Кордипин ретард 20 мг, №30, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Кордипин ретард 20 мг, №30, табл.

Қолжетімділігі
Тауар қолда жоқ
Үлгі
3838989532703
Елі
Словения
Өндіруші
KRKA d.d.
  • Сипаттама

Сипаттама

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Кордипин® ретард

Халықаралық патенттелмеген атауы

Нифедипин

Дәрілік түрі, дозасы

Баяу босап шығатын таблеткалар, 20 мг

Фармакотерапиялық тобы

Жүрек-қантамыр жүйесі. Кальций өзекшелерінің блокаторлары. Кальций өзекшелерінің қантамырларға әсері басым селективті блокаторлары. Дигидропиридин туындылары. Нифедипин.

АТХ кодыС08СА05

Қолданылуы

- жеңіл және орташа дәрежелі эссенциальді гипертензияны емдеу

- монотерапия түрінде де, бета-блокаторлармен бірге созылмалы тұрақты стенокардияның профилактикасында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • әсер етуші затқа, басқа дигидропиридиндерге немесе қосымша заттың кез келгеніне аса жоғары сезімталдық
  • кардиогенді шок
  • аорта стенозының ауыр дәрежесі
  • тұрақсыз стенокардия
  • миокард инфарктының жедел кезеңі (алғашқы 4 апта ішінде)
  • стенокардияның жедел ұстамалары
  • қатерлі гипертензия
  • миокард инфарктін екінші рет профилактикасы үшін қолданбау керек
  • ұзақ емдеу курсымен байланысты бауыр жеткіліксіздігі
  • анамнездегі ішек бітелісі, өңеш обструкциясы, асқазан-ішек жолы саңылауының кішіреюімен қатар жүретін асқазан-ішек жолының аурулары
  • ішек ауруының қабынуы, Крон ауруы
  • рифампицинді бірге қолданғанда, өйткені фермент индукциясының салдарынанплазмада нифедипиннің тиімді деңгейіне жетпейді
  • мерзімі 20 аптадан аз жүктілік және емшек емізу кезеңі
  • 18 жасқа дейінгі балалар және жасөспірімдер
  • артериялық қысым төмен кезінде (систолалық АҚ 90 мм сын.бағ. төмен)
  • жүрек бұлшықетінің әлсіздігін (декомпенсацияланған жүрек жеткіліксіздігі) тиімсіз емдеген кезде
  • артериялық қысымның елеулі төмендеуінің мүмкіндігіне байланысты артериялық гипертензиясы ауыр және қан айналымы көлемінің төмендеуі бар гемодиализде жүрген пациенттер
  • жүктілік кезінде («Жүктілік және лактация кезеңі» бөлімін қараңыз)
  • кейбір антибиотиктер (мысалы, эритромицин)
  • АИТВ емдеуге арналған кейбір препараттар (мысалы, ритонавир)
  • зеңге қарсы кейбір препараттар (мысалы,кетоконазол)
  • нефазодон және флуоксетин (депрессияға қарсы препараттар, антидепресанттар)
  • хинупристин / дальфопристин (бактерияға қарсы препараттар)
  • вальпрой қышқылы (эпилепсияны емдеуге арналған препараттар)
  • циметидин (асқазан және он екі елі ішек ойық жарасын емдеуге арналған препарат)
  • триклді антидепрессанттар (депрессияны емдеуге арналған препараттар)
  • қантамырларды кеңейтетін заттар
  • цизаприд (АІЖ мүшелерін емдеуге арналған препарат)
  • кейбір антибиотиктер (мысалы, эритромицин)
  • АИТВ емдеуге арналған кейбір препараттар (мысалы, ритонавир)
  • зеңге қарсы кейбір препараттар (мысалы,кетоконазол)
  • флуоксетин және нефазодон (депрессияны емдеуге арналған препараттар, антидепресанттар)
  • хинупристин / дальфопристин (бактерияға қарсы препараттар)
  • вальпрой қышқылы (эпилепсияны емдеуге арналған препараттар)
  • циметидин (асқазан және он екі елі ішек ойық жарасын емдеуге арналған препарат)
  • триклді антидепрессанттар (депрессияны емдеуге арналған препараттар)
  • қантамырларды кеңейтетін заттар
  • цизаприд (АІЖ мүшелерін емдеуге арналған препарат)

Қолдану кезіндегі қажетті сақтық шаралары

Кордипин® ретард 20 мг препаратын қолданар алдында емдеуші дәрігеріңізбен немесе фармацевтпен кеңесіңіз.

Кордипин® ретард 20 мг препаратын қолдану ұдайы медициналық бақылауды талап етеді:

Кордипин® ретард 20 мг препаратының әсер етуші заты нифедипин спецификалық ферменттік жүйенің (Р450 3А4 цитохромы) көмегімен ыдырайды. Басқа дәрілік препараттар бұл ферменттік жүйені тежеуі немесе индукциялауы мүмкін, осылайша Кордипин® ретард 20 мг препаратының әсерін және жағымсыз әсерлерінөзгертуі мүмкін («Басқа дәрілік препараттармен өзара әрекеттесуі» бөлімін қараңыз).

Осы ферменттік жүйені тежейтін дәрілік препараттармен Кордипин® ретард 20 мг препаратын бір мезгілде қабылдау оның әсерінің, сондай-ақ, оның жағымсыз әсерлерінің күшеюіне алып келуі мүмкін. Аталмыш препараттарға жататындар:

Аталған дәрілік препараттардың кез келгенімен Кордипин® ретард 20 мг препаратын біріктіріп қолданған кезде артериялық қысым деңгейін бақылау керек және қажет болған жағдайда Кордипин® ретард 20 мг дозасын төмендету мүмкіндігін қарастыру керек.

Бауыр жеткіліксіздігі бар пациенттерде нифедипиннің ыдырауы баяулауы мүмкін. Сондықтан дәрігер ем барысын жіті қадағалап, қажет болған жағдайда дозаны азайтуы керек.

Басқа дәрілік препараттармен өзара әрекеттесуі

Егер сіз жақын уақытта басқа дәрілік препараттарды қабылдаған болсаңыз немесе қабылдап жүрсеңіз, не болмаса қабылдауыңыз мүмкін болса, оны дәрігеріңізге немесе фармацевтке хабарлаңыз.

Басқа препараттардың Кордипин® ретард 20 мг әсеріне ықпалы

Нифедипин (Кордипин® ретард 20 мг препаратының белсенді заты) спецификалық ферменттік жүйенің (Р450 3А4 цитохромы) көмегімен ыдырайды. Демек, бұл ферменттік жүйеге әсері бар препараттарды Кордипин® ретард 20 мг препаратымен бір мезгілде қабылдау олардың өзара әсер етуіне алып келуі мүмкін.

Кордипин® ретард 20 мг препаратын төменде көрсетілген препараттармен бір мезгілде қолдану қажет болған кезде, олардың өзара әсерлесуінің дәрежесімен қатар ұзақтығын да ескеру қажет.

Кордипин® ретард 20 мг препаратының әсері мен жағымсыз реакцияларын күшейтетін препараттар

Келесі препараттарды Кордипин® ретард 20 мг препаратымен бірге қолданғанда артериялық қысым деңгейін қадағалау керек және қажет болған жағдайда Кордипин® ретард 20 мг дозасын төмендету мүмкіндігін қарастыру керек («Қолдану кезіндегі қажетті сақтық шаралары» бөлімін де қараңыз):

Кордипин® ретард 20 мг препаратының әсерін төмендететін препараттар

Рифампицин (туберкулезді емдеуге арналған препарат)

Рифампицин нифедипиннің (Кордипин® ретард 20 мг препаратының белсенді заты) ағзадағы ыдырауын жылдамдатады. Кордипин® ретард 20 мг препаратымен рифампицинді бір мезгілде қабылдамаған жөн, себебі қандағы нифедипиннің концентрациясы тиімді деңгейге жетпейді («Қолдануға болмайтын жағдайлар» бөлімін де қараңыз).

Фенитоин (жүрек ырғағының бұзылуларын және эпилепсияны емдеуге арналған препарат)

Кордипин® ретард 20 мг тиімділігі төмендейді. Бұл екеуін бір мезгілде қолданғанда (Кордипин® ретард 20 мг препаратының белсенді заты) нифедипиннің қабылдануына болатын клиникалық жауапты қадағалау қажет және қажет болған жағдайда Кордипин® ретард 20 мг дозасын арттыру керек. Фенитоинді қабылдауды тоқтатқаннан кейін қайтадан Кордипин® ретард 20 мг дозасын дұрыстау қажет болуы мүмкін.

Карбамазепин және фенобарбитал (эпилепсияны емдеуге арналған препараттар)

Кордипин® ретард 20 мг препаратымен бір мезгілде қолданғанда оның тиімділігі төмендеуі мүмкін.

Кордипин® ретард 20 мг препаратының басқа препараттардың әсеріне ықпалы

Артериялық қысымды төмендетуге арналған препараттар

Кордипин® ретард 20 мг келесі түрлі белсенді заттар кластарына жататын препараттардың гипотензиялық әсерін күшейтуі мүмкін:

  • диуретиктер (несеп айдайтын заттар)
  • бета-адреноблокаторлар (жоғары артериялық қысымды төмендетуге арналған препараттар)
  • АӨФ тежегіштері (жоғары артериялық қысымды емдеуге арналған препараттар)
  • ангиотензин I рецепторларының антагонистері (жоғары артериялық қысымды емдеуге арналған препараттар)
  • кальций өзекшелерінің басқа блокаторлары (жоғары артериялық қысымды емдеуге арналған препараттар)
  • альфа-адреноблокаторлар (жоғары артериялық қысымды және жүрек жеткіліксіздігін емдеуге арналған препараттар)
  • ФДЭ5 тежегіштері (белсіздікті емдеуге арналған препараттар)
  • альфа-метилдопа (жоғары артериялық қысымды емдеуге арналған препараттар)

Бета-адреноблокаторлар (артериялық қысымды төмендететін препараттар тобы)

Бета-адреноблокаторлармен бір мезгілде қолданғанда кейбір жағдайларда жүрек жеткіліксіздігінің белгілері пайда болуы мүмкін. Егер бұл жағдай туындаса, емдеуші дәрігер ем барысын жіті қадағалауы тиіс.

Дигоксин (жүрек жұмысын көтермелеуге арналған препарат)

Қандағы дигоксин концентрациясы артуы мүмкін.Дигоксиннің артық дозасы белгілерінің пайда болуын қадағалау керек және қажет болған жағдайда емдеуші дәрігер дозасын (қандағы дигоксин концентрациясын анықтағаннан кейін) азайтуы мүмкін.

Теофиллин (бронхтар бұлшықетін босаңсытатын препарат)

Қандағы теофиллин концентрациясы артуы мүмкін.

Винкристин (ісікке қарсы препарат)

Винкристиннің экскрециясы төмендейді, нәтижесінде винкристиннің жағымсыз әсерлерінің туындау ықтималдығы артады. Емдеуші дәрігер винкристиннің төмен дозасын тағайындауы мүмкін.

Цефалоспорин (бактерияға қарсы препарат)

Бір мезгілде қолданған кезде қан сарысуындағы цефалоспорин мөлшері артуы мүмкін.

Хинидин (жүрек ырғағының бұзылуын емдеуге арналған препарат)

Кордипин® ретард 20 мг және хинидинді бір мезгілде қолданғанда кейбір жағдайларда қандағы хинидин концентрациясының төмендеуі, ал Кордипин® ретард 20 мг қабылдауды тоқтатқаннан кейін оның едәуір артуы байқалған (қандағы хинидин деңгейін бақылау ұсынылады). Басқа жайдайларда хинидинмен біріктіріп қолданғанда қандағы нифедипин деңгейінің жоғарылағаны жөнінде хабар бар. Сондықтан бұл препараттарды бірге қолданғанда артериялық қысым деңгейін жіті қадағалау керек. Қажет болған жағдайда Кордипин® ретард 20 мг дозасын төмендетеді.

Такролимус (трансплантациядан кейін, мысалы, бауыр мен бүйректің трансплантациясынан кейін трансплантаттың қабылданбай ажырауының алдын алуға арналған препарат)

Кордипин® ретард 20 мг препаратымен бір мезгілде қолдану қандағы такролимус деңгейінің жоғарылауына алып келуі мүмкін, сондықтан жекелеген жағдайларда такролимус дозасын төмендету керек. Қандағы такролимус мөлшеріне тұрақты мониторинг жүргізу ұсынылады.

Арнайы ескертулер

Қосымша заттар туралы арнайы ақпарат

Препараттың бір дозасының құрамы 1 ммоль натрийден (23 мг) аз, яғни, құрамында натрий жоқ дерлік.

Педиатрияда қолдану

Бұл популяцияда қауіпсіздігі және тиімділігі жайында деректер шектеулі болғандықтан, Кордипин® ретард 20 мг балаларға және 18 жасқа дейінгі жасөспірімдерге қолдану ұсынылмайды.

Жүктілік немесе лактация кезінде

Жүктілік кезінде немесе бала емізгенде, жүктілікті жоспарлағанда немесе жүктілікке күдіктенгенде дәрігерден немесе фармацевттен кеңес алған дұрыс.

Кордипин® ретард 20 мг препаратын жүктіліктің алғашқы 20 аптасы бойында қолдануға болмайды, себебі нифедипиннің тәжірибелік зерттеулері кезінде шаранаға жағымсыз әсері байқалған. Адамдарға қолданудың жеткілікті тәжірибесі жоқ. ЕгерКордипин® ретард 20 мгпрепаратымен емделіп жүрген кезде жүктілік анықталса, дәрігер қадағалауымен емді ауыстыру қажет. Балама емдеу тәсілдері мүмкін емес немесе тиімсіз болған жағдайда Кордипин® ретард 20 мг препаратын жүктіліктің 20-аптасынан бастап қаншалықты пайдалы не қауіпті болатынын тиянақты бағалап барып қолдануға болады.

Кордипин® ретард 20 мг препаратын лактация кезеңінде қолданбаған жөн, себебі нифедипин (Кордипин® ретард 20 мг препаратының белсенді заты) емшек сүтімен бөлініп шығады және препараттың балаға ықтималды әсері туралы дерек жоқ. Лактация кезеңінде Кордипин® ретард 20 мг препаратын қолдану қажет болғанда бала емізуді тоқтатқан жөн.

Жекелеген жағдайларда, жатырға ұрықтанған жұмыртқа жасушасын қайта салумен жүргізілетін жасанды ұрықтандыру кезінде сперматозоидтар функциясының бұзылуы нифедипинді немесе соған ұқсас дәрілік заттарды қолданумен байланысты болған.

Препараттың көлік құралын және әлеуетті қауіпті механизмдерді басқару қабілетіне әсерінің ерекшеліктері

Бұл препаратты қолдану тұрақты медициналық бақылауды талап етеді. Препаратқа реакция әр адам үшін жеке болып табылады және оның тез жауап беру қабілетіңізге әсерінен сіздің көлік құралы мен әлеуетті қауіпті механизмдерді басқару қабілетіңіз немесе жұмысқа сенімді ептілік қабілетіңіз бұзылуы мүмкін. Әсіресе ем басында, дозасын арттырғанда немесе емді ауыстырғанда және алкогольмен араластырғанда.

Қолдану жөніндегі нұсқаулар

Дозалау режимі

Препаратты әрқашан емдеуші дәрігердің толықтай нұсқаулығы бойынша қабылдау қажет. Сұрақтар туындаған жағдайда дәрігерге немесе фармацевтке жүгіну керек.

Препарат дозасы аурудың ауырлығына және пациенттің реакциясына сәйкес жеке дара тағайындалады.

Нақты клиникалық көрінісіне қарай ұсынылған доза деңгейіне біртіндеп жеткізу қажет.

Кордипин® ретард 20 мг препаратын ферменттік жүйені (P450 3A4 цитохромы) тежейтін басқа дәрілік препараттармен бірге қолданған кезде Кордипин® ретард 20 мг дозасын түзету қажет болуы мүмкін («Басқа дәрілік препараттармен өзара әрекеттесуі» бөлімін қараңыз).

Артериялық қысымы жоғары және ми қанайналымының бұзылулары бар пациенттерге препарат дозасын төмен тағайындау керек (баяу босап шығатын нифедипин таблеткалары, 10 мг). Сондай-ақ, нифедипинге жағымсыз реакциясы бар болса да, дозасын біртіндеп көтеру керек деген пациенттерге 10 мг баяу босап шығатын нифедипин таблеткаларын қолдану арқылы дозаны жекелей түзету керек.

Кордипин® ретард 20 мг қабылдау арасының ұсынылатын аралығы шамамен 24 сағатты құрайды.

Егер басқаша қарастырылмаған болмаса, ересектер үшін мынадай дозалар ұсынылады:

Жеңіл және орташа дәрежелі эссенциальді гипертензия кезінде ұсынылатын бастапқы доза күніне бір рет 20 мг бір таблетканы құрайды. Қажет болған кезде аурудың ауырлығын және пациенттің реакциясын есепке ала отырып тиісінше күніне бір рет 90 мг дейін барынша арттырылуы мүмкін.

Созылмалы тұрақты стенокардияны профилактикалау үшін ұсынылатын бастапқы доза күніне бір рет 30 мг бір таблетканы құрайды. Аурудың ауырлығын және пациенттің реакциясын есепке ала отырып тиісінше күніне доза бір рет 90 мг дейін барынша арттырылуы мүмкін. Дилтиазем немесе верапамил сияқты кальцийдің басқа антагонистерімен ем Кордипин® ретард препаратына алмастырылған жағдайда, препараттың профилактикалық антиангинальді тиімділігі сақталады.

Бұрынырақ басқа кальций антогонистерін қабылдаған және нифедипин қабылдауды бастаған пациенттер емді тәулігіне бір рет ұсынылған бастапқы доза 30 мг-ден бастаулары тиіс.

Клиникалық қажеттілік жағдайында келесі титрді жоғары дозаға дейін бастауға болады.

CYP3А4 индукторларымен немесе тежегіштерімен бір мезгілде қолдану кезінде нифедипиннің дозасын түзету немесе оны тоқтату қажеттілігі пайда болуы мүмкін.

Егде жастағы пациенттер (> 65 жас)

Фармакокинетикалық деректер негізінде егде жастағы пациенттерде препараттың дозасын түзету талап етілмейді.

Бүйрек функциясының бұзылуы бар пациенттер

Дозаны түзету талап етілмейді.

Енгізу жолдары мен тәсілдері

Ішке қабылдауға арналған.

Кордипин® ретард 20 мг таблеткаларын бүтіндей, шайнамай, сұйықтықтың жеткілікті мөлшерімен (мысалы, стақан сумен) ішу, шамамен 24 сағаттық аралықпен дұрысы таңертең, күнде бір уақытта қабылдау керек.

Кордипин® ретард 20 мг таблеткаларын грейпфрут шырынымен ішпеу керек («Қабылдау уақыты белгіленген қабылдау жиілігі» бөлімін де қараңыз).

Баяу босап шығатын таблеткаларды әдетте тамақтан кейін қабылдау керек.

Белсенді заты нифедипин жарыққа сезімтал болғандықтан, баяу босап шығатын таблеткаларды бөлмеген жөн; әйтпесе, үлбірлі қабығы қамтамасыз ететін жарықтан қорғау кепілдігі күшін жоғалтады.

Қабылдау уақыты белгіленген қабылдау жиілігі

Грейпфрут шырыныКордипин® ретард 20 мг препаратының гипотензиялық әсерін күшейтуі мүмкін. Бұл әсер грейпфрут шырынын қабылдағаннан бастап кем дегенде 3 күнге дейін сақталады. Сол себептіКордипин® ретард 20 мг препаратын қабылдап жүргенде грейпфрут жемісін немесе шырынын тұтынудан аулақ болған жөн («Дозалау режимі» бөлімін де қараңыз).

Емдеу ұзақтығы

Емдеу ұзақтығын дәрігер белгілейді.

Егер Кордипин® ретард 20 мг әсері аса күшті немесе аса әлсіз болса, емдеуші дәрігерден немесе фармацевттен кеңес алу керек.

Артық дозаланған жағдайда қолдануға қажетті шаралар

Кордипин® ретард 20 мг препаратымен артық дозаланғанда артериялық қысымның қатты төмендеуін, жүрек қағысының бәсеңдеуін немесе жылдамдауын, тіпті сананың ұзақ уақытқа жоғалуына дейін сананың бұзылуын, қандағы қант деңгейінің артуын (гипергликемия), маңызды ағзаларға қан келуінің азаюын және өкпеде сұйықтықтың жиналуымен (өкпе ісінуі) болатын жүрек жеткіліксіздігінен болған шок тудыруы мүмкін.

Артық дозаланған жағдайда қажетті шараларды қолдану үшін бірден дәрігерге бару керек.

Дәрілік препараттың бір немесе бірнеше дозасын өткізіп алған кездегі қажетті шаралар

Өткізіп алған дозалардың орнын толтыру үшін препаратты екі еселеп қабылдамаған дұрыс.

Тоқтату симптомы қаупінің болуына көрсетілім

Алдын-ала дәрігердің кеңесінсіз Кордипин® ретард 20 мг препаратын үзбеу және тоқтатпау керек.

Кордипин® ретард 20 мг препаратымен емді тоқтатуды, әсіресе, үлкен дозада қабылдап жүргенде, біртіндеп жүзеге асыру керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Препаратты қолдану бойынша қосымша сұрақтар туындаған кезде емдеуші дәрігерден немесе фармацевтен кеңес алу керек.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қолданукерек шаралар

Өте жиі

- бас ауруы, сұйықтықтың іркілуімен байланысты тіндердің ісінуі

Жиі

- вертиго, бас айналу, әлсіздік, жүрек қағысының жиілеуі, қантамырлардың кеңеюі (гиперемия), іш қату, жүрек айну, аяқ-қолдың қызаруы мен ауыртатын ісінулері (әсіресе емдеу басында эритромелалгия), қатты тершеңдік, дімкәстік

Жиі емес

- аллергиялық реакциялар, тіндердің аллергиялық ісінуі, бет, ауыз бен тамақтың шырышты қабатының ісінуі (ангионеврозды ісіну), оның ішінде өмірге қауіп әкелуі мүмкін көмейдің ісінуі. Қышыну, бөртпе, мазасыздық, ұйқының бұзылуы, бас сақинасы, бұлшықет треморы, кейде ауыртатын (мысалы, шаншу) түйсіну бұзылыстары. Ұйқышылдық/шаршағыштық, күйгелектік, көздің бұлдырауы, пульс жиілігінің артуы, артериялық қысымның төмендеуі, қысқа уақытты талмалар, мұрыннан қан кету, мұрынның бітуі, ентігу,іштегі ауыру сезімі, асқазанның қорытпауы, метеоризм,ауыздың кебуі, бауыр ферменттері деңгейінің өтпелі жоғарылауы, қызудың көтерілуімен қызару, бұлшықеттің түйілуі, буындардың ісінуі, бұлшықеттегі ауыру, су ішу қажеттілігінің азаюы және несептің тәуліктік экскрециясының артуы, несептің ауыртып және қиналып шығуы. Бүйрек жеткіліксіздігі кезінде бүйрек функциясының уақытша нашарлауы, белсіздік, спецификалық емес ауыру сезімі, қалтырау.

Кейде, әсіресе ем басында, стенокардия болуы мүмкін немесе стенокардиясы бар пациенттерде ұстамаларының жиілігі, ұзақтығы және ауырлық дәрежесі артуы мүмкін.

Сирек

- қызыл және ақ қан жасушалары немесе тромбоциттердің азаюы (анемия, лейкопения, тромбоцитопения) секілді қан талдауындағы өзгерістер, тромбоциттер санының азаюынан болған (тромбоцитопениялық пурпура) теріден және шырышты қабаттардан қан кету, есекжем, қандағы қант деңгейінің артуы, қызылиектің өсуі, тәбеттің жоғалуы, тоқтық сезімі, кекіру, сарғаю, терінің аллергиялық фотосезімталдығы, терідегі және шырышты қабаттардағы білінетін қатты емес қан кету, ер адамдарда Кордипин® ретард 20 мг қабылдауды тоқтатқаннан кейін қалпына келетін кеуденің өсуі (гинекомастия).

Өте сирек

- белгілі бір лейкоциттер санының едәуір азаюы (агранулоцитоз), жүрек ұстамасы, себореялық дерматит (эксфолиативті дерматит).

Белгісіз (қолда бар деректер негізінде бағалау мүмкін емес)

- өмірге қауіп төндіруі мүмкін аллергиялық реакциялар (анафилактикалық/анафилактоидты реакциялар), сипап-сезудің өзгеруі, көздің ауыруы, ентігу, құсу, өңештің қабынуы, терінің сыртқы қабатының сылынуымен және ісінуімен жүретін өмірге қауіпті және ауыр тері зақымы (эпидермалды уытты некролиз), буындардағы ауыру.

Артериялық гипертензиясы және айналымдағы қан көлемінің азаюы бар диализде жүрген пациенттерде артериялық қысымның едәуір төмендеуі байқалуы мүмкін.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан РеспубликасыДенсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды, медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – нифедипин 20 мг

қосымша заттар: микрокристалды целлюлоза, глицерил пальмитостеараты, тальк, сусыз коллоидты кремнийдің қостотығы, натрий лаурилсульфаты, магний стеараты, повидон

үлбірлі қабық: метакрил қышқылы кополимері (6,567 мг 12,5% ерітіндіге сәйкес келетін құрғақ зат Эвдрагит Е12.5), тальк, титанның қостотығы (Е171), макрогол, хинолинді сары (Е104)

Сыртқы түрінің, иісінің, дәмінің сипаттамасы

Дөңгелек, сары түсті үлбірлі қабықпен қапталған, екі жақ беті сәл дөңес, жиегі кертілген таблеткалар.

Шығарылу түрі және қаптамасы

15 таблеткадан поливинилхлоридті/поливинилдихлоридті қызыл түсті үлбірден және алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында, 25 °С-ден аспайтын температурада, жарықтан және ылғалдан қорғалған жерде сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

КРКА, д.д., Ново место,

Шмарьешка цеста 6, 8501 Ново место, Словения

Тіркеу куәлігінің иесі

КРКА, д.д., Ново место,

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)

«КРКА Қазақстан» ЖШС

ҚР, 050059, Алматы қ., әл-Фараби д-лы 19,

«Нұрлы Тау» БО, 1б корпусы, 207 кеңсе

тел.: +7 (727) 311 08 09

факс: +7 (727) 311 08 12

info.kz@krka.biz