Амизон 250 мг № 20 табл покрытые оболочкой

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Амизон^®

Халықаралық патенттелмеген атауы

Энисамий йодиді

Дәрілік түрі, дозалануы

Қабықпен қапталған таблеткалар, 0,125 және 0,25 г

Фармакотерапиялық тобы

Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар.

ATХ коды J05 AХ

Қолданылуы

• мына ауруларды: тұмау және респираторлық вирустық инфекцияларды емдеу және профилактикасы үшін
• қызылшаны, қызамықты, желшешекті, паротит инфекциясын емдеу үшін
• вирустық, вирустық-бактериялық және бактериялық пневмониялар мен баспалардың кешенді емінің құрамында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• йод препараттарына және препараттың басқа компоненттеріне жоғары сезімталдық
• анамнездегі аллергеннің табиғатына байланыссыз аллергиялық реакциялардың болуы
• бауыр мен бүйректің ауыр органикалық зақымданулары
• туберкулёз
• Дюрингтің герпес тәрізді дерматиті (Дюринг-Брок синдромы)
• манифестік және жасырын гипертиреоз
• қалқанша бездің автономды аденомасы, қалқанша бездің фокальді және диффуздық автономды ошақтары
• геморрагиялық диатез
• жүктілік және лактация кезеңі
• 6 жасқа дейінгі балалар
• тұқым қуалайтын галактоза жақпаушылығы, Lapp (ЛАПП) - лактаза ферментінің тапшылығы, глюкоза-галактоза мальабсорбциясы бар адамдар

Қолдану кезінде қажетті сақтық шаралары

• препаратты қалқанша без аурулары бар пациенттерге, әсіресе, түйінді немесе көптүйінді зобы бар, 40 жастан асқан пациенттерге сақ болып тағайындау керек

Басқа дәрілік препараттармен өзара әрекеттесуі

Амизон^® бактерияға қарсы және иммуномодуляциялайтын дәрілердің әсерін күшейтеді. Бұл препаратты аскорбин қышқылымен және басқа дәрумендермен біріктіру талапқа сай болып табылады.

Арнайы ескертулер

Препаратты қалқанша без аурулары бар пациенттерге, әсіресе, түйінді немесе көптүйінді зобы бар, 40 жастан асқан, қалқанша бездің функционалдық автономиясының декомпенсациясы қаупі бар адамдарға сақ болып тағайындау керек.

Препараттың құрамында лактоза бар, сондықтан, тұқым қуалайтын галактоза жақпаушылығы, Lapp (ЛАПП) - лактаза ферментінің тапшылығы, глюкоза-галактоза мальабсорбциясы бар пациенттерге препаратты қолдануға болмайды.

Педиатрияда қолданылуы

Препаратты 6 жасқа толмаған балаларға қолданбау керек.

Жүктілік немесе лактация кезеңінде

Препаратты жүктілік немесе бала емізу кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Амизон^® препаратын қабылдау автокөлік басқару қабілетіне немесе басқа механизмдермен жұмыс жасауға әсер етпейді.

Қолдану жөніндегі нұсқаулар

Дозалау режимі

Ересектер үшін ең жоғарғы бір реттік доза – 1 г және ең жоғарғы тәуліктік доза – 2 г. Аурудың ауырлығы мен этиологиясына байланысты ұсынылатын емдеу курсы – 5 күннен 7 күнге дейін. Егер жағдай нашарласа немесе 3 күн ішінде жақсармаса, дәрігерге жүгіну қажет.

6 жастан 12 жасқа дейінгі балаларға Амизон^® 0,125 гтаблеткалары тағайындалады.

Ересектерге және 12 жастан асқан балаларға Амизон^® 0,25 г таблеткалары тағайындалады.

Тұмау және басқа респираторлық вирустық инфекциялар.

Емі.

Ересектерге және 12 жастан асқан балаларға 7 күн бойы тәулігіне 3 рет 1 таблеткадан (0,25 г) тағайындайды.

6 жастан 12 жасқа дейінгі балаларға 7 күн бойы тәулігіне 3 рет 1 таблеткадан (0,125 г) тағайындайды.

Профилактикасы.

6-12 жас шамасындағы балаларға – 3 апта бойы күнара 1 таблеткадан (0,125 г) тағайындайды.

12 жастан 16 жасқа дейінгі балаларға – 3 апта бойы күнара 1 таблеткадан (0,25 г) тағайындайды.

Ересектерге және 16 жастан асқан балаларға – 3 күн бойы тәулігіне 1 таблеткадан (0,25 г), ары қарай – 2 апта бойы күнара тәулігіне 1 таблеткадан (0,25 г) тағайындайды.

Қызылшаны, қызамықты, желшешекті емдеуде .

6-7 жас шамасындағы балаларға – тәулігіне 3 рет 1 таблеткадан (0,125 г).

8-12 жас шамасындағы балаларға – тәулігіне 4 рет 1 таблеткадан (0,125 г).

13-14 жас шамасындағы балаларға – тәулігіне 3 рет 1 таблеткадан (0,25 г).

14-16 жас шамасындағы балаларға – тәулігіне 4 рет 1 таблеткадан (0,25 г).

Ересектерге және 16 жастан асқан балаларға – тәулігіне 3 рет 2 таблеткадан (0,25 г).

Паротит инфекциясын емдеуде .

Ересектерге және 14 жастан асқан балаларға аурудың орташа ауырлығында 7 күн бойы тәулігіне 4 рет 1 таблеткадан (0,25 г) жәнеаурудың ауыр ағымында тәулігіне 3 рет 2 таблеткадан (0,25 г).

12-14 жас шамасындағы балаларға 7 күн бойы тәулігіне 3 рет 1 таблеткадан (0,25 г).

Пневмонияның кешенді емінде.

Ересектерге – 10-15 күн бойы тәулігіне 3 рет 1 таблеткадан (0,25 г).

Баспаның кешенді емінде.

Ересектерге – аурудың орташа ауырлығында 5 күн бойы тәулігіне 3 рет 1 таблеткадан (0,25 г); аурудың ауыр ағымында 7 күн бойы тәулігіне 3 рет 2 таблеткадан (0,25 г).

Енгізу тәсілі және жолы

Тамақтан кейін, шайнамай ішке қабылдау керек.

Қабылдау уақыты көрсетілген қолдану жиілігі

Қолдану жиілігі аурудың ауырлығына және этиологиясына байланысты.

Емдеу ұзақтығы

Аурудың ауырлығы мен этиологиясына байланысты ұсынылатын емдеу курсы – 5 күннен 7 күнге дейін.

Артық дозалану жағдайында қабылдануы қажеті шаралар

Амизон^® препаратымен артық дозалану оқиғалары хабарланбады.

Симптомдары:шырышты қабықтардың қоңыр түске боялуы, құсу, іш ауыруы және диарея. Ісінулердің, эритеманың, безеу тәрізді және буллёздік бөртпелердің, қызбаның дамуы орын алуы мүмкін.

Шұғыл емшаралар:асқазанды шаю, симптоматикалық ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Аса сирек/ Жекелеген жағдайларда

• аса жоғары сезімталдық реакциялары
• бөртпе, қышыну, есекжем, эритема, ангионевроздық ісіну
• ауыздың құрғауы, дисгевзия (ауыздың кермек татуы), ауыз қуысының шырышты қабығының ісінуі, гиперсаливация, тіл түсінің өзгеруі(сары түске боялуы), жүрек айнуы, құсу, диарея, диспепсия, іш ауыруы, іштің жоғарғы бөлігінің ауыруы, іштің кебу
• диспноэ, тамақтың тітіркенуі
• астения, шеткері ісінулер
• бас ауыруы, бас айналуы
• артериялық қысымның жоғарылауы, артериялық қысымның төмендеуі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат-амизон (энисамий йодиді) 0,125 және 0,25 г,

қосымша заттар: лактоза моногидраты, микрокристалды целлюлоза, повидон, натрий кроскармелозасы, кальций стеараты;

OPADRY II Clear 85F19250 қабығының құрамы: поливинил спирті, тальк, полиэтиленгликоль, полисорбат 80.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, сары немесе сары-жасыл түсті, қабықпен қапталған таблеткалар. Таблетка-ядролардың беткейінде болар-болмас дақтардың болуына жол беріледі.

Шығарылу түрі және қаптамасы

10 немесе 20 таблеткадан түссіз поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«Фармак» ЖАҚ, Украина, 04080, Киев қ., Фрунзе к-сі, 74.

Тел.: +38 (044) 496 87 87, факс: +38 (044) 239 19 40

электронды пошта: info@farmak.ua

Тіркеу куәлігінің ұстаушысы

«Фармак» ЖАҚ, Украина, 04080, Киев қ., Фрунзе к-сі, 63.

Тел.: +38 (044) 496 87 87, факс: +38 (044) 239 19 40

электронды пошта: info@farmak.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фармак» ЖАҚ Қазақстан Республикасындағы өкілдігі

Қазақстан Республикасы, Алматы қ., индексі 050012, Амангелді к-сі, 59 "А", "Шартас" бизнес орталығы, 9 қабат. Тел./факс: +7 (727) 267 63 73, электронды пошта: а.aspetova@farmak.kz

Дәріханалар

Қалалар