Ацикловир- Акос 5% 5 г мазь

Сипаттама

Дәрілік затты медициналық қолдану жөніндегі нұсқаулық

АЦИКЛОВИР

Саудалық атауы

АЦИКЛОВИР

Халықаралық патенттелмеген атауы

Ацикловир

Дәрілік түрі

Жақпамай 5 %

Бір сықпаның ішінде, граммен

белсенді зат: 0.250 г ацикловир,

қосымша заттар: тауық майы (құс майының липидті компоненті, ЛИПОКОМП-С), эмульгатор № 1 - 0.004 г, макрогол 400(полиэтиленоксид-400, полиэтиленгликоль-400), пропиленгликоль – 0.500 г, метилпарагидроксибензоат (нипагин, метилпарабен) - 0.004 г, пропилпарагидроксибензоат (нипазол, пропилпарабен) - 0.001 г, тазартылған су - 5.000 г дейін.

Сипаттамасы

Ақ немесе сарғыш реңді ақ түске дейін жақпамай.

Фармакотерапиялық тобы

Тері ауруларын емдеуге арналған бактерияға қарсы препараттар және микробқа қарсы препараттар. Жергілікті қолдануға арналған микробқа қарсы препараттар. Вирусқа қарсы препараттар. Ацикловир.

АТХ коды D06BB03

Фармакологиялық қасиеттері

Фармакокинетикасы

Зақымданбаған теріге жақпамайды қолданған кезде: сіңірілуі өте аз; қанда және несепте анықталмайды. Зақымданған тері: сіңірілуі орташа; бүйрек функциясы қалыпты науқастарда қан сарысуындағы концентрациясы 0,28 мкг/мл дейін, созылмалы бүйрек жеткіліксіздігі бар науқастарда 0,78 мкг/мл дейін құрайды. Бүйрек арқылы шығарылады (тәуліктік дозаның 9,4% дейін).

Фармакодинамикасы

Сыртқа қолдануға арналған вирусқа қарсы (герпеске қарсы) дәрі – ДНҚ табиғи компоненті болып табылатын тимидин нуклеозидінің синтетикалық аналогы. Құрамында вирустық тимидинкиназасы бар инфекция жұққан жасушаларда фосфорлану және ацикловир монофосфатқа ауысу жүреді. Гуанилатциклаза әсерінен ацикловир монофосфат дифосфатқа және бірнеше жасушалық ферменттердің әсерінен трифосфатқа айналады. Әсер етудің жоғары таңдамалылығы және адам үшін төмен уыттылығы макроорганизмнің зақымданбаған жасушаларында ацикловир трифосфаттың қалыптасуы үшін қажетті ферменттің жоқ болуымен шартталған.

Ацикловир трифосфат ДНҚ вирусының синтезін (репликациясына) үш механизммен тежейді:

1) ДНҚ синтезіндегі деоксигуанозин трифосфатының орнын бәсекелес алмастырады;

2) синтезделетін ДНҚ тізбегіне «кірігеді» және оның ұзаруын тоқтатады;

3) вирустардың ДНҚ-полимеразасы ферментін бәсеңдетеді.

Нәтижесінде организмде вирустың көбеюін бұзады.

Әсердің ерекшелігі және жоғары іріктелгіштігі герпес вирустарымен зақымданған жасушаларында оның көп жиналуымен шартталған. Herpes simplex 1 және 2 типті вирустарға; желшешек және белдемелі теміреткі (Varicella zoster) вирусын, Эпштейн-Барр вирусын (вирус түрлері ацикловирдің ең төмен бәсеңдететін концентрациясының арту шамасы тәртібінде көрсетілген) тудыратын вирустарға қатысты белсенділігі жоғары. Цитомегаловирусқа қатысты белсенділігі орташа. Герпес кезінде бөртпенің жаңа элементтерінің пайда болуының алдын алады, тері диссеминациясы және висцеральді асқынулардың мүмкіндігін төмендетеді, қабыршықтың пайда болуын жылдамдатады, белдемелі герпестің жедел сатысында ауыруды төмендетеді. Иммунитетті стимуляциялаушы әсер етеді.

Қолданылуы

- терінің қарапайым герпесі

- генитальді герпес (бастапқы және қайталанатын)

- оқшауланған белдемелі герпес (қосалқы ем)

- желшешек

Қолдану тәсілі және дозалары

Сыртқа.

Жақпамайды зақымдалған бөліктерге тәулігіне 5-6 рет (инфекция басталғаннан кейін мүмкіндігінше ерте) уақыттың бірдей аралығы арқылы жағады.

Қайталанатын инфекцияны емдеуді алғашқы кезеңде немесе инфекцияның ең басында бастау маңызды.

Емді бөртпе бетінде қабыршық пайда болғанша, немесе олар толығымен жазылғанша жалғастыру қажет.

Емдеу ұзақтығы – 5 күннен кем емес, ең көбі 10 күн.

Жағымсыз әсерлері

Сирек

- ауыруы

- жағу орнындағы күйдіріп-ашыту

- вульвит

аллергиялық реакциялар: кейде – қышыну, сирек – тері бөртпесі

Қолдануға болмайтын жағдайлар

- ацикловирге немесе валацикловирге немесе препараттың қандай да бір басқа компонентіне аса жоғары сезімталдық

Дәрілермен өзара әрекеттесуі

Иммунитет стимуляторларымен бірге қолдану ацикловирдің әсерін күшейтеді.

Айрықша нұсқаулар

Сақтықпен: Ацикловир жақпамайы ерін герпесінің қайталануының профилактикасы үшін тиімді. Емдеу тиімділігі ол неғұрлым ерте басталса (инфекцияның алғашқы белгілерінде), соғұрлым жоғары болады.

Шырышты қабықтарға (әсіресе ауыз бен мұрынның), сондай-ақ көзге тигізуден аулақ болған жөн. Офтальмологияда қолдану үшін ацикловирдің басқа дәрілік түрі бар.

Препаратты жаққаннан кейін бірден жуынуға және шомылуға болмайды.

Ацикловирдің емдік әсерін жүзеге асыру үшін организмнің иммундық жүйесінің ахуалының маңызы зор. Иммунитеті төмен пациенттерге (АИТВ/ЖИТС кезінде немесе жұлын сұйықтығының трансплантациясынан кейін) ацикловир жақпамайын жергілікті қолдану аясында, герпестік инфекцияның ауыр және қайталанатын барысы жағдайындағыдай препаратты жүйелік енгізуді тағайындаған жөн.

1,25 см жақпамай жолағын зақымданған терінің 25 шаршы см жаққан жөн.

Терінің басқа бөліктеріне аутоинокуляцияның алдын алу үшін саусақ қап немесе резеңке қолғаптарды пайдалану қажет.

Ацикловир герпестің жыныс жолымен берілуін бөгемейтіндіктен, клиникалық белгілер болмаса да емдеу кезеңінде жыныстық қатынастан тартынған дұрыс.

Жүктілік және лактация

Препаратты жүктілік кезінде ана үшін ықтимал пайдасы шаранаға төнетін зор қауіптен жоғары болса ғана қолданылуы мүмкін. Ананың жүйелік қан ағымына түскен кезде ацикловир емшек сүтіне өтеді, дегенмен де жақпамайды қолданған кезде сәби алатын препарат мөлшері тым мардымсыз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сипатталмаған.

Дәрігердің тағайындауы бойынша қолдану керек.

Артық дозалануы

Қазіргі уақытта сыртқа қолдануға арналған Ацикловир жақпамайы препаратымен артық дозалану жағдайлары туралы хабарланбаған.

Шығарылу түрі және қаптамасы

5 % жақпамай. 5 г-ден алюминий сықпада. Әр сықпаны медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

8 °С-ден 15 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/ Қаптаушы

«Синтез» ААҚ

640008, Ресей Федерациясы, Қорған обл., Қорған қ., Конституция даңғылы, 7

тел./факс (3522) 48-16-89

E-mail: real@kurgansintez.ru

http://www.kurgansintez.ru

Тіркеу куәлігінің ұстаушысы

«Синтез» ААҚ, Ресей Федерациясы

Қазақстан Республикасы аумағында тұтынушылардан өнімнің сапасына қатысты шағымдарды (ұсыныстарды) қабылдайтын және Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Deсalog» ЖШС, 050050, Қазақстан Республикасы,

Алматы қ., Глазунов к-сі, 41 А-4

тел. 2944221, тел. 8 7017315218

E-mail: deсalog@nur.kz

Дәріханалар

Қалалар