Фромилид УНО 500 мг, № 14, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фромилид УНО 500 мг, № 14, табл.

Қолжетімділігі
Тауар қолда жоқ
Үлгі
3838989544164
Елі
Словения
Өндіруші
KRKA d.d.
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фромилид® уно

Халықаралық патенттелмеген атауы

Кларитромицин

Дәрілік түрі, дозалануы

Босап шығуы ұзартылған, үлбірлі қабықпен қапталған таблеткалар, 500 мг

Фармакотерапиялық тобы

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Кларитромицин.

АТХ коды J01FА09

Қолданылуы

Фромилид® уно ересектер мен 12 жастағы және одан асқан балаларда қолдануға арналған:

- жоғарғы тыныс алу жолдарының инфекцияларында (тонзиллофарингит, жедел синусит)

- төменгі тыныс алу жолдарының инфекцияларында (жедел бактериялық бронхит, созылмалы бронхиттің асқынуы және пневмония)

- тері мен жұмсақ тіндердің инфекцияларында

Бактерияға қарсы агенттерді дұрыс пайдалану бойынша ресми ұсынымдарды ескеру қажет.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- макролидтер тобының антибиотиктеріне немесе қосымша заттардың кез келгеніне аса жоғары сезімталдық

- кларитромицин мен эрготаминді немесе дигидроэрготаминді бір мезгілде қолдануға болмайды, себебі бұл қастауыш туындыларының уыттылығына әкелуі мүмкін

- ауыр дәрежедегі бауыр жеткіліксіздігі

  • цизапридпен, домперидонмен, пимозидпен, астемизолмен, терфенадинмен бір мезгілде қолдану, себебі бұл QT аралығының ұзаруына және қарыншалық тахикардияны, қарыншалық фибрилляцияны және «пируэт» типті қарыншалық тахикардияны (torsades de pointes)қоса, аритмияның дамуына әкелуі мүмкін
  • порфирия
  • тұқым қуалайтын галактоза көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы
  • бүйрек жеткіліксіздігі (креатинин клиренсі 30 мл/мин кем)
  • бүйрек функциясының бұзылуымен бірге бауырдың ауыр жеткіліксіздігі
  • мидазоламды бір мезгілде пероральді қолдану
  • ранолазинмен, статиндермен, тикагрелормен бір мезгілде қабылдау
  • ломитапидпен бір мезгілде қолдану
  • рабдомиолизді қоса алғанда, миопатияның даму қаупінің жоғарылауына байланысты CYP3A4 (ловастатин немесе симвастатин) қарқынды метаболизденетін ГМГ-КоА-редуктаза тежегіштерімен (статиндермен) бір мезгілде қолдану. Басқа күшті CYP3A4 тежегіштеріндегідей, кларитромицинді колхицин қабылдайтын пациенттерге қолдануға болмайды.
  • ұзартылған QT синдромына шалдыққан және қарыншалық тахикардияны, қарыншалық фибрилляцияны және «пируэт» типті қарыншалық тахикардияны (torsades de pointes) қоса, аритмиясы дамитын пациенттер
  • электролиттік бұзылулары бар пациенттер (QT аралығының ұзару қаупіне байланысты гипокалиемия немесе гипомагниемия)
  • жүктілік және лактация кезеңі

Қолдану кезіндегі қажетті сақтық шаралары

Фромилид® уноны қабылдағанға дейін дәрігермен немесе фармацевтпен кеңесіңіз:

- егер сізде бүйрек кінәраттары болса,

- егер сізде бауыр функциясының бұзылуы болса,

- егер сіз колхицинді қабылдаған болсаңыз, ол елеулі жағымсыз әсерлерді туындатуы мүмкін,

- Фромилид® уноны ұзақ уақыт қолдану резистентті бактериялардың (суперинфекция) шамадан тыс өсуіне алып келуі мүмкін,

- егер сізде жүрек ауруына шалдықсаңыз,

- егер сізде жүрек соғысы баяу болса (брадикардия),

- егер сізде қандағы магний деңгейі төмен болса.

Басқа дәрілік препараттармен өзара әрекеттесуі

Дәрілік өзара әрекеттесудің ауыр салдарының ықтимал дамуына байланысты келесі препараттарды қолдану қатаң қарсы көрсетілімді:

Цизаприд, домперидон, пимозид, астемизол, терфенадин

Қан сарысуындағы цизаприд деңгейінің жоғарылауы кларитромицинмен бірге қолданғанда байқалды. Бұл QT аралығының ұзаруына және жүрек аритмиясының пайда болуына, соның ішінде қарыншалық тахикардияға, қарыншалардың фибрилляциясына және дірілдеу-жыпылықтауға әкелуі мүмкін. Осындай әсерлер кларитромицин мен пимозидті бірге қолданғанда да байқалған.

Макролидтер терфенадиннің метаболизмін өзгертетіні атап өтілді, осының нәтижесінде оның қан сарысуындағы концентрациясы жоғарылайды, бұл QT аралығының ұзаруына және жүрек аритмиясының, оның ішінде қарыншалық тахикардияның, қарыншалардың фибрилляциясының пайда болуына және дірілдеу-жыпылықтау туындатуы мүмкін.

Эрготамин/дигидроэрготамин

Кларитромицин мен эрготаминді немесе дигидроэрготаминді бір мезгілде қолдану орталық жүйке жүйесін қоса алғанда, аяқ-қолдың және басқа да тіндердің вазоспазмымен және ишемиясымен сипатталатын жедел эрготизм белгілерімен астасқаны белгілі. Кларитромицин мен осы дәрілік заттарды бір мезгілде қолдануға болмайды.

Пероральді мидазолам

Мидазоламды кларитромицин таблеткаларымен (күніне екі рет 500 мг) бір мезгілде қолданғанда мидазоламның AUC мидазоламды пероральді қабылдағаннан кейін 7 есе артты. Пероральді мидазолам мен кларитромицинді бір мезгілде қолдануға болмайды.

ГМГ-КоА-редуктаза тежегіштері (статиндер)

Кларитромицинді ловастатинмен немесе симвастатинмен біріктіріп қолдануға болмайды, өйткені бұл статиндер негізінен CYP3A4 ферментімен метаболизденеді және кларитромицинмен қатар емдеу олардың қан плазмасындағы концентрациясын арттырады, бұл рабдомиолизді қоса, миопатияның даму қаупін арттырады. Кларитромицинді статиндермен бірге қолданғанда пациенттерде рабдомиолиздің дамуы туралы хабарланды. Кларитромицинмен емдеу қажет болған жағдайда ловастатинмен немесе симвастатинмен емдеуді емдеу курсы ішінде тоқтату керек.

Кларитромицинді статиндермен тағайындағанда сақ болу керек. Кларитромицинді статиндермен бір мезгілде қолдану қажет болған жағдайларда статиннің ең аз тіркелген дозасын тағайындау ұсынылады. CYP3A метаболизміне тәуелді емес статиндердің (мысалы, флувастатин) қолдануы қарастырылуы мүмкін. Пациенттерді миопатияның белгілері мен симптомдарына бақылау қажет.

Ломитапид

Кларитромицинді ломитапидпен бір мезгілде қолдану трансаминазалар деңгейінің ықтимал елеулі артуына байланысты қарсы көрсетілімді.

Басқа дәрілік заттардың кларитромицин фармакокинетикасына әсері:

CYP3A индукторлары болып табылатын дәрілік заттар (мысалы, рифампицин, фенитоин, карбамазепин, фенобарбитал, шайқурай препараттары) кларитромицин метаболизмін индукциялауы мүмкін. Бұл кларитромициннің субтерапиялық концентрациясына және оның тиімділігінің төмендеуіне әкелуі мүмкін. Бұдан басқа, CYP3A индукторының кларитромицинмен CYP3A тежелуіне байланысты жоғарылауы мүмкін плазмалық концентрацияларының мониторингі талап етілуі мүмкін (сондай-ақ тиісті CYP3A4 индукторының медициналық қолдану жөніндегі нұсқаулықты қараңыз). Рифабутин мен кларитромицинді бір мезгілде қолдану рифабутин концентрациясының жоғарылауына және плазмадағы кларитромицин концентрациясының төмендеуіне, увеиттің даму қаупінің бір мезгілде артуына алып келді.

Қандағы кларитромицин концентрациясына келесі дәрілік заттардың әсері белгілі немесе болжанады, сондықтан дозаны өзгерту немесе баламалы емді қолдану қажет болуы мүмкін:

Эфавиренз, невирапин, рифампицин, рифабутин және рифапентин

Эфавиренз, невирапин, рифампицин, рифабутин және рифапентин сияқты Р450 цитохромы жүйесінің изоферменттерінің қуатты индукторлары кларитромициннің метаболизмін оның қан плазмасындағы концентрациясын төмендету арқылы жеделдете алады, бірақ микробиологиялық белсенді метаболит - 14-ОН-кларитромициннің концентрациясын арттырады. Кларитромициннің және 14-ОН-кларитромициннің микробиологиялық белсенділігі әртүрлі бактерияларға қатысты әртүрлі болғандықтан, кларитромицин мен Р450 цитохромы жүйесінің изоферменттерінің индукторларын бірге қолдану салдарынан күтілетін емдік әсерге қол жеткізілмеуі мүмкін.

Этравирин

Кларитромицин концентрациясы этравиринді пайдалану кезінде төмендейді, бірақ белсенді метаболит - 14-ОН-кларитромициннің концентрациясы артады. 14-ОН-кларитромициннің Mycobacterium avium complex (MAC) инфекцияларына қатысты белсенділігі төмен болғандықтан, олардың қоздырғыштарына қатысты жалпы белсенділік өзгеруі мүмкін, сондықтан MAC емдеу үшін баламалы емдеуді қарастырған жөн.

Флуконазол

Күн сайын 200 мг дозада флуконазолды және 21 дені сау еріктіде тәулігіне екі рет 500 мг дозада кларитромицинді бірлесіп қабылдау кларитромициннің ең төменгі тепе-теңдік концентрациясының (Cmin) орташа мәнінің және фармакокинетикалық қисық астындағы ауданның (AUC) 33% және тиісінше 18% - ға ұлғаюына әкелді. Бұл ретте бірге қабылдау белсенді метаболит - 14-ОН-кларитромициннің тепе-теңдік концентрациясына айтарлықтай әсер еткен жоқ. Флуконазолды қатар қабылдаған жағдайда кларитромицин дозасын түзету талап етілмейді.

Ритонавир

Әрбір 8 сағат сайын 200 мг дозада ритонавирді және әрбір 12 сағат сайын 500 мг дозада кларитромицинді бірге қабылдау кларитромицин метаболизмінің елеулі бәсеңдеуіне әкелгені хабарланды. Ритонавирді бірге қабылдаған кезде кларитромициннің Cmax 31% - ға, Cmin 182% - ға және AUC 77% - ға өсті. 14-ОН-кларитромицин түзілуінің толық басылуы байқалды. Кларитромициннің кең емдік ауқымының арқасында бүйрек функциясы қалыпты пациенттерде оның дозасын азайту талап етілмейді. Алайда, бүйрек жеткіліксіздігі бар пациенттерде дозаны түзетудің мынадай нұсқаларын қарастырған жөн: КК 30-60 мл/мин кезінде кларитромицин дозасы 50% - ға азайтылуы тиіс; КК 30 мл/мин-ден аз болған кезде кларитромицин дозасы 75% - ға азайтылуы тиіс. Ритонавирді кларитромицинмен бірге тәулігіне 1 г асатын дозада қабылдауға болмайды.

Осындай доза түзетуді атазанавир мен саквинавирді қоса алғанда, АИТВ-протеазасының басқа тежегіштерімен бірге ритонавирді фармакокинетикалық күшейткіш ретінде қолданғанда бүйрек функциясы бұзылған пациенттерде жүргізген жөн (төменде көрсетілген Екі бағытты дәрілік өзара әрекеттесулер бөлімін қараңыз).

Кларитромициннің басқа дәрілік заттардың фармакокинетикасына әсері:

CYP3A байланысты өзара әрекеттесулер

CYP3A изоферментінің белгілі тежегіші кларитромицинді және негізінен CYP3A қатысуымен метаболизденетін препаратты бірге қолдану осы препараттың қан плазмасындағы концентрациясының жоғарылауына әкеледі, бұл өз кезегінде емдік әсерді және жағымсыз реакциялардың туындау қаупін күшейтуі немесе ұзартуы мүмкін.

Кларитромицинді қолдану QT аралығының ұзару және қарыншалық тахикардияны, қарыншалық фибрилляцияны және пируэтті тахикардияны қоса, жүрек аритмиясының даму қаупіне байланысты астемизол, цизаприд, домперидон, пимозид және терфенадин сияқты CYP3A субстраттарын алатын пациенттерге қарсы көрсетілген.

Кларитромицинді бір мезгілде қолдану негізінен CYP3A4 (мысалы, ловастатинмен және симвастатинмен), колхицинмен, тикагрелормен және ранолазинмен метаболизденетін, қастауыш алкалоидтарымен, пероральді мидазоламмен, HMG CoA-редуктаза тежегіштерімен қолдануға болмайды.

Кларитромицинді CYP3A субстраттары болып табылатын дәрілік препараттармен ем алатын пациенттерде, әсіресе, егер осы препараттар тар қауіпсіздік бейініне (мысалы, карбамазепин) ие болса және/немесе осы изоэнзиммен экстенсивті метаболизденсе, оларды қолданған кезде сақ болған жөн. Дозаларды мүмкіндігінше түзету мүмкіндігін қарастыру керек, сондай-ақ кларитромицинді бір мезгілде қабылдайтын пациенттерде CYP3A изоферментімен алғашқы метаболизденетін дәрілік препараттардың сарысулық концентрациясына мұқият мониторинг жүргізу ұсынылады. Келесі дәрілік препараттар немесе препараттар топтары бір CYP3A изоферментімен метаболизденетіні белгілі (немесе болжанып отыр) (тізім толық болып табылмайды): алпразолам, карбамазепин, цилостазол, циклоспорин, дизопирамид, ибрутиниб, метилпреднизолон, мидазолам (вена ішіне), омепразол, пероральді антикоагулянттар (мысалы, варфарин, ривароксабан, апиксабан, атипиялық нейролептиктер (мысалы, кветиапин), хинидин, рифабутин, силденафил, сиролимус, такролимус, триазолам және винбластин.

Өзара әрекеттесудің ұқсас механизмі P450 цитохромы жүйесінің басқа изоферментімен метаболизденетін фенитоин, теофиллин және вальпроатты қолдану кезінде байқалады.

Тікелей әсер ететін пероральді антикоагулянттар

Тікелей әсер ететін пероральді антикоагулянттар: дабигатран P-gp тасымалдаушысының субстраты болып табылады. Ривароксабан мен апиксабан CYP3A4 арқылы метаболизденеді және P-gp үшін субстрат болып табылады. Кларитромицинді осы препараттармен, әсіресе қан кету қаупі жоғары пациенттерге бір мезгілде қолданғанда сақ болу керек.

Аритмияға қарсы дәрілер

Кларитромицинді хинидинмен немесе дизопирамидпен бір мезгілде қолданғанда пайда болған "пируэт" типті қарыншалық тахикардияның дамуы туралы деректер бар. Кларитромицинді осы препараттармен бірге қолдану кезінде QT аралығының ұзаруын уақтылы анықтау үшін ЭКГ-мониторинг жүргізу ұсынылады. Кларитромицинмен емдеу кезінде қан плазмасындағы хинидин мен дизопирамидтің концентрациясын бақылау керек.

Кларитромицинді дизопирамидпен бір мезгілде қолданғанда пайда болған гипогликемияның дамуы туралы маркетингтен кейінгі хабарламалар бар. Сондықтан кларитромицинді дизопирамидпен бірге қолдану кезінде қандағы глюкоза деңгейіне мониторинг жүргізу ұсынылады.

Пероральді гипогликемиялық дәрілер/инсулин

Кларитромицинді және натеглинид және репаглинид сияқты кейбір гипогликемиялық дәрілерді бірге қолданған кезде CYP3A изоферментін кларитромицинмен тежеу орын алуы мүмкін, оның нәтижесі гипогликемия болуы мүмкін. Қандағы глюкоза деңгейін мұқият бақылау ұсынылады.

Омепразол

Кларитромицин мен омепразолды бірге қолданған кезде омепразолдың тепе-тең плазмалық концентрациясы (Cmax, AUC0-24 және T1/2 30%, 89% және тиісінше 34% - ға артқан) жоғарылаған. 24 сағат ішінде асқазанның рН орташа мәні омепразолды жеке қабылдаған кезде 5,2-ні және омепразолды кларитромицинмен бірге қабылдаған кезде 5,7-ні құрады.

Силденафил, тадалафил және варденафил

Осы фосфодиэстераза тежегіштерінің әрқайсысы кем дегенде ішінара CYP3A қатысуымен метаболизденеді. Сонымен қатар, CYP3A кларитромициннің қатысуымен тежелуі мүмкін. Кларитромицинді силденафилмен, тадалафилмен немесе варденафилмен бірге қолдану фосфодиэстеразаға тежейтін әсердің ұлғаюына әкелуі мүмкін. Осы препараттарды кларитромицинмен бірге қолданғанда силденафил, тадалафил және варденафил дозасын азайту мүмкіндігін қарастыру керек.

Теофиллин, карбамазепин

Клиникалық зерттеулер нәтижелері қан плазмасындағы теофиллин немесе карбамазепин концентрациясының кларитромицинмен уақтылы қолданған кезде болмашы, бірақ статистикалық маңызды (p < 0,05) ұлғайғанын көрсетті. Дозаны азайту қажет болуы мүмкін.

Толтеродин

Толтеродиннің бастапқы метаболизмі Р450 цитохромының 2D6 изоформасы (CYP2D6) арқылы жүзеге асырылады. Алайда, CYP2D6-дан айырылған популяция бөлігінде метаболизм CYP3A арқылы жүреді. Бұл популяция тобында CYP3A-ны басу сарысудағы толтеродиннің едәуір жоғары концентрациясына әкеледі. CYP2D6 арқылы метаболизм деңгейі төмен популяцияда кларитромицин сияқты СУР3А тежегіштерінің қатысуымен толтеродин дозасын төмендету қажет болуы мүмкін.

Триазолбензодиазепиндер (мысалы, алпразолам, мидазолам, триазолам)

Мидазолам мен кларитромицинді таблеткалар түрінде (тәулігіне екі рет 500 мг) бірге қолданған кезде мидазоламның AUC ұлғаюы байқалды: мидазоламды вена ішіне енгізгеннен кейін 2,7 есе және пероральді қабылдағаннан кейін 7 есе. Мидазолам мен кларитромицинді бірге пероральді қабылдаудан аулақ болу керек. Егер кларитромицинмен бірге мидазоламның вена ішіне түрі қолданылса, дозаны түзету үшін пациенттің жағдайын мұқият бақылау керек. Осындай сақтық шараларын CYP3A метаболизденетін басқа бензодиазепинамдарға, триазолам мен алпразоламды қоса алғанда, қолданған жөн. Шығарылуы CYP3A-ға (темазепам, нитразепам, лоразепам) тәуелді емес бензодиазепиндер үшін кларитромицинмен клиникалық мәнді өзара әрекеттесуі екіталай.

Кларитромицин мен триазоламды бірге қолданғанда дәрілік өзара әрекеттесу және орталық жүйке жүйесі тарапынан (ОЖЖ) жағымсыз әсерлердің (ұйқышылдық және сананың шатасуы сияқты) дамуы туралы маркетингтен кейінгі хабарламалар бар. ОЖЖ фармакологиялық әсерін күшейту мүмкіндігін ескере отырып, пациенттің жағдайын бақылау керек.

Басқа препараттармен өзара әрекеттесуі:

Аминогликозидтер

Кларитромицинді басқа отоуытты препараттармен, әсіресе аминогликозидтермен бір мезгілде сақтықпен тағайындау ұсынылады.

Колхицин

Колхицин CYP3A және Р-гликопротеид (Pgp) тасымалдаушы ақуызының субстраты болып табылады. Кларитромицин және басқа макролидтер CYP3A және Pgp тежегіштері екені белгілі. Кларитромицин мен колхицинді бірге қабылдаған кезде Pgp және/немесе CYP3A тежелуі колхицин әсерінің күшеюіне әкелуі мүмкін. Колхицинмен уланудың клиникалық симптомдарының дамуын бақылау керек.

Дигоксин

Дигоксин Р-гликопротеидті тасымалдаушы ақуыз (Pgp) үшін субстрат болып табылады деп болжанады. Кларитромициннің Pgp тежейтіні белгілі. Кларитромицин мен дигоксинді бірге қабылдаған кезде кларитромицинмен Pgp тежелуі дигоксин әсерінің күшеюіне әкелуі мүмкін. Маркетингтен кейінгі бақылау кезінде кларитромицинді дигоксинмен бірге қабылдайтын пациенттерде қан плазмасындағы дигоксин концентрациясының жоғарылауы туралы хабарланды. Кейбір пациенттерде өлімге әкелетін аритмияны қоса, дигоксиннің уыттылық белгілері дамыған. Кларитромицинмен бірге қолданғанда пациенттерде қан плазмасындағы дигоксин концентрациясын мұқият бақылау керек.

Зидовудин

Ересек АИТВ-жұқтырған пациенттермен кларитромицин мен зидовудин таблеткаларын бір мезгілде пероральді қабылдау зидовудиннің тепе-теңдік концентрациясының төмендеуіне әкелуі мүмкін. Кларитромицин пероральді қабылдаған кезде зидовудиннің сіңуіне әсер ететіндіктен, кларитромицин мен зидовудинді 4 сағат аралықпен қабылдау арқылы өзара әрекеттесуді едәуір дәрежеде болдырмауға болады. Кларитромициннің зидовудинмен немесе дидезоксинозинмен балалар суспензиясын қабылдаған АИТВ жұқтырған балаларда мұндай өзара әрекеттесу байқалмады. Кларитромицинді вена ішіне қолданғанда мұндай өзара әрекеттесудің болуы екіталай.

Фенитоин және вальпроат

Кларитромицинді қоса алғанда, CYP3A тежегіштерінің CYP3A изоферментімен метаболизденбейді деп есептелетін дәрілік заттармен (мысалы, фенитоин және вальпроат) өзара әрекеттесуі туралы өздігінен келіп түсетін немесе жарияланған хабарламалар бар. Кларитромицинмен бір мезгілде тағайындағанда осы дәрілік заттардың қан плазмасындағы концентрациясын анықтау ұсынылады. Плазмалық концентрацияның жоғарылауы туралы хабарланды.

Препараттардың екі жақты өзара әрекеттесуі:

Атазанавир

Кларитромицин мен атазанавир CYP3A субстраттары да, тежегіштері де болып табылады. Бұл препараттардың екі жақты өзара әрекеттесуінің дәлелі бар. Кларитромицинді (тәулігіне екі рет 500 мг) және атазанавирді (тәулігіне бір рет 400 мг) бірге қолдану кларитромицин әсерінің екі есе артуына және атазанавирдің AUC 28%-ға ұлғаюымен 14-ОН-кларитромицин әсерінің 70% - ға төмендеуіне әкелуі мүмкін.

Кларитромициннің кең емдік ауқымының арқасында бүйрек функциясы қалыпты пациенттерде оның дозасын азайту талап етілмейді. Орташа бүйрек жеткіліксіздігі (КК 30-60 мл/мин) бар пациенттерде кларитромицин дозасы 50% - ға азайтылуы тиіс. КК 30 мл/мин кем пациенттерде кларитромицин дозасын ол үшін кларитромициннің тиісті дәрілік түрін пайдалана отырып, 75% - ға төмендету керек. Кларитромицинді тәулігіне 1000 мг асатын дозада протеаза тежегіштерімен бірге қолдануға болмайды.

Кальций өзекшелерінің блокаторлары

Кларитромицинді және CYP3A4 изоферментімен (мысалы, верапамил, амлодипин, дилтиазем) метаболизденетін кальций өзекшелерінің блокаторларын бір мезгілде қолданғанда, артериялық гипотензияның туындау қаупі бар болғандықтан, сақтық таныту керек. Кларитромициннің, сондай-ақ кальций өзекшелері блокаторларының плазмалық концентрациясы бір мезгілде қолданғанда жоғарылауы мүмкін. Артериялық гипотензия, брадиаритмия және лактоацидоз кларитромицин мен верапамилді бір мезгілде қабылдағанда орын алуы мүмкін.

Итраконазол

Кларитромицин және итраконазол CYP3A субстраттары мен тежегіштері болып табылады, бұл препараттардың екі бағытты өзара әрекеттесуін анықтайды. Кларитромицин қан плазмасындағы итраконазол концентрациясын жоғарылатуы мүмкін, ал итраконазол кларитромициннің плазмалық концентрациясын арттыруы мүмкін. Итраконазол мен кларитромицинді бір мезгілде қабылдайтын пациенттерді осы препараттардың фармакологиялық әсерінің күшеюі немесе ұзақтығының артуы симптомдарының болуына мұқият тексеру керек.

Саквинавир

Кларитромицин және саквинавир CYP3A субстраттары мен тежегіштері болып табылады, бұл препараттардың екі бағытты өзара әрекеттесуін анықтайды. 12 сау еріктілерде кларитромицинді (тәулігіне екі рет 500 мг) және саквинавирді (жұмсақ желатинді капсулаларда, тәулігіне үш рет 1200 мг) бір мезгілде қолдану саквинавирді жеке қабылдаумен салыстырғанда саквинавирдің AUC және Cmax 177% және тиісінше 187% - ға ұлғаюын туындатты. Кларитромициннің AUC және Cmax мәндері кларитромицинмен монотерапияға қарағанда шамамен 40%-ға жоғары болды. Осы екі препаратты шектеулі уақыт ішінде жоғарыда көрсетілген дозаларда/құрамдарда бірге қолданған кезде дозаны түзету талап етілмейді. Жұмсақ желатинді капсулаларда саквинавирді пайдалана отырып, дәрілік өзара әрекеттесуді зерттеу нәтижелері қатты желатинді капсулалардағы саквинавирді қолданғанда байқалатын әсерлерге сәйкес келмеуі мүмкін. Саквинавирмен жүргізілетін монотерапия кезіндегі дәрілік өзара әрекеттесулерді зерттеу нәтижелері саквинавирмен/ритонавирмен емдеу кезінде байқалатын әсерлерге сәйкес келмеуі мүмкін. Саквинавирді ритонавирмен бірге қабылдаған кезде ритонавирдің кларитромицинге ықтимал әсерін ескеру керек.

Арнайы ескертулер

Helicobacter pylori инфекциясын емдеу үшін кез келген микробқа қарсы емді, оның ішінде кларитромицинді қолдану микробты резистенттіліктің дамуына әкеп соғуы мүмкін.

Кларитромицинді жүкті әйелдерге, әсіресе жүктіліктің алғашқы үш айында, пайда мен қауіп арақатынасын мұқият саралаусыз қолдануға болмайды.

Бауыр жеткіліксіздігі

Кларитромицин негізінен бауыр арқылы шығарылады. Сондықтан бауыр функциясы бұзылған пациенттерге антибиотикті тағайындағанда сақ болу керек. Сондай-ақ, бүйрек функциясы қалыптыдан ауыр түріне дейін бұзылған пациенттерге кларитромицин тағайындағанда сақ болу керек.

Кларитромицинді қабылдау кезінде бауыр ферменттері деңгейінің жоғарылауын, сондай-ақ гепатоцеллюлярлы және/немесе холестаздық гепатитті қоса, сарғаюмен немесе онсыз бауыр функциясының бұзылғаны туралы хабарланды. Бауыр функциясының бұзылуы ауыр болуы мүмкін, бірақ әдетте қайтымды құбылыс болып табылады.

Өліммен аяқталатын бауыр жеткіліксіздігінің даму жағдайлары туралы хабарланды. Кейбір пациенттерде бауырдың бұрыннан бар аурулары болған немесе басқа гепатоуыттылық дәрілік заттарды қабылдаған болуы мүмкін. Егер анорексия, сарғаю, күңгірт несеп, қышыну немесе құрсақ қуысы тұсындағы ауру сияқты бауыр ауруының белгілері мен симптомдары пайда болса, пациенттерге емдеуді тоқтатып, өз дәрігеріне жүгінуді ұсыну керек.

Макролидтерді қоса, іс жүзінде барлық бактерияға қарсы препараттарды қолданғанда жалған жарғақшалы колиттің дамуы туралы хабарланды және аурудың ауырлығында жеңіл түрінен өмірге қауіп төндіретін түрге дейін өзгеруі мүмкін. Кларитромицинді қоса, іс жүзінде барлық бактерияға қарсы препараттарды қолданғанда Clostridium difficile - астасқан диареяның (CDAD) дамуы туралы хабарланды және ауырлығы диареяның жеңіл түрінен өлімге әкелетін колитке дейін өзгеруі мүмкін. Бактерияға қарсы препараттармен емдеу ішектің қалыпты флорасын өзгертеді, бұл C. difficile жоғары өсуіне әкелуі мүмкін.Антибиотиктерді қолданғаннан кейін диареямен ауыратын барлық пациенттерде CDAD мүмкіндігі қарастырылуы керек. Анамнезді мұқият талдау қажет, өйткені CDAD дамуы бактерияға қарсы емге аяқталғаннан кейін 2 айдан кейін хабарланған. Сондықтан кларитромицинмен емдеуді тоқтатуды көрсетілімдерге қарамастан қарау керек. Микробиологиялық зерттеу жүргізу және тиісті емдеуді бастау керек. Перистальтиканы тежейтін дәрілік препараттарды қолданудан аулақ болу керек.

Әсіресе кейбіреулері бүйрек жеткіліксіздігі бар пациенттерде орын алған егде жастағы адамдарда кларитромицин мен колхицинді бір мезгілде қолданғанда колхициннің уыттылығы туралы маркетингтен кейінгі хабарламалар бар. Кейбір осындай пациенттердің қайтыс болғаны туралы хабарланды. Кларитромицин мен колхицинді бір мезгілде қолдануға болмайды.

Кларитромицин мен триазолбензодиазепиндерді, мысалы, триазолам, мидазолам бір мезгілде сақтықпен қолдану керек.

Кларитромицинді басқа отоуытты препараттармен, әсіресе аминогликозидтермен бір мезгілде сақтықпен тағайындау ұсынылады. Емдеу кезінде және одан кейін вестибулярлық және есту функцияларына мониторинг жүргізу қажет.

Жүрек-қантамыр жүйесі

Кларитромицинді қоса, макролидтерді қабылдаған пациенттерде torsade de pointes типті жүрек аритмиясы мен қарыншалық тахикардияның даму қаупін куәландыратын жүректің реполяризациясына әсерін көрсететін QT аралығының ұзаруы байқалды.

QT аралығының және қарыншалық аритмиялардың (torsade de pointes қоса) ұзару қаупінің жоғары болуына байланысты кларитромицинді қолдануға: астемизол, цизаприд, домперидон, пимозид және терфенадин қабылдайтын пациенттерге; гипокалиемиясы бар пациенттерге; анамнезінде QT аралығының ұзаруы немесе қарыншалық аритмиясы бар пациенттерге қолдануға болмайды.

Бұдан басқа, кларитромицинді мынадай жағдайларда сақтықпен қолдану керек:

- жүректің ишемиялық ауруы, ауыр жүрек жеткіліксіздігі, өткізгіштіктің бұзылуы немесе клиникалық маңызды брадикардиясы бар пациенттер.

- әсері қарсы көрсетілімдерден басқа, QT аралығының ұзаруымен қатар жүретін басқа медициналық препараттарды қатар қабылдайтын пациенттер.

Жағымсыз жүрек-қантамыр нәтижесінің қаупін бағалау бойынша эпидемиологиялық зерттеулер құбылмалы нәтижелер көрсеткені туралы хабарламалар бар. Кейбір бақылау зерттеулерінде макролидтерді, соның ішінде кларитромицинді қолданумен байланысты аритмия, миокард инфарктісі және жүрек-қантамыр ауруынан болған өлімнің даму қаупі анықталды. Кларитромицин тағайындау кезінде алынған ақпаратты назарға алу және емдеудің артықшылықтарын ескеру қажет.

Пневмония

Пневмония: Streptococcus pneumoniae макролидтерге резистенттіліктің болуы мүмкін болғандықтан, ауруханадан тыс пневмонияны емдеу үшін кларитромицин тағайындау кезінде сезімталдыққа тест жүргізу маңызды. Ауруханалық пневмония жағдайында кларитромицинді басқа тиісті антибиотиктермен біріктірілімде қолданған жөн.

Жеңіл және орташа ауырлықтағы тері мен жұмсақ тіндердің инфекциялары

Бұл инфекциялар көбінесе Staphylococcus aureus және Streptococcus pyogenes микроорганизмдерінен туындайды, олардың әрқайсысы макролидтерге резистентті болуы мүмкін. Сондықтан сезімталдықты тексеру маңызды. Бета-лактамды антибиотиктерді (мысалы, аллергия) қолдану мүмкін болмаған жағдайда, басқа антибиотиктерді, мысалы, клиндамицинді алғашқы таңдау препараттары ретінде қолдануға болады. Қазіргі уақытта макролидтер терінің және жұмсақ тіндердің кейбір инфекцияларын емдеуде ғана маңызды рөл атқарады, мысалы, Corynebacterium minutissimum, acne vulgaris және erysipelas туындатқан инфекциялар және пенициллинмен емдеуді қолдануға болмайтын жағдайлар.

Анафилаксия, терінің ауыр жағымсыз реакциялары (SCAR) (мысалы, жедел жайылған экзантематозды пустулез (AGEP), Стивенс-Джонсон синдромы, уытты эпидермальді некролиз және эозинофилиямен және жүйелік симптомдармен (DRESS) дәрілік реакция сияқты аса жоғары сезімталдықтың ауыр жедел реакциялары дамыған кезде кларитромицинмен емдеуді дереу тоқтатып, дереу тиісті емдеуді бастау керек.

ГМГ-КоА-редуктаза тежегіштері (статиндер)

Кларитромицинді ловастатинмен немесе симвастатинмен біріктіріп қолдануға болмайды. Кларитромицинді басқа статиндермен тағайындағанда сақ болу керек. Кларитромицинді статиндермен бірге қолданғанда пациенттерде рабдомиолиздің дамуы туралы хабарланды. Пациенттерді миопатияның белгілері мен симптомдарына бақылау қажет. Кларитромицинді статиндермен бір мезгілде қолдану қажет болған жағдайларда статиннің ең аз тіркелген дозасын тағайындау ұсынылады. CYP3A метаболизміне тәуелді емес статиндердің (мысалы, флувастатин) қолдануы қарастырылуы мүмкін.

Пероральді гипогликемиялық дәрілер/инсулин

Кларитромицинді және пероральді гипогликемиялық дәрілерді (сульфонилмочевиналар сияқты) және/немесе инсулинді біріктіріп қолдану айқын гипогликемияны туындатуы мүмкін. Қандағы глюкоза деңгейін мұқият бақылау ұсынылады.

Пероральді антикоагулянттар

Варфарин мен кларитромицинді бір мезгілде қолданған кезде қатты қан кетулердің даму және халықаралық қалыптасқан қатынастар (ХҚҚ) мен протромбиндік уақыттың едәуір арту қаупі бар. Кларитромицин мен пероральді антикоагулянттарды бір мезгілде қабылдайтын пациенттерде ХҚҚ мен протромбиндік уақытты мұқият бақылау керек.

Кларитромицинді дабигатран, ривароксабан және апиксабан сияқты тікелей әсер ететін пероральді антикоагулянттармен, әсіресе қан кету қаупі жоғары пациенттерге бір мезгілде қолданғанда сақ болу керек.

Ұзақ уақыт бойы қолдану, басқа антибиотиктер сияқты, сезімтал бактериялар мен зеңдердің шамадан тыс өсуіне әкелуі мүмкін. Суперинфекция пайда болған кезде кларитромицин қолдануды тоқтатып, тиісті емді бастау керек.

Кларитромицин мен басқа макролидтер, сондай-ақ линкомицин мен клиндамицин арасындағы айқаспалы резистенттіліктің мүмкіндігіне де назар аудару керек.

Педиатрияда қолдану

12 жасқа дейінгі балаларда пероральді қолдану үшін 175 мг/5 мл суспензия түріндегі Фромилид ® препаратын қолдану ұсынылады.

Қосымша заттар туралы арнайы ақпарат

Лактоза

Фромилид® уно құрамында лактоза бар. Егер сіздің дәрігеріңіз сізде кейбір қанттарға төзбеушілік бар деп айтса, осы дәрілік препаратты қабылдамас бұрын дәрігерге қаралыңыз.

Натрий

Фромилид® уно құрамында натрий бар. Әрбір Фромилид® уно таблеткасының құрамында 12,85 мг натрий бар.

Препарат құрамында бір таблеткаға 1 ммольден (23 мг) аз натрий бар, яғни ол «натрийден бос» болып табылады.

Фромилид®уно 2 таблеткасының дозасының құрамында 25,7 натрий бар, бұл ДДҰ ересек адам үшін ұсынған ең жоғары тәуліктік доза– 2 г натрийдің 1,285% - на баламалы.

Педиатрияда қолдану

Препаратты 12 жасқа дейінгі балаларда қолдану зерттелмеген.

Жүктілік немесе лактация кезінде

Жүктілік

Дәрігерлер кларитромицинді жүкті әйелдерге, әсіресе жүктіліктің алғашқы үш айында пайдасы мен қаупін мұқият бағаламай тағайындамауы керек.

Әйелдерде жүктілік кезінде кларитромицин қолдану қауіпсіздігі анықталмаған.

Жануарларға жүргізілген зерттеулер кезінде алынған әртүрлі нәтижелердің және адамда қолдану тәжірибесінің негізінде эмбриофетальді дамуға жағымсыз әсердің даму мүмкіндігі жоққа шығарылмайды. Кларитромициннің жүктіліктің бірінші және екінші триместріндегі әсерін бақылаудағы кейбір зерттеулерде сол кезеңде антибиотиктерді қолданудың болмауымен салыстырғанда түсік қаупінің жоғарылауы туралы хабарланды. Макролидтерді, кларитромицинді қоса алғанда, жүктілік кезінде елеулі туа біткен даму ақауларының даму қаупін қолда бар эпидемиологиялық зерттеулер қарама-қайшы нәтижелер береді. Сондықтан препаратты жүктілік кезінде қолдану артықшылықтары мен қауіптерін мұқият саралаусыз ұсынылмайды.

Емшек емізу

Бала емізу кезінде кларитромицинді қолдану қауіпсіздігі анықталмаған.Кларитромицин аз мөлшерде емшек сүтімен шығарылады. Тек емшек сүтімен қоректенетін нәресте ананың дене салмағына түзетілген кларитромицин дозасының шамамен 1,7% алады деп есептелген. Препаратты қолданған кезде бала емізу ұсынылмайды.

Фертильділігі

Егеуқұйрықтардағы фертильділікті зерттеу жағымсыз әсердің қандай да бір белгілерін анықтаған жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобильді басқару кезінде немесе басқа да қауіпті механизмдермен жұмыс істеу кезінде пациенттің психомоторлық реакцияларының жылдамдығына әсер етпейді.

Қолдану жөніндегі ұсынымдар

Дозалау режимі

Ересектер мен 12 жастан асқан балаларға әдетте әрбір 24 сағат сайын 500 мг 1 таблетка тағайындалады. Ауыр инфекцияларды емдеу үшін тәуліктік дозаны әр 24 сағат сайын 500 мг 2 таблеткаға дейін арттырады.

Емдеудің әдеттегі ұзақтығы 6-дан 14 күнге дейін.