінгі кезеңде 1 тамшыдан әрбір 2-5 сағат сайын 24 сағат бойы.

Кездейсоқ өтпейтін жарақаттан кейінгі мөлдір қабық эпителийі ақауларымен байланысты көздің ауыруын бақылау

1 тамшыдан күніне 4 рет 2 күн бойы.

Маусымдық аллергиялық конъюнктивиттің көздегі белгілері мен симптомдарын жеңілдету

1 тамшыдан күніне 4 рет қажеттілігіне қарай

Радиальді кератотомиядан кейінгі көздегі ауыру мен жайсыздықты емдеу

Операцияға дейін күніне 1 тамшы, бұдан әрі операциядан кейін бірден күніне 1 тамшы,содан соң 1 тамшыдан күніне 4 рет 2 күн бойы.

Балаларда қолданылуы

Балаларға зерттеулер жүргізілмеген.

Жағымсыз әсерлер

Түрлі жағымсыз реакциялардың кездесу жиілігін бағалау кезінде келесі градациялар пайдаланылған: «жиі» -> 10%,«кейде» - >1-10%, «сирек» - > 0,001- 1%, жекелеген жағдайларда - <0,001%.

Жиі

- көздің өтпелі орташа шымылдату сезімі

Сирек

• қышыну
• көз гиперемиясы
• көз тамшыларын тамызғаннан кейін бірден көрудің бұлыңғырлануы
• нүктелік кератит және жиі қолданғаннан кейін нұрлы қабық эпителийінің зақымдануы
• мөлдір қабықтың ойықжарасы немесе оның жұқаруы немесе іруі (мөлдір қабық ауруының даму қаупі факторлары бар пациенттерде, мысалы,кортикостероидтар пайдалану немесе қатарлас аурулары бар пациенттерде: инфекция немесе ревматоидты артрит). Пациенттердің көбі бұл ретте препаратты ұзақ уақыт бойы қабылдаған
• бас айналуы
• тері реакциялары

- ентігу

- демікпенің асқынуы

- ирит

Қолдануға болмайтын жағдайлар

-жүктілік және лактация кезеңі

Дәрілермен өзара әрекеттесуі

Бұрын болған мөлдір қабықтың қабынуы бар пациенттерде диклофенак көзге тамызатын дәрілері мен жергілікті кортикостероидтарды бір мезгілде қабылдау мөлдір қабық тарапынан асқынулардың даму қаупін арттыруы мүмкін, сондықтан сақ болу керек.

Әртүрлі дәрілік заттарды қолдану арасындағы аралық бес минуттан кем болмауы тиіс.

Айрықша нұсқаулар

Офтальмологиялық ҚҚСД қабынуға қарсы әсері көз инфекцияларының басталуын және/немесе өршуін бүркемелеуі мүмкін. Инфекция болса Дикло-Ф тағайындау ұсынылмайды.

Қан ұюының белгілі бұзылыстары бар пациенттерде диклофенакты қолданғанда аурудың өршуі байқалуы мүмкін.

Көзге тамызатын дәрі инъекцияға арналмаған. Оларды субконъюнктивальді түрде енгізуге болмайды.

Дикло-Ф құрамында консервант ретінде бензалконий хлориді бар. Сондықтан препаратты жұмсақ жанаспалы линзаларды тағу кезінде тағайындамау керек. Жанаспалы линзалар пайдаланатын пациенттер препаратты тамызғаннан кейін жанаспалы линзаларды алып тастауы және оны қайтадан 15 минуттан соң бір-ақ тағуы тиіс. Бензалконий хлориді жұмсақ жанаспалы линзаны түссіздендіреді.

Құты бастапқы қаптамасын ашқанға дейін стерильді болып қалады. Пипетка ұшын көзге тигізуге болмайды. Әрбір пайдаланудан кейін жауып қою қажет.

Бірнеше препаратты тамызу қажет жағдайда түрлі дәрілердің инстилляциялары арасындағы аралық кемінде 5 минутты құрауы тиіс.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көздің бұлыңғырлануын сезінетін пациенттерге машина жүргізу немесе күрделі техникамен, станоктармен немесе басқа құралмен жұмыс істеу ұсынылмайды.

Артық дозалануы

Симптомдары: Дикло-Ф артық дозалау жағдайлары туралы хабарланбады.

Емі: симптоматикалық.

Шығарылу түрі және қаптамасы

Көзге тамызатын дәрі 0,1 %.

5 мл препараттан бұрандалы қақпағы бар пластик тамшылатқыш-құтыға салынады. Әрбір құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейінгі қолданылу кезеңі 4 апта.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

СЕНТИССФАРМА Пвт. Лтд., 212/Д-1, Грин Парк, Нью Дели, Үндістан

Зауытта: ВиллиджКхера Нихла, Техсил Налагарх, Солан ауданы, Химачал Прадеш 174 101, Үндістан

Тіркеу куәлігінің ұстаушысы

СЕНТИСС ФАРМА Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта:

Қазақстан Республикасы, 050000,

Алматы қ., Бөгенбай батыр к-сі 132, 309 кеңсе.

Тел./факс: +7 (7272) 96-45-99,

Email: sentiss_kz@sentisspharma.com

Дәріханалар