Солкосерил 5% 20 гр, мазь
Тауарлардың көрінісі фотосуретте көрсетілгеннен өзгеше болуы мүмкін

Солкосерил 5% 20 гр, мазь

Қолжетімділігі
Тауар қолда жоқ
Үлгі
7680263950118
Елі
Швейцария
Өндіруші
Легаси Фармасьютикалс Шве
  • Сипаттама

Сипаттама

Дәрілік затты медициналық қолдану жөніндегі нұсқаулық

Саудалық атауы

Солкосерил

Халықаралық патенттелмеген атауы

Жоқ

Дәрілік түрі, дозалануы

Жақпамай

Фармакотерапиялық тобы

Дерматология. Жаралар мен ойық жараларды емдеуге арналған препараттар. Жарақаттарды жазатын препараттар. Жарақаттарды жазатын басқа препараттар.

АТХ коды D03AX

Қолданылуы

- кіші жарақаттар;

- вена ойық жаралары;

- I–II дәрежедегі күю (мысалы, қайнаған судан);

- үсу (үсу нәтижесінде терінің қызаруы).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Белсенді затқа немесе препараттың құрамына сәйкес қосымша заттардың біріне жоғары сезімталдық.

Қолдану кезіндегі қажетті сақтық шаралары

Препаратты қолдану кезіндегі арнайы сақтық шаралары нұсқаулыққа сәйкес талап етілмейді.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуі анықталмады.

Арнайы ескертулер

Препаратты қолдану кезіндегі арнайы сақтық шаралары нұсқаулыққа сәйкес талап етілмейді.

Аллергиялық реакция пайда болған жағдайда, Солкосерилмен емдеуді тоқтату керек.

Педиатрияда қолдану

Препаратты бала кезде қолдануға болады.

Жүктілік немесе лактация кезеңінде

Жүкті әйелдерде бақыланатын зерттеулер жүргізілмеді. Сондықтан Солкосерил жақпамайы препаратын жүкті әйелдерге сақтықпен қолдану керек.

Препаратты бала емізу кезеңінде қолдану бойынша шектеулер жоқ.

Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Тиісті зерттеулер жүргізілмеді.

Қолдану жөніндегі нұсқаулар

Дозалау режимі

Солкосерил жақпамайды сыртқа қолданады.

Жақпамайды жараға жұқа етіп күніне 2 рет жағады.

Солкосерил гельді грануляция үдерісін белсендіру үшін жара жазылуының ерте кезеңінде қолданады. Тін эпителизациясының аумақтары түзілгеннен кейін Солкосерил жақпамайын қолдану ұсынылады.

Артық дозалану жағдайында қабылдануы қажеті шаралар

Белсенді затқа немесе препараттың құрамына сәйкес қосымша заттардың біріне жоғары сезімталдық.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Жағымсыз әсерлері MedDRA бойынша органдар кластарына және көрініс жиілігіне сәйкес бөлінген: өте жиі (≥1/10), жиі (<1/10, ≥1/100), жиі емес (<1/100, ≥1/1000), сирек (<1/1000, ≥1/10000) және өте сирек (<1/10000), белгісіз (аталған жағымсыз реакциялар өздігінен келіп түскен хабарламаларға негізделген. Байқалу жиілігін қолда бар деректер негізінде бағалануы мүмкін емес).

Иммундық жүйе тарапынан бұзылулар

Өте сирек: аллергиялық реакциялар.

Қолдану бөлігіндегі жалпы бұзылыстар мен көріністер

Белгісіз: Солкосерилді жаққаннан кейін қысқа мерзімді ашыту пайда болуы мүмкін, бірақ препарат қолдануды тоқтатпаған жөн.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г жақпамайдың құрамында

белсенді зат – жаңа туылған бұзаулардың (Воs Tаurus) қанынан депротеинделген гемодериват, химиялық және биологиялық стандартталған(құрғақ затқа шаққанда) 2.07 мг

қосымша заттар: цетил спирті, холестерин, ақ вазелин (ақ жұмсақ парафин), метилпарагидроксибензоат (Е 218), пропилпарагидроксибензоат (Е 216), инъекцияға арналған су.

Сыртқы түрінің, иісінің, дәмінің сипаттамасы

Ақтан сәл сарғыш түске дейінгі, бір текті майлы масса, солкосерилдің және вазелиннің әлсіз иісі бар (жағымды, ет сорпасының иісі сияқты).

Шығарылу түрі және қаптамасы

20 г препараттан жарғақшалы және эпокси-фенолды шайыр негізді ішкі жабындысы бар пластмасса қалпақшасы (тығыздығы жоғары полипропилен) бар алюминий сықпаға салынады.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

5 жыл

Алғаш ашқаннан кейін 25 °С-ден аспайтын температурада 28 күн сақтау керек.

Жарамдылық мерзімі өткеннен кейін қолдануға болмайды.

Сақтау шарттары

30 ºС-денаспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

Легаси Фармасьютикалс Швейцария ГмбХ

Рюрбергштрассе 21, 4127 Бирсфельден, Швейцария

Тел/факс: +41 61 316 1474

Электронды пошта: info.safety@mylan.com

Тіркеу куәлігінің ұстаушысы

МЕДА Фармасьютикалс Швейцария ГмбХ

Хегнауштрассе 60, 8602 Ванген-Брюттизеллен, Швейцария

Тел/факс: +41448352626, +41448352627

Электронды пошта: info.safety@mylan.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«МЕДА Фармасьютикалз Швейцария ГмбХ» Қазақстан Республикасындағы өкілдігі: Алматы қ-сы, Достық даңғ. 97, 8 кеңсе, тел. 264-17-94, тел./факс 264-17-71

Электронды пошта: info.safety@mylan.com