Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Аспирин Кардио 100 мг № 28 табл покр кишечнораст оболочкой

996
Қолжетімділігі
Сатылымда бар
Үлгі
4870004521940
Елі
Германия
Өндіруші
Bayer AG
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Аспирин кардио

Саудалық атауы

Аспирин кардио

Халықаралық патенттелмеген атауы

Ацетилсалицил қышқылы

Дәрілік түрі

Ішекте еритін қабықпен қапталған 100 мг және 300 мг таблеткалар

Құрамы

Бір таблетканың құрамында

белсенді зат - 100 мг немесе 300 мг ацетилсалицил қышқылы,

қосымша заттар: целлюлоза ұнтағы, жүгері крахмалы, эудрагит L30D, полисорбат 80, натрий лаурилсульфаты, тальк, триэтилцитрат.

Сипаттамасы

Дөңгелек, екі жақ беті дөңес, сәл кедір-бұдырлы, шетіне қарай кертілген ақ түсті таблеткалар, бөлінген жерінде – ақ түсті бір текті масса, сондай түсті қабықпен қоршалған

Фармакотерапиялық тобы

Қан және қан түзу ағзалары. Тромбозға қарсы препараттар. Тромбоциттер агрегациясының тежегіштері, гепаринді қоспағанда. Ацетилсалицил қышқылы

АТХ коды B01AC06

Фармакологиялық қасиеттері

Фармакокинетикасы

Аспирин кардио® таблеткаларының ішекте еритін қабығының қышқыл әсеріне төзімділігінің арқасында, белсенді субстанцияның шығуы асқазанда емес, ішектің сілтілік ортасында жүреді. Осының есебінен ацетилсалицил қышқылының сіңуі, ішекте еритін қабықпен қапталмаған таблеткалармен салыстырғанда, 3-6 сағатқа кейінге қалдырылады.

Сіңгенге дейін, сіңу кезінде және сіңгеннен кейін ацетилсалицил қышқылы негізгі метаболит – салицил қышқылына айналады. Метаболиттер, негізінен, бүйрек арқылы шығарылады.

Салицил қышқылына қоса, ацетилсалицил қышқылының негізгі метаболиттері глициннің және салицил қышқылының коньюгаты (салицилнесеп қышқылы), салицил қышқылының қарапайым және күрделі глюкуронидтік эфирлері (салицилфенилглюкуронид және салицилацетилглюкуронид) және гентизин қышқылы – салицил қышқылының және оның глициндік конъюгатының тотығу туындысы болып табылады. Ацетилсалицил қышқылының резидуальді ацетильді бөлігі асқазан-ішек жолының шырышты қабықтары арқылы өткен кезде ішінара гидролизге ұшырайды.

Дәрілік түріне байланысты, ішке қабылдағаннан кейін ацетилсалицил қышқылы (АСҚ) тез әрі толық сіңеді. Ацетилсалицил қышқылы ең жоғарғы плазмалық концентрацияларына 10-20 минуттан кейін, салицил қышқылы –0.3-2 сағаттан кейін жетеді.

Салицил қышқылының шығарылуы көп дәрежеде дозаға байланысты, өйткені оның метаболизмі шектеулі (жартылай шығарылу кезеңі 2-ден 30 сағатқа дейін ауытқиды).

Ацетилсалицил қышқылының жартылай шығарылу кезеңі бірнеше минутты ғана құрайды; салицил қышқылының жартылай шығарылу кезеңі – ацетилсалицил қышқылын 0,5 г және 1 г дозада қабылдаудан кейін, тиісінше 2 сағ және 4 сағ; 5 г бір рет қабылдаудан кейін жартылай шығарылу кезеңі 20 сағатқа дейін ұзарады. Адам плазмасының ақуыздарымен байланысуы концентрациясына байланысты және 49%-дан 70%-дан астамға дейін (ацетилсалицил қышқылы) және 66%-дан 98%-ға дейін (салицил қышқылы) ауытқиды. Ацетилсалицил қышқылын қабылдағаннан кейін салицил қышқылы цереброспинальді сұйықтықта анықталады. Салицил қышқылы плаценталық бөгет арқылы және емшек сүтіне өтеді.

Фармакодинамикасы

Ацетилсалицил қышқылы тромбоциттер агрегациясын қайтымсыз басады; бұл антитромбоцитарлық әсеріне тромбоциттердегі тромбоксан А2 (тромбоциттер агрегациясын күшейтетін және тамырдың түйілуін тудыратын простагландин) түзілуін қайтымсыз тежейтін циклооксигеназаны ацетилдеу арқылы жетеді. Әсері ұзаққа созылады және әдетте тромбоциттің бүкіл сегіз күндік тіршілігі бойы жалғасады.

Ацетилсалицил қышқылы тамырлардың эндотелийлік жасушаларындағы простациклиннің (ол да тромбоциттер агрегациясын күшейтетін, бірақ тамырларды кеңейтетін простагландин) түзілуін де тежейтіні таңғаларлық. Бұл әсері транзиторлық сипатқа ие: ацетилсалицил қышқылы қаннан шайылып кете салысымен, құрамында ядро бар эндотелийлік жасушалар простациклин өндіруді қайта жаңғртады. Соның салдары ретінде, ацетилсалицил қышқылының тәулігіне 1 рет төмен дозасын (<300 мг/тәулік) қабылдау простациклин қалыптасуының елеулі бұзылуынсыз тромбоциттердегі тромбоксан А2 тежелуіне әкеліп соғады.

Ацетилсалицил қышқылы қышқыл түзуші қабынуға қарсы стероидты емес препараттар тобына жатады, және ауыруды басатын, ыстықты түсіретін және қабынуға қарсы әсер иеленген. Ацетилсалицил қышқылының әсер ету механизмі простагландиндер синтезіне қатысатын циклооксигеназа ферменттерін қайтымсыз тежеуге негізделген.

Ацетилсалицил қышқылы жеңілден орташаға дейінгі ауыруды, жоғары температура мен жедел және созылмалы қабыну ауруларын (мысалы, ревматоидты артрит) емдеу үшін жоғарырақ дозаларда ішу арқылы қолданылады.

Қолданылуы

Аспирин кардио 100 мг:

- тұрақсыз стенокардия – стандартты ем аясында

- жедел миокард инфарктісі – стандартты ем аясында

- қайталанған миокард инфарктісінің профилактикасы

- операциядан немесе артерияларға басқа да араласулардан кейін (мысалы, аортакоронарлық шунттаудан, тері арқылы транслюминальді катетерлі ангиопластикадан кейін)

- ауруды алдын ала білдірушінің манифестациясынан кейін транзиторлық ишемиялық шабуылдың (ТИШ) және инсульттің профилактикасы

- Кавасаки синдромы:

- қызба кезеңіндегі қабынуды азайту үшін

- коронарлық тамырлардың аневризмаларында тромбоциттер агрегациясын профилактикалық тежеу үшін

Аспирин кардио 300 мг:

- қайталанған миокард инфарктісінің профилактикасы

Бір дозасының құрамындағы белсенді зат мөлшерін ескергенде, Аспирин кардио 100 мг және 300 мг ауыруды емдеуге арналмаған.

Қолдану тәсілі және дозалары

Дозалары

Тұрақсыз стенокардия

100 мг Аспирин кардио, ішекте еритін қабықпен қапталған 1 таблеткасын, тәулігіне 1 рет қабылдау ұсынылады (тәулігіне 100 мг ацетилсалицил қышқылына баламалы).

Жедел миокард инфарктісі

100 мг Аспирин кардио, ішекте еритін қабықпен қапталған 1 таблеткасын, тәулігіне 1 рет қабылдау ұсынылады (тәулігіне 100 мг ацетилсалицил қышқылына баламалы).

Қайталанған миокард инфарктісінің профилактикасы

100 мг Аспирин кардио, ішекте еритін қабықпен қапталған 3 таблеткасын, тәулігіне 1 рет қабылдау (тәулігіне 300 мг ацетилсалицил қышқылына баламалы) немесе 300 мг Аспирин кардио, ішекте еритін қабықпен қапталған 1 таблеткасын, тәулігіне 1 рет қабылдау ұсынылады (тәулігіне 300 мг ацетилсалицил қышқылына баламалы).

Операциядан немесе артерияларға басқа да араласулардан кейін (мысалы, аортакоронарлық шунттаудан, тері арқылы транслюминальді катетерлі ангиопластикадан кейін)

100 мг Аспирин кардио, ішекте еритін қабықпен қапталған 1 таблеткасын, тәулігіне 1 рет қабылдау ұсынылады (тәулігіне 100 мг ацетилсалицил қышқылына баламалы).

Емнің басталуына ең қолайлы уақыт, шамасы, аортакоронарлық шунттаудан кейін 24 сағаттан соң басталады.

Ауруды алдын ала білдірушінің манифестациясынан кейін транзиторлық ишемиялық шабуылдың (ТИШ) және инсульттің профилактикасы

100 мг Аспирин кардио, ішекте еритін қабықпен қапталған 1 таблеткасын, тәулігіне 1 рет қабылдау ұсынылады (тәулігіне 100 мг ацетилсалицил қышқылына баламалы).

Кавасаки синдромы

- Қызба кезеңіндегі қабынуды азайту үшін

Емдеуді иммуноглобулиндермен емдеу аясында тәулігіне 4 қабылдауға бөлінген, дене салмағының кг-ге ацетилсалицил қышқылының 80-100 мг дозасынан бастау керек.

Коронарлық тамырлардың аневризмаларында тромбоциттер агрегациясын профилактикалық тежеу үшін

Емдеуді кейінірек (аурудың 2-3 аптасында) Аспирин кардио таблеткаларын тәулігіне дене салмағының кг-ге 3-5 мг дозада қабылдаумен жалғастыру қажет.

Қолдану тәсілі

Ішке қабылдау үшін

Аспирин кардио, ішекте еритін қабықпен қапталған таблеткаларын, кем дегенде, тамақтан 30 минут бұрын, көп мөлшердегі сумен ішу арқылы қабылдаған дұрыс.

Белсенді заттың ішектегі сілтілі ортада босап шығуын қамтамасыз ету үшін, ішекте еритін қабықпен қапталған таблеткаларды ұсақтауға, бөлуге немесе шайнауға болмайды.

Жедел миокард инфарктісін емдеу үшін бірінші таблетканы тіспен бөлу немесе шайнау керек.

Аспирин кардио ұзақ уақыт қолдануға арналған. Емдеудің ұзақтығы туралы шешімді емдеуші дәрігер қабылдауы тиіс.

Жағымсыз әсерлері

Жиі (≥1/100 - <1/10 дейін)

- қыжыл, жүрек айну, құсу, іштің ауыруы және диарея сияқты асқазан-ішек жолы тарапынан бұзылулар

- асқазан-ішек жолынан аздаған қан жоғалту (микроқанкету)

Жиі емес (≥1/1 000 - <1/100 дейін)

- асқазан-ішек жолының ойық жаралары, перфорацияға әкеліп соғуы өте сирек

- асқазан-ішектен қан кетулер

Аспирин кардионы ұзақ уақыт қолдану асқазан-ішек жолынан жасырын қан жоғалту салдарынан темір тапшылығы анемиясына әкеліп соғуы мүмкін.

- асқазан-ішек жолының қабынуы

Пациентте қара түсті нәжіс (қарамай тәрізді) немесе қан құсу байқалса, асқазаннан күрделі қан кетудің белгісі болып табылады, бұл туралы дәрігерге дереу хабарлау керек.

- тері реакциялары (өте сирек жағдайларда экссудативті мультиформалы эритемаға дейін)

Сирек (≥1/10 000 - <1/1 000 дейін)

- тері, тыныс жолдары, асқазан-ішек жолы және жүрек-қантамыр жүйесі тарапынан аса жоғары сезімталдық реакциялары, әдетте бронх демікпесі бар пациенттерде. Симптомдар мыналарды қамтуы мүмкін: артериялық гипотензия, ентігу ұстамалары, ринит, мұрынның бітелуі, анафилаксиялық шок немесе ангионевроздық ісіну)

Сирек (≥1/10 000 - <1/1 000 дейін) – өте сирек (<1/10 000):

- ауыр қан кетулер, мысалы: миға қан құйылу, әсіресе бақыланбайтын артериялық гипертониясы бар және/немесе бір мезгілде антикоагулянттарды қабылдайтын пациенттерде), олар жекелеген жағдайларда өмірге қауіп төндіруі.

Өте сирек (<1/10 000):

- гипогликемия

- ацетилсалицил қышқылы төмен дозаларда несеп қышқылының экскрециясын төмендетеді. Бұл оған бейімділігі бар науқастарда подагра ұстамаларына әкеліп соғуы мүмкін.

- бауыр функциясы көрсеткіштері деңгейінің жоғарылауы

- бүйрек функциясының бұзылуы және жедел бүйрек жеткіліксіздігі

Жиілігі белгісіз (қолжетімді деректер негізінде жиілігін анықтау мүмкін емес):

- глюкоза-6-фосфат дегидрогеназа (Г6ФД) жеткіліксіздігінің ауыр түрлері бар пациенттердегі гемолиз және гемолиздік анемия

- қан кетулер, мысалы, мұрыннан, қызыл иектен, теріден немесе несеп-жыныс жолынан, қан кету уақытының ұзару мүмкіндігімен. Бұл әсер препаратты тоқтатқаннан кейін 4-8 күн бойы жалғасуы мүмкін

Бас ауыруы, бас айналуы, естудің бұзылуы, құлақтың шыңылдауы, сананың шатасуы препараттың артық дозалану белгілері болуы мүмкін («Артық дозалануы» бөлімін қараңыз).

Дәрілік препараттың тіркеуден кейінгі жағымсыз реакциялары туралы хабарлаудың маңызы зор. Бұл дәрілік заттың пайда/қауіп теңгеріміне үздіксіз мониторинг жүргізуге жағдай жасайды.

Күдік тудырған барлық жағымсыз реакциялар туралы Қазақстан Республикасы Денсаулық сақтау министрлігінің ДЗ, ММБ және МТ Сараптау Ұлттық Орталығының http://www.dari.kz эл. мекенжайы бойынша порталында орналасқан ұсынымдарына сәйкес хабарлау керек.

Қолдануға болмайтын жағдайлар

- ацетилсалицил қышқылына, басқа салицилаттарға немесе препараттың қосымша заттарының кез келгеніне жоғары сезімталдық

- анамнездегі салицилаттарды немесе әсері соған ұқсас заттарды қабылдаудан, әсіресе қабынуға қарсы стероидты емес препараттардан индукцияланған бронх демікпесі

- асқазан-ішек жолының ойық жаралы ауруының жедел кезеңі

- геморрагиялық диатез

- бауыр жеткіліксіздігі

- бүйрек жеткіліксіздігі

- талапқа сай емделмеген кездегі ауыр жүрек жеткіліксіздігі

- метотрексатпен аптасына 15 мг немесе одан көп дозада үйлестіріп қолдану

- 18 жасқа дейінгі балалар мен жасөспірімдер (қауіпсіздігі мен тиімділігі анықталмаған)

- жүктіліктің соңғы триместрінде 150 мг-ден жоғары тәуліктік дозада («Жүктілік және лактация» бөлімін қараңыз)

Дәрілермен өзара әрекеттесуі

Жағымсыз әсерлердің даму қаупінің жоғарылауына жағдай жасайтын әсерлердің күшеюі:

- антикоагулянттар / тромболитиктер: ацетилсалицил қышқылы тромболитикалық емнің алдында қолданған кезде қан кету қаупін арттыруы мүмкін. Осыған байланысты тромболитикалық ем жоспарланған пациенттерде сыртқы және ішкі қан кетулердің (мысалы, қанталаулар) белгілеріне назар аудару керек

- антитромбоцитарлық препараттар, мысалы, тиклопидин, клопидогрель: қан кету уақытының ұзаруы мүмкін

- басқа да қабынуға қарсы стероидты емес препараттар және ревматизмге қарсы жалпы дәрілер: асқазан-ішек жолының ойық жаралы зақымдануының немесе асқазан-ішектен қан кетудің қаупі жоғарылайды

- жүйелі глюкокортикостероидтар, Аддисон ауруының орын басу еміне арналған гидрокортизонды қоспағанда: асқазан-ішек жолы тарапынан жағымсыз әсерлер қаупі жоғарылайды

- алкоголь: асқазан-ішек ойық жараларының және қан кетулердің қаупі жоғарылайды

- дигоксин: қан плазмасындағы деңгейінің жоғарылауы

- диабетке қарсы дәрілер: қандағы глюкоза деңгейінің төмендеуі мүмкін

- метотрексат: шығарылуының және салицилаттардың плазма ақуыздарымен байланысудан ығыстыруының төмендеуі

- вальпрой қышқылы: салицилаттардың плазма ақуыздарымен байланысудан ығыстыруы

- серотонинді кері қармаудың іріктелген тежегіштері: әсер етуінің синергизмі салдарынан асқазан-ішектен қан кету қаупінің жоғарылауы

Әсерлердің әлсіреуі

- альдостерон антагонистері (спироналоктон және канреноат)

- ілмектік диуретиктер (мысалы, фуросемид)

- гипертензияға қарсы препараттар (әсіресе ангиотензин-өзгертуші ферменттің (АӨФ) тежегіштері)

- урикозуриялық препараттар (мысалы, пробенецид, бензбромарон)

- ҚҚСП: ибупрофен немесе напроксен сияқты кейбір ҚҚСП бір мезгілде (бір күн ішінде) қабылдау ацетилсалицил қышқылының қайтымсыз антитромбоцитарлық әсерін әлсіретуі мүмкін. Бұл өзара әрекеттесудің клиникалық маңызы белгісіз. Кардиоваскулярлық қаупі жоғары пациенттерді ибупрофен немесе напроксен сияқты кейбір ҚҚСП емдеу ацетилсалицил қышқылының кардиопротективтік әсерін төмендетуі мүмкін.

Демек, емдеуші дәрігер оларды қабылдауды талап ететін жағдайлардан басқасында, пациенттер Аспирин кардио препаратын жоғарыда аталған препараттардың қандай да біреуімен үйлестіріп қолданбауы тиіс.

Айрықша нұсқаулар

Препаратты мұқият медициналық бақылау аясында қолдану керек:

- анальгетиктерге, қабынуға қарсы, ревматизмге қарсы препараттарға немесе басқа аллергенді заттарға аса жоғары сезімталдықта («Қолдануға болмайтын жағдайлар» бөлімін қараңыз)

- ацетилсалицил қышқылының антитромбоцитарлық әсерін әлсіретуі мүмкін ибупрофен немесе напроксен сияқты кейбір қабынуға қарсы стероидты емес препараттармен (ҚҚСП) бір мезгілде қабылдауда. Егер пациенттер ацетилсалицил қышқылын қабылдап жүрсе немесе кез келген ҚҚСП қабылдауды бастауға дайындалса, емдеуші дәрігеріне жүгінуді ұсыну керек («Дәрілермен өзара әрекеттесуі» бөлімін қараңыз)

- басқа аллергиялық жай-күйлерде: тері реакциялары, қышыну, есекжем, бронх демікпесі, пішен қызбасы, мұрынның шырышты қабығының ісінуі (мұрын полиптері), тыныс жолдарының созылмалы аурулары

- антикоагулянттармен бірге қолданғанда

- анамнезде асқазан-ішек жолының ойық жаралы зақымдануы немесе асқазан-ішектен қан кетулер болғанда

- бауыр функциясының бұзылуында

- бүйрек функциясының немесе қан айналымының бұзылуында (мысалы, бүйрек тамырларының зақымдануында, іркілген жүрек жеткіліксіздігінде, айналымдағы қан көлемі азайғанда, ауқымды хирургиялық араласуларда, сепсисте немесе ауқымды қан кетулерде), өйткені ацетилсалицил қышқылы бүйрек дисфункциясының немесе жедел бүйрек жеткіліксіздігінің даму қаупін қосымша жоғарылатуы мүмкін

- хирургиялық араласымдарда (шағын хирургиялық араласымдарды, мысалы, тіс жұлуды қоса): қан кету ықтималдығы жоғарылауы мүмкін

- глюкоза-6-фосфат дегидрогеназа жеткіліксіздігінің ауыр түрінде; ацетилсалицил қышқылы гемолизді немесе гемолиздік анемияны индукциялауы мүмкін. Гемолиз қаупін арттыруы мүмкін факторларға, мысалы, препараттың жоғары дозалары, қызба немесе жедел инфекциялар жатады.

Басқа да сақтық шаралары

АСҚ төмен дозаларда несеп қышқылының шығарылуын азайтады, бұл подаграға бейім адамдарда оның шабуылына түрткі болуы мүмкін.

Балалар мен жасөспірімдер

Аспирин кардио препаратын емдеудің басқа әдістері тиімсіз болған немесе дәрігер табанды түрде ұсынған жағдайларды қоспағанда, қызбалы жай-күйдегі балалар мен жасөспірімдерге қолданбау керек. Осындай аурулар аясындағы ұзаққа созылған құсу Рей синдромының – өте сирек, бірақ өмірге қауіп төндіретін аурудың белгісі болуы мүмкін, ол шұғыл медициналық көмекті қажет етеді.

Аспирин кардио препаратын 18 жасқа дейінгі балалар мен жасөспірімдердегі тиімділігі мен қауіпсіздігі анықталмаған. Деректер жоқ. Осыған байланысты, Аспирин кардио препаратын 18 жасқа дейінгі балалар мен жасөспірімдерге қолдану ұсынылмайды.

Құрамында ацетилсалицил қышқылы бар препараттарды дәрігермен кеңесусіз ұзақ уақыт бойы немесе жоғары дозаларда қабылдамау керек.

Жүктілік

Простагландиндер синтезінің тежелуі жүктілік ағымына және/немесе эмбрионның немесе шарананың дамуына теріс әсерін тигізуі мүмкін. Эпидемиологиялық зерттеулердің деректері жүктіліктің ерте кезеңдерінде простагландиндер синтезінің тежегіштерін қолдану кезінде дамудағы ақаулар мен түсік тастаудың жоғары даму қаупін айғақтайды. Дозаны арттырғанда және емдеу ұзаққа созылғанда қауіп жоғарылайды деп саналады. Жүктіліктің екінші және үшінші триместрлерінде ацетилсалицил қышқылын 50-150 мг тәуліктік дозаларда қолданудың алдыңғы тәжірибесі босану әрекетінің тежелуінің, қан кетуге бейімділіктің жоғарылауының немесе артерия жолының мезгілінен бұрын жабылуының дәлелдерін көрсеткен жоқ. 150-300 мг тәуліктік дозалары үшін мұндай ақпарат жоқ. Жүктіліктің соңғы триместрінде АСҚ анальгетикалық дозаларын тағайындау, простагландиндер синтезінің тежелуі нәтижесінде, жүктілік кезеңін ұзартуы, толғақтың бәсеңдеуіне, ал жүктіліктің 28-30 апталарында – артерия жолының мезгілінен бұрын жабылуына әкелуі мүмкін. Бұл дозаларда анасында да, балада да қан кетуге бейімділіктің жоғарылауы, сондай-ақ егер АСҚ босануға аз уақыт қалғанда тағайындалса шала туған балаларда бассүйекішілік қан құйылу жиілігінің жоғарылауы байқалу мүмкін.

1 және 2 триместр

Жүктіліктің бірінші және екінші триместрлерінде Аспирин кардио препаратын 300 мг дейінгі тәуліктік дозаларда ғана, қатаң көрсетілімдер болған жағайда тағайындау керек.

3 триместр

АСҚ 150 мг дейінгі тәуліктік дозасы да 3 триместрде шұғыл көрсетілімдерде ғана тағайындалуы тиіс. Жүктіліктің соңғы триместрінде Аспирин кардио препаратын 150 мг және одан жоғары тәуліктік дозаларда қолдануға болмайды.

Лактация

Ацетилсалицил қышқылының және оның метаболиттерінің аздаған мөлшері емшек сүтіне өтеді. Қазіргі сәтте балаға зиянды әсерлері туралы хабарланған жоқ, сондықтан егер тәуліктік доза 150 мг-ден аспаса, емшек емізуді тоқтату талап етілмейд. Жоғары дозаларын қабылдаған кезде (тәулігіне 150 мг-ден астам) емшек емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ацетилсалицил қышқылы көлік құралын немесе механизмдерді басқару қабілетіне ықпал етпейді.

Артық дозалануы

Ацетилсалицил қышқылының негізінен орталық жүйке жүйесі тарапынан, ұйқышылдық, бас айналу, сананың шатасуы немесе жүрек айну («салицилизм») сияқты көріністермен созылмалы артық дозалануын, және жедел улануды ажырата білу керек.

Жедел улану

Жедел уланудың басты көрінісі қышқылдық-негіздік тепе-теңдіктің ауыр бұзылуы болып табылады. Тіпті емдік дозалар аясында тыныс алудың күшеюі салдарынан респираторлық алкалоз дамиды. Бұл жай-күй рН қалпына келуіне әкелетін бикарбонаттардың бүйрекпен шығарылуының жоғарылауы арқылы реттеледі. Уытты дозаларда компенсация жеткіліксіз; рН және қандағы бикарбонаттар концентрациясы төмендейді. Плазмалық РСО2 деңгейі уақытша қалып шегінде қалады. Симптомдардың клиникалық манифестациясы метаболизмдік ацидозға негізделген, алайда шын мәнінде, респираторлық және метаболизмдік ацидоздың үйлесуі орын алады. Себептері: уытты дозаларға байланысты тыныс алудың шектелуі, ішінара көмірсулар метаболизмінің бұзылуы салдарынан бүйрекпен шығарылудың төмендеуіне байланысты қышқылдардың жинақталуы (күкірт, фосфор, салицил, сүт, ацетосірке қышқылдары). Бұған қосымша электролиттік теңгерім бұзылады; калийдің көп мөлшерде жоғалуы жүреді.

Жедел улану симптомдары:

Жеңілірек улану симптомдары (200-400 мкг/мл):

Қышқылдық-негіздік және электролиттік тепе-теңдіктің бұзылуына (мысалы, калий жоғалту) қосымша гипогликемия, тері бөртпесі және асқазан-ішектен қан кету, асқын желдетілу, құлақтағы шуыл, жүрек айну, құсу, көрудің және естудің бұзылуы, бас ауыруы, бас айналу және сананың шатасуы байқалды.

Ауыр улану симптомдары (400 мкг/мл-ден жоғары):

делирий, тремор, тыныс алудың қиындауы, тершеңдік, сусыздану, гипертермия және кома дамуы мүмкін.

Фатальді аяқталған улануда өлім әдетте тыныс алу жеткіліксіздігі салдарынан болады.

Емі: ацетилсалицил қышқылмен улануға қатысты емдік шаралар уланудың таралғандығына, сатысына және клиникалық симптомдарына байланысты болады. Олар белсенді заттың сіңуін азайтудың стандартты шараларын, су-электролиттік теңгерімге, температуралық реттеудің және тыныс алудың бұзылуына мониторинг жүргізуді қамтиды. Емдеу препараттың шығарылуын жылдамдатуға әрі су-электролиттік және қышқылды-негізді тепе-теңдікті қалпына келтіруге бағытталған. Натрий гидрокарбонаты және калий хлориді ерітінділерінің инфузиясы диуретиктермен тағайындалады. Салицилаттардың иондану дәрежесін арттыру және өзекшелерге кері диффузиялану жылдамдығын азайту үшін несептің реакциясы сілтілік болуы тиіс.

рН, РСО2. гидрокарбонат, калий және т.б. бақылау табанды түрде ұсынылады, ауыр жағдайларда гемодиализ қажет болуы мүмкін.

Шығарылу түрі және қаптамасы

14 немесе 10 таблеткадан полипропиленді үлбірден және алюминий фольгадан жасалған пішінді ұяшықты қаптамада.

14 таблеткасы бар 2 пішінді ұяшықты қаптамадан немесе 10 таблеткасы бар 3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Сақтау мерзімі

25С-ден аспайтын температурада сақтау керек.

Балалардың қолы жетпейтін жерде сақтау керек!

Босатылу шарттары

Рецептісіз

Өндіруші

Байер АГ, Леверкузен, Германия

Тіркеу куәлігінің ұстаушысы

Байер АГ, Леверкузен, Германия

Қаптаушы

Байер Биттерфельд ГмбХ, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Байер КАЗ» ЖШС

Тимирязев к-сі, 42, 15-павильон,

050057 Алматы, Қазақстан Республикасы,

тел. +7 727 258 80 40, факс: +7 727 258 80 39,

e-mail: kz.claims@bayer.com

Қазақстан Республикасы дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Байер КАЗ» ЖШС

Тимирязев к-сі, 42, 15-павильон,

050057 Алматы, Қазақстан Республикасы

тел: +7 701 715 78 46 (тәулік бойы)

тел:+7 727 258 80 40, ішкі. 106 (жұмыс уақытында)

факс: +7 727 2588 039

e-mail: pv.centralasia@bayer.com

Дәріханалар

Тауар артығымен бар
Тауар аз қалды
Аптека № 50, Актобе, (уг.пр.Абая-Есет Батыра)
ул. Есет батыра, дом 130
Круглосуточно
Аптека №169, Актобе, (ТЦ Дастан Сити)
г.Актобе, 12 мкр, д 21Д, 1А
Круглосуточно
Аптека № 69, Актобе,
ул.Шайкенова д.13А
Круглосуточно
Аптека №148
Ул. Братьев Жубановых 294
Круглосуточно
Аптека №71, Актобе, ул. Бокенбай
г.Актобе, ул. Бокенбай батыра 44
09:00-20:00
Аптека №115
г.Актобе, район Астана, ул. Бокенбай батыра д. 129, корпус 2, н.п. 1
9/00-00/00