Сипаттама
Дәрілік затты медициналық қолдану
жөніндегі нұсқаулық
Аллохол
Саудалық атауы
Аллохол
Халықаралық патенттелмеген атауы
Жоқ
Дәрілік түрі
Қабықпен қапталған таблеткалар
Құрамы
Бір таблетканың құрамында:
белсенді заттар:80 мг ірі қара малының құрғақ өті,
40 мг кептірілген сарымсақ,
5 мгқалақай жапырақтары,
25 мг белсендірілген көмір,
қосымша заттар:
ядросы: магний тотығы, картоп крахмалы, тальк, кремнийдің коллоидты қостотығы, кальций стеараты,
қабығы: сахароза, магний гидроксикарбонаты, кремнийдің коллоидты қостотығы, титанның қостотығыЕ 171, повидон, тальк, тропеолин-О, ара балауызы.
Сипаттамасы
Дөңгелек, екі жағы дөңес, ашық-сары түсті қабықпен қапталған таблеткалар. Көлденең қимасынан үш қабат көрінеді: ядросы – сұр-қара түсті теңбілдері бар; орташа қабаты – ақ түсті және сыртқы - ашық-сары түсті.
Фармакотерапиялық тобы
Асқорыту жолы және заттектердің алмасуы. Бауыр және өт шығару жолдарының ауруларын емдеуге арналған препараттар. Өт қалтасының ауруларын емдеуге арналған препараттар. Өт шығару жолдарының ауруларын емдеуге арналған басқа да препараттар
АТХ коды А05АХ
Фармакологиялық қасиеттері
Фармакокинетикасы
Аллохол асқазан-ішек жолында (АІЖ) жақсы сіңеді. Бауырдың құрамында болатын холий және хенодезоксихолий қышқылдары бауырда метаболизмге ұшырайды: амин қышқылдарымен конъюгацияланады, өтке сөліністенеді, сол жерден қайтадан ішекке бөлінеді, сосын ішінара қайта сіңіріледі; қалған бөлігі нәжіспен шығарылады.
Белсендірілген көмір ішектен сіңбейді және 7-10 сағаттан кейін нәжіспен толық шығарылады. Белсендірілген көмір уытты емес, организмнен жақсы шығарылады. Препаратты қабылдағаннан кейін нәжіс қара түске боялады.
Құрамдарының күрделілігіне қарай, сарымсақ пен қалақай жапырағының биологиялық белсенді заттарының фармакокинетикалық параметрлері зерттелмеген.
Фармакодинамикасы
Өт айдайтын (холекинетикалық және холеретикалық) дәрі, ішектегі шіру және ашу үдерістерін басады. Бауыр жасушаларының сөл бөлу функциясын күшейтеді, АІЖ мүшелерінің сөліністік және қозғалыстық белсенділігін рефлекторлы арттырады.
Өттің және өт қышқылдарының түзілуін күшейтетін біріктірілген дәрі.
Өттің әсері бауыр паренхимасының сөл бөлу функциясына рефлекторлы ықпал етуімен шартталған. Өт, сондай-ақ, АІЖ сөліністік және қозғалыстық функциясын күшейтеді.
Сарымсақ құрамындағы заттар ішектегі шіру және ашу үдерістерін басады.
Қалақай жапырағы өт айдайтын және қабынуға қарсы әсерлер иеленген. Белсендірілген көмір АІЖ уытты заттарды байланыстыратын адсорбент болып табылады.
Қолданылуы
- созылмалы реактивті гепатит
- холангит
- холецистит
- өт шығару жолдарының дискинезиясы
- атониялық іш қатуы
- холецистэктомиядан кейінгі синдром
Қолдану тәсілі және дозалары
Ас ішуден кейін ішке қабылданады.
Ересектер: 3-4 апта бойы тәулігіне 3-4 рет 1-2 таблеткадан; өршігенде – 1-2 ай бойы тәулігіне 2-3 рет 1 таблеткадан.
Қайталау курстарын 3 ай аралықпен жүргізеді.
Препаратты ішке қабылдау кезінде диета ұстану, пациенттің негізгі ауруын және асқынулардың болуын ескере отырып емдеуші дәрігермен белгіленеді.
Жағымсыз әсерлері
- диарея
- аллергиялықреакциялар
Жағымсыз әсерлерің алдын алу үшін тәуліктік дозасы және препаратты қабылдау ұзақтығы аспауы тиіс.
Жоғарыда аталған жағымсыз реакцияларда немесе жағымсыз реакциялардың нұсқаулықта көрсетілмеген жағдайда, препаратты қабылдауды тоқтату және дәрігерге қаралу керек.
Қолдануға болмайтын жағдайлар
- препараттың кез-келген компоненттеріне аса жоғары сезімталдық
- калькулезді холецистит
- обтурациялық сарғаю
- жедел гепатит
- бауырдың жедел және жеделге жуық дистрофиясы
- асқазанның және 12 ішектің ойық жаралы ауруы
- жедел панкреатит
- балалар және жасөспірімдік 18 жасқа дейінгі кезеңі
Дәрілермен өзара әрекеттесуі
Құрамында алюминийдің гидроксиді, холестирамин, холестипол бар препараттар дәрінің сіңірілуін және тиімді әсерін азайтады. Олармен бір мезгілде қабылдау мақсатқа сай емес.
Аллохолды синтетикалық немесе өсімдік текті холеретиктермен қосып қолданғанда өттің түзілуі күшеюі мүмкін, Аллохолдың іш жібіткіш препараттармен біріктірілуі іш қатулардың жойылуына алып келеді.
Айрықша нұсқаулар
Жай-күйдің жақсаруының алғашқы белгілері (оң жақ қабырға астының айқын ауыруларының азаюы, диспепсиялық құбылыстардың жоғалуы) емдеу басталғаннан кейін 5-8 тәулікте білінеді.
Қант диабетімен науқастарға сақтықпен тағайындалады.
Терінің күрт қызаруы мен қышынуы сияқты жағымсыз әсерлер туындаған жағдайдадесенсибилизациялайтын ем жүргізілу керек.
Жүктілік және лактация кезеңі
Аллохолды жүктілік және бала емізу кезеңінде дәрігермен кеңесуден кейін қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Анықталмаған
Шығарылу түрі және қаптамасы
Қабықпен қапталған таблеткалар.
Поливинилхлоридті үлбірден және баспалы лакталған алюминий фольгадан немесе полиэтиленді жабынды қағаздан жасалған пішінді ұяшықты қаптамада 10 таблеткадан.
5 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықтармен бірге картон қорапшаға салынады.
Пішінді ұяшықты қаптаманы медициналық қолдану жөніндегі мемлекеттік және орыс тілдеріндегі нұсқаулықтардың тең санымен бірге картон қорапшаға салынады.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецептісіз
Өндіруші
«Ирбит химфармзауыты» ААҚ, Ресей
623856, Свердлов обл., Ирбит қ., Киров к-сі, 172
Тел/факс (34355) 3-60-90
Тіркеу куәлігінің иесі
«Ирбит химфармзауыты» ААҚ,Ресей
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта):
Өтегенова Б.А. ЖК
050022, Қазақстан, Алматы қ., Мауленов к-сі, 123 «а», 7 пәтер
Тел/факс 8(7172) 43-95-34
Электрондық пошта b.utegenova_ip@mail.ru
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):
Өтегенова Б.А. ЖК
050022, Қазақстан, Алматы қ., Мауленов к-сі, 123 «а», 7 пәтер
Тел/факс 8(7172) 43-95-34
Электрондық пошта b.utegenova_ip@mail.ru
